భద్రాచల రామదాసు కీర్తనలు
॥ Namminavarini Mosamuceeyuta Lyrics ॥
భైరవి – తిశ్ర ఏక
చరణము(లు):
నమ్మినవారిని మోసముచేయుట న్యాయముగాదుర నాతండ్రి
సమ్మతమౌనా చూచేవారికి చక్కన గాదుర రఘునాథా న ॥
విన్నారంటే పరులందరు నిను విడనాడుదురే రఘునాథా
అన్నా నీకిది చిహ్నము గాదుర ఆదుకోవలెనురా రఘునాథా న ॥
నిన్నా నేడా నిన్ను కొలిచేది నీకేల తెలియదు రఘునాథా
ఎన్నాళ్ళీ కష్టము పడుదు నిక తాళనురా రఘునాథా న ॥
డబ్బులకై నేను దెబ్బలు పడినది దబ్బర గాదుర రఘునాథా
నిబ్బరముగ రామదాసు నేలుచు మాయబ్బ తాళనురా రఘునాథా న ॥