భద్రాచల రామదాసు కీర్తనలు
॥ Evaru Dusincina Nemi Lyrics ॥
బిళహరి – త్రిపుట
పల్లవి:
ఎవరు దూషించిన నేమి వచ్చె మరి
ఎవరు భూషించిన నేమి వచ్చె మరి
అవగుణములు మాన్పి ఆర్చేర తీర్చేర
నవనీతచోరుడు నారాయణుడుండగ ఎ ॥
చరణము(లు):
పిమ్మట నాడిన నేమి మంచి
ప్రియములు ఒలికిన నేమి కొమ్మిదే
రమ్మని కోరిక లొసగెడి నాపాల
సమ్మతిగ సర్వేశ్వరుడుండగ ఎ ॥
వారి పంతము మాకేల వట్టి
వాదులతోడ పోరేల భాషించు
వారితో పలుమారు పొందేల కాచి
రక్షించెడి ఘనుడు శ్రీరాముడుండగా ఎ ॥
అపరాధముల నెంచువారు మాకు
ఉపకారులై యున్నారు రామ
విపరీత చరితలు వినుచు ఎల్లప్పుడు
కపట నాటకధారి కనిపెట్టియుండగ ఎ ॥
వాసిగ ఏలువాని విధములు తలుపనేల
వాసనల భ్రమయనేల భద్రాద్రి
వాసుడై నిరతము భాసురముగ రామ
దాసు నేలిన వాడు దయతోడ నుండగ ఎ ॥