భద్రాచల రామదాసు కీర్తనలు
॥ Pavana Rama Nama Sudharasa Panamu Lyrics ॥
కాపి- ఆది
పల్లవి:
పావన రామనామ సుధారసపానముజేసేదెన్నటికో
సేవించియు శ్రీహరి పాదంబులు చిత్తమునుంచేదెన్నటికో పా ॥
చరణము(లు):
దాసులగని సంతోషమ్మున తన దాసోహమ్మను టెన్నటికో
భూసుతకును నతి ప్రాణప్రదంబగు పురుషోత్తము గనుటెన్నటికో పా ॥
చంచలగుణములు మాని సదా నిశ్చలమతి నుండేదెన్నటికో
పంచతత్వములు తారకనామము పఠియించుట నా కెన్నటికో పా ॥
ఇనవంశాంబుధి చంద్రుడు కృప నిష్టార్థము లొసగేదెన్నటికో
కనకచేలు కరుణాలవాలుని కన్నుల జూచేదెన్నటికో పా ॥
వంచన లేకను భద్రాద్రీశుని వర్ణన చేసేదెన్నటికో
అంచితముగ రామదాసుడ ననుకొని ఆనందించేదెన్నటికో పా ॥
– Chant Stotra in Other Languages –
Sri Ramadasu Keerthanalu – Pavana Rama Nama Sudharasa Panamu Lyrics in English