॥ Sri Balambika Ashtakam 2 Malayalam Lyrics ॥
॥ ശ്രീബാലാംബികാഷ്ടകം 2 ॥
നതോഽസ്മി തേ ദേവി സുപാദപങ്കജം മുരാസുരേന്ദ്രൈരഭിവന്ദിതം സദാ ।
പരാത്പരം ചാരുതരം സുമങ്ഗലം വേദാര്‍ഥ-വേദ്യം മമകാര്യ-സിദ്ധയേ ॥ 1 ॥
വേദൈകവന്ദ്യം ഭുവനസ്യ മാതരം സമസ്ത-കല്യാണ-ഗുണാഭിരാമകാം ।
ഭക്താര്‍ഥദം ഭക്തജനാഭിവന്ദ്യാം ബാലാംബികാം ബാലകലാം നതോഽസ്മി ॥ 2 ॥
സൌവര്‍ണ-ചിത്രാഭരണാഞ്ച ഗൌരീം പ്രഫുല്ല രക്തോത്പല-ഭൂഷിതാങ്ഗീം ।
നീലാലകാം നീലഗല-പ്രിയാഞ്ച ബാലാംബികാം ബാലകലാം നതോഽസ്മി ॥ 3 ॥
സൌവര്‍ണ-വര്‍ണാകൃതി-ദിവ്യ-വസ്ത്രാം സൌവര്‍ണ-രത്നാഞ്ചിത ദിവ്യ-കാഞ്ചീം ।
നിംബാടവീ-നാഥ-മനഃപ്രഹൃഷ്ടാം ബാലാംബികാം ബാലകലാം നതോഽസ്മി ॥ 4 ॥
സ്രഗ്-ചന്ദനാലങ്കൃത-ദിവ്യദേഹാം ഹാരിദ്രസച്ചൂര്‍ണ വിരാജിതാങ്ഗീം ।
വൈചിത്ര-കോടീര വിഭൂഷിതാങ്ഗീം ബാലാംബികാം ബാലകലാം നതോഽസ്മി ॥ 5 ॥
വൈചിത്ര-മുക്താമണി വിദ്രുമാണാം സ്രഗ്ഭിസ്സദാരാജിത ഗൌരവര്‍ണാം ।
ചതുര്‍ഭുജാം ചാരു-വിചിത്ര-രൂപാം ബാലാംബികാം ബാലകലാം നതോഽസ്മി ॥ 6 ॥
ക്വണത്-സുമഞ്ജീര-രവാഭിരാമാം സമസ്ത-ഹൃന്‍മണ്ഡല-മധ്യ-പീഠാം ।
വൈദ്യേശ്വരീം വൈദ്യപതി-പ്രിയാഞ്ച ബാലാംബികാം ബാലകലാം നതോഽസ്മി ॥ 7 ॥
ബ്രഹ്മേന്ദ്ര-വിഷ്ണ്വര്‍ക-നിശീശ-പൂര്‍വ ഗീര്‍വാണ-വര്യാര്‍ചിത ദിവ്യ-ദേഹാം ।
ജ്യോതിര്‍മയാം ജ്ഞാനദ-ദിവ്യ-രൂപാം ബാലാംബികാം ബാലകലാം നതോഽസ്മി ॥ 8 ॥
ബാലാംബികാ സ്തോത്രമതീവ പുണ്യം ഭക്തേഷ്ടദഞ്ചേന്‍-മനുജഃ പ്രഭാതേ ।
ഭക്ത്ത്യാ പഠേത് പ്രാബലാര്‍ഥ-സിദ്ധം പ്രാപ്നോതി സദ്യസ്സകലേഷ്ടകാമാന്‍ ॥ 9 ॥
॥ ഇതി ശ്രീബാലാംബികാഷ്ടകസ്തോത്രം സമ്പൂര്‍ണം ॥
– Chant Stotra in Other Languages –
Goddess Durga Slokam » Sri Balambika Ashtakam 2 Lyrics in Sanskrit » English » Bengali » Gujarati » Kannada » Odia » Telugu » Tamil