॥ RadhikaSahasranamastotram Telugu Lyrics ॥
॥ శ్రీరాధికాసహస్రనామస్తోత్రమ్ ॥
నారదపఞ్చరాత్రే జ్ఞానామృతసారతః
శ్రీపార్వత్యువాచ –
దేవదేవ జగన్నాథ భక్తానుగ్రహకారక ।
యద్యస్తి మయి కారుణ్యం మయి యద్యస్తి తే దయా ॥ ౧ ॥
యద్యత్ త్వయా నిగదితం తత్సర్వం మే శ్రుతం ప్రభో ।
గుహ్యాద్ గుహ్యతరం యత్తు యత్తే మనసి కాశతే ॥ ౨ ॥
త్వయా న గదితం యత్తు యస్మై కస్మై కదచన ।
తస్మాత్ కథయ దేవేశ సహస్రం నామ చోత్తమమ్ ॥ ౩ ॥
శ్రీరాధాయా మహదేవ్యా గోప్యా భక్తిప్రసాధనమ్ ।
బ్రహ్మాణ్డకర్త్రీ హర్త్రీ సా కథం గోపీత్వమాగతా ॥ ౪ ॥
శ్రీమహాదేవ ఉవాచ –
శృణు దేవి విచిత్రార్థాం కథాం పాపహరాం శుభామ్ ।
నాస్తి జన్మాని కర్మాణి తస్యా నూనం మహేశ్వరి ॥ ౫ ॥
యదా హరిశ్చరిత్రాణి కురుతే కార్యగోరవాత్ ।
తదా విధతే రూపాణి హరిసాన్నిధ్యసాధినీ ॥ ౬ ॥
తస్యా గోపీత్వభావస్యకారణం గదితం పురా ।
ఇదానీం శృణు దేవేశి నామ్నాం చైవ సహస్రకమ్ ॥ ౭ ॥
యన్మయా కథితం నైవ తన్త్రేష్వపి కదాచన ।
తవ స్నేహాత్ప్రవక్ష్యామి భక్త్యా ధార్యం ముముక్షుభిః ॥ ౮ ॥
మమ ప్రాణసమా విద్యా భవ్యతే మే త్వహర్నిశమ్ ।
శృణుష్వ గిరిజే నిత్యం పఠస్వ చ యథామతి ॥ ౯ ॥
యస్యాః ప్రసాదాత్ కృష్ణస్తు గోలోకేశః పరః ప్రభుః ।
అస్యా నామసహస్రస్య ఋషిర్నారద ఏవ చ ।
దేవీ రాధా పరా ప్రోక్తా చతుర్వర్గప్రసాధినీ ॥ ౧౦ ॥
॥అథ సహస్రనామస్తోత్రమ్ ॥
శ్రీరాధా రాధికా కృష్ణవల్లభా కృష్ణసమ్యుతా ।
వృన్దావనేశ్వరీ కృష్ణప్రియా మదనమోహినీ ॥ ౧౧ ॥
శ్రీమతీ కృష్ణకాన్తా చ కృష్ణానన్దప్రదాయినీ ।
యశస్వినీ యశోగమ్యా యశోదానన్దవల్లభా ॥ ౧౨ ॥
దామోదరప్రియా గోపీ గోపానన్దకరీ తథా ।
కృష్ణాఙ్గవాసినీ హృద్యా హరికాన్తా హరిప్రియా ॥ ౧౩ ॥
ప్రధానగోపికా గోపకన్యా త్రైలోక్యసున్దరీ ।
వృన్దావనవిహారిణీ వికశితముఖామ్బుజా ॥ ౧౪ ॥
గోకులానన్దకర్త్రీ చ గోకులానన్దదాయినీ ।
గతిప్రదా గీతగమ్యా గమనాగమనప్రియా ॥ ౧౫ ॥
విష్ణుప్రియా విష్ణుకాన్తా విష్ణోరఙ్గనివాసినీ ।
యశోదానన్దపత్నీ చ యశోదానన్దగేహినీ ॥ ౧౬ ॥
కామారికాన్తా కామేశీ కామలాలసవిగ్రహా ।
జయప్రదా జయా జీవా జీవానన్దప్రదాయినీ ॥ ౧౭ ॥
నన్దనన్దనపత్నీ చ వృషభానుసుతా శివా ।
గణాధ్యక్షా గవాధ్యక్షా గవాం గతిరనుత్తమా ॥ ౧౮ ॥
కాఞ్చనాభా హేమగాత్రా కాఞ్చనాఙ్గదధారిణీ ।
అశోకా శోకరహితా విశోకా శోకనాశినీ ॥ ౧౯ ॥
గాయత్రీ వేదమాతా చ వేదాతీత విదుత్తమా ।
నీతిశాస్త్రప్రియా నీతిగతిర్మతిరభీష్టదా ॥ ౨౦ ॥
వేదప్రియా వేదగర్భా వేదమార్గప్రవర్ధినీ ।
వేదగమ్యా వేదపరా విచిత్రకనకోజ్జ్వలా ॥ ౨౧ ॥
తథోజ్జ్వలప్రదా నిత్యా తథైవోజ్జ్వలగాత్రికా ।
నన్దప్రియా నన్దసుతారధ్యాఽఽనన్దప్రదా శుభా ॥ ౨౨ ॥
శుభాఙ్గీ విమలాఙ్గీ చ విలసిన్యపరాజితా ।
జననీ జన్మశూన్యా చ జన్మమృత్యుజరాపహా ॥ ౨౩ ॥
గతిర్గతిమతాం ధాత్రీ ధాత్ర్యానన్దప్రదాయినీ ।
జగన్నాథప్రియా శైలవాసినీ హేమసున్దరీ ॥ ౨౪ ॥
కిశోరీ కమలా పద్మా పద్మహస్తా పయోదదా ।
పయస్వినీ పయోదాత్రీ పవిత్రీ సర్వమఙ్గలా ॥ ౨౫ ॥
మహాజీవప్రదా కృష్ణకాన్తా కమలసున్దరీ ।
విచిత్రవాసినీ చిత్రవాసినీ చిత్రరూపిణీ ॥ ౨౬ ॥
నిర్గుణా సుకులీనా చ నిష్కులీనా నిరాకులా ।
గోకులాన్తరగేహా చ యోగానన్దకరీ తథా ॥ ౨౭ ॥
వేణువాద్యా వేణురతిః వేణువాద్యపరాయణా ।
గోపాలస్యప్రియా సౌమ్యరూపా సౌమ్యకులోద్వహా ॥ ౨౮ ॥
మోహామోహా విమోహా చ గతినిష్ఠా గతిప్రదా ।
గీర్వాణవన్ద్యా గిర్వాణా గిర్వాణగణసేవితా ॥ ౨౯ ॥
లలితా చ విశోకా చ విశాఖా చిత్రమాలినీ ।
జితేన్ద్రియా శుద్ధసత్త్వా కులీనా కులదీపికా ॥ ౩౦ ॥
దీపప్రియా దీపదాత్రీ విమలా విమలోదకా ।
కాన్తారవాసినీ కృష్ణా కృష్ణచన్ద్రప్రియా మతిః ॥ ౩౧ ॥
అనుత్తరా దుఃఖహన్త్రీ దుఃఖకర్త్రీ కులోద్వహా ।
మతిర్లక్ష్మీర్ధృతిర్లజ్జా కాన్తిః పుష్టిః స్మృతిః క్షమా ॥ ౩౨ ॥
క్షీరోదశాయినీ దేవీ దేవారికులమర్దినీ ।
వైష్ణవీ చ మహాలక్ష్మీః కులపూజ్యా కులప్రియా ॥ ౩౩ ॥
సంహర్త్రీ సర్వదైత్యానాం సావిత్రీ వేదగామినీ ।
వేదాతీతా నిరాలమ్బా నిరాలమ్బగణప్రియా ॥ ౩౪ ॥
నిరాలమ్బజనైః పూజ్యా నిరాలోకా నిరాశ్రయా ।
ఏకాఙ్గీ సర్వగా సేవ్యా బ్రహ్మపత్నీ సరస్వతీ ॥ ౩౫ ॥
రాసప్రియా రాసగమ్యా రాసాధిష్ఠాతృదేవతా ।
రసికా రసికానన్దా స్వయమ్ రాసేశ్వరీ పరా ॥ ౩౬ ॥
రాసమణ్డలమధ్యస్థా రాసమణ్డలశోభితా ।
రాసమణ్డలసేవ్యా చ రాసక్రీడా మనోహరా ॥ ౩౭ ॥
పుణ్డరీకాక్షనిలయా పుణ్డరీకాక్షగేహినీ ।
పుణ్డరీకాక్షసేవ్యా చ పుణ్డరీకాక్షవల్లభా ॥ ౩౮ ॥
సర్వజీవేశ్వరీ సర్వజీవవన్ద్యా పరాత్పరా ।
ప్రకృతిః శమ్భుకాన్తా చ సదాశివమనోహరా ॥ ౩౯ ॥
క్షుత్పిపాసా దయా నిద్రా భ్రాన్తిః శ్రాన్తిః క్షమాకులా ।
వధూరూపా గోపపత్నీ భారతీ సిద్ధయోగీనీ ॥ ౪౦ ॥
సత్యరూపా నిత్యరూపా నిత్యాఙ్గీ నిత్యగేహినీ ।
స్థానదాత్రీ తథా ధాత్రీ మహాలక్ష్మీః స్వయమ్ప్రభా ॥ ౪౧ ॥
సిన్ధుకన్యాఽఽస్థానదాత్రీ ద్వారకావాసినీ తథా ।
బుద్ధిః స్థితిః స్థానరూపా సర్వకారణకారణా ॥ ౪౨ ॥
భక్తప్రియా భక్తగమ్యా భక్తానన్దప్రదాయినీ ।
భక్తకల్పద్రుమాతీతా తథాతీతగుణా తథా ॥ ౪౩ ॥
మనోఽధిష్ఠాతృదేవీ చ కృష్ణప్రేమపరాయణా ।
నిరామయా సౌమ్యదాత్రీ తథా మదనమోహినీ ॥ ౪౪ ॥
ఏకానంశా శివా క్షేమా దుర్గా దుర్గతినాశినీ ।
ఈశ్వరీ సర్వవన్ద్యా చ గోపనీయా శుభఙ్కరీ ॥ ౪౫ ॥
పాలినీసర్వభూతానాం తథా కామాఙ్గహారిణీ ।
సద్యోముక్తిప్రదా దేవీ వేదసారా పరాత్పరా ॥ ౪౬ ॥
హిమాలయసుతా సర్వా పార్వతీ గిరిజా సతీ ।
దక్షకన్యా దేవమాతా మన్దలజ్జా హరేస్తనుః ॥ ౪౭ ॥
వృన్దారణ్యప్రియా వృన్దా వృన్దావనవిలాసినీ ।
విలాసినీ వైష్ణవీ చ బ్రహ్మలోకప్రతిష్ఠితా ॥ ౪౮ ॥
రుక్మిణీ రేవతీ సత్యభామా జామ్బవతీ తథా ।
సులక్ష్మణా మిత్రవిన్దా కాలిన్దీ జహ్నుకన్యకా ॥ ౪౯ ॥
పరిపూర్ణా పూర్ణతరా తథా హైమవతీ గతిః ।
అపూర్వా బ్రహ్మరూపా చ బ్రహ్మాణ్డపరిపాలినీ ॥ ౫౦ ॥
బ్రహ్మాణ్డభాణ్డమద్యస్థా బ్రహ్మాణ్డభాణ్డరూపిణీ ।
అణ్డరూపాణ్డమధ్యస్థా తథాణ్డపరిపాలినీ ॥ ౫౧ ॥
అణ్డబాహ్యాణ్డసంహర్త్రీ శివబ్రహ్మహరిప్రియా ।
మహావిష్ణుప్రియా కల్పవృక్షరూపా నిరన్తరా ॥ ౫౨ ॥
సారభూతా స్థిరా గౌరీ గౌరాఙ్గీ శశిశేఖరా ।
శ్వేతచమ్పకవర్ణాభా శశికోటిసమప్రభా ॥ ౫౩ ॥
మాలతీ మాల్యభూషాఢ్యా మాలతీమాల్యధారిణీ ।
కృష్ణస్తుతా కృష్ణకాన్తా వృన్దావనవిలాసినీ ॥ ౫౪ ॥
తులస్యధిష్ఠాతృదేవీ సంసారార్ణవపారదా ।
సారదాఽఽహారదామ్భోదా యశోదా గోపనన్దినీ ॥ ౫౫ ॥
అతీతగమనా గౌరీ పరానుగ్రహకారిణీ ।
కరుణార్ణవసమ్పూర్ణా కరుణార్ణవధారిణీ ॥ ౫౬ ॥
మాధవీ మాధవమనోహారిణీ శ్యామవల్లభా ।
అన్ధకారభయధ్వస్తా మఙ్గల్యా మఙ్గలప్రదా ॥ ౫౭ ॥
శ్రీగర్భా శ్రీప్రదా శ్రీశా శ్రీనివాసాచ్యుతప్రియా ।
శ్రీరూపా శ్రీహరా శ్రీదా శ్రీకామా శ్రీస్వరూపిణీ ॥ ౫౮ ॥
శ్రీదామానన్దదాత్రీ చ శ్రీదామేశ్వరవల్లభా ।
శ్రీనితమ్బా శ్రీగణేశా శ్రీస్వరూపాశ్రితా శ్రుతిః ॥ ౫౯ ॥
శ్రీక్రియారూపిణీ శ్రీలా శ్రీకృష్ణభజనాన్వితా ।
శ్రీరాధా శ్రీమతీ శ్రేష్ఠా శ్రేష్ఠరూపా శ్రుతిప్రియా ॥ ౬౦ ॥
యోగేశీ యోగమాతా చ యోగాతితా యుగప్రియా ।
యోగప్రియా యోగగమ్యా యోగినీగణవన్దితా ॥ ౬౧ ॥
జవాకుసుమసఙ్కాసా దాడిమీకుసుమోపమా ।
నీలామ్బరధరా ధీరా ధైర్యరూపధరా ధృతిః ॥ ౬౨ ॥
రత్నసింహాసనస్థా చ రత్నకుణ్డలభూషితా ।
రత్నాలఙ్కారసమ్యుక్తా రత్నమాలాధరా పరా ॥ ౬౩ ॥
రత్నేన్ద్రసారహారాఢ్యా రత్నమాలావిభూషితా ।
ఇన్ద్రనీలమణిన్యస్తపాదపద్మశుభా శుచిః ॥ ౬౪ ॥
కార్త్తికీ పౌర్ణమాసీ చ అమావస్యా భయాపహా ।
గోవిన్దరాజగృహినీ గోవిన్దగణపూజితా ॥ ౬౫ ॥
వైకుణ్ఠనాథగృహిణీ వైకుణ్ఠపరమాలయా ।
వైకుణ్ఠదేవదేవాఢ్యా తథా వైకుణ్ఠసున్దరీ ॥ ౬౬ ॥
మహాలసా వేదవతీ సీతా సాధ్వీ పతివ్రతా ।
అన్నపూర్ణా సదానన్దరూపా కైవల్యసున్దరీ ॥ ౬౭ ॥
కైవల్యదాయినీ శ్రేష్ఠా గోపీనాథమనోహరా ।
గోపీనాథేశ్వరీ చణ్డీ నాయికానయనాన్వితా ॥ ౬౮ ॥
నాయికా నాయకప్రీతా నాయకానన్దరూపిణీ ।
శేషా శేషవతీ శేషరూపిణీ జగదమ్బికా ॥ ౬౯ ॥
గోపాలపాలికా మాయా జాయాఽఽనన్దప్రదా తథా ।
కుమారీ యౌవనానన్దా యువతీ గోపసున్దరీ ॥ ౭౦ ॥
గోపమాతా జానకీ చ జనకానన్దకారిణీ ।
కైలాసవాసినీ రమ్భా వైరాగ్యాకులదీపికా ॥ ౭౧ ॥
కమలాకాన్తగృహినీ కమలా కమలాలయా ।
త్రైలోక్యమాతా జగతామధిష్ఠాత్రీ ప్రియామ్బికా ॥ ౭౨ ॥
హరకాన్తా హరరతా హరానన్దప్రదాయినీ ।
హరపత్నీ హరప్రీతా హరతోషణతత్పరా ॥ ౭౩ ॥
హరేశ్వరీ రామరతా రామా రామేశ్వరీ రమా ।
శ్యామలా చిత్రలేఖా చ తథా భువనమోహినీ ॥ ౭౪ ॥
సుగోపీ గోపవనితా గోపరాజ్యప్రదా శుభా ।
అఙ్గావపూర్ణా మాహేయీ మత్స్యరాజసుతా సతీ ॥ ౭౫ ॥
కౌమారీ నారసింహీ చ వారాహీ నవదుర్గికా ।
చఞ్చలా చఞ్చలామోదా నారీ భువనసున్దరీ ॥ ౭౬ ॥
దక్షయజ్ఞహరా దాక్షీ దక్షకన్యా సులోచనా ।
రతిరూపా రతిప్రీతా రతిశ్రేష్ఠా రతిప్రదా ॥ ౭౭ ॥
రతిర్లక్ష్మణగేహస్థా విరజా భువనేశ్వరీ ।
శఙ్కాస్పదా హరేర్జాయా జామాతృకులవన్దితా ॥ ౭౮ ॥
బకులా బకులామోదధారిణీ యమునా జయా ।
విజయా జయపత్నీ చ యమలార్జునభఞ్జినీ ॥ ౭౯ ॥
వక్రేశ్వరీ వక్రరూపా వక్రవీక్షణవీక్షితా ।
అపరాజితా జగన్నాథా జగన్నాథేశ్వరీ యతిః ॥ ౮౦ ॥
ఖేచరీ ఖేచరసుతా ఖేచరత్వప్రదాయినీ ।
విష్ణువక్షఃస్థలస్థా చ విష్ణుభావనతత్పరా ॥ ౮౧ ॥
చన్ద్రకోటిసుగాత్రీ చ చన్ద్రాననమనోహరీ ।
సేవాసేవ్యా శివా క్షేమా తథా క్షేమకారీ వధూః ॥ ౮౨ ॥
యాదవేన్ద్రవధూః సేవ్యా శివభక్తా శివాన్వితా ।
కేవలా నిష్ఫలా సూక్ష్మా మహాభీమాఽభయప్రదా ॥ ౮౩ ॥
జీమూతరూపా జైమూతీ జితామిత్రప్రమోదినీ ।
గోపాలవనితా నన్దా కులజేన్ద్రనివాసినీ ॥ ౮౪ ॥
జయన్తీ యమునాఙ్గీ చ యమునాతోషకారిణీ ।
కలికల్మషభఙ్గా చ కలికల్మషనాశినీ ॥ ౮౫ ॥
కలికల్మషరూపా చ నిత్యానన్దకరీ కృపా ।
కృపావతీ కులవతీ కైలాసాచలవాసినీ ॥ ౮౬ ॥
వామదేవీ వామభాగా గోవిన్దప్రియకారిణీ ।
నరేన్ద్రకన్యా యోగేశీ యోగినీ యోగరూపిణీ ॥ ౮౭ ॥
యోగసిద్ధా సిద్ధరూపా సిద్ధక్షేత్రనివాసినీ ।
క్షేత్రాధిష్ఠాతృరూపా చ క్షేత్రాతీతా కులప్రదా ॥ ౮౮ ॥
కేశవానన్దదాత్రీ చ కేశవానన్దదాయినీ ।
కేశవా కేశవప్రీతా కేశవీ కేశవప్రియా ॥ ౮౯ ॥
రాసక్రీడాకరీ రాసవాసినీ రాససున్దరీ ।
గోకులాన్వితదేహా చ గోకులత్వప్రదాయినీ ॥ ౯౦ ॥
లవఙ్గనామ్నీ నారఙ్గీ నారఙ్గకులమణ్డనా ।
ఏలాలవఙ్గకర్పూరముఖవాసముఖాన్వితా ॥ ౯౧ ॥
ముఖ్యా ముఖ్యప్రదా ముఖ్యరూపా ముఖ్యనివాసినీ ।
నారాయణీ కృపాతీతా కరుణామయకారిణీ ॥ ౯౨ ॥
కారుణ్యా కరుణా కర్ణా గోకర్ణా నాగకర్ణికా ।
సర్పిణీ కౌలినీ క్షేత్రవాసినీ జగదన్వయా ॥ ౯౩ ॥
జటిలా కుటిలా నీలా నీలామ్బరధరా శుభా ।
నీలామ్బరవిధాత్రీ చ నీలకణ్ఠప్రియా తథా ॥ ౯౪ ॥
భగినీ భాగినీ భోగ్యా కృష్ణభోగ్యా భగేశ్వరీ ।
బలేశ్వరీ బలారాధ్యా కాన్తా కాన్తనితమ్బినీ ॥ ౯౫ ॥
నితమ్బినీ రూపవతీ యువతీ కృష్ణపీవరీ ।
విభావరీ వేత్రవతీ సఙ్కటా కుటిలాలకా ॥ ౯౬ ॥
నారాయణప్రియా శైలా సృక్కణీపరిమోహితా ।
దృక్పాతమోహితా ప్రాతరాశినీ నవనీతికా ॥ ౯౭ ॥
నవీనా నవనారీ చ నారఙ్గఫలశోభితా ।
హైమీ హేమముఖీ చన్ద్రముఖీ శశిసుశోభనా ॥ ౯౮ ॥
అర్ధచన్ద్రధరా చన్ద్రవల్లభా రోహిణీ తమిః ।
తిమిఙ్గ్లకులామోదమత్స్యరూపాఙ్గహారిణీ ॥ ౯౯ ॥
కారిణీ సర్వభూతానాం కార్యాతీతా కిశోరిణీ ।
కిశోరవల్లభా కేశకారికా కామకారికా ॥ ౧౦౦ ॥
కామేశ్వరీ కామకలా కాలిన్దీకూలదీపికా ।
కలిన్దతనయాతీరవాసినీ తీరగేహినీ ॥ ౧౦౧ ॥
కాదమ్బరీపానపరా కుసుమామోదధారిణీ ।
కుముదా కుముదానన్దా కృష్ణేశీ కామవల్లభా ॥ ౧౦౨ ॥
తర్కాలీ వైజయన్తీ చ నిమ్బదాడిమరూపిణీ ।
బిల్వవృక్షప్రియా కృష్ణామ్బరా బిల్వోపమస్తనీ ॥ ౧౦౩ ॥
బిల్వాత్మికా బిల్వవపుర్బిల్వవృక్షనివాసినీ ।
తులసీతోషికా తైతిలానన్దపరితోషికా ॥ ౧౦౪ ॥
గజముక్తా మహాముక్తా మహాముక్తిఫలప్రదా ।
అనఙ్గమోహినీ శక్తిరూపా శక్తిస్వరూపిణీ ॥ ౧౦౫ ॥
పఞ్చశక్తిస్వరూపా చ శైశవానన్దకారిణీ ।
గజేన్ద్రగామినీ శ్యామలతాఽనఙ్గలతా తథా ॥ ౧౦౬ ॥
యోషిచ్ఛ్క్తిస్వరూపా చ యోషిదానన్దకారిణీ ।
ప్రేమప్రియా ప్రేమరూపా ప్రేమానన్దతరఙ్గిణీ ॥ ౧౦౭ ॥
ప్రేమహారా ప్రేమదాత్రీ ప్రేమశక్తిమయీ తథా ।
కృష్ణప్రేమవతీ ధన్యా కృష్ణప్రేమతరఙ్గిణీ ॥ ౧౦౮ ॥
ప్రేమభక్తిప్రదా ప్రేమా ప్రేమానన్దతరఙ్గిణీ ।
ప్రేమక్రీడాపరీతాఙ్గీ ప్రేమభక్తితరఙ్గిణీ ॥ ౧౦౯ ॥
ప్రేమార్థదాయినీ సర్వశ్వేతా నిత్యతరఙ్గిణీ ।
హావభావాన్వితా రౌద్రా రుద్రానన్దప్రకాశినీ ॥ ౧౧౦ ॥
కపిలా శృఙ్ఖలా కేశపాశసమ్బన్ధినీ ఘటీ ।
కుటీరవాసినీ ధూమ్రా ధూమ్రకేశా జలోదరీ ॥ ౧౧౧ ॥
బ్రహ్మాణ్డగోచరా బ్రహ్మరూపిణీ భవభావినీ ।
సంసారనాశినీ శైవా శైవలానన్దదాయినీ ॥ ౧౧౨ ॥
శిశిరా హేమరాగాఢ్యా మేఘరూపాతిసున్దరీ ।
మనోరమా వేగవతీ వేగాఢ్యా వేదవాదినీ ॥ ౧౧౩ ॥
దయాన్వితా దయాధారా దయారూపా సుసేవినీ ।
కిశోరసఙ్గసంసర్గా గౌరచన్ద్రాననా కలా ॥ ౧౧౪ ॥
కలాధినాథవదనా కలానాథాధిరోహిణీ ।
విరాగకుశలా హేమపిఙ్గలా హేమమణ్డనా ॥ ౧౧౫ ॥
భాణ్డీరతాలవనగా కైవర్తీ పీవరీ శుకీ ।
శుకదేవగుణాతీతా శుకదేవప్రియా సఖీ ॥ ౧౧౬ ॥
వికలోత్కర్షిణీ కోషా కౌషేయామ్బరధారిణీ ।
కోషావరీ కోషరూపా జగదుత్పత్తికారికా ॥ ౧౧౭ ॥
సృష్టిస్థితికరీ సంహారిణీ సంహారకారిణీ ।
కేశశైవలధాత్రీ చ చన్ద్రగాత్రీ సుకోమలా ॥ ౧౧౮ ॥
పద్మాఙ్గరాగసంరాగా విన్ధ్యాద్రిపరివాసిణీ ।
విన్ధ్యాలయా శ్యామసఖీ సఖీ సంసారరాగిణీ ॥ ౧౧౯ ॥
భూతా భవిష్యా భవ్యా చ భవ్యగాత్రా భవాతిగా ।
భవనాశాన్తకారిణ్యాకాశరూపా సువేశినీ ॥ ౧౨౦ ॥
రతిరఙ్గపరిత్యాగా రతివేగా రతిప్రదా ।
తేజస్వినీ తేజోరూప కైవల్యపథదా శుభా ॥ ౧౨౧ ॥
భక్తిహేతుర్ముక్తిహేతులఙ్ఘినీ లఙ్ఘనక్షమా ।
విశాలనేత్రా వైసాలీ విశాలకులసమ్భవా ॥ ౧౨౨ ॥
విశాలగృహవాసా చ విశాలబదరీరతిః ।
భక్త్త్యతీతా భక్తగతిర్భక్తికా శివభక్తిదా ॥ ౧౨౩ ॥
శివశక్తిస్వరూపా చ శివార్ధాఙ్గవిహారిణీ ।
శిరీషకుసుమామోదా శిరీషకుసుమోజ్జ్వలా ॥ ౧౨౪ ॥
శిరీషమృద్ధీ శైరీషీ శిరీషకుసుమాకృతిః ।
వామాఙ్గహారిణీ విష్ణోః శివభక్తిసుఖాన్వితా ॥ ౧౨౫ ॥
విజితా విజితామోదా గణగా గణతోషితా ।
హయాస్యా హేరమ్బసుతా గణమాతా సుఖేశ్వరీ ॥ ౧౨౬ ॥
దుఃఖహన్త్రీ దుఃఖహరా సేవితేప్సితసర్వదా ।
సర్వజ్ఞత్వవిధాత్రీ చ కులక్షేత్రనివాసినీ ॥ ౧౨౭ ॥
లవఙ్గా పాణ్డవసఖీ సఖీమధ్యనివాసినీ ।
గ్రామ్యగీతా గయా గమ్యా గమనాతీతనిర్భరా ॥ ౧౨౮ ॥
సర్వాఙ్గసున్దరీ గఙ్గా గఙ్గాజలమయీ తథా ।
గఙ్గేరితా పూతగాత్రా పవిత్రకులదీపికా ॥ ౧౨౯ ॥
పవిత్రగుణశీలాఢ్యా పవిత్రానన్దదాయినీ ।
పవిత్రగుణశీలాఢ్యా పవిత్రకులదీపినీ ॥ ౧౩౦ ॥
కల్పమానా కంసహరా విన్ధ్యాచలనివాసినీ ।
గోవర్ధనేశ్వరీ గోవర్ధనహాస్యా హయాకృతిః ॥ ౧౩౧ ॥
మీనావతారా మినేశీ గగనేశీ హయా గజీ ।
హరిణీ హరిణీ హారధారిణీ కనకాకృతిః ॥ ౧౩౨ ॥
విద్యుత్ప్రభా విప్రమాతా గోపమాతా గయేశ్వరీ ।
గవేశ్వరీ గవేశీ చ గవీశీ గవివాసినీ ॥ ౧౩౩ ॥
గతిజ్ఞా గీతకుశలా దనుజేన్ద్రనివారిణీ ।
నిర్వాణదాత్రీ నైర్వాణీ హేతుయుక్తా గయోత్తరా ॥ ౧౩౪ ॥
పర్వతాధినివాసా చ నివాసకుశలా తథా ।
సంన్యాసధర్మకుశలా సంన్యాసేశీ శరన్ముఖీ ॥ ౧౩౫ ॥
శరచ్చన్ద్రముఖీ శ్యామహారా క్షేత్రనివాసినీ ।
వసన్తరాగసంరాగా వసన్తవసనాకృతిః ॥ ౧౩౬ ॥
చతుర్భుజా షడ్భుజా ద్విభుజా గౌరవిగ్రహా ।
సహస్రాస్యా విహాస్యా చ ముద్రాస్యా మదదాయినీ ॥ ౧౩౭ ॥
ప్రాణప్రియా ప్రాణరూపా ప్రాణరూపిణ్యపావృతా ।
కృష్ణప్రీతా కృష్ణరతా కృష్ణతోషణతత్పరా ॥ ౧౩౮ ॥
కృష్ణప్రేమరతా కృష్ణభక్తా భక్తఫలప్రదా ।
కృష్ణప్రేమా ప్రేమభక్తా హరిభక్తిప్రదాయినీ ॥ ౧౩౯ ॥
చైతన్యరూపా చైతన్యప్రియా చైతన్యరూపిణీ ।
ఉగ్రరూపా శివక్రోడా కృష్ణక్రోడా జలోదరీ ॥ ౧౪౦ ॥
మహోదరీ మహాదుర్గకాన్తారసుస్థవాసినీ ।
చన్ద్రావలీ చన్ద్రకేశీ చన్ద్రప్రేమతరఙ్గిణీ ॥ ౧౪౧ ॥
సముద్రమథనోద్భూతా సముద్రజలవాసినీ ।
సముద్రామృతరుపా చ సముద్రజలవాసికా ॥ ౧౪౨ ॥
కేశపాశరతా నిద్రా క్షుధా ప్రేమతరఙ్గికా ।
దూర్వాదలశ్యామతనుర్దూర్వాదలతనుచ్ఛవిః ॥ ౧౪౩ ॥
నాగరా నాగరిరాగా నాగరానన్దకారిణీ ।
నాగరాలిఙ్గనపరా నాగరాఙ్గనమఙ్గలా ॥ ౧౪౪ ॥
ఉచ్చనీచా హైమవతీ ప్రియా కృష్ణతరఙ్గదా ।
ప్రేమాలిఙ్గనసిద్ధాఙ్గీ సిద్ధా సాధ్యవిలాసికా ॥ ౧౪౫ ॥
మఙ్గలామోదజననీ మేఖలామోదధారిణీ ।
రత్నమఞ్జీరభూషాఙ్గీ రత్నభూషణభూషణా ॥ ౧౪౬ ॥
జమ్బాలమాలికా కృష్ణప్రాణా ప్రాణవిమోచనా ।
సత్యప్రదా సత్యవతీ సేవకానన్దదాయికా ॥ ౧౪౭ ॥
జగద్యోనిర్జగద్బీజా విచిత్రమణిభూషణా ।
రాధారమణకాన్తా చ రాధ్యా రాధనరూపిణీ ॥ ౧౪౮ ॥
కైలాసవాసినీ కృష్ణప్రాణసర్వస్వదాయినీ ।
కృష్ణావతారనిరతా కృష్ణభక్తఫలార్థినీ ॥ ౧౪౯ ॥
యాచకాయాచకానన్దకారిణీ యాచకోజ్జ్వలా ।
హరిభూషణభుషాఢ్యాఽఽనన్దయుక్తాఽఽర్ద్రపదగా ॥ ౧౫౦ ॥
హైహైతాలధరా థైథైశబ్దశక్తిప్రకాశినీ ।
హేహేశబ్దస్వరుపా చ హిహివాక్యవిశారదా ॥ ౧౫౧ ॥
జగదానన్దకర్త్రీ చ సాన్ద్రానన్దవిశారదా ।
పణ్డితా పణ్డితగుణా పణ్డితానన్దకారిణీ ॥ ౧౫౨ ॥
పరిపాలనకర్త్రీ చ తథా స్థితివినోదినీ ।
తథా సమ్హారశబ్దాఢ్యా విద్వజ్జనమనోహరా ॥ ౧౫౩ ॥
విదుషాం ప్రీతిజననీ విద్వత్ప్రేమవివర్ధినీ ।
నాదేశీ నాదరూపా చ నాదబిన్దువిధారిణీ ॥ ౧౫౪ ॥
శూన్యస్థానస్థితా శూన్యరూపపాదపవాసినీ ।
కార్త్తికవ్రతకర్త్రీ చ వసనాహారిణీ తథా ॥ ౧౫౫ ॥
జలశాయా జలతలా శిలాతలనివాసినీ ।
క్షుద్రకీటాఙ్గసంసర్గా సఙ్గదోశవినాశినీ ॥ ౧౫౬ ॥
కోటికన్దర్పలావణ్యా కన్దర్పకోటిసున్దరీ ।
కన్దర్పకోటిజననీ కామబీజప్రదాయినీ ॥ ౧౫౭ ॥
కామశాస్త్రవినోదా చ కామశాస్త్రప్రకాశినీ ।
కామప్రకాశికా కామిన్యణిమాద్యష్టసిద్ధిదా ॥ ౧౫౮ ॥
యామినీ యామినీనాథవదనా యామినీశ్వరీ ।
యాగయోగహరా భుక్తిముక్తిదాత్రీ హిరణ్యదా ॥ ౧౫౯ ॥
కపాలమాలినీ దేవీ ధామరూపిణ్యపూర్వదా ।
కృపాన్వితా గుణా గౌణ్యా గుణాతీతఫలప్రదా ॥ ౧౬౦ ॥
కుష్మాణ్డభూతవేతాలనాశినీ శరదాన్వితా ।
శీతలా శవలా హేలా లీలా లావణ్యమఙ్గలా ॥ ౧౬౧ ॥
విద్యార్థినీ విద్యమానా విద్యా విద్యాస్వరూపిణీ ।
ఆన్వీక్షికీ శాస్త్రరూపా శాస్త్రసిద్ధాన్తకారిణీ ॥ ౧౬౨ ॥
నాగేన్ద్రా నాగమాతా చ క్రీడాకౌతుకరూపిణీ ।
హరిభావనశీలా చ హరితోషణతత్పరా ॥ ౧౬౩ ॥
హరిప్రాణా హరప్రాణా శివప్రాణా శివాన్వితా ।
నరకార్ణవసంహన్త్రీ నరకార్ణవనాశినీ ॥ ౧౬౪ ॥
నరేశ్వరీ నరాతీతా నరసేవ్యా నరాఙ్గనా ।
యశోదానన్దనప్రాణవల్లభా హరివల్లభా ॥ ౧౬౫ ॥
యశోదానన్దనారమ్యా యశోదానన్దనేశ్వరీ ।
యశోదానన్దనాక్రిడా యశోదాక్రోడవాసినీ ॥ ౧౬౬ ॥
యశోదానన్దనప్రాణా యశోదానన్దనార్థదా ।
వత్సలా కౌశలా కాలా కరుణార్ణవరూపిణీ ॥ ౧౬౭ ॥
స్వర్గలక్ష్మీర్భూమిలక్ష్మీర్ద్రౌపదీ పాణ్డవప్రియా ।
తథార్జునసఖీ భౌమీ భైమీ భీమకులోద్భవా ॥ ౧౬౮ ॥
భువనా మోహనా క్షీణా పానాసక్తతరా తథా ।
పానార్థినీ పానపాత్రా పానపానన్దదాయినీ ॥ ౧౬౯ ॥
దుగ్ధమన్థనకర్మాఢ్యా దుగ్ధమన్థనతత్పరా ।
దధిభాణ్డార్థినీ కృష్ణక్రోధినీ నన్దనాఙ్గనా ॥ ౧౭౦ ॥
ఘృతలిప్తా తక్రయుక్తా యమునాపారకౌతుకా ।
విచిత్రకథకా కృష్ణహాస్యభాషణతత్పరా ॥ ౧౭౧ ॥
గోపాఙ్గనావేష్టితా చ కృష్ణసఙ్గార్థినీ తథా ।
రాసాసక్తా రాసరతిరాసవాసక్తవాసనా ॥ ౧౭౨ ॥
హరిద్రా హరితా హారిణ్యానన్దార్పితచేతనా ।
నిశ్చైతన్యా చ నిశ్చేతా తథా దారుహరిద్రికా ॥ ౧౭౩ ॥
సుబలస్య స్వసా కృష్ణభార్యా భాషాతివేగినీ ।
శ్రీదామస్య శఖీ దామదామినీ దామధారిణీ ॥ ౧౭౪ ॥
కైలాసినీ కేశినీ చ హరిదమ్బరధారిణీ ।
హరిసాన్నిధ్యదాత్రీ చ హరికౌతుకమఙ్గలా ॥ ౧౭౫ ॥
హరిప్రదా హరిద్వారా యమునాజలవాసినీ ।
జైత్రప్రదా జితార్థీ చ చతురా చాతురీ తమీ ॥ ౧౭౬ ॥
తమిస్రాఽఽతాపరూపా చ రౌద్రరూపా యశోఽర్థినీ ।
కృష్ణార్థినీ కృష్ణకలా కృష్ణానన్దవిధాయినీ ॥ ౧౭౭ ॥
కృష్ణార్థవాసనా కృష్ణరాగినీ భవభావినీ ।
కృష్ణార్థరహితా భక్తా భక్తభక్తిశుభప్రదా ॥ ౧౭౮ ॥
శ్రీకృష్ణరహితా దీనా తథా విరహిణీ హరేః ।
మథురా మథురారాజగేహభావనభావనా ॥ ౧౭౯ ॥
శ్రీకృష్ణభావనామోదా తథోఽన్మాదవిధాయినీ ।
కృష్ణార్థవ్యాకులా కృష్ణసారచర్మధరా శుభా ॥ ౧౮౦ ॥
అలకేశ్వరపూజ్యా చ కువేరేశ్వరవల్లభా ।
ధనధాన్యవిధాత్రీ చ జాయా కాయా హయా హయీ ॥ ౧౮౧ ॥
ప్రణవా ప్రణవేశీ చ ప్రణవార్థస్వరూపిణీ ।
బ్రహ్మవిష్ణుశివార్ధాఙ్గహారిణీ శైవశింశపా ॥ ౧౮౨ ॥
రాక్షసీనాశినీ భూతప్రేతప్రాణవినాశినీ ।
సకలేప్సితదాత్రీ చ శచీ సాధ్వీ అరున్ధతీ ॥ ౧౮౩ ॥
పతివ్రతా పతిప్రాణా పతివాక్యవినోదినీ ।
అశేషసాధనీ కల్పవాసినీ కల్పరూపిణీ ॥ ౧౮౪ ॥
॥ ఫలశ్రుతీ ॥
శ్రీమహాదేవ ఉవాచ –
ఇత్యేతత్ కథితం దేవి రాధానామసహస్రకమ్ ।
యః పఠేత్ పాఠయద్వాపి తస్య తుష్యతి మాధవః ॥ ౧౮౫ ॥
కిం తస్య యమునాభిర్వా నదీభిః సర్వతః ప్రియే ।
కురుక్షేత్రాదితీర్థైశ్చ యస్య తుష్టో జనార్దనః ॥ ౧౮౬ ॥
స్తోత్రస్యాస్య ప్రసాదేన కిం న సిధ్యతి భూతలే ।
బ్రాహ్మణో బ్రహ్మవర్చాః స్యాత్ క్షత్రియో జగతిపతిః ॥ ౧౮౭ ॥
వైశ్యో నిధిపతిర్భూయాత్ శూద్రో ముచ్యేత జన్మతః ।
బ్రహ్మహత్యాసురాపానస్తేయాదేరతిపాతకాత్ ॥ ౧౮౮ ॥
సద్యో ముచ్యేత దేవేశి సత్యం సత్యం న సంశయః ।
రాధానామసహస్రస్య సమానం నాస్తి భూతలే ॥ ౧౮౯ ॥
స్వర్గే వాప్యథ పాతాలే గిరౌ వ జలతోఽపి వా ।
నాతః పరం శుభం స్తోత్రమ్ తీర్థం నాతః పరం పరమ్ ॥ ౧౯౦ ॥
ఏకాదశ్యాం శుచిర్భూత్వా యః పఠేత్ సుసమాహితః ।
తస్య సర్వార్థసిద్ధిః స్యాచ్ఛృణుయాద్ వా సుశోభనే ॥ ౧౯౧ ॥
ద్వాదశ్యాం పౌర్ణమాస్యాం వా తులసీసన్నిధౌ శివే ।
యః పఠేత్ శృణుయాద్వాపి తస్య తత్తత్ ఫలం శృణు ॥ ౧౯౨ ॥
అశ్వమేధం రాజసూయం బార్హస్పత్యం తథాఽఽత్రికమ్ ।
అతిరాత్రం వాజపేయమగ్నిష్టోమం తథా శుభమ్ ॥ ౧౯౩ ॥
కృత్వా యత్ ఫలమాప్నోతి శ్రుత్వా తత్ ఫలమాప్నుయాత్ ।
కార్త్తికే చాష్టమీం ప్రాప్య పఠేద్వా శృణుయాదపి ॥ ౧౯౪ ॥
సహస్రయుగకల్పాన్తం వైకుణ్ఠవసతిం లభేత్ ।
తతశ్చ బ్రహ్మభవనే శివస్య భవనే పునః ॥ ౧౯౫ ॥
సురాధినాథభవనే పునర్యాతి సలోకతామ్ ।
గఙ్గాతీరం సమాసాద్య యః పఠేత్ శృణుయాదపి ॥ ౧౯౬ ॥
విష్ణోః సారూప్యమాయాతి సత్యం సత్యం సురేశ్వరి ।
మమ వక్త్రగిరేర్జాతా పార్వతీవదనాశ్రితా ॥ ౧౯౭ ॥
రాధానాథసహస్రాఖ్యా నదీ త్రైలోక్యపావనీ ।
పఠ్యతే హి మయా నిత్యం భక్త్యా శక్త్యా యథోచితమ్ ॥ ౧౯౮ ॥
మమ ప్రాణసమం హ్యన్యత్త్ తవ ప్రీత్యా ప్రకాశితమ్ ।
నాభక్తాయ ప్రదాతవ్యం పాఖణ్డాయ కదాచన ॥ ౧౯౯ ॥
నాస్తికాయావిరాగాయ రాగయుక్తాయ సున్దరి ।
తథా దేయం మహాస్తోత్రం హరిభక్తాయ శఙ్కరి ॥ ౨౦౦ ॥
వైష్ణవేషు యథాశక్తి దాత్రే పుణ్యార్థశాలినే ।
రాధానామసుధావారి మమ వక్త్రసుధామ్బుధేః ॥ ౨౦౧ ॥
ఉద్ధృతాసౌ త్వయా యత్నాత్ యతస్త్వం వైష్ణవాగ్రణీః ॥ ౨౦౨ ॥
విశుద్ధసత్త్వాయ యథార్థవాదినే ద్విజస్య సేవానిరతాయ మన్త్రిణే ।
దాత్రే యథాశక్తి సుభక్తిమానసే రాధాపదధ్యానపరాయ శోభనే ॥ ౨౦౩ ॥
హరిపాదాఙ్కమధుపమనోభూతాయ మానసే ।
రాధాపాదసుధాస్వాదశాలినే వైష్ణవాయ చ ॥ ౨౦౪ ॥
దద్యాత్ స్తోత్రం మహాపుణ్యం హరిభక్తిప్రసాధనమ్ ।
జన్మాన్తరం న తస్యాస్తి రాధాకృష్ణపదార్థినః ॥ ౨౦౫ ॥
మమ ప్రాణా వైష్ణవా హి తేషాం రక్షార్థమేవ హి ।
శూలం మయా ధర్యతే హి నాన్యథా మేఽత్ర కారణమ్ ॥ ౨౦౬ ॥
హరిభక్తిద్విషామర్థే శూలం సన్ధర్యతే మయా ।
శృణు దేవి యథార్థం మే గదితం త్వయి సువ్రతే ॥ ౨౦౭ ॥
భక్తాసి మే ప్రియాసి త్వమతః స్నేహాత్ ప్రకాశితమ్ ।
కదాపి నోచ్యతే దేవి మయా నామసహస్రకమ్ ॥ ౨౦౮ ॥
ఇతి నారదపఞ్చరాత్రే జ్ఞానామృతసారతః
శ్రీరాధికాసహస్రనామస్తోత్ర సమ్పూర్ణమ్ ।