॥ Rakinikeshava Sahasranamastotram Malayalam Lyrics ॥
॥ ശ്രീരാകിണീകേശവസഹസ്രനാമസ്തോത്രം ॥
ശ്രീഗണേശായ നമഃ ।
ആനന്ദഭൈരവീ ഉവാച ।
കഥയാമി മഹാകാല പരമാദ്ഭുതസാധനം ।
കുണ്ഡലീരൂപിണീ ദേവീ രാകിണ്യാഃ കുലവല്ലഭ ॥ 1 ॥
മാനസം ദ്രവ്യമാനീയ ചാഥവാ ബാഹ്യദ്രവ്യകം ।
അനഷ്ടഹൃഷ്ടചിത്തശ്ച പൂജയേത് സാവധാനതഃ ॥ 2 ॥
ഭക്ത്യാ ജപേന്‍മൂലമന്ത്രം മാനസം സര്‍വമേവ ച ।
പൂജയിത്വാ തതോ ജപ്ത്വാ ഹോമം കുര്യാത് പരാമൃതൈഃ ॥ 3 ॥
സമാസൈഃ പക്വനൈവേദ്യൈഃ സുഗന്ധികുസുമൈസ്തഥാ ।
സ്വയംഭൂകുസുമൈനീത്യമര്‍ഘ്യം കൃത്ത്വാ നിവേദയേത് ॥ 4 ॥
സുമുഖം പൂജയേന്നിത്യം മധുമാംസേന ശങ്കര ।
ഹുത്വാ ഹുത്വാ പുനര്‍ഹുത്വാ പ്രാണവായ്വഗ്നിസങ്ഗമൈഃ ॥ 5 ॥
ഭ്രാമയിത്ത്വാ മനോ ബാഹ്യേ സ്ഥാപയിത്ത്വാ പുനഃ പുനഃ ।
പുനരാഗംയഗമനം കാരയിത്ത്വാ സുമങ്ഗലം ॥ 6 ॥
വാചയിത്ത്വാ സുവാണീഭിര്യാചയിത്ത്വാ സവാപികം ।
തര്‍പണം ചാഭിഷേകഞ്ച കേവലാസവമിശ്രിതൈഃ ॥ 7 ॥
മാംസൈര്‍മുദ്രാദിഭിര്‍മത്സ്യൈഃ സാരദ്രവ്യൈഃ സപിഷ്ടകൈഃ ।
ഘൃതാദിസുഫലൈര്‍വാപി യദ് യദായാതി കൌലികേ ॥ 8 ॥
അചലാം ഭക്തിമാപ്നോതി വിശ്വാമിത്രോ യഥാ വശീ ।
തത്തദ്ദ്രവ്യൈഃ സാധകേന്ദ്രോ നിത്യം സന്തര്‍പ്യ സഞ്ജപേത് ॥ 9 ॥
ഏതന്‍മന്ത്രം പാഠിത്ത്വാ ച തര്‍പണഞ്ച സമാചരേത് ।
തര്‍പണാന്തേ ചാഭിഷേകം സദാ കുര്യാച്ച താന്ത്രികഃ ॥ 10 ॥
മൂലാന്തേ ചാഭിഷിഞ്ചാമി നമഃ സ്വാഹാ പദം തതഃ ।
തതോ ഹി പ്രണമേദ്ഭക്ത്യാ അഷ്ടാങ്ഗനതിഭിഃ പ്രഭോ ॥ 11 ॥
സഹസ്രനാംനാ സ്തവനമഷ്ടോത്തരസമന്വിതം ।
അര്‍ധാങ്ഗ രാകിണീയുക്തം രാകിണീകേശവസ്തവം ॥ 12 ॥
ശൃണു തം സകലം നാഥ യത്ര ശ്രദ്ധാ സദാ തവ ।
ശ്രവണാര്‍ഥം ബഹൂക്തം തത് കൃപയാ തേ വദാംയഹ ॥ 13 ॥
ഏതത് ശ്രവണമാത്രേണ സര്‍വപാപക്ഷയോ ഭവേത് ।
രാകിണീസങ്ഗമം നാഥ സ്തവനം നാമ പാവനം ॥ 14 ॥
യേ പഠന്തി ശ്രദ്ധയാ ചാശ്രദ്ധയാ വാ പുനഃ പുനഃ ।
തസ്യ സര്‍വഃ പാപരാശിഃ ക്ഷയം യാതി ക്ഷണാദിഹ ॥ 15 ॥
കാലേ കാലേ മഹാവീരോ ഭവത്യേവ ഹി യോഗിരാട് ।
സംസാരോത്താരണേ യുക്തോ മഹാബലപരാക്രമഃ ॥ 16 ॥
ഓം ശ്രീകൃഷ്ണോ മഹാമായാ യാദവോ ദേവരാകിണീ ।
ഗോവിന്ദോ വിശ്വജനനീ മഹാവിഷ്ണുര്‍മഹേശ്വരീ ॥ 17 ॥
മുകുന്ദോ മാലതീ മാലാ വിമലാ വിമലാകൃതിഃ ।
രമാനാഥോ മഹാദേവീ മഹായോഗീ പ്രഭാവതീ ॥ 18 ॥
വൈകുണ്ഠോ ദേവജനനീ ദഹനോ ദഹനപ്രിയാ ।
ദൈത്യാരിര്‍ദൈത്യമഥിനീ മുനീശോ മൌനഭാവിതാ ॥ 19 ॥
നാരായണോ ജയകലാ കരുണോ കരുണാമയീ ।
ഹൃഷീകേശഃ കൌശികീ ച കേശവഃ കേശിഘാതിനീ ॥ 20 ॥
കിശോരാപി കൈശോരീ മഹാകാലീ മഹാകലാ ।
മഹായജ്ഞോ യജ്ഞഹര്‍ത്രീ ദക്ഷേശോ ദക്ഷകന്യകാ ॥ 21 ॥
മഹാബലീ മഹാബാലാ ബാലകോ ദേവബാലികാ ।
ചക്രധാരീ ചക്രകരാ ചക്രാങ്ഗഃ ചക്രമദീകാ ॥ 22 ॥
അമരോ യുവതീ ഭീമോ ഭയാ ദേവോ ദിവിസ്ഥിതാ ।
ശ്രീകരോ വേശദാ വൈദ്യോ ഗുണാ യോഗീ കുലസ്ഥിതാ ॥ 23 ॥
സമയജ്ഞോ മാനസജ്ഞാ ക്രിയാവിജ്ഞഃ ക്രിയാന്വിതാ ।
അക്ഷരോ വനമാലാ ച കാലരൂപീ കുലാക്ഷരാ ॥ 24 ॥
വിശാലാക്ഷോ ദീര്‍ഘനേത്രാ ജയദോ ജയവാഹനാ ।
ശാന്തഃ ശാന്തികരീ ശ്യാമോ വിമലശ്യാമ വിഗ്രഹാ ॥ 25 ॥
കമലേശോ മഹാലക്ഷ്മീ സത്യഃ സാധ്വീ ശിശുഃ പ്രഭാ ।
വിദ്യുതാകാരവദനോ വിദ്യുത്പുഞ്ജനഭോദയാ ॥ 26 ॥
രാധേശ്വരോ രാകിണീ ച കുലദേവഃ കുലാമരാ ।
ദക്ഷിണോ ദക്ഷിണീ ശ്രീദാ ക്രിയാദക്ഷോ മഹാലയാ ॥ 27 ॥
വശിഷ്ഠഗമനോ വിദ്യാ വിദ്യേശോ വാക്സരസ്വതീ ।
അതീന്ദ്രിയോ യോഗമാതാ രണേശീ രണപണ്ഡിതാ ॥ 28 ॥
കൃതാന്തകോ ബാലകൃഷ്ണാ കമനീയഃ സുകാമനാ ।
അനന്തോ അനന്തഗുണദാ വാണീനാഥോ വിലക്ഷണാ ॥ 29 ॥
ഗോപാലോ ഗോപവനിതാ ഗോഗോപ കുലാത്മജാ ।
മൌനീ മൌനകരോല്ലാസാ മാനവോ മാനവാത്മജാ ॥ 30 ॥
സര്‍വാച്ഛിന്നോ മോഹിനീ ച മായീ മായാ ശരീരജാ ।
അക്ഷുണ്ണോ വജ്രദേഹസ്ഥാ ഗരുഡസ്ഥോ ഹി ഗാരുഡീ ॥ 31 ॥
സത്യപ്രിയാ രുക്മിണീ ച സത്യപ്രാണോഽമൃതാപഹാ ।
സത്യകര്‍മാ സത്യഭാമാ സത്യരൂപീ ത്രിസത്യദാ ॥ 32 ॥
ശശീശോ വിധുവദനാ കൃഷ്ണവര്‍ണോ വിശാലധീഃ ।
ത്രിവിക്രമോ വിക്രമസ്ഥാ സ്ഥിതിമാര്‍ഗഃ സ്ഥിതിപ്രിയാ ॥ 33 ॥
ശ്രീമാധവോ മാധവീ ച മധുഹാ മധുസൂദനീ ।
വൈകുണ്ഠനാഥോ വികലാ വിവേകസ്ഥോ വിവേകിനീ ॥ 34 ॥
വിവാദസ്ഥോ വിവാദേശീ കുംഭകഃ കുംഭകാരികാ ।
സുധാപാനഃ സുധാരൂപാ സുവേശോ ദേവമോഹിനീ ॥ 35 ॥
പ്രക്രിയാധാരകോ ധന്യാ ധന്യാര്‍ഥോ ധന്യവിഗ്രഹാ ।
ധരണീശോ മഹാനന്താ സാനന്തോ നന്ദനപ്രിയാ ॥ 36 ॥
പ്രിയോ വിപ്രിയഹരാ ച വിപ്രപൂജ്യോ ദ്വിജപ്രിയാ ।
കാന്തോ വിധുമുഖീ വേദ്യോ വിദ്യാ വാഗീശ്വരോഽരുണാ ॥ 37 ॥
അകാമീ കാമരഹിതാ കംരോ വിലചരപ്രിയാ ।
പുണ്ഡരീകോ വികുണ്ഡസ്ഥാ വൈകുണ്ഠോ ബാലഭാവിനീ ॥ 38 ॥
പദ്മനേത്ര പദ്മമാലാ പദ്മഹസ്തോഽംബുജാനനാ ।
പദ്മനാഭിഃ പദ്മനേത്രാ പദ്മസ്ഥഃ പദ്മവാഹനാ ॥ 39 ॥
വാസുദേവോ ബൃഹദ്ഗര്‍ഭാ മഹാമാനീ മഹാഞ്ജനാ ।
കാരുണ്യോ ബാലഗര്‍ഭാ ച ആകാശസ്ഥോ വിഭാണ്ഡജാ ॥ 40 ॥
തേജോരാശിസ്തൈജസീ ച ഭയാച്ഛന്നോ ഭയപ്രദാ ।
ഉപേന്ദ്രോ വര്‍ണജാലസ്ഥാ സ്വതന്ത്രസ്ഥോ വിമാനഗാ ॥ 41 ॥
നഗേന്ദ്രസ്ഥോ നാഗിനീ ച നഗേശോ നാഗനന്ദിനീ ।
സാര്‍വഭൌമോ മഹാകാലീ നഗേന്ദ്രഃ നന്ദിനീസുതാ ॥ 42 ॥
കാമദേവാശ്രയോ മായാ മിത്രസ്ഥോ മിത്രവാസനാ ।
മാനഭങ്ഗകരോ രാവാ വാരണാരിപ്രിയഃ പ്രിയാ ॥ 43 ॥
രിപുഹാ രാകിണീ മാതാ സുമിത്രോ മിത്രരക്ഷികാ ।
കാലാന്ത കലഹാ ദേവീ പീതവാസാംബരപ്രിയാ ॥ 44 ॥
പാപഹര്‍താ പാപഹന്ത്രീ നിഷ്പാപഃ പാപനാശിനീ ।
പരാനന്ദപ്രിയോ മീനാ മീനരൂപീ മലാപഹാ ॥ 45 ॥
ഇന്ദ്രനീലമണിശ്യാമോ മഹേന്ദ്രോ നീലരൂപിണീ ।
നീലകണ്ഠപ്രിയോ ദുര്‍ഗാ ദുര്‍ഗാദുര്‍ഗതിനാശിനീ ॥ 46 ॥
ത്രികോണമന്ദിരശ്രീദോ വിമായാ മന്ദിരസ്ഥിതാ ।
മകരന്ദരസോല്ലാസോ മകരന്ദരസപ്രിയാ ॥ 47 ॥
ദാരുണാരിനിഹന്താ ച ദാരുണാരിവിനാശിനീ ।
കലികാലകുലാചാരഃ കലികാലഫലാവഹാ ॥ 48 ॥
കാലക്ഷേത്രസ്ഥിതോ രൌദ്രീ വ്രതസ്ഥോ വ്രതധാരിണീ ।
വിശാലാക്ഷോ വിശാലാസ്യാ ചമത്കാരോ കരോദ്യമാ ॥ 49 ॥
ലകാരസ്ഥോ ലാകിനീ ച ലാങ്ഗലീ ലോലയാന്വിതാ ।
നാകസ്ഥോ നാകപദകാ നാകാക്ഷോ നാകരക്ഷകാ ॥ 50 ॥
കാമഗോ നാമസംബന്ധാ സാമവേദവിശോധികാ ।
സാമവേദഃ സാമസന്ധ്യാ സാമഗോ മാംസഭക്ഷിണീ ॥ 51 ॥
സര്‍വഭക്ഷോ രാത്രഭക്ഷാ രേതസ്ഥോ രേതപാലിനീ ।
രാത്രികാരീ മഹാരാത്രിഃ കാലരാത്രോ മഹാനിശാ ॥ 52 ॥
നാനാദോഷഹരോ മാത്രാ മാരഹന്താ സുരാപഹാ ।
ചന്ദനാങ്ഗീ നന്ദപുത്രീ നന്ദപാലഃ വിലോപിനീ ॥ 53 ॥
മുദ്രാകാരീ മഹാമുദ്രാ മുദ്രിതോ മുദ്രിതാ രതിഃ ।
ശാക്തോ ലാക്ഷാ വേദലാക്ഷീ ലോപാമുദ്രാ നരോത്തമാ ॥ 54 ॥
മഹാജ്ഞാനധരോഽജ്ഞാനീ നീരാ മാനഹരോഽമരാ ।
സത്കീര്‍തീസ്ഥോ മഹാകീര്‍തീഃ കുലാഖ്യോ കുലകീര്‍തീതാ ॥ 55 ॥
ആശാവാസീ വാസനാ സാ കുലവേത്താ സുഗോപിതാ ।
അശ്വത്ഥവൃക്ഷനിലയോ വൃക്ഷസാരനിവാസിനീ ॥ 56 ॥
നിത്യവൃക്ഷോ നിത്യലതാ ക്ലൃപ്തഃ ക്ലൃപ്തപദസ്ഥിതഃ ।
കല്‍പവൃക്ഷോ കല്‍പലതാ സുകാലഃ കാലഭക്ഷികാ ॥ 57 ॥
സര്‍വാലങ്കാരഭൂഷാഢ്യോ സര്‍വാലങ്കാരഭൂഷിതാ ।
അകലങ്കീ നിരാഹാരാ ദുര്‍നീരീക്ഷ്യോ നിരാപദാ ॥ 58 ॥
കാമകര്‍താ കാമകാന്താ കാമരൂപീ മഹാജവാ ।
ജയന്തോ യാജയന്തീ ച ജയാഖ്യ ജയദായിനീ ॥ 59 ॥
ത്രിജീവനോ ജീവമാതാ കുശലാഖ്യോ വിസുന്ദരാ ।
കേശധാരീ കേശിനീ ച കാമജോ കാമജാഡ്യദാ ॥ 60 ॥
കിങ്കരസ്ഥോ വികാരസ്ഥാ മാനസംജ്ഞോ മനീഷിണീ ।
മിഥ്യാഹരോ മഹാമിഥ്യാ മിഥ്യാസര്‍ഗോ നിരാകൃതി ॥ 61 ॥
നാഗയജ്ഞോപവീതശ്ച നാഗമാലാവിഭൂഷിതാ ।
നാഗാഖ്യോ നാഗകുലപാ നായകോ നായികാ വധൂഃ ॥ 62 ॥
നായകക്ഷേമദോ നാരീ നരോ നാരായണപ്രിയാ ।
കിരാതവര്‍ണോ രാസജ്ഞീ താരകോ ഗുണതാരികാ ॥ 63 ॥
ശങ്കരാഖ്യോഽംബുജാകാരാ കൃപണഃ കൃപണാവതീ ।
ദേശഗോ ദേശസന്തോഷാ ദര്‍ശോ ദര്‍ശനിവാസിനീ ॥ 64 ॥
ദര്‍ശനജ്ഞോ ദര്‍ശനസ്ഥാ ദൃഗ് ദൃദിക്ഷാ സുരോഽസുരാഃ ।
സുരപാലോ ദേവരക്ഷാ ത്രിരക്ഷോ രക്ഷദേവതാ ॥ 65 ॥
ശ്രീരാമസേവീ സുഖദാ സുഖദോ വ്യാസവാസിനീ ।
വൃന്ദാവനസ്ഥോ വൃന്ദാ ച വൃന്ദാവന്യോ മഹത്തനൂ ॥ 66 ॥
ബ്രഹ്മരൂപീ ത്രിതാരീ ച താരകാക്ഷോ ഹി താരിണീ ।
തന്ത്രര്‍ഥജ്ഞഃ തന്ത്രവിദ്യാ സുതന്ത്രജ്ഞഃ സുതന്ത്രികാ ॥ 67 ॥
തൃപ്തഃ സുതൃപ്താ ലോകാനാം തര്‍പണസ്ഥോ വിലാസിനീ ।
മയൂരാ മന്ദിരരതോ മഥുരാ മന്ദിരേഽമലാ ॥ 68 ॥
മന്ദിരോ മന്ദിരാദേവീ നിര്‍മായീ മായസംഹരാ ।
ശ്രീവത്സഹൃദയോ വത്സാ വത്സലോ ഭക്തവത്സലാ ॥ 69 ॥
ഭക്തപ്രിയോ ഭക്തഗംയാ ഭക്തോ ഭക്തിഃ പ്രഭുഃ പ്രഭാ ।
ജരോ ജരാ വരോ രാവാ ഹവിര്‍ഹേമാ ക്ഷമഃ ക്ഷിതി ॥ 70 ॥
ക്ഷോണീപോ വിജയോല്ലാസാ വിജയോജയരൂപിണീ ।
ജയദാതാ ദാതൃജായാ ബലിപോ ബലിപാലികാ ॥ 71 ॥
കൃഷ്ണമാര്‍ജാരരൂപീ ച കൃഷ്ണമാര്‍ജാരരൂപിണീ ।
ഘോടകസ്ഥോ ഹയസ്ഥാ ച ഗജഗോ ഗജവാഹനാ ॥ 72 ॥
ഗജേശ്വരോ ഗജാധാരാ ഗജോ ഗര്‍ജനതത്പരാ ।
ഗയാസുരോ ഗയാദേവീ ഗജദര്‍പോ ഗജാപീതാ ॥ 73 ॥
കാമനാഫലസിദ്ധ്യര്‍ഥീ കാമനാഫലസിദ്ധിദാ ।
ധര്‍മദാതാ ധര്‍മവിദ്യാ മോക്ഷദോ മോക്ഷദായിനീ ॥ 74 ॥
മോക്ഷാശ്രയോ മോക്ഷകര്‍ത്രീ നന്ദഗോപാല ഈശ്വരീ ।
ശ്രീപതിഃ ശ്രീമഹാകാലീ കിരണോ വായുരൂപിണീ ॥ 75 ॥
വായ്വാഹാരീ വായുനിഷ്ഠാ വായുബീജയശസ്വിനീ ।
ജേതാ ജയന്തീ യാഗസ്ഥോ യാഗവിദ്യാ ശിവഃ ശിവാ ॥ 76 ॥
വാസവോ വാസവസ്ഥീ ച വാസാഖ്യോ ധനവിഗ്രഹാ ।
ആഖണ്ഡലോ വിഖണ്ഡാ ച ഖണ്ഡസ്ഥോ ഖണ്ഡഖഞ്ജനീ ॥ 77 ॥
ഖഡ്ഗഹസ്തോ ബാണഹസ്താ ബാണഗോ ബാണവാഹനാ ।
സിദ്ധാന്തജ്ഞോ ധ്വാന്തഹന്ത്രീ ധനസ്ഥോ ധാന്യവര്‍ദ്ധീനീ ॥ 78 ॥
ലോകാനുരാഗോ രാഗസ്ഥാ സ്ഥിതഃ സ്ഥാപകഭാവനാ ।
സ്ഥാനഭ്രഷ്ടോഽപദസ്ഥാ ച ശരച്ചന്ദ്രനിഭാനനാ ॥ 79 ॥
ചന്ദ്രോദയശ്ചന്ദ്രവര്‍ണാ ചാരുചന്ദ്രോ രുചിസ്ഥിതാ ।
രുചികാരീ രുചിപ്രീതാ രചനോ രചനാസനാ ॥ 80 ॥
രാജരാജോ രാജകന്യാ ഭുവനോ ഭുവനാശ്രയാ ।
സര്‍വജ്ഞഃ സര്‍വതോഭദ്രാ വാചാലോ ലയധാതിനീ ॥ 81 ॥
ലിങ്ഗരൂപധരോ ലിങ്ഗാ കലിങ്ഗഃ കാലകേശരീ ।
കേവലാനന്ദരൂപാഖ്യോ നിര്‍വാണമോക്ഷദായിനീ ॥ 82 ॥
മഹാമേഘഗാഢ മഹാനന്ദരൂപാ മഹാമേഘജാലോ മഹാഘോരരൂപാ ।
മഹാമേഘമാലഃ സദാകാരപാലാ മഹാമേഘമാലാമലാലോലകാലീ ॥ 83 ॥
വിയദ്വ്യാപകോ വ്യാപികാ സര്‍വദേഹേ മഹാശൂരവീരോ മഹാധര്‍മവീരാ ।
മഹാകാലരൂപീ മഹാചണ്ഡരൂപാ വിവേകീ മദൈകീ കുലേശഃ കുലേശീ ॥ 84 ॥
സുമാര്‍ഗീ സുഗീതാ ശുചിസ്വോ വിനിതാ മഹാര്‍കോ വിതര്‍കാ സുതര്‍കോഽവിതര്‍കാ ।
കൃതീന്ദ്രോ മഹേന്ദ്രീ ഭഗോ ഭാഗ്യചന്ദ്രാ ചതുര്‍ഥോ മഹാര്‍ഥാ നഗഃ കീര്‍തീചന്ദ്രാ ॥ 85 ॥
വിശിഷ്ടോ മഹേഷ്ടിര്‍മനസ്വീ സുതുഷ്ടിര്‍മഹാഷഡ്ദലസ്ഥോ മഹാസുപ്രകാശാ ।
ഗലച്ചന്ദ്രധാരാമൃതസ്നിഗ്ധദേഹോ ഗലത്കോടിസൂര്യപ്രകാശാഭിലാഷാ ॥ 86 ॥
മഹാചണ്ഡവേഗോ മഹാകുണ്ഡവേഗീ മഹാരുണ്ഡഖണ്ഡോ മഹാമുണ്ഡഖണ്ഡാ ।
കുലാലഭ്രമച്ചക്രസാരഃ പ്രകാരാ കുലാലോ മലാകാ രചക്രപ്രസാരീ ॥ 87 ॥
കുലാലക്രിയാവാന്‍ മഹാഘോരഖണ്ഡഃ കുലാലക്രമേണ ഭ്രമജ്ഞാനഖണ്ഡാ ।
പ്രതിഷ്ഠഃ പ്രതിഷ്ഠാ പ്രതീക്ഷഃ പ്രതീക്ഷാ മഹാഖ്യോ മഹാഖ്യാ സുകാലോഽതിദീക്ഷാ ॥ 88 ॥
മഹാപഞ്ചമാചാരതുഷ്ടഃ പ്രചേഷ്ടാ മഹാപഞ്ചമാ പ്രേമഹാ കാന്തചേഷ്ടാ ।
മഹാമത്തവേശോ മഹാമങ്ഗലേശീ സുരേശഃ ക്ഷപേശീ വരോ ദീര്‍ഘവേശാ ॥ 89 ॥
ചരോ ബാഹ്യനിഷ്ഠാ ചരശ്ചാരുവര്‍ണാ കുലാദ്യോഽകുലാദ്യാ യതിര്യാഗവാദ്യാ ।
കുലോകാപഹന്താ മഹാമാനഹന്ത്രീ മഹാവിഷ്ണുയോഗീ മഹാവിഷ്ണുയോഗാ ॥ 90 ॥
ക്ഷിതിക്ഷോഭഹന്താ ക്ഷിതിക്ഷുബ്ധബാധാ മഹാര്‍ഘോ മഹാര്‍ഘാ ധനീ രാജ്യകാര്യാ ।
മഹാരാത്രി സാന്ദ്രാന്ധകാരപ്രകാശോ മഹാരാത്രി സാന്ദ്രാന്ധകാരപ്രവേശാ ॥ 91 ॥
മഹാഭീമഗംഭീരശബ്ദപ്രശബ്ദോ മഹാഭീമഗംഭീരശബ്ദാപശബ്ദാ ।
കുലാ ജ്ഞാനദാത്രീ യമോ യാമയാത്രാ വശീ സൂക്ഷ്മവേശാശ്വഗോ നാമമാത്രാ ॥ 92 ॥
ഹിരണ്യാക്ഷഹന്താ മഹാശത്രുഹന്ത്രീ വിനാശപ്രിയോ ബാണനാശപ്രിയാ ച ।
മഹാഡാകിനീശോ മഹാരാകിണീശോ മഹാഡാകിനീ സാ മഹാരാകിണീ സാ ॥ 93 ॥
മുകുന്ദോ മഹേന്ദ്രോ മഹാഭദ്രചന്ദ്രാ ക്ഷിതിത്യാഗകര്‍താ മഹായോഗകര്‍ത്രീ ।
ഹിതോ മാരഹന്ത്രീ മഹേശേശ ഇന്ദ്രാ ഗതിക്ഷോഭഭാവോ മഹാഭാവപുഞ്ജാ ॥ 94 ॥
ശശീനാം സമൂഹോ വിധോഃ കോടിശക്തിഃ കദംബാശ്രിതോ വാരമുഖ്യാ സതീനാ ।
മഹോല്ലാസദാതാ മഹാകാലമാതാ സ്വയം സര്‍വപുത്രഃ സ്വയം ലോകപുത്രീ ॥ 95 ॥
മഹാപാപഹന്താ മഹാഭാവഭര്‍ത്രീ ഹരിഃ കാര്‍തീകീ കാര്‍തീകോ ദേവസേനാ ।
ജയാപ്തോ വിലിപ്താ കുലാപ്തോ ഗണാപ്താ സുവീര്യോ സഭാഷാ ക്ഷിതീശോഽഭിയാതാ ॥ 96 ॥
ഭവാന്‍ ഭാവലക്ഷ്മീഃ പ്രിയഃ പ്രേമസൂക്ഷ്മാ ജനേശോ ധനേശീ കൃപോ മാനഭങ്ഗാ ।
കഠോരോത്കടാനാം മഹാബുദ്ധിദാതാ കൃതിസ്ഥാ ഗുണജ്ഞോ ഗുണാനന്ദവിജ്ഞാ ॥ 97 ॥
മഹാകാലപൂജ്യോ മഹാകാലപൂജ്യാ ഖഗാഖ്യോ നഗാഖ്യാ ഖരഃ ഖഡ്ഗഹസ്താ ।
അഥര്‍വോഽഥര്‍വാന്ദോലിതസ്ഥഃ മഹാര്‍ഥാ ഖഗക്ഷോഭനാശാ ഹവിഃ കൂടഹാലാ ॥ 98 ॥
മഹാപദ്മ മാലാധൃതോ ഗാണപത്യാ ഗണസ്ഥോ ഗഭീരാ ഗുരുഃ ജ്ഞാനഗംയാ ।
ഘടപ്രാണദാതാ ഘനാകാരരൂപാ ഭയാര്‍ഥോങബീജാങവാരീങകര്‍താ ॥ 99 ॥
ഭവോ ഭാവമാതാ നരോ യാമധ്യാതാ ചലാന്തോഽചലാഖ്യാ ചയോഽഞ്ജാലികാ ച ।
ഛലജ്ഞശ്ഛലാഢ്യാ ഛകാരശ്ഛകാരാ ജയോ ജീവനസ്ഥാ ജലേശോ ജലേശാ ॥ 100 ॥
ജപഞ്ജാപകാരീ ജഗജ്ജീവനീശാ ജഗത്പ്രാണനാഥോ ജഗദാല്‍ഹാദകാരീ ।
ഝരോ ഝര്‍ഝരീശാ ഝനത്കാരശബ്ദോ ഝനഞ്ഝഞ്ജനാനാദഝങ്കാരരാവാ ॥ 101 ॥
ഞചൈതന്യകാരീ ഞകൈവല്യനാരീ ഹനോല്ലാസധാരീ ടനത്ടങ്കഹസ്താ ।
ഠരേശോ പവിഷ്ടശ്ഠകാരാദികോടീ ഡരോ ഡാകിനീശോ ഡരേശോ ഡമാരാ ॥ 102 ॥
ഢമേശോ ഹി ഢക്കാ വരസ്ഥാനബീജോ ണവര്‍ണാ തമാലതനുഃ സ്ഥാനനിഷ്ഠാ ।
ഥകാരാര്‍ണമാനസ്ഥനിസ്ഥോഽസംഖ്യാ ദയാവാന്‍ ദയാര്‍ദ്രാ ധനേശോ ധനാഢ്യാ ॥ 103 ॥
നവീനോ നഗേഭാഗതീര്‍ണാങ്ഗഹാരോ നഗേശീ പരഃ പാരണീ സാദിപാലാ ।
ഫലാത്മാ ഫലാ ഫാല്‍ഗുനീ ഫേണനാശഃ ഫലാഭൂഷണാഢ്യാ വശീ വാസരംയാ ॥ 104 ॥
ഭഗാത്മാ ഭവസ്ത്രീ മഹാബീജമാനോ മഹാബീജമാലാ മുകുന്ദഃ സുസൂക്ഷ്മാ ।
യതിസ്ഥാ യശസ്ഥാ രതാനന്ദകര്‍താ രതിര്ലാകിനീശോ ലയാര്‍ഥ പ്രചണ്ഡാ ॥ 105 ॥
പ്രവാലാങ്ഗധാരീ പ്രവാലാങ്ഗമാലാ ഹലോഹാലഹേലാപദഃ പാദതാലാ ।
വശീന്ദ്രഃ പ്രകാശോ വരസ്ഥാനവാസാ ശിവഃ ശ്രീധരാങ്ഗഃ ശലാകാ ശിലാ ച ॥ 106 ॥
ഷഡാധാരവാസീ ഷഡാധാരവിദ്യാ ഷഡാംഭോജസംസ്ഥഃ ഷഡബ്ജോപവിഷ്ടാ ।
സദാ സാധരോഗ്രോപവിഷ്ടാഽപരാഗീ സുസൂക്താപയസ്ഥാ പലാശ്രയസ്ഥിതാ ॥ 107 ॥
ഹരസ്ഥോഗ്രകര്‍മാ ഹരാനന്ദധാരാ ലഘുസ്ഥോ ലിപിസ്ഥാ ക്ഷയീക്ഷുബ്ധക സംഖ്യാ ।
അനന്തോ നിര്‍വാണാഹരാകാരബീജാ ഉരസ്ഥോഽപ്യുരുസ്ഥാ ഉരാ ഊര്‍ധ്വരൂപാ ॥ 108 ॥
ഋചസ്ഥോ ഹി ൠഗാലസോ ദീര്‍ഘലൃസ്ഥാ ത്വമേകോ ഹി ചൈംബീജഗുര്‍വീ ഗുണസ്ഥാ ।
സദൌങ്കാരവര്‍ണാ ഹ്സൌംകാരബീജാ അസങ്കാരചന്ദ്രോ ഹ്യുസഃ കാരവീരാ ॥ 109 ॥
ഹരീന്ദ്രോ ഹരീശാ ഹരിഃ കൃഷ്ണരൂപാ ശിവോ വേദഭാഷാ ച ശൌരിഃ പ്രസങ്ഗാ ।
ഗണാധ്യക്ഷരൂപീ പരാനന്ദഭക്ഷാ പരേശോ ഗണേശീ രസോ വാസപൂജ്യാ ॥ 110 ॥
ചകോരി കുലപ്രാണബുദ്ധിസ്ഥിതിസ്ഥാ സ്വയം കാമധേനുസ്വരൂപീ വിരൂപാ ।
ശ്രീഹിരണ്യപ്രഭഃ ശ്രീ ഹിരണ്യപ്രഭാങ്ഗീ പ്രഭാതാര്‍കവര്‍ണോഽരുണാകാരണാങ്ഗീ ॥ 111 ॥
വിഭാ കോടിധാരാ ധരാധാര കോഷാ രണീശോ പ്രത്യാദികൂടോഽധരോ ധാരണാ ശൌരിരാര്യാ ।
മഹായജ്ഞസംസ്ഥോ മഹായജ്ഞനിഷ്ഠാ സദാകര്‍മസങ്ഗഃ സദാമങ്ഗരങ്ഗാ ॥ 112 ॥
കിരാതീപതി രാകിണീ കാലപുത്രീ ശിലാകോട നിര്‍മാണദോഹാ വിശാലാ ।
കലാര്‍കകലസ്ഥോ കലാകിങ്കിണീസ്ഥാ കിശോരഃ കിശോരീ കുരുക്ഷേത്രകന്യാ ॥ 113 ॥
മഹാലാങ്ഗലിശ്രീ ബലോദ്ധാമകൃഷ്ണഃ കുലാലാദിവിദ്യാഽഭയോ ഭാവശൂന്യാ ।
മഹാലാകിനീ കാകിനീ ശാകിനീശോ മഹാസുപ്രകാശാ പരോ ഹാകിനീശാ ॥ 114 ॥
കുരുക്ഷേത്രവാസീ കുരുപ്രേമമൂര്‍തീ ര്‍മഹാഭൂതിഭോഗീ മഹായോഗിനീ ച ।
കുലാങ്ഗാരകാരോ കുലാങ്ഗീശകന്യാ തൃതീയസ്തൃതീയാഽദ്വിതീയോഽദ്വിതീയാ ॥ 115 ॥
മഹാകന്ദവാസീ മഹാനന്ദകാശീ പുരഗ്രാമവാസീ മഹാപീഠദേശാ ।
ജഗന്നാഥ വക്ഷഃ സ്ഥലസ്ഥോ വരേണ്യാ ച്യുതാനന്ദകര്‍താ രസാനന്ദകര്‍ത്രീ ॥ 116 ॥
ജഗദ്ദീപകലോ ജഗദ്ദീപകാലീ മഹാകാമരൂപീ മഹാകാമപീഠാ ।
മഹാകാമപീഠസ്ഥിരോ ഭൂതശുദ്ധി ര്‍മഹാഭൂതശുദ്ധിഃ മഹാഭൂതസിദ്ധിഃ ॥ 117 ॥
പ്രഭാന്തഃ പ്രവീണാ ഗുരുസ്ഥോ ഗിരിസ്ഥാ ഗലദ്ധാരധാരീ മഹാഭക്തവേഷാ ।
ക്ഷണക്ഷുന്നിവൃത്തിനീവൃത്താന്തരാത്മാ സദന്തര്‍ഗതസ്ഥാ ലയസ്ഥാനഗാമീ ॥ 118 ॥
ലയാനന്ദകാംയാ വിസര്‍ഗാപ്തവര്‍ഗോ വിശാലാക്ഷമാര്‍ഗാ കുലാര്‍ണഃ കുലാര്‍ണാ ।
മനസ്ഥാ മനഃശ്രീഃ ഭയാനന്ദദാതാ സദാ ലാണഗീതാ ഗജജ്ഞാനദാതാ മഹാമേരുപായാ ॥ 119 ॥
തരോര്‍മൂലവാസീ തരജ്ഞോപദര്‍ശാ സുരേശഃ സമേശഃ സുരേശാ സുഖീ ഖഡ്ഗനിഷ്ഠാ ।
ഭയത്രാണകര്‍താ ഭയജ്ഞാനഹന്ത്രീ ജനാനാം മഖസ്ഥോ മഖാനന്ദഭങ്ഗാ ॥ 120 ॥
മഹാസത്പഥസ്ഥോ മഹാസത്പഥജ്ഞാ മഹാബിന്ദുമാനോ മഹാബിന്ദുമാനാ ।
ഖഗേന്ദ്രോപവിഷ്ടോ വിസര്‍ഗാന്തരസ്ഥാ വിസര്‍ഗപ്രവിഷ്ടോ മഹാബിന്ദുനാദാ ॥ 121 ॥
സുധാനന്ദഭക്തോ വിധാനന്ദമുക്തിഃ ശിവാനന്ദസുസ്ഥോ വിനാനന്ദധാത്രീ ।
മഹാവാഹനാഹ്ലാദകാരീ സുവാഹാ സുരാനന്ദകാരാ ഗിരാനന്ദകാരീ ॥ 122 ॥
ഹയാനന്ദകാന്തിഃ മതങ്ഗസ്ഥദേവോ മതങ്ഗാധിദേവീ മഹാമത്തരൂപഃ ।
തദേകോ മഹാചക്രപാണിഃ പ്രചണ്ഡാ ഖിലാപസ്ഥലസ്ഥോഽവിഹംനീശപത്നീ ॥ 123 ॥
ശിഖാനന്ദകര്‍താ ശിഖാസാരവാസീ സുശാകംഭരീ ക്രോഷ്ടരീ വേദവേദീസുഗന്ധാ ।
യുഗോ യോഗകന്യാ ദവോ ദീര്‍ഘകന്യാ ശരണ്യഃ ശരണ്യാ മുനിജ്ഞാനഗംയാ സുധന്യഃ സുധന്യാ ॥ 124 ॥
ശശീ വേദജന്യാ യമീ യാമവാമാ ഹ്യകാമോ ഹ്യകാമാ സദാ ഗ്രാമകാമാ ।
ധൃതീശഃ ധൃതീശാ സദാ ഹാടകസ്ഥാഽ യനേശോഽയനേശീ ഭകാരോ ഭഗീരാ ॥ 125 ॥
ചലത്ഖഞ്ജനസ്ഥഃ ഖലത്ഖേലനസ്ഥാ വിവാതീ കിരാതീ ഖിലാങ്ഗോഽഖിലാങ്ഗീ ।
ബൃഹത്ഖേചരസ്ഥോ ബൃഹത്ഖേചരീ ച മഹാനാഗരാജോ മഹാനാഗമാലാ ॥ 126 ॥
ഹകാരാര്‍ദ്ധസംജ്ഞാ വൃതോഹാരമാലാ മഹാകാലനേമിപ്രഹാ പാര്‍വതീ ച ।
തമിസ്രാ തമിസ്രാവൃതോ ദുഃഖഹത്യാ വിപന്നോ വിപന്നാ ഗുണാനന്ദകന്യാ ॥ 127 ॥
സദാ ദുഃഖഹന്താ മഹാദുഃഖഹന്ത്രീ പ്രഭാതാര്‍ക വര്‍ണഃ പ്രഭാതാരുണശ്രീഃ ।
മഹാപര്‍വതപ്രേമഭാവോപപന്നോ മഹാദേവപത്നീശഭാവോപപന്നാ ॥ 128 ॥
മഹാമോക്ഷനീലപ്രിയാ ഭക്തിദാതാ നയാനന്ദ ഭക്തിപ്രദാ ദേവമാതാ ॥ 129 ॥
ഇത്യേതത്കഥിതം നാഥ മഹാസ്തോത്രം മനോരമം ।
സഹസ്രനാമയോഗാഽങ്ഗമഷ്ടോത്തരസമന്വിതമം ॥ 130 ॥
യഃ പഠേത് പ്രാതരുത്ഥായ ശുചിര്‍വാശുചിമാനസഃ ।
ഭക്ത്യാ ശാന്തിമവാപ്നോതി അനായാസേന യോഗിരാട് ॥ 131 ॥
പ്രത്യഹം ധ്യാനമാകൃത്യ ത്രിസന്ധ്യം യഃ പഠേത് ശുചിഃ ।
ഷണ്‍മാസാത് പരമോ യോഗീ സത്യം സത്യം സുരേശ്വര ॥ 132 ॥
അകാലമൃത്യുഹരണം സര്‍വവ്യാധിവിനാശനം ।
അപമൃത്യ്വാദിഹരണം വാരമേകം പഠേദ്യദി ॥ 133 ॥
പഠിത്ത്വാ യേ ന ഗച്ഛന്തി വിപത്കാലേ മഹാനിശി ।
അനായാസേന തേ യാന്തി മഹാഘോരേ ഭയാര്‍ണവേ ॥ 134 ॥
അകാലേ യഃ പഠേന്നിത്യം സുകാലസ്തത്ക്ഷണാദ്ഭവേത് ।
രാജസ്വഹരണേ ചൈവ സുവൃത്തിഹരണാദികേ ॥ 135 ॥
മാസൈകപഠനാദേവ രാജസ്വം സ ലഭേദ് ധ്രുവം ।
വിചരന്തി മഹാവീരാഃ സ്വര്‍ഗേ മര്‍ത്യേ രസാതലേ ॥ 136 ॥
ഗണേശതുല്യവലിനോ മഹാക്രോധശരീരിണഃ ।
ഏതത്സ്തോത്രപ്രസാദേന ജീവന്‍മുക്തോ മഹീതലേ ॥ 137 ॥
മഹാനാമസ്തോത്രസാരം ധര്‍മാധര്‍മനിരൂപണം ।
അകസ്മാത് സിദ്ധിദം കാംയം കാംയം പരമസിദ്ധിദം ॥ 138 ॥
മഹാകുലകുണ്ഡലിന്യാഃ ഭവാന്യാഃ സാധനേ ശുഭേ ।
അഭേദ്യഭേദനേ ചൈവ മഹാപാതകനാശനേ ॥ 139 ॥
മഹാഘോരതരേ കാലേ പഠിത്വാ സിദ്ധിമാപ്നുയാത് ।
ഷട്ചക്രസ്തംഭനം നാഥ പ്രത്യഹം യഃ കരോതി ഹി ॥ 140 ॥
മനോഗതിസ്തസ്യ ഹസ്തേ സ ശിവോ ന തു മാനുഷഃ ।
യോഗാഭ്യാസം യഃ കരോതി ന സ്തവഃ പഠ്യതേ യദി ॥ 141 ॥
യോഗഭ്രഷ്ടോ ഭവേത് ക്ഷിപ്രം കുലാചാരവിലങ്ഘനാത് ।
കുലീനായ പ്രദാതവ്യം ന ഖല്വകുലേശ്വരം ॥ 142 ॥
കുലാചാരം സമാകൃത്യ ബ്രാഹ്മണാഃ ക്ഷത്രിയാദയഃ ।
യോഗിനഃ പ്രഭവന്ത്യേവ സ്തോത്രപാഠാത് സദാമരാഃ ॥ 143 ॥
ആനന്ദഭൈരവ ഉവാച
വദ കാന്തേ രഹസ്യം മേ മയാ സര്‍വഞ്ച വിസ്മൃതം ।
മഹാവിഷം കാലകൂടം പീത്ത്വാ ദേവാദിരക്ഷണാത് ॥ 144 ॥
കണ്ഠസ്ഥാഃ ദേവതാഃ സര്‍വാ ഭസ്മീഭൂതാഃ സുസംഭൃതാഃ ।
മഹാവിഷജ്വാലയാ ച മമ ദേഹസ്ഥദേവതാഃ ॥ 145 ॥
കൈവല്യനിരതാഃ സര്‍വേ പ്രാര്‍ഥയന്തി നിരന്തരം ।
ഷട്ചക്രം കഥയിത്വാ തു സന്തോഷം മേ കുരു പ്രഭോ ।
ഷട്ചക്രഭേദകഥനമമൃതശ്രവണാദികം ॥ 146 ॥
കഥിത്വാ മമ സന്തോഷം കുരു കല്യാണി വല്ലഭേ ।
അമൃതാനന്ദജലധൌ സുധാഭിഃ സിക്തവിഗ്രഹം ॥ 147 ॥
കൃത്ത്വാ കഥയ ശീഘ്രം മേ ചായുഷം പരിവര്‍ധയ ।
ആനന്ദഭൈരവീ ഉവാച
നിഗൂഢാര്‍ഥ മഹാകാല കാലേശ ജഗദീശ്വര ॥ 148 ॥
ഭൈരവാനന്ദനിലയ കാലകൂടനിഷേവണ ।
ഇദാനീം ശൃണു യോഗാര്‍ഥ മയി സംയോഗ ഏവ ച ॥ 149 ॥
ശ്രുത്വാ ചൈതത്ക്രിയാകാര്യം നരോ യോഗീശ്വരോ ഭവേത് ।
മമോദ്ഭവഃ ഖേഽമലേ ച സര്‍വാകാരവിവര്‍ജീതേ ॥ 150 ॥
ഭ്രൂമധ്യേ സര്‍വദേഹേ ച സ്ഥാപയിത്വാ ച മാം നരഃ ।
ഭാവ്യതേ ചാപരിച്ഛന്നം ബ്രഹ്മവിഷ്ണുശിവാത്മകം ॥ 151 ॥
മമ രൂപം മഹാകാല സത്ത്വരജസ്തമഃ പ്രിയം ।
കേവലം രജോയോഗേന ശരീരം നാപി തിഷ്ഠതി ॥ 152 ॥
തഥാ കേവലയോഗേന തമസാ നാപി തിഷ്ഠതി ।
തഥാ കേവലസത്ത്വേന കുതോ ദേഹീ പ്രതിഷ്ഠതി ।
അതസ്ത്രിഗുണയോഗേന ധാരയാമി നവാങ്ഗകം ॥ 153 ॥
ശനൈഃ ശനൈഃ വിജേതവ്യാഃ സത്ത്വരജസ്തമോഗുണാഃ ।
ആദൌ ജിത്വാ രജോധര്‍മം പശ്ചാത്താമസമേവ ച ॥ 154 ॥
സര്‍വശേഷേ സത്ത്വഗുണം നരോ യോഗീശ്വരോ ഭവേത് ।
ഗുണവാന്‍ ജ്ഞാനവാന്‍ വാഗ്മീ സുശ്രീര്‍ധര്‍മീ ജിതേന്ദ്രിയഃ ॥ 155 ॥
ശുദ്ധനിര്‍മലസത്വം തു ഗുണമാശ്രിത്യ മോക്ഷഭാക് ।
സദാ സത്ത്വഗുണാച്ഛന്നം പുരുഷം കാല ഏവ ച ॥ 156 ॥
പശ്യതീഹ ന കദാചിജ്ജരാമൃത്യുവിവര്‍ജീതം ।
തം ജനം പരമം ശാന്തം നിര്‍മലം ദ്വൈതവര്‍ജീതം ॥ 157 ॥
സര്‍വത്യാഗിനമാത്മാനം കാലഃ സര്‍വത്ര രക്ഷതി ।
ജലേ വാ പര്‍വതേ വാപി മഹാരണ്യേ രണസ്ഥലേ ॥ 158 ॥
ഭൂഗര്‍ത്തനിലയേ ഭീതേ സംഹാരേ ദുഷ്ടവിഗ്രഹേ ।
സന്തിഷ്ഠതി മഹായോഗീ സത്യം സത്യം കുലേശ്വര ॥ 159 ॥
മഹായോഗം ശൃണു പ്രാണവല്ലഭ ശ്രീനികേതന ।
യോഗാര്‍ഥം പരമം ബ്രഹ്മയോഗാര്‍ഥ പരന്തപഃ ॥ 160 ॥
യേ ജാനന്തി മഹായോഗം മിരയന്തേ ന ച തേ നരാഃ ।
കൃത്വാ കൃത്വാ ഷഡ്ദലസ്യ സാധനം കൃത്സ്നസാധനം ॥ 161 ॥
തതഃ കുര്യാന്‍മൂലപദ്മേ കുണ്ഡലീപരിചാലനം ।
മുഹുര്‍മുഹുശ്ചാലനേന നരോ യോഗീശ്വരോ ഭവേത് ॥ 162 ॥
ഏകാന്തനിര്‍മലേ ദേശേ ദുര്‍ഭീക്ഷാദിവിവര്‍ജീതേ ।
വര്‍ഷമേകാസനേ യോഗീ യോഗമാര്‍ഗപരോ ഭവേത് ॥ 163 ॥
പദ്മാസനം സദാ കുര്യാദ് ബദ്ധപദ്മാസനം തഥാ ।
മഹാപദ്മാസനം കൃത്വാ തഥാ ചാസനമഞ്ജനം ॥ 164 ॥
തത്പശ്ചാത് സ്വസ്തികാഖ്യഞ്ച ബദ്ധസ്വസ്തികമേവ ച ।
യോഗാഭ്യാസേ സദാ കുര്യാത് മന്ത്രസിദ്ധ്യാദികര്‍മണി ॥ 165 ॥
ചക്രാസനം സദാ യോഗീ യോഗസാധനകര്‍മണി ।
ബദ്ധചക്രാസനം നാമ മഹാചക്രാസനം തഥാ ॥ 166 ॥
കൃത്വാ പുനഃ പ്രകര്‍തവ്യം ബദ്ധയോഗേശ്വരാസനം ।
യോഗേശ്വരാസനം കൃത്വാ മഹായോഗേശ്വരാസനം ॥ 167 ॥
വീരാസനം തതഃ കുര്യാത് മഹാവീരാസനം തഥാ ।
ബദ്ധവീരാസനം കൃത്വാ നരോ യോഗേശ്വരോ ഭവേത് ॥ 168 ॥
തതഃ കുര്യാന്‍മഹാകാല ബദ്ധകുക്കുടാസനം ।
മഹാകുക്കുടമാകൃത്യ കേവലം കുക്കുടാസനം ॥ 169 ॥
മയൂരാസനമേവം ഹി മഹാമയൂരമേവ ച ।
ബദ്ധമയൂരമാകൃത്യ നരോ യോഗേശ്വരോ ഭവേത് ॥ 170 ॥
ഏതത് സര്‍വം പ്രവക്തവ്യം വിചാര്യ സുമനഃപ്രിയ ।
അഭിഷേകപ്രകരണേ ആസനാദിപ്രകാശകം ॥ 171 ॥
കഥിതവ്യം വിശേഷേണ ഇദാനീം ശൃണു ഷട്ക്രമം ।
ബ്രഹ്മാ വിഷ്ണുശ്ച രുദ്രശ്ച ഈശ്വരശ്ച സദാശിവഃ ॥ 172 ॥
തതഃ പരശിവോ ദേവഃ ഷട്ശിവാഃ ഷട്പ്രകാശകാഃ ।
ഏതേഷാം ഷഡ്ഗുണാനന്ദാഃ ശക്തയഃ പരദേവതാഃ ॥ 173 ॥
ഷട്ചക്രഭേദനരതാ മഹാവിദ്യാധിദേവതാഃ ।
ഏതേഷാം സ്തവനം കുര്യാത് പരദേവസമന്വിതം ॥ 174 ॥
ഏതത്പ്രകാരകരണേ യശ്ച പ്രത്യഹമാദരാത് ।
ക്രിയാനിവിഷ്ടഃ സര്‍വത്ര ഭാവനാഗ്രഹരൂപധൃക് ॥ 175 ॥
സ പശ്യതി ജഗന്നാഥം കമലോപഗതം ഹരിം ।
ആദൌ ഹരേര്‍ദര്‍ശനഞ്ച കാരയേദ്യേന കുണ്ഡലീ ॥ 176 ॥
തതോ രുദ്രസ്യ സഞ്ജ്ഞായാം ലാകിന്യാഃ ശുഭദര്‍ശനം ।
സര്‍വശഃ ക്രമശോ നാഥ ദര്‍ശനം പ്രാപ്യതേ നരഃ ॥ 177 ॥
ശനൈഃ ശനൈര്‍മഹാകാല കൈലാസദര്‍ശനം ഭവേത് ।
ക്രമേണ സര്‍വസിദ്ധിഃ സ്യാത് അഷ്ടാങ്ഗയോഗസാധനാത് ॥ 178 ॥
അഷ്ടാങ്ഗസാധനേ കാലേ യദ്യത് കര്‍മം കരോതി ഹി ।
തത്സര്‍വം പരിയത്നേന ശൃണു സാദരപൂര്‍വകം ।
തത്ക്രിയാദികമാകൃത്യ ശീധ്രം യോഗീ ഭവിഷ്യതി ॥ 179 ॥
॥ ഇതി ശ്രീരുദ്രയാമലേ ഉത്തരതന്ത്രേ ഭൈരവീഭൈരവസംവാദേ
ശ്രീരാകിണീകേശവസഹസ്രനാമസ്തോത്രം സമ്പൂര്‍ണം ॥