॥ Shiva Naamavali Ashtakam Bengali Lyrics ॥
॥ শ্রীশিবনামাবল্যষ্টকম্ ॥
হে চন্দ্রচূড মদনান্তক শূলপাণে
স্থাণো গিরীশ গিরিজেশ মহেশ শংভো ।
ভূতেশ ভীতভয়সূদন মামনাথং
সংসারদুঃখগহনাজ্জগদীশ রক্ষ ॥ ১ ॥
হে পার্বতীহৃদয়বল্লভ চন্দ্রমৌলে
ভূতাধিপ প্রমথনাথ গিরীশচাপ ।
হে বামদেব ভব রুদ্র পিনাকপাণে
সংসারদুঃখগহনাজ্জগদীশ রক্ষ ॥ ২ ॥
হে নীলকণ্ঠ বৃষভধ্বজ পঞ্চবক্ত্র
লোকেশ শেষবলয় প্রমথেশ শর্ব ।
হে ধূর্জটে পশুপতে গিরিজাপতে মাং
সংসারদুঃখগহনাজ্জগদীশ রক্ষ ॥ ৩ ॥
হে বিশ্বনাথ শিব শংকর দেবদেব
গঙ্গাধর প্রমথনায়ক নন্দিকেশ ।
বাণেশ্বরান্ধকরিপো হর লোকনাথ
সংসারদুঃখগহনাজ্জগদীশ রক্ষ ॥ ৪ ॥
বারাণসীপুরপতে মণিকর্ণিকেশ
বীরেশ দক্ষমখকাল বিভো গণেশ ।
সর্বজ্ঞ সর্বহৃদয়ৈকনিবাস নাথ
সংসারদুঃখগহনাজ্জগদীশ রক্ষ ॥ ৫ ॥
শ্রীমন্মহেশ্বর কৃপাময় হে দয়ালো
হে ব্যোমকেশ শিতিকণ্ঠ গণাধিনাথ ।
ভস্মাঙ্গরাগ নৃকপালকলাপমাল
সংসারদুঃখগহনাজ্জগদীশ রক্ষ ॥ ৬ ॥
কৈলাসশৈলবিনিবাস বৃষাকপে হে
মৃত্যুংজয় ত্রীনয়ন ত্রিজগন্নিবাস ।
নারায়ণপ্রিয় মদাপহ শক্তিনাথ
সংসারদুঃখগহনাজ্জগদীশ রক্ষ ॥ ৭ ॥
বিশ্বেশ বিশ্বভবনাশক বিশ্বরূপ
বিশ্বাত্মক ত্রিভুবনৈকগুণাধিকেশ ।
হে বিশ্বনাথ করুণাময় দীনবন্ধো
সংসারদুঃখগহনাজ্জগদীশ রক্ষ ॥ ৮ ॥
গৌরীবিলাসভবনায় মহেশ্বরায়
পঞ্চাননায় শরণাগতকল্পকায় ।
শর্বায় সর্বজগতামধিপায় তস্মৈ
দারিদ্র্যদুঃখদহনায় নমঃ শিবায় ॥ ৯ ॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছংকরভগবতঃ কৃতৌ শিবনামাবল্যষ্টকং সংপূর্ণম্ ॥
– Chant Stotra in Other Languages –
Shiva Ashtakam » Sri Shivanamavalya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil