భద్రాచల రామదాసు కీర్తనలు
॥ Tagunayya Dasaratha Ramachandra Lyrics ॥
శంకరాభరణము – రూపక (- త్రిపుట)
పల్లవి:
తగునయ్య దశరథ రామచంద్ర దయ దలుపవేమి నీవు
పగవాడనా యెంతో బతిమాలిననుగాని పలుకవేమి నీవు త ॥
చరణము(లు):
నగుమోము జూపరా నాయన్నా
నిను చాలా నమ్మినాను ఇంత
అగడుగ జూచిన నావంక
ఎవరిపాలయ్యా నేను త ॥
పతితులనెల్ల పావనుల జేయుదు
నని పలుకవేల యిపుడు
అతిఘోర ఖలుండననుచు
నన్ను విడనాడనేల త ॥
మన్నించి కావరాకున్నావు
ఓ రామ నిన్ను మాననే
నిన్నేగాని పరులనెన్నబోను
నా కన్నులార త ॥
పదపడి మిము జేరబడిన
వారల చేపట్టలేదా నన్ను
వదలిన మీవంటివారికి
యపకీర్తికాదా త ॥
అనుదినము భద్రాద్రి
రాముడవని నిన్నరసినాను
నేను వినయముతో రామదాసుడ
నని విన్నవించినాను త ॥
– Chant Stotra in Other Languages –
Sri Ramadasu Keerthanalu – Tagunayya Dasaratha Ramachandra Lyrics in English