॥ Dhanvantari Ashtottarashata Namavali Gujarati Lyrics ॥
શ્રીધન્વન્તર્યષ્ટોત્તરશતનામાવલિઃ
ૐ ધન્વન્તરયે નમઃ । સુધાપૂર્ણકલશાઢ્યકરાય । હરયે ।
જરામૃતિત્રસ્તદેવપ્રાર્થનાસાધકાય । પ્રભવે । નિર્વિકલ્પાય ।
નિસ્સમાનાય । મન્દસ્મિતમુખામ્બુજાય । આઞ્જનેયપ્રાપિતાદ્રયે ।
પાર્શ્વસ્થવિનતાસુતાય । નિમગ્નમન્દરધરાય । કૂર્મરૂપિણે ।
બૃહત્તનવે । નીલકુઞ્ચિતકેશાન્તાય । પરમાદ્ભુતરૂપધૃતે ।
કટાક્ષવીક્ષણાશ્વસ્તવાસુકયે । સિંહવિક્રમાય ।
સ્મર્તૃહૃદ્રોગહરણાય । મહાવિષ્ણ્વંશસમ્ભવાય ।
પ્રેક્ષણીયોત્પલશ્યામાય નમઃ ॥ ૨૦ ॥
આયુર્વેદાધિદૈવતાય નમઃ । ભેષજગ્રહણાનેહસ્સ્મરણીયપદામ્બુજાય ।
નવયૌવનસમ્પન્નાય । કિરીટાન્વિતમસ્તકાય ।
નક્રકુણ્ડલસંશોભિશ્રવણદ્વયશષ્કુલયે । દીર્ઘપીવરદોર્દણ્ડાય ।
કમ્બુગ્રીવાય । અમ્બુજેક્ષણાય । ચતુર્ભુજાય । શઙ્ખધરાય ।
ચક્રહસ્તાય । વરપ્રદાય । સુધાપાત્રે પરિલસદામ્રપત્રલસત્કરાય ।
શતપદ્યાઢ્યહસ્તાય । કસ્તૂરીતિલકાઞ્ચિતાય । સુકપોલાય । સુનાસાય ।
સુન્દરભ્રૂલતાઞ્ચિતાય । સ્વઙ્ગુલીતલશોભાઢ્યાય ।
ગૂઢજત્રવે નમઃ ॥ ૪૦ ॥
મહાહનવે નમઃ । દિવ્યાઙ્ગદલસદ્બાહવે । કેયૂરપરિશોભિતાય ।
વિચિત્રરત્નખચિતવલયદ્વયશોભિતાય । સમોલ્લસત્સુજાતાંસાય ।
અઙ્ગુલીયવિભૂષિતાય । સુધાગન્ધરસાસ્વાદમિલદ્ભૃઙ્ગમનોહરાય ।
લક્ષ્મીસમર્પિતોત્ફુલ્લકઞ્જમાલાલસદ્ગલાય । લક્ષ્મીશોભિતવક્ષસ્કાય ।
વનમાલાવિરાજિતાય । નવરત્નમણીક્લૃપ્તહારશોભિતકન્ધરાય ।
હીરનક્ષત્રમાલાદિશોભારઞ્જિતદિઙ્મુખાય । વિરજોઽમ્બરસંવીતાય ।
વિશાલોરસે । પૃથુશ્રવસે । નિમ્નનાભયે । સૂક્ષ્મમધ્યાય ।
સ્થૂલજઙ્ઘાય । નિરઞ્જનાય । સુલક્ષણપદાઙ્ગુષ્ઠાય નમઃ ॥ ૬૦ ॥
સર્વસામુદ્રિકાન્વિતાય નમઃ । અલક્તકારક્તપાદાય । મૂર્તિમદ્વાર્ધિપૂજિતાય ।
સુધાર્થાન્યોન્યસંયુધ્યદ્દેવદૈતેયસાન્ત્વનાય । કોટિમન્મથસઙ્કાશાય ।
સર્વાવયવસુન્દરાય । અમૃતાસ્વાદનોદ્યુક્તદેવસઙ્ઘાપરિષ્ટુતાય ।
પુષ્પવર્ષણસંયુક્તગન્ધર્વકુલસેવિતાય ।
શઙ્ખતૂર્યમૃદઙ્ગાદિસુવાદિત્રાપ્સરોવૃતાય ।
વિષ્વક્સેનાદિયુક્પાર્શ્વાય । સનકાદિમુનિસ્તુતાય ।
સાશ્ચર્યસસ્મિતચતુર્મુખનેત્રસમીક્ષિતાય ।
સાશઙ્કસમ્ભ્રમદિતિદનુવંશ્યસમીડિતાય ।
નમનોન્મુખદેવાદિમૌલિરત્નલસત્પદાય । દિવ્યતેજઃપુઞ્જરૂપાય ।
સર્વદેવહિતોત્સુકાય । સ્વનિર્ગમક્ષુબ્ધદુગ્ધવારાશયે । દુન્દુભિસ્વનાય ।
ગન્ધર્વગીતાપદાનશ્રવણોત્કમહામનસે ।
નિષ્કિઞ્ચનજનપ્રીતાય નમઃ ॥ ૮૦ ॥
ભવસમ્પ્રાપ્તરોગહૃતે નમઃ । અન્તર્હિતસુધાપાત્રાય ।
મહાત્મને । માયિકાગ્રણ્યૈ । ક્ષણાર્ધમોહિનીરૂપાય ।
સર્વસ્ત્રીશુભલક્ષણાય । મદમત્તેભગમનાય ।
સર્વલોકવિમોહનાય । સ્રંસન્નીવીગ્રન્થિબન્ધાસક્તદિવ્યકરાઙ્ગુલયે ।
રત્નદર્વીલસદ્ધસ્તાય । દેવદૈત્યવિભાગકૃતે ।
સઙ્ખ્યાતદેવતાન્યાસાય । દૈત્યદાનવવઞ્ચકાય । દેવામૃતપ્રદાત્રે ।
પરિવેષણહૃષ્ટધિયે । ઉન્મુખોન્મુખદૈત્યેન્દ્રદન્તપઙ્ક્તિવિભાજકાય ।
પુષ્પવત્સુવિનિર્દિષ્ટરાહુરક્ષઃશિરોહરાય ।
રાહુકેતુગ્રહસ્થાનપશ્ચાદ્ગતિવિધાયકાય ।
અમૃતાલાભનિર્વિણ્ણયુધ્યદ્દેવારિસૂદનાય ।
ગરુત્મદ્વાહનારૂઢાય નમઃ ॥ ૧૦૦ ॥
સર્વેશસ્તોત્રસંયુતાય નમઃ ।
સ્વસ્વાધિકારસન્તુષ્ટશક્રવહ્ન્યાદિપૂજિતાય ।
મોહિનીદર્શનાયાતસ્થાણુચિત્તવિમોહકાય ।
શચીસ્વાહાદિદિક્પાલપત્નીમણ્ડલસન્નુતાય । વેદાન્તવેદ્યમહિમ્ને ।
સર્વલોકૈકરક્ષકાય । રાજરાજપ્રપૂજ્યાઙ્ઘ્રયે ।
ચિન્તિતાર્થપ્રદાયકાય ॥ ૧૦૮ ॥
ઇતિ શ્રીધન્વન્તર્યષ્ટોત્તરશતનામાવલિઃ સમાપ્તા ।