॥ Sri Mahakala Kakaradi Ashtottarashata Namavali Kannada Lyrics ॥
।। ಶ್ರೀಮಹಾಕಾಲಕಕಾರಾದ್ಯಷ್ಟೋತ್ತರಶತನಾಮಾವಲಿಃ ।।
ಮನ್ತ್ರಃ –
“ಹ್ರೂಂ ಹ್ರೂಂ ಮಹಾಕಾಲ ! ಪ್ರಸೀದ ಪ್ರಸೀದ ಹ್ರೀಂ ಹ್ರೀಂ ಸ್ವಾಹಾ ।”
ಮನ್ತ್ರಗ್ರಹಣಮಾತ್ರೇಣ ಭವೇತ್ಸತ್ಯಂ ಮಹಾಕವಿಃ ।
ಗದ್ಯಪದ್ಯಮಯೀ ವಾಣೀ ಗಂಗಾ ನಿರ್ಝರಣೀ ಯಥಾ ॥
ವಿನಿಯೋಗಃ –
ಓಂ ಅಸ್ಯ ಶ್ರೀರಾಜರಾಜೇಶ್ವರ ಶ್ರೀಮಹಾಕಾಲ
ಕಕಾರಾದ್ಯಷ್ಟೋತ್ತರಶತನಾಮಮಾಲಾಮನ್ತ್ರಸ್ಯ ಶ್ರೀದಕ್ಷಿಣಾಕಾಲಿಕಾ ಋಷಿಃ,
ವಿರಾಟ್ ಛನ್ದಃ, ಶ್ರೀಮಹಾಕಾಲಃ ದೇವತಾ, ಹ್ರೂಂ ಬೀಜಂ, ಹ್ರೀಂ ಶಕ್ತಿಃ,
ಸ್ವಾಹಾ ಕೀಲಕಂ, ಸರ್ವಾರ್ಥಸಾಧನೇ ಪಾಠೇ ವಿನಿಯೋಗಃ ॥
ಋಷ್ಯಾದಿನ್ಯಾಸಃ –
ಶ್ರೀದಕ್ಷಿಣಾಕಾಲಿಕಾ ಋಷಯೇ ನಮಃ ಶಿರಸಿ । ವಿರಾಟ್ ಛನ್ದಸೇ ನಮಃ ಮುಖೇ ।
ಶ್ರೀಮಹಾಕಾಲ ದೇವತಾಯೈ ನಮಃ ಹೃದಿ । ಹ್ರೂಂ ಬೀಜಾಯ ನಮಃ ಗುಹ್ಯೇ ।
ಹ್ರೀಂ ಶಕ್ತಯೇ ನಮಃ ಪಾದಯೋಃ । ಸ್ವಾಹಾ ಕೀಲಕಾಯ ನಮಃ ನಾಭೌ ।
ವಿನಿಯೋಗಾಯ ನಮಃ ಸರ್ವಾಂಗೇ ॥
ಕರನ್ಯಾಸಃ ಏವಂ ಹೃದಯಾದಿನ್ಯಾಸಃ –
ಓಂ ಹ್ರಾಂ ಅಂಗುಷ್ಠಾಭ್ಯಾಂ ನಮಃ, ಹೃದಯಾಯ ನಮಃ ।
ಓಂ ಹ್ರೀಂ ತರ್ಜನೀಭ್ಯಾಂ ನಮಃ, ಶಿರಸೇ ಸ್ವಾಹಾ ।
ಓಂ ಹ್ರೂಂ ಮಧ್ಯಮಾಭ್ಯಾಂ ನಮಃ, ಶಿಖಾಯೈ ವಷಟ್ ।
ಓಂ ಹ್ರೈಂ ಅನಾಮಿಕಾಭ್ಯಾಂ ನಮಃ, ಕವಚಾಯ ಹುಮ್ ।
ಓಂ ಹ್ರೌಂ ಕನಿಷ್ಠಿಕಾಭ್ಯಾಂ ನಮಃ, ನೇತ್ರತ್ರಯಾಯ ವೌಷಟ್ ।
ಓಂ ಹ್ರಃ ಕರತಲಕರಪೃಷ್ಠಾಭ್ಯಾಂ ನಮಃ, ಅಸ್ತ್ರಾಯ ಫಟ್ ॥
ಧ್ಯಾನಮ್ –
ಕೋಟಿ ಕಾಲಾನಲಾಭಾಸಂ ಚತುರ್ಭುಜಂ ತ್ರಿಲೋಚನಮ್ ।
ಶ್ಮಶಾನಾಷ್ಟಕಮಧ್ಯಸ್ಥಂ ಮುಂಡಾಷ್ಟಕವಿಭೂಷಿತಮ್ ॥
ಪಂಚಪ್ರೇತಸ್ಥಿತಂ ದೇವಂ ತ್ರಿಶೂಲಂ ಡಮರುಂ ತಥಾ ।
ಖಡ್ಗಂ ಚ ಖರ್ಪರಂ ಚೈವ ವಾಮದಕ್ಷಿಣಯೋಗತಃ ॥
ವಿಶ್ಚತಂ ಸುನ್ದರಂ ದೇಹಂ ಶ್ಮಶಾನಭಸ್ಮಭೂಷಿತಮ್ ।
ನಾನಾಶವೈಃ ಕ್ರೀಡಮಾನಂ ಕಾಲಿಕಾಹೃದಯಸ್ಥಿತಮ್ ॥
ಲಾಲಯನ್ತಂ ರತಾಸಕ್ತಂ ಘೋರಚುಮ್ಬನತತ್ಪರಮ್ ।
ಗೃಧ್ರಗೋಮಾಯುಸಂಯುಕ್ತಂ ಫೇರವೀಗಣಸಂಯುತಮ್ ॥
ಜಟಾಪಟಲ ಶೋಭಾಢ್ಯಂ ಸರ್ವಶೂನ್ಯಾಲಯಸ್ಥಿತಮ್ ।
ಸರ್ವಶೂನ್ಯಮುಂಡಭೂಷಂ ಪ್ರಸನ್ನವದನಂ ಶಿವಮ್ ॥
ಅಥ ನಾಮಾವಲಿಃ ।
ಓಂ ಕೂಂ ಕೂಂ ಕೂಂ ಕೂಂ ಶಬ್ದರತಾಯ ನಮಃ । ಕ್ರೂಂ ಕ್ರೂಂ ಕ್ರೂಂ ಕ್ರೂಂ ಪರಾಯಣಾಯ ।
ಕವಿಕಂಠಸ್ಥಿತಾಯ । ಕೈ ಹ್ರೀಂ ಹ್ರೂಂ ಕಂ ಕಂ ಕವಿ ಪೂರ್ಣದಾಯ । ಕಪಾಲಕಜ್ಜಲಸಮಾಯ ।
ಕಜ್ಜಲಪ್ರಿಯತೋಷಣಾಯ । ಕಪಾಲಮಾಲಾಽಽಭರಣಾಯ । ಕಪಾಲಕರಭೂಷಣಾಯ ।
ಕಪಾಲಪಾತ್ರಸನ್ತುಷ್ಟಾಯ । ಕಪಾಲಾರ್ಘ್ಯಪರಾಯಣಾಯ । ಕದಮ್ಬಪುಷ್ಪಸಮ್ಪೂಜ್ಯಾಯ ।
ಕದಮ್ಬಪುಷ್ಪಹೋಮದಾಯ । ಕುಲಪ್ರಿಯಾಯ । ಕುಲಧರಾಯ । ಕುಲಾಧಾರಾಯ । ಕುಲೇಶ್ವರಾಯ ।
ಕೌಲವ್ರತಧರಾಯ । ಕರ್ಮಕಾಮಕೇಲಿಪ್ರಿಯಾಯ । ಕ್ರತವೇ ।
ಕಲಹ ಹ್ರೀಂಮನ್ತ್ರವರ್ಣಾಯ ನಮಃ ॥ 20 ॥
ಓಂ ಕಲಹ ಹ್ರೀಂಸ್ವರೂಪಿಣೇ ನಮಃ । ಕಂಕಾಲಭೈರವದೇವಾಯ ।
ಕಂಕಾಲಭೈರವೇಶ್ವರಾಯ । ಕಾದಮ್ಬರೀಪಾನರತಾಯ । ಕಾದಮ್ಬರೀಕಲಾಯ ।
ಕರಾಲಭೈರವಾನನ್ದಾಯ । ಕರಾಲಭೈರವೇಶ್ವರಾಯ । ಕರಾಲಾಯ । ಕಲನಾಧಾರಾಯ ।
ಕಪರ್ದೀಶವರಪ್ರದಾಯ । ಕರವೀರಪ್ರಿಯಪ್ರಾಣಾಯ । ಕರವೀರಪ್ರಪೂಜನಾಯ ।
ಕಲಾಧಾರಾಯ । ಕಾಲಕಂಠಾಯ । ಕೂಟಸ್ಥಾಯ । ಕೋಟರಾಶ್ರಯಾಯ । ಕರುಣಾಯ ।
ಕರುಣಾವಾಸಾಯ । ಕೌತುಕಿನೇ । ಕಾಲಿಕಾಪತಯೇ ನಮಃ ॥ 40 ॥
ಓಂ ಕಠಿನಾಯ ನಮಃ । ಕೋಮಲಾಯ । ಕರ್ಣಾಯ । ಕೃತ್ತಿವಾಸಕಲೇವರಾಯ । ಕಲಾನಿಧಯೇ।
ಕೀರ್ತಿನಾಥಾಯ । ಕಾಮೇನ । ಹೃದಯಂಗಮಾಯ । ಕೃಷ್ಣಾಯ । ಕಾಶೀಪತಯೇ । ಕೌಲಾಯ ।
ಕುಲಚೂಡಾಮಣಯೇ । ಕುಲಾಯ । ಕಾಲಾಂಜನಸಮಾಕಾರಾಯ । ಕಾಲಾಂಜನನಿವಾಸನಾಯ ।
ಕೌಪೀನಧಾರಿಣೇ । ಕೈವರ್ತಾಯ । ಕೃತವೀರ್ಯಾಯ । ಕಪಿಧ್ವಜಾಯ । ಕಾಮರೂಪಾಯ ।
ಕಾಮಗತಯೇ ನಮಃ ॥ 60 ॥
ಓಂ ಕಾಮಯೋಗಪರಾಯಣಾಯ ನಮಃ । ಕಾಮಸಮ್ಮರ್ದನರತಾಯ । ಕಾಮಗೃಹನಿವಾಸನಾಯ ।
ಕಾಲಿಕಾರಮಣಾಯ । ಕಾಲೀನಾಯಕಾಯ । ಕಾಲಿಕಾಪ್ರಿಯಾಯ । ಕಾಲೀಶಾಯ ।
ಕಾಲಿಕಾಕಾನ್ತಾಯ । ಕಲ್ಪದ್ರುಮಲತಾಮತಾಯ । ಕುಲಟಾಲಾಪಮಧ್ಯಸ್ಥಾಯ ।
ಕುಲಟಾಸಂಗತೋಷಿತಾಯ । ಕುಲಟಾಚುಮ್ಬನೋದ್ಯುಕ್ತಾಯ । ಕುಲಟಾಕುಚಮರ್ದನಾಯ ।
ಕೇರಲಾಚಾರನಿಪುಣಾಯ । ಕೇರಲೇನ್ದ್ರಗೃಹಸ್ಥಿತಾಯ । ಕಸ್ತೂರೀತಿಲಕಾನನ್ದಾಯ ।
ಕಸ್ತೂರೀತಿಲಕಪ್ರಿಯಾಯ । ಕಸ್ತೂರೀಹೋಮಸನ್ತುಷ್ಟಾಯ । ಕಸ್ತೂರೀತರ್ಪಣೋದ್ಯತಾಯ ।
ಕಸ್ತೂರೀಮಾರ್ಜನೋದ್ಯುಕ್ತಾಯ ನಮಃ ॥ 80 ॥
ಓಂ ಕಸ್ತೂರೀಕುಂಡಮಜ್ಜನಾಯ ನಮಃ । ಕಾಮಿನೀಪುಷ್ಪನಿಲಯಾಯ ।
ಕಾಮಿನೀಪುಷ್ಪಭೂಷಣಾಯ । ಕಾಮಿನೀಕುಂಡಸಂಲಗ್ನಾಯ । ಕಾಮಿನೀಕುಂಡಮಧ್ಯಗಾಯ ।
ಕಾಮಿನೀಮಾನಸಾರಾಧ್ಯಾಯ । ಕಾಮಿನೀಮಾನತೋಷಿತಾಯ । ಕಾಮಮಂಜೀರರಣಿತಾಯ ।
ಕಾಮದೇವಪ್ರಿಯಾತುರಾಯ । ಕರ್ಪೂರಾಮೋದರುಚಿರಾಯ । ಕರ್ಪೂರಾಮೋದಧಾರಣಾಯ ।
ಕರ್ಪೂರಮಾಲಾಽಽಭರಣಾಯ । ಕೂರ್ಪರಾರ್ಣವಮಧ್ಯಗಾಯ । ಕ್ರಕಸಾಯ । ಕ್ರಕಸಾರಾಧ್ಯಾಯ ।
ಕಲಾಪಪುಷ್ಪರೂಪಕಾಯ । ಕುಶಲಾಯ । ಕುಶಲಾಕರ್ಣಯೇ । ಕುಕ್ಕುರಾಸಂಗತೋಷಿತಾಯ ।
ಕುಕ್ಕುರಾಲಯಮಧ್ಯಸ್ಥಾಯ ನಮಃ ॥ 100 ॥
ಓಂ ಕಾಶ್ಮೀರಕರವೀರಭೃತೇ ನಮಃ । ಕೂಟಸ್ಥಾಯ । ಕ್ರೂರದೃಷ್ಟಯೇ।
ಕೇಶವಾಸಕ್ತಮಾನಸಾಯ । ಕುಮ್ಭೀನಸವಿಭೂಷಾಢ್ಯಾಯ । ಕುಮ್ಭೀನಸವಧೋದ್ಯತಾಯ ನಮಃ ।
(ಕೋಟಿ ಕಾಲಾನಲಾಭಾಸಾಯ ನಮಃ । ಕಾಲಿಕಾಹೃದಯಸ್ಥಿತಾಯ ನಮಃ ।)
ಇತಿ ಶ್ರೀಮಹಾಕಾಲಕಕಾರಾದ್ಯಷ್ಟೋತ್ತರಶತನಾಮಾವಲಿಃ ಸಮಾಪ್ತಾ।