॥ Sri Renuka Sahasranama Stotram Malayalam Lyrics ॥
॥ ശ്രീരേണുകാസഹസ്രനാമസ്തോത്രം ॥
അഥ ശ്രീരേണുകാതന്ത്രാന്തര്‍ഗതം ശ്രീരേണുകാസഹസ്രനാമസ്തോത്രം ।
ശ്രീ ഗണേശായ നമഃ । ശ്രീ രേണുകായൈ നമഃ ।
ഗിരിപൃഷ്ഠേ സമാസീനം ശങ്കരം ലോകശങ്കരം ।
പ്രണതഃ പരിപപ്രച്ഛ സംശയസ്ഥഃ ഷഡാനനഃ ॥ 1 ॥
സ്കന്ദ ഉവാച —
താത സര്‍വേശ്വരസ്ത്വം ഹി സര്‍വജ്ഞഃ സര്‍വഭാവനഃ ।
കഥയസ്വ പ്രസാദേന രഹസ്യം സകലാര്‍ഥദം ॥ 2 ॥
വിജയഃ സങ്കടേ ഘോരേ നിര്‍വിഘ്നം ബലമുത്കടം ।
അന്യേഽപി വാഞ്ഛിതാര്‍ഥാശ്ച സിദ്ധ്യന്ത്യാശു വിനാ ശ്രമം ॥ 3 ॥
ശങ്കര ഉവാച —
സാധു പൃഷ്ടം മഹാബാഹോ സംശയോ മാസ്തു മാസ്തു തേ ।
യദനുഷ്ഠാനമാത്രേണ സര്‍വാന്‍കാമാനവാപ്സ്യസി ॥ 4 ॥
കസ്യചിന്നയദാഖ്യാതം തദ്രഹസ്യം വദാംയഹം ।
സ്തോത്രം സഹസ്രനാമാഖ്യം രേണുകായാസ്തു സിദ്ധിദം ॥ 5 ॥
സദ്യഃ പ്രത്യയകാമസ്ത്വം ശൃണു ഷണ്‍മുഖ ഭക്തിതഃ ।
സര്‍വദേവാശ്ച വേദാശ്ചക്ഷീണവീര്യാ യുഗേ യുഗേ ॥ 6 ॥
അക്ഷീണഫലദാത്രീയം ത്രിസത്യം മമ ഭാഷിതം ।
സര്‍വദേവമയീ ദേവീ രേണുകാ കാമദാര്‍ചിതാ ॥ 7 ॥
പുരദാഹേ മയാ ധ്യാതാ തഥൈവ ഗരലാശനേ ।
വിഷ്ണുനാ സാഗരോന്‍മാഥേ ബ്രഹ്മണാ സൃഷ്ടികര്‍മണി ॥ 8 ॥
ഗോത്രഭേദേ മഘവതാ ജഗതീ ധാരണേഽഹിനാ ।
കാമേന ശംബരവധേ രത്യാ തത്പ്രാപ്തയേ പുനഃ ॥ 9 ॥
ഗണാധീശേന സതതം വിഘ്നവാരണകര്‍മണി ।
കിം വത്സ ബഹുനോക്തേന ഹൈമവത്യാ മദാഖ്യയാ ॥ 10 ॥
ധ്യാത്വാ സര്‍വാര്‍ഥദാ സാ ഹി സര്‍വലോകൈകസംശ്രയാ ।
മഹത്കാര്യോദ്യതൈരന്യൈര്‍ബഹുഭിശ്ചിന്തിതാ ശിവാ ॥ 11 ॥
ധര്‍മാര്‍ഥകാമമോക്ഷാര്‍ഥമവാങ്മനസഗോചരാ ।
തസ്യാ ഏവ പ്രസാദാത്താം സ്തൌമി നാമാവലിച്ഛലാത് ॥ 12 ॥
ഋഷ്യാദികം ച സങ്ക്ഷേപാത്കഥയാമി ഷഡാനന ।
ത്ര്യംബകശ്ച ഋഷിഃ പ്രോക്തോഽനുഷ്ടുപ്ഛന്ദഃ പ്രകീര്‍തിതം ॥ 13 ॥
ഏകവീരാ മഹാമായാ രേണുകാ ദൈവതം സ്മൃതം ।
സര്‍വപാപക്ഷയദ്വാരാ പ്രീത്യൈ ദേവ്യാ മുഹുര്‍മുഹുഃ ॥ 14 ॥
സര്‍വാഭീഷ്ടഫലപ്രാപ്തൌ വിനിയോഗ ഉദാഹൃതഃ ।
രേണുകാ രാമമാതേതി മഹാപുരനിവാസിനീ ॥ 15 ॥
ഏകവീരാ കാലരാത്രിരേകലാ നാമഭിഃ ക്രമാത്
അങ്ഗുഷ്ഠാദി കരന്യാസോ ഹൃദയാദി ഷഡങ്ഗകം ।
ചതുര്‍ഥ്യന്തൈര്‍നമോന്തൈശ്ച പ്രണവാദിഭിരാചരേത് ॥ 16 ॥
അസ്യ ശ്രീ രേണുകാ സഹസ്രനാമസ്തോത്രമന്ത്രസ്യ ത്ര്യംബക ഋഷിഃ
ശ്രീരേണുകാ ദേവതാ । അനുഷ്ടുപ്ഛന്ദഃ । സര്‍വപാപക്ഷയദ്വാരാ
ശ്രീ ജഗദംബാ രേണുകാ പ്രീത്യര്‍ഥം സര്‍വാഭീഷ്ടഫലപ്രാപ്ത്യര്‍ഥം
ച ജപേ വിനിയോഗഃ ।
അഥ ന്യാസഃ – ശ്രീരേണുകായൈ നമഃ അങ്ഗുഷ്ഠാഭ്യാം നമഃ ।
ഓം രാമമാത്രേ നമഃ തര്‍ജനീഭ്യാം നമഃ ।
ഓം മഹാപുരവാസിന്യൈ നമഃ മധ്യമാഭ്യാം നമഃ ।
ഓം ഏകവീരായൈ നമഃ അനാമികാഭ്യാം നമഃ ।
ഓം കാലരാത്ര്യൈ നമഃ കനിഷ്ഠികാഭ്യാം നമഃ ।
ഓം ഏകലായൈ നമഃ കരതലകരപൃഷ്ഠാഭ്യാം നമഃ ।
ഏവം ഹൃദയാദി- ഓം രേണുകായൈ നമഃ ഹൃദയായ നമഃ ।
ഓം രാമമാത്രേ നമഃ ശിരസേ സ്വാഹാ ।
ഓം മഹാപുരവാസിന്യൈ നമഃ ശിഖായൈ വഷട് ।
ഓം ഏകവീരായൈ നമഃ കവചായ ഹും ।
ഓം കാലരാത്ര്യൈ നമഃ നേത്രത്രയായ വൌഷട് ।
ഓം ഏകലായൈ നമഃ അസ്ത്രായ ഫട് ।
ധ്യാനം —
ധ്യായേന്നിത്യമപൂര്‍വവേഷലലിതാം കന്ദര്‍പലാവണ്യദാം
ദേവീം ദേവഗണൈരുപാസ്യചരണാം കാരുണ്യരത്നാകരാം ।
ലീലാവിഗ്രഹിണീം വിരാജിതഭുജാം സച്ചന്ദ്രഹാസാദിഭി-
ര്‍ഭക്താനന്ദവിധായിനീം പ്രമുദിതാം നിത്യോത്സവാം രേണുകാം ॥ 17 ॥
ഓം രേണുകാ രാമജനനീ ജമദഗ്നിപ്രിയാ സതീ ।
ഏകവീരാ മഹാമായാ കാലരാത്രിഃ ശിവാത്മികാ ॥ 18 ॥
മഹാമോഹാ മഹാദീപ്തിഃ സിദ്ധവിദ്യാ സരസ്വതീ ।
യോഗിനീ ചന്ദ്രികാസിദ്ധാ സിദ്ധലക്ഷ്മീഃ ശിവപ്രിയാ ॥ 19 ॥
കാമദാ കാമജനനീ മാതൃകാ മന്ത്രസിദ്ധിദാ ।
മന്ത്രസിദ്ധിര്‍മഹാലക്ഷ്മീ മാതൃമണ്ഡലവല്ലഭാ ॥ 20 ॥
ചന്ദ്രികാ ചന്ദ്രകാന്തിശ്ച സൂര്യകാന്തിഃ ശുചിസ്മിതാ ।
യോഗേശ്വരീ യോഗനിദ്രാ യോഗദാത്രീ പ്രഭാവതീ ॥ 21 ॥
അനാദ്യന്തസ്വരൂപാ ശ്രീഃ ക്രോധരൂപാ മഹാഗതിഃ ।
മനഃശ്രുതിസ്മൃതിര്‍ഘ്രാണചക്ഷുസ്ത്വഗ്രസനാ രസാ ॥ 22 ॥
മാതൃകാ പതിരുത്ക്രോശാ ചണ്ഡഹാസാ മഹാവരാ ।
മഹാവീരാ മഹാശൂരാ മഹാചാപാ രഥസ്ഥിതാ ॥ 23 ॥
ബര്‍ഹിപത്രപ്രിയാ തന്വീ ബര്‍ഹിപത്രാ ചതുര്‍ഭുജാ ।
നാദപ്രിയാ നാദലുബ്ധാ ത്ര്യക്ഷരാ മൃതജീവനീ ॥ 24 ॥
അമൃതാമൃതപാനേഷ്ടാ സിന്ധുപാ പാത്രശാലിനീ ।
ചണ്ഡഹാസധരാ ശൂരാ വീരാ ഡമരുമാലിനീ ॥ 25 ॥
ശിരോധരാ പാത്രകരാ വരദാ വരവര്‍ണിനീ ।
ത്രിമൂര്‍തിര്‍വേദജനനീ വേദവിദ്യാ തപോനിധിഃ ॥ 26 ॥
തപോയുക്താ തപോലക്ഷ്മീസ്തപസഃ സിദ്ധിദാപരാ ।
ലലിതാ സാത്വികീ ശാന്താ രാജസീ രക്തദന്തികാ ॥ 27 ॥
ഏകലാ രേണുതനയാ കാമാക്ഷീ സത്പരായണാ ।
ഐന്ദ്രീ മാഹേശ്വരീ ബ്രാഹ്മീ വൈഷ്ണവീ വഡവാനലാ ॥ 28 ॥
കാവേരീ ഘനദാ യാംയാ യാംയാഗ്നേയീ തനുര്‍നിശാ ।
ഈശാനീ നൈഋതിഃ സൌംയാ മാഹേന്ദ്രീ വാരുണീ സമാ ॥ 29 ॥
സര്‍വര്‍ഷിധ്യേയചരണാ നൃവാരണാ നരവല്ലഭാ ।
ഭില്ലീവേഷധരാ ഭില്ലീവര്‍വരാലക മണ്ഡിതാ ॥ 30 ॥
ശൃങ്ഗീവാദന സുരസാ ഗുഞ്ജാഹാര വിഭൂഷണാ ।
മയൂര പിച്ഛാഭരണാ ശ്യാമാ നീലാംബരാ ശിവാ ॥ 31 ॥
കാലികാ രേണുദുഹിതാ ശിവപൂജ്യാ പ്രിയംവദാ ।
സൃഷ്ടികൃത് സ്ഥിതികൃത്ക്രുദ്ധാ പൃഥ്വീ നാരദസേവിതാ ॥ 32 ॥
സംഹാരകാരിണീന്ദ്രാക്ഷീ രക്ഷോഘ്നീ ചന്ദ്രശേഖരാ ।
ഹും ഫട് വൌഷട് വഷഡ്രൂപാ സ്വധാ സ്വാഹാ നമോ മനുഃ ॥ 33 ॥
സുഷുപ്തിര്‍ജാഗ്രതിര്‍നിദ്രാ സ്വപ്നാ തുര്യാ ച ചക്രിണീ ।
താരാ മന്ദോദരീ സീതാഽഹല്യാഽരുന്ധതികാ ദിതിഃ ॥ 34 ॥
ഭഗീരഥീ ച കാവേരീ ഗൌതമീ നര്‍മദാ മഹീ ।
സരയൂര്‍ഗൌതമീ ഭീമാ ത്രിവേണീ ഗണ്ഡകീ സരീ ॥ 35 ॥
മാനസം ചന്ദ്രഭാഗാ ച രേവാ ഗങ്ഗാ ച വേദികാ ।
ഹരിദ്വാരം മാതൃപുരം ദത്താത്രേയനിവാസഭൂഃ ॥ 36 ॥
മാതൃസ്ഥാദിസംസ്ഥാനാ മാതൃമണ്ഡലമണ്ഡിതാ ।
മാതൃമണ്ഡലസമ്പൂജ്യാ മാതൃമണ്ഡലമധ്യഗാ ॥ 37 ॥
നാനാസ്ഥാനാവതാരാദ്യാ നാനാസ്ഥാനചരിത്രകൃത് ।
കമലാ തുലജാത്രേയീ കോഹ്ലാപുരനിവാസിനീ ॥ 38 ॥
മന്ദാകിനീ ഭോഗവതീ ദത്താത്രേയാനുസൂയകാ ।
ഷട്ചക്രദേവതാ പിങ്ഗാ ജമദഗ്നീശ്വരാര്‍ദ്ധഹൃത് ॥ 39 ॥
ഇഡാഖ്യാ ച സുഷുംനാഖ്യാ ചന്ദ്രസൂര്യഗതിര്‍വിയത് ।
ചന്ദ്രസൂര്യസമാഖ്യാതാ സര്‍വസ്ത്രീനിലയാധ്വനിഃ ॥ 40 ॥
സമസ്തവിദ്യാതത്ത്വജ്ഞാ സര്‍വരൂപാ സുഖാശ്രയാ ।
പുണ്യപാപേശ്വരീ കീര്‍തിര്‍ഭോക്ത്രീ ഭോഗപ്രവര്‍തിനീ ॥ 41 ॥
ജമദഗ്ന്യസ്യ ജനനീ കവിശക്തിഃ കവിത്വദാ ।
ഹ്രീങ്കാരാംബാ തമോരൂപാ ക്ലീങ്കാരാ കാമദായിനീ ॥ 42 ॥
വാക്പ്രദൈങ്കാരരൂപാ ച മുക്തിദൌങ്കാരരൂപിണീ ।
ശ്രീങ്കാരാഖിലദാനോക്താ സര്‍വബീജാത്മികാത്മഭൂഃ ॥ 43 ॥
ജമദഗ്നി ശിവാങ്കസ്ഥാ ധര്‍മാര്‍ഥകാമമോക്ഷദാ ।
ജമദഗ്നിക്രോധഹരാ ജമദഗ്നിവചഃകരീ ॥ 44 ॥
ജമദഗ്നിതമോഹന്ത്രീ ജമദഗ്നിസുഖൈകഭൂഃ ।
ജിതവീരാ വീരമാതാ വീരഭൂര്‍വീരസേവിതാ ॥ 45 ॥
വീരദീക്ഷാകരീ സൌര്യദീക്ഷിതാ സര്‍വമങ്ഗലാ ।
കാത്യായനീ പരീവാരാ കാലകാലാ കലാനിധിഃ ॥ 46 ॥
അഷ്ടസിദ്ധിപ്രദാ ക്രൂരാ ക്രൂരഗ്രഹവിനാശിനീ ।
സാകാരാ ച നിരാകാരാഹങ്കാരാകാരണാ കൃതിഃ ॥ 47 ॥
സമ്മതാ വിഷമഘ്നീ ച വിഷഹന്ത്രീ വിഷാശനാ ।
വ്യാലാഭരണസംഹൃഷ്ടാ വ്യാലമണ്ഡനമണ്ഡിതാ ॥ 48 ॥
അണുരൂപാ പരാണുശ്ച സദ്രൂപാ ച മഹാപരാ ।
ഹ്രസ്വാ ഹ്രസ്വപരാ ദീര്‍ഘാ പരദീര്‍ഘാ പരാത്പരാ ॥ 49 ॥
അദ്വയാദ്വയരൂപാ ച പ്രപഞ്ചരഹിതാ പൃഥുഃ ।
സ്ഥൂലസൂക്ഷ്മാ നിരീഹാ ച സ്നേഹാഞ്ജനവിവര്‍ജിതാ ॥ 50 ॥
ബ്രഹ്മസൂതാ മഹാനിദ്രാ യോഗനിദ്രാ ഹരിസ്തുതാ ।
ഹിരണ്യഗര്‍ഭരൂപാ ച പരബ്രഹ്മസ്വരൂപിണീ ॥ 51 ॥
ബ്രഹ്മശക്തിര്‍ബ്രഹ്മവിദ്യാ വിശ്വബീജാ നിരഞ്ജനാ ।
അതുലാ കര്‍മരൂപാ ച ശ്യാമലാ പരിഘായുധാ ॥ 52 ॥
നാരായണീ വിഷ്ണുശക്തിഃ അവാങ്മനസഗോചരാ ।
ഘൃതമാരീ പുണ്യകരീ പുണ്യശക്തിരമാംബികാ ॥ 53 ॥
രക്തബീജവധോദ്രിക്താ രക്തചന്ദനചര്‍ചിതാ ।
സുരക്തപുഷ്പാഭരണാ രക്തദംഷ്ട്രാഭയപ്രദാ ॥ 54 ॥
തീക്ഷ്ണരക്തനഖാരക്താ നിശുംഭപ്രാണകൃന്തിനീ ।
ശുംഭപ്രാണനിഹന്ത്രീ ച മഹാമൃത്യുവിനാശിനീ ॥ 55 ॥
സര്‍വദേവമഹാശക്തിര്‍മഹാലക്ഷ്മീ സുരസ്തുതാ ।
അഷ്ടാദശഭുജാര്‍ച്യാംശാ ദശദോര്‍ദണ്ഡമണ്ഡിതാ ॥ 56 ॥
നിഷ്കലാഷ്ടഭുജാ ധാത്രീ കല്‍പാതീതാ മനോഹരാ ।
കല്‍പനാ രഹിതാര്‍ച്യാദ്യാ ദാരിദ്ര്യവനദാഹിനീ ॥ 57 ॥
കൌസ്തുഭാ പാരിജാതാ ച ഹാഹാദിരൂപധാരിണീ ।
തിലോത്തമാപ്സരോരൂപാ നവനാഗസ്വരൂപിണീ ॥ 58 ॥
നിധിരൂപാ സമാധിസ്ഥാ ഖഡ്ഗരൂപാ ശവസ്ഥിതാ ।
മഹിഷാസുരദത്താംഘ്രിഃ സിംഹഗാ സിംഹഗാമിനീ ॥ 59 ॥
ത്രിശൂലധാരിണീ പ്രൌഢാ ബാലാ മുഗ്ധാ സുധര്‍മിണീ ।
ശങ്ഖഭൃച്ചക്രഭൃത്പാശാ ഗദാഭൃത്പാശമണ്ഡിതാ ॥ 60 ॥
കാലശക്തിഃ കൃപാസിന്ധുര്‍മൃഗാരിവരവാഹനാ ।
ഗണരാജമഹാശക്തിഃ ശിവശക്തിഃ ശിവസ്തുതാ ॥ 61 ॥
ഹരിപ്രിയാ ശ്രാദ്ധദേവീ പ്രധാനാ ഗുഹരൂപിണീ ।
ഗുഹപ്രീതാ ഗണേട്പ്രീതാ കാമപ്രീതാ ഗുഹസ്ഥിതാ ॥ 62 ॥
സര്‍വാര്‍ഥദായിനീ രൌദ്രീ നീലാഗതിരലോലുപാ ।
ചാമുണ്ഡാ ചിത്രഘണ്ടാ ച വിശ്വയോനിര്‍നിരന്തരം ॥ 63 ॥
ശ്രാവണീ ശ്രമഹന്ത്രീ ച സംസാരഭ്രമനാശിനീ ।
സംസാരഫലസമ്പന്നാ സംസാരമതിരുച്ചഗാ ॥ 64 ॥
ഉച്ചാസനസമാരൂഢാ വിമാനവരഗാമിനീ ।
വിമാനസ്ഥാ വിമാനഘ്നീ പാശഘ്നീ കാലനാശിനീ ॥ 65 ॥
കാലചക്രഭ്രമഭ്രാന്താ കാലചക്രപ്രവര്‍തിനീ ।
ചേതനാ ചാപിനീ ഭവ്യാ ഭവ്യാഭവ്യവിനാശിനീ ॥ 66 ॥
സിംഹാസനസുഖാവിഷ്ടാ ക്ഷീരസാഗരകന്യകാ ।
വണിക്കന്യാ ക്ഷേമകരീ മുകുടേശാവനിസ്ഥിതാ ॥ 67 ॥
ശ്രുതിജ്ഞാ ച പുരാണജ്ഞാ സ്മൃതിജ്ഞാ വേദവാദനീ ।
വേദവേദാര്‍ഥതത്ത്വജ്ഞാ ഹിങ്ഗുലാ കാലശാലിനീ ॥ 68 ॥
ഇതിഹാസാര്‍ഥവിദ്ധര്‍ംയാ ധ്യേയാ ഹന്ത്രീ ശിശുപ്രിയാ ।
സ്തന്യദാ സ്തന്യധാരാ ച വനസ്ഥാ പാര്‍വതീശിവാ ॥ 69 ॥
മേനാ മൈനാകഭഗിനീ സുരഭിര്‍ജലഭുക്തഡിത് ।
സര്‍വബീജാന്തരസ്ഥാത്രീ സകലാഗമദേവതാ ॥ 70 ॥
സ്ഥലസ്ഥലാ ജലസ്ഥാ ച വനസ്ഥാ വനദേവതാ ।
ക്ഷയഹന്ത്രീ നിഹന്ത്രീ ച നിരാതങ്കാമരപ്രിയാ ॥ 71 ॥
ത്രികാലജ്ഞാ ത്രിരൂപാ ച ലീലാവിഗ്രഹധാരിണീ ।
സമാധിഃ പുണ്യധിഃ പുണ്യാ പാപാജ്ഞാനവിനാശിനീ ॥ 72 ॥
ദൃശ്യാ ദൃഗ്വിഷയാ ദൃഷ്ടിഃ പാപഹന്ത്രീ ശമസ്ഥിതാ ।
വിരഥാ രഥനിഷ്ഠാ ച വരൂഥരഥസംസ്ഥിതാ ॥ 73 ॥
മധുകൈടഭഹന്ത്രീ ച സര്‍വദേവശരീരഭൃത് ।
ത്രിപുരാ പുണ്യകീര്‍തിശ്ച നൃപവശ്യപ്രദായിനീ ॥ 74 ॥
സാംഖ്യവിദ്യാ ത്രയീവിദ്യാ യോഗവിദ്യാ രവിസ്ഥിതാ ।
സ്ഥാവരാ ജങ്ഗമാ ക്ഷാന്തിര്‍ബലിശക്തിര്‍ബലിപ്രിയാ ॥ 75 ॥
മഹിഷാസുരനിര്‍ണാശീ ദൈത്യസൈന്യപരാന്തകൃത് ।
ഡമഡ്ഡമരുഡാങ്കാരാ വീരശ്രീര്‍ജനദേവതാ ॥ 76 ॥
ഉദ്ഗീഥോദ്ഗീഥമര്യാദാ ക്ഷീരസാഗരശായിനീ ।
വീരലക്ഷ്മീര്‍വീരകാന്താ ശിവദൂതീ സനാതനീ ॥ 77 ॥
ശക്രാദിസംസ്തുതാ ഹൃഷ്ടാ ചണ്ഡമുണ്ഡവിനാശിനീ ।
പഞ്ചവക്ത്രൈകരൂപാ ച ത്രിനേത്രാവലിമോഹിനീ ॥ 78 ॥
ധൂംരലോചനനിര്‍നാശാഹങ്കാരോദ്ഗാരഭാഷിണീ ।
ഏകമൂര്‍തിസ്ത്രിധാമൂര്‍തിഃ ത്രിലോകാനന്ദദായിനീ ॥ 79 ॥
ഭവാനീ ദശമൂര്‍തിശ്ച പഞ്ചമൂര്‍തിര്‍ജയന്തികാ ।
ദക്ഷിണാ ദക്ഷിണാമൂര്‍തിഃ അനേകൈകാദശാകൃതിഃ ॥ 80 ॥
ഏകചക്ഷുരനന്താക്ഷീ വിശ്വാക്ഷീ വിശ്വപാലിനീ ।
ചതുര്‍വിംശതിതത്ത്വാദ്യാ ചതുര്‍വിംശതിതത്ത്വവിത് ॥ 81 ॥
സോഽഹം ഹംസാവിശേഷജ്ഞാ നിര്‍വിശേഷാ നിരാകൃതിഃ ।
യമഘണ്ടാമൃതകലാ ജയഘണ്ടാ ജയധ്വനിഃ ॥ 82 ॥
പാഞ്ചജന്യസ്ഫുരച്ഛക്തിര്‍ഹനുമച്ഛക്തിരാസ്തികാ ।
ശീലാതരണശക്തിശ്ച രാമശക്തിര്‍വിരാട്തനുഃ ॥ 83 ॥
ലങ്കാപ്രജ്വലനാ വേലാ സാഗരക്രമണക്രമാത് ।
നരനാരായണപ്രീതിര്ലോകനീതിരഘൌഘകൃത് ॥ 84 ॥
വിപാശാ പാശഹസ്താ ച വിശ്വബാഹുസ്ത്രിലിങ്ഗികാ ।
പ്രാചീ പ്രതീചീ വിദിശാ ദക്ഷിണാ ദക്ഷകന്യകാ ॥ 85 ॥
ശിവലിങ്ഗപ്രതിഷ്ഠാത്രീ ശിവലിങ്ഗപ്രതിഷ്ഠിതാ ।
അജ്ഞാനനാശിനീ ബുദ്ധിസ്തത്ത്വവിദ്യാ സുചേതനാ ॥ 86 ॥
പ്രകാശാ സ്വപ്രകാശാ ച ദ്വയാദ്വയവര്‍ജിതാ ।
അസദ്രൂപാ ച സദ്രൂപാ സദസദ്രൂപശാലിനീ ॥ 87 ॥
കൈലാസനിലയാ ഗൌരീ വൃഷഗാ വൃഷവാഹനാ ।
സോമസൂര്യാഗ്നിനയനാ സോമസൂര്യാഗ്നിവിഗ്രഹാ ॥ 88 ॥
വിഷമേക്ഷണദുര്‍ധര്‍ഷാ ലങ്കാദാഹകരീ ദിതിഃ ।
വൈകുണ്ഠവിലസന്‍മൂര്‍തിഃ വൈകുണ്ഠനിലയാനിലാ ॥ 89 ॥
നമോമൂര്‍തിസ്തമോമൂര്‍തിസ്തേജോമൂര്‍തിരമേയധീഃ ।
സൂര്യമൂര്‍തിശ്ചന്ദ്രമൂര്‍തിഃ യജമാനശരീരിണീ ॥ 90 ॥
ആപ്യമൂര്‍തിരിലാമൂര്‍തിഃ നരനാരായണാകൃതിഃ ।
വിഷയാജ്ഞാനഭിന്നാ ച വിഷയാജ്ഞാനനിര്‍വൃതിഃ ॥ 91 ॥
സുഖവിത്സുഖിനീ സൌഖ്യാ വേദവേദാങ്ഗപാരഗാ ।
സ്രുക് സ്രുവാ ച വസോര്‍ധാരാ യാഗശക്തിരശക്തിഹൃത് ॥ 92 ॥
യജ്ഞകൃത് പ്രാകൃതിര്യജ്ഞാ യജ്ഞരാഗവിവര്‍ധിനീ ।
യജ്ഞഭോക്ത്രീ യജ്ഞഭാഗാ സൌഭാഗ്യവരദായിനീ ॥ 93 ॥
വ്യാപിനീ ദശദിഗ്ബാഹുര്‍ദിഗന്താ ബലിദായിനീ ।
കൃപാ വിശ്വേശ്വരീ സ്വങ്ഗാ ശതാക്ഷീ കാമദേവതാ ॥ 94 ॥
കാമചാരപ്രിയാ കാമാ കാമാചാരപരായണാ ।
ചികിത്സാ വേദവിദ്യാ ച വൈദ്യമാതാമഹൌഷധിഃ ॥ 95 ॥
മഹൌഷധിരസപ്രീതാ വികരാലാ കലാതിഗാ ।
മേഘശക്തിര്‍മഹാവൃഷ്ടിഃ സുവൃഷ്ടിഃ ശിവശര്‍മദാ ॥ 96 ॥
രുദ്രാണീ രുദ്രവദനാ രുദ്രപൂജ്യാന്നപൂര്‍ണികാ ।
അന്നദാനരസാന്നാദ്യാ തൃപ്തിദാ ഭോജനപ്രിയാ ॥ 97 ॥
കര്‍മപാശപ്രദാ പങ്ക്തിഃ പാകശക്തിഃ പചിക്രിയാ ।
സുപക്വഫലദാ വാഞ്ഛാ വാഞ്ഛാധികഫലപ്രദാ ॥ 98 ॥
സര്‍വയന്ത്രമയീ പൂര്‍ണാ സര്‍വഭൂതാശ്രയാംബികാ ।
ബ്രാഹ്മണീ ബ്രഹ്മശക്തിശ്ച ചരാചരവിഭാവിനീ ॥ 99 ॥
ചരാചരഗതിര്‍ജൈത്രീ ലക്ഷാലക്ഷേശ്വരാര്‍ദ്ധഹൃത് ।
ഗുഹശക്തിര്‍ഗണേട് ശക്തിര്‍നാരസിംഹീ സഹസ്രദൃക് ॥ 100 ॥
സര്‍പമാലോത്തരീയാ ച സര്‍പ സര്‍വാങ്ഗഭൂഷണാ ।
വാരാഹീ ച സഹസ്രാക്ഷീ കൂര്‍മശക്തിഃ ശുഭാലയാ ॥ 101 ॥
ശേഷരൂപാ ശേഷശക്തിഃ ശേഷപര്യങ്കശായിനീ ।
വരാഹദംഷ്ട്രാ വലിധിഃ കാമധീഃ കാമമോഹിനീ ॥ 102 ॥
മായിനീ ചിത്തസദനാ കാമികാമപ്രവര്‍ധിനീ ।
സര്‍വലക്ഷണസമ്പൂര്‍ണാ സര്‍വലക്ഷണനാശിനീ ॥ 103 ॥
നാദരൂപാ ബിന്ദുരൂപാ കൃതകര്‍മഫലപ്രദാ ।
ധ്രുവശക്തിഃ ധ്രുവാരോഹാ ധ്രുവാടോപാ ധ്രുവാര്‍ഥദാ ॥ 104 ॥
ധ്രുവാകാരാഗ്നിഹോത്രാഢ്യാ ധ്രുവാചാരാ ധ്രുവസ്ഥിതിഃ ।
ധ്രുവാധ്രുവമയീ ധ്രൌവ്യാ ചിദ്രൂപാനന്ദരൂപിണീ ॥ 105 ॥
ഹൃദ്രൂപാ ബഗലാ കൃഷ്ണാ നീലഗ്രീവാ കുധീഹരാ ।
പവിത്രദൃഷ്ടിഃ പാവിത്ര്യകാരിണീ ഋഷിവത്സലാ ॥ 106 ॥
ശിശൂത്സങ്ഗധരാസങ്ഗാ സങ്ഗരാഗപ്രവര്‍ധിനീ ।
നിഃസങ്ഗാ സങ്ഗബഹുലാ ചതുരാശ്രമവാസിനീ ॥ 107 ॥
ചതുര്‍വര്‍ണപരിഷ്വങ്ഗാ ചതുര്‍വര്‍ണബഹിസ്ഥിതാ ।
നിരാശ്രയാ രാഗവതീ രാഗിമാനസസംശ്രയാ ॥ 108 ॥
ബ്രാഹ്മണീ രാജദുഹിതാ വൈശ്യാ ശൂദ്രാ പരാസുരാ ।
ഗൃഹാശ്രമസമാസീനാ ഗൃഹധര്‍മനിരൂപിണീ ॥ 109 ॥
ഗൃഹധര്‍മാ വിഷാദഘ്നീ ബ്രഹ്മചര്യനിഷേവിണീ ।
വാനപ്രസ്ഥാശ്രമസ്ഥാ ച യതിധര്‍മാ സ്ഫുരത്തനുഃ ॥ 110 ॥
സംസ്ഥിതിഃ പ്രലയാ സൃഷ്ടിഃ സര്‍ഗസ്ഥിത്യന്തഖേലകൃത് ।
ജ്ഞാനശക്തിഃ ക്രിയാശക്തിഃ ഛായാശക്തിരപൂര്‍വകൃത് ॥ 111 ॥
നാനാവാദവിശേഷജ്ഞാ നാനാവാദനിരങ്ഗതാ ।
ശൂന്യവാദനിരാകാരാ ധര്‍മവാദനിരൂപിണീ ॥ 112 ॥
നവചണ്ഡീ ക്രിയാഹേതുഃ സങ്കല്‍പാകല്‍പനാതിഗാ ।
നിര്‍വികല്‍പാ വികല്‍പാദ്യാ സങ്കല്‍പാകല്‍പഭൂരുഹാ ॥ 113 ॥
സൃഷ്ടിഘ്നീ ച സ്ഥിതിഘ്നീ ച വിനാശഘ്നീ ത്രിരൂപഭൃത് ।
അയോധ്യാ ദ്വാരകാ കാശീ മഥുരാ കാഞ്ച്യവന്തികാ ॥ 114 ॥
വിശോകാ ശോകമാര്‍തണ്ഡീ പാഞ്ചാലീ ശോകനാശിനീ ।
ശമനിയമശക്തിശ്ച ധര്‍മശക്തിര്‍ജയധ്വജാ ॥ 115 ॥
മുക്തിഃ കുണ്ഡലിനീ ഭുക്തിര്‍വിഷദൃഷ്ടിഃ സമേക്ഷണാ ।
കൃപേക്ഷണാ കൃപാര്‍ദ്രാങ്ഗീ കൃപാര്‍ചിതാ കൃപാശ്രുതിഃ ॥ 116 ॥
മഹാപുരാദ്രിനിലയാ മഹാപുരകൃതസ്ഥിതിഃ ।
അജ്ഞാനകല്‍പനാനന്താ പ്രപഞ്ജകലനാതിഗാ ॥ 117 ॥
സാംയദൃഷ്ടിഃ ദേഹപുഷ്ടിഃ കൃതസൃഷ്ടിര്‍ഹൃതാഖിലാ ।
വേണുപുണ്യപരീപാകാഽയോനിജാ വഹ്നിസംഭവാ ॥ 118 ॥
മഹാപുരസുഖാസീനാ ഡമഡ്ഡമരുദര്‍പിതാ ।
മഹാപുരമഹാദേവീ ഡമരുപ്രീതിവല്‍ഗിതാ ॥ 119 ॥
ഭദ്രകാലീ പിതൃശക്തിര്‍ഹ്യാലസാ ഭുവനേശ്വരീ ।
ഗായത്രീ ച ചതുര്‍വക്ത്രാ ത്രിപുരാ വീരവന്ദിതാ ॥ 120 ॥
യമാംബാ ത്രിഗുണാനന്ദാ കൈവല്യപദദായിനീ ।
വഡവാ സദയാ ഭൂസ്ഥാ ശാക്തസര്‍ഗപ്രവര്‍തിനീ ॥ 121 ॥
ഇന്ദ്രാദി ദേവജനനീ ഏലാംബാ കോലരൂപിണീ ।
കുംഭദര്‍പഹരാ ദോലാ ദോലാക്രീഡനലാലസാ ॥ 122 ॥
ശീതലാ വിഷ്ണുമായാ ച ചതുര്‍വക്ത്രനമസ്കൃതാ ।
മാതങ്ഗീ വിഷ്ണുജനനീ പ്രേതാസനനിവാസിനീ ॥ 123 ॥
ഗരുത്മത്ഗമനാനീലാ ബ്രഹ്മാസ്ത്രാ ബ്രഹ്മഭൂഷിതാ ।
സിദ്ധിഃ പാശുപതാസ്ത്രാ ച നീലേന്ദീവരലോചനാ ॥ 124 ॥
രുക്മാ ശങ്കരജനനീ കര്‍മനാശാ ച ശാംഭവീ ।
ത്രിഗാ വാമനശക്തിശ്ച ഹിരണ്യഗര്‍ഭഭൂസുരാ ॥ 125 ॥
വാഗ്വാദിനീ ച വര്‍ണാ ച ശങ്കരാര്‍ധശരീരിണീ ।
ദാരുണാ മോഹരാത്രിശ്ച ഭ്രമാദിഗണരൂപിണീ ॥ 126 ॥
ദീപികാ ക്രീഡവരദാ മോഹിനീ ഗരലാശനാ ।
കപര്‍ദാര്‍ചിതസര്‍വാങ്ഗീ കപര്‍ദാഭരണപ്രിയാ ॥ 127 ॥
സാവിത്രീ ഭൈരവീവിഘ്നാ പീതാപീതാംബരപ്രഭുഃ ।
ദശവക്ത്രാനവദ്യാങ്ഗീ ത്രിംശല്ലോചനഭൂഷിതാ ॥ 128 ॥
ദശാംഘ്രിര്‍ദശദോര്‍ദണ്ഡാ സ്ഫുരദ്ദംഷ്ട്രാതിഭീഷണാ ।
കര്‍പൂരകാന്തിവദനാ നീലബാഹുരനുത്തമാ ॥ 129 ॥
ബ്രഹ്മഗേയാ മുനിധ്യേയാ ഹ്രീങ്കാരാ കാമവിഗ്രഹാ ।
ഷഡ്ബീജാ നവബീജാ ച നവാക്ഷരതനുഃ ഖഗാ ॥ 130 ॥
ദശാര്‍ണാ ദ്വാദശാര്‍ണാഢ്യാ ഷോഡശാര്‍ണാവിബീജഗാ ।
മാലാമന്ത്രമയീ ജയ്യാ സര്‍വബീജൈകദേവതാ ॥ 131 ॥
ജപമാലാ ച ജയദാ ജപവിഘ്നവിനാശിനീ ।
ജപകര്‍ത്രീ ജപസ്തോത്രാ മന്ത്രയന്ത്രഫലപ്രദാ ॥ 132 ॥
മന്ത്രാവരണരൂപൈകാ യന്ത്രാവരണദേവതാ ।
പദ്മിനീ പദ്മപത്രാക്ഷീ ശമീ യജ്ഞാങ്ഗദേവതാ ॥ 133 ॥
യജ്ഞസിദ്ധിഃ സഹസ്രാക്ഷീ സഹസ്രാക്ഷപദപ്രദാ ।
രേണുവശാവതാരാഢ്യാ മഹിഷാന്തകരീ സമിത് ॥ 134 ॥
ഋഗ്വേദാ ച യജുര്‍വേദാ സാമവേദാ ത്രയീപരാ ।
അഭിചാരപ്രിയാഥര്‍വാ പഞ്ചതന്ത്രാധിദേവതാ ॥ 135 ॥
അഭിചാരക്രിയാ ശാന്തിഃ ശാന്തിമന്ത്രാധിദേവതാ ।
അഭിചാരോപശമനീ സര്‍വാനന്ദവിധായിനീ ॥ 136 ॥
അഥര്‍വപാഠസമ്പന്നാ ലേഖനീ ലേഖകസ്ഥിതാ ।
ഭൂമലേഖ്യാ വര്‍ണശക്തിഃ സര്‍വശക്തിഃ പ്രസിദ്ധിദാ ॥ 137 ॥
കീര്‍തികാമാ കലാകാമാ കാമാക്ഷീ സര്‍വമങ്ഗലാ ।
ശൂലേശ്വരീ കുശൂലഘ്നീ ചിന്താശോകവിനാശിനീ ॥ 138 ॥
ചിന്താദിദേവതാ ഭൂതനായകാ നലകൂബരീ ।
കരാലീത്യൂര്‍ധ്വകേശീ ച ശ്രീധരീ ച വിനായകീ ॥ 139 ॥
കാമേശ്വരീ ച കൌവേരീ പദ്മാവത്യഭിധാഗതിഃ ।
ജ്വാലാമുഖീ ച കൌവേരീ വിജയാ മേഘവാഹനാ ॥ 140 ॥
മഹാബലാ മഹോത്സാഹാ മഹാഭയനിവാരിണീ ।
കാമിനീ ശാങ്കരീ കാഷ്ഠാ സഹസ്രഭുജനിഗ്രഹാ ॥ 141 ॥
പ്രഭാ പ്രഭാകരീ ഭാഷാ സപ്താശ്വരഥസംസ്ഥിതാ ।
അലകാപുരസംസ്ഥാനാ മൃഡാനീ വിന്ധ്യനിശ്ചലാ ॥ 142 ॥
ഹിമാചലകൃതക്രീഡാ പീഡാപാപനിവാരിണീ ।
അര്‍ധമാത്രാക്ഷരാ സന്ധ്യാ ത്രിമാത്രാ ഭാരതീ ധൃതിഃ ॥ 143 ॥
വേദമാതാ വേദഗര്‍ഭാ കൌശികീ ത്ര്യംബകാ സ്വരാ ।
അംബാലികാ ക്ഷുധാ തൃഷ്ണാ ധൂംരാ രൌദ്രാ ദുരത്യയാ ॥ 144 ॥
പാനപാത്രകരാ ജാതിഃ ശ്രദ്ധാവാര്‍താ ചിതാസ്ഥിതാ ।
ദുര്‍ഗാണീ രക്തചാമുണ്ഡാവൃതിഃ സോമാവതംസിനീ ॥ 145 ॥
ശരണ്യാര്യാ ദുര്‍ഗാപരാ സാരാ ജ്യോസ്ലാ മഹാസ്മൃതിഃ । ജ്യോത്സ്നാ
ജഗത്പ്രതിഷ്ഠാ കല്യാണീ ഛായാ തുഷ്ടിശ്ച താമസീ ॥ 146 ॥
തൃഷ്ണാ വാഗ്ധീശ്ച നദ്ധാ ച ഗദിനീ ചക്രധാരിണീ ।
ലജ്ജാ സഹസ്രനയനാ മഹിഷാസുരമര്‍ദിനീ ॥ 147 ॥
ഭീമാ ഭദ്രാ ഭഗവതീ നവദുര്‍ഗാഽപരാജിതാ ।
മേഘാഷ്ടാദശ ദോര്‍ദണ്ഡാ ദുര്‍ഗാ കാത്യായനീ രതിഃ ॥ 148 ॥
സര്‍വതഃ പാണിപാദോരുര്‍ഭ്രാമരീ ചന്ദ്രരൂപിണീ ।
ഇന്ദ്രാണീ ച മഹാമാരീ സര്‍വതോഽക്ഷിശിരോമുഖാ ॥ 149 ॥
സപ്താധിസംശ്രയാ സത്താ സപ്തദ്വീപാബ്ധിമേഖലാ ।
സൂര്യദീപ്തിര്‍വജ്രപംക്തിഃ പാനോന്‍മത്താ ച പിങ്ഗലാ ॥ 150 ॥
സര്‍വജ്ഞാ വിശ്വമാതാ ച ഭക്താനുഗ്രഹകാരിണീ ।
വിശ്വപ്രിയാ പ്രാണശക്തിരനന്തഗുണനാമധീഃ ॥ 151 ॥
സര്‍വകല്യാണനിലയാ ശാരദാ ത്ര്യംബികാ സുധാ ॥ 152 ॥
ശ്രീ ശങ്കര ഉവാച —
ദിവ്യം നാമസഹസ്രം തേ രേണുകായാ മയേരിതം ।
സര്‍വകാമസമൃദ്ധ്യര്‍ഥമനേന ഭജ ഷണ്‍മുഖ ॥ 153 ॥ സമൃദ്ധി അര്‍ഥം അനേന
ഭുക്തിദോ മുക്തിശ്ചാപി ഭജതാം കല്‍പപാദപഃ ।
ജയപ്രദോ വിശേഷേണ നാനേന സദൃശോ മനുഃ ॥ 154 ॥
പുരശ്ചരണമുദ്ദിഷ്ടം സഹസ്രം നവകം ശുഭം ।
വിജയാര്‍ഥം വിശേഷേണ പ്രയോഗം സാധയേത്തതഃ ॥ 155 ॥
ഹസ്തയോര്‍ഭാജനം കൃത്വാ പ്രസാദം യാചയേന്‍മുഹുഃ ।
ലബ്ധപ്രസാദോ ഭക്തേഭ്യശ്ചിന്തയേധൃദി രേണുകാം ॥ 156 ॥ ചിന്തയേത് ഹൃദി
ഭക്തിതോ യോഗിനീവൃന്ദം പൂജയേത്തോഷയേന്‍മുദാ ।
തത്പാത്രം പൂരയേദന്നൈഃ പൂജയിത്വോപചാരകൈഃ ॥ 157 ॥
ശൃങ്ഗിനാദം സമാകര്‍ണ്യ പ്രാര്‍ഥയേദുദയാശിഷം ।
സര്‍വേഭ്യശ്ചാശിഷോ ലബ്ധ്വാ ഭുഞ്ജീത സഹബാന്ധവൈഃ ॥ 158 ॥
നാനാജാതിഭവാന്‍ഭക്താന്‍ പ്രീയതാം രേണുകേതി ച ।
ഉത്സര്‍ഗാദിപ്രസാദേന തോഷയേച്ച മുഹുര്‍മുഹുഃ ॥ 159 ॥
ദീപകാഡമരുധ്വാനൈരുദയോദ്ദാമകീര്‍തനൈഃ ।
ഗോദോഹസമയേ കുര്യാദ്ഗോദോഹജമഹോത്സവം ॥ 160 ॥
ജഗദംബാമയം പശ്യന്‍ സകലം ദൃഷ്ടിഗോചരം ।
ദീപികാഡമരൂത്സാഹം ഭക്തൈഃ സഹ നിശാം നയേത് ॥ 161 ॥
അവര്‍ഷണേ ധരാകമ്പേ സംക്ഷോഭേ സാഗരസ്യ ച ।
ആവര്‍തനസഹസ്രേണ നിശ്ചിതേ ജായതേ ശുഭം ॥ 162 ॥
ദുഷ്ടോത്പാതേ മഹാഘോരേ സങ്കടേ ദുരതിക്രമേ ।
അയുതാവര്‍തനാന്നൂനമസാധ്യമപി സാധയേത് ॥ 163 ॥
നിശീഥേ വാ പ്രദോഷേ വാ ജഗദംബാലയേ ശുചിഃ ।
നവരാത്രം ജപേദ്യസ്തു പ്രത്യഹം നവവാരകം ॥ 164 ॥
നാമഭിഃ പൂജനം ഹോമം പ്രത്യയം കുരുതേ വ്രതീ ।
പ്രസന്നാസ്മൈ മഹാമായാ പ്രത്യക്ഷം ഭവതി ധ്രുവം ॥ 165 ॥
ത്രിവാരം നിയതം ജപ്ത്വാ ഷണ്‍മാസം വ്രതവാന്‍ ശുചിഃ ।
ദാരിദ്ര്യാര്‍ണവമുത്തീര്യ വിപുലാം ശ്രിയമാപ്നുയാത് ॥ 166 ॥
വിശേഷസാധനം കുര്യാത്പുരശ്ചര്യാം പുനഃ സുധീഃ ।
സാധയേത്സകലാന്‍കാമാന്‍ സത്വരം നാത്ര സംശയഃ ॥ 167 ॥
പുഷ്പാജ്യപായസതിലൈര്‍ഹരിദ്രാമധുചന്ദനൈഃ ।
നാനാപരിമലദ്രവ്യൈര്‍ഭക്തിയുക്തോ യജേന്‍മുദാ ॥ 168 ॥
ഇദം പഠതി യോ ഭക്ത്യാ ശൃണുയാദ്വാപി നിത്യശഃ ।
നിര്‍വിഘ്നം ലഭതേഽഭീഷ്ടം ജീവേച്ച ശരദാം ശതം ॥ 169 ॥
ശുക്ലപക്ഷേഽഥവാ കൃഷ്ണേ ഭൂതാധഃ ഷഷ്ഠികാദിനാത് ।
സാധകഃ സാങ്ഗവിധിനാ സാധയേത്സ്തോത്രമന്ത്രവിത് ॥ 170 ॥
ഇഷേ ശുക്ലനവംയന്തമാരഭ്യ പ്രതിപത്തിഥിം ।
നവരാത്രോക്തവിധിനാ കലശം പൂജയേന്‍മുദാ ॥ 171 ॥
സങ്കടേ സത്വരേ കൃത്യേ വിധിനാവര്‍തയേത് സ്ഥിതിം ।
പ്രാപ്നോതി വാഞ്ഛിതം സദ്യഃ സര്‍വവിഘ്നവിനാശകൃത് ॥ 172 ॥
ഘൃതദ്വീപദ്വയം കൃത്വാ ദക്ഷിണോത്തരഭാഗയോഃ ।
നാനാഭോഗോപചാരൈശ്ച തോഷയേജ്ജഗദംബികാം ॥ 173 ॥
കുങ്കുമാഗരുകസ്തൂരീചന്ദനാഭിരര്‍ചയേത് ।
കുമാരീം പൂജയേത്ഭക്ത്യാ ബ്രാഹ്മണാംശ്ച സുവാസിനീം ॥ 174 ॥
ഷഡ്രസൈഃ സ്വാദു പക്വാന്നൈര്‍ഭോജയേച്ച ചതുര്‍വിധൈഃ ।
ശക്തിതോ ദക്ഷിണാം ദദ്യാദ്വാസോധാന്യം ഗവാദികം ॥ 175 ॥
വിത്തശാഠ്യം ന കുര്‍വീത സര്‍വകാര്യസമൃദ്ധയേ ।
പ്രണമേത് പ്രണമേദ്ഭക്ത്യാ പ്രോച്യതാമുദയോസ്ത്വതിഃ ॥ 176 ॥
ഭൂഷിതോ മങ്ഗലസ്നാനൈഃ സ്വാലേപ്യാംബരമാല്യവാന്‍ ।
വിഭൂഷ്യാങ്ഗം കപര്‍ദൈശ്ച പ്രജ്വാല്യ ഘൃതദീപികാം ॥ 177 ॥
യദ്യദാരഭ്യതേ കാര്യം തദാദൌ ച സമാപനേ ।
സമ്പൂജ്യാംബാം കുമാരീംശ്ച പൂജയേജ്ജപപൂര്‍വകം ॥ 178 ॥
ഭൂതാഷ്ടംയാം നവംയാം ച ഭൌമേ ച നിയതഃ പഠേത് ।
സര്‍വാന്‍ കാമാനവാപ്നോതി നാത്ര കാര്യാ വിചാരണാ ॥ 179 ॥
ഭൂതാ രക്ഷഃ പിശാചാദ്യാ വൈരിണോ ദസ്യവോപി ച ।
പഠ്യതേഽനുദിനം യത്ര തദ്ഗൃഹം ന വിശന്തി ച ॥ 180 ॥
അബ്ധിസഞ്ചരണേ പോതേ ലങ്ഘനേ ഗിരിരോഹണേ ।
ചിത്തക്ഷോഭേ പ്രസാദേ ച വിഷാദേ വാ പഠേദിദം ॥ 181 ॥
ദുഃസ്വപ്നദര്‍ശനേ മാര്‍ഗേ വിഡ്വരേ കലഹാഗമേ ।
യാത്രാകാലേ പഠേദേതത് സര്‍വമാങ്ഗലികാഗമേ ॥ 182 ॥
നിഷ്കാമോ വാ സകാമോ വാ പുരുഷാര്‍ഥപ്രദം യതഃ ।
ത്രൈവര്‍ണികഃ പഠേദേതദിതരഃ പാഠയേത് സദാ ॥ 183 ॥
സൌഭാഗ്യം ലഭതേ നാരീ കന്യാ സര്‍വോത്തമം വരം ।
മൃതവത്സാ ലഭേത്പുണ്യമായുഷ്മത്സന്തതിം ശുഭാം ॥ 184 ॥
അസൂതിര്ലഭതേ സൂതിം സുസൂതിം കഷ്ടസൂതികാ ।
ഉദാസീനാ ലഭേത്പ്രീതിം പതിബാലപ്രിയങ്കരീ ॥ 185 ॥
ന വൈധവ്യമവാപ്നോതി ന സപത്നീം ലഭേത്ക്വചിത് ।
സുരൂപാ സുഭഗാ ധന്യാ വിരഹം നാപ്നുയാത്ക്വചിത് ॥ 186 ॥
ച്യവദ്ഗര്‍ഭവതീ യാ ച ദൃഢഗര്‍ഭവതീ ഭവേത് ।
വിത്താപത്യപരീവാരാ പതിമണ്ഡിതവിഗ്രഹാ ॥ 187 ॥
സഹസ്രനാമകം സ്തോത്രം പഠ്യതേ യത്ര വേശ്മനി ।
ഗ്രഹാഃ കാലഗ്രഹാഃ പീഡാം നൈവ കുര്‍വന്തി കര്‍ഹിചിത് ॥ 188 ॥
യദ്ഗൃഹേ പൂജിതം ഹ്യേതത് പുസ്തകം വാ സുഭക്തിതഃ ।
ശക്തിതോ ഹവനം കുര്യാദ് വിഘ്നസ്തത്ര വിനശ്യതി ॥ 189 ॥
ഗര്‍ഭിണീ സ്രാവയേന്നിത്യം ഗര്‍ഭദോഷാന്നിവര്‍തതേ ।
സൂതികായതനേ പ്രോക്തം സൂതികാബാലസൌഖ്യദം ॥ 190 ॥
സര്‍വം മന്ത്രാധികമിദം ഭക്ത്യാ യഃ സര്‍വദാ പഠേത് ।
ശ്രാവയേത് പാഠയേദ്വാപി സര്‍വത്ര ലഭതേ ജയം ॥ 191 ॥
പുസ്തകാനി പ്രദേയാനി വിപ്രേഭ്യോ നവഭക്തിതഃ ।
സോപചാരാണി വിധിനാ രേണുകാ തുഷ്ടിഹേതവേ ॥ 192 ॥
പുത്രകാമീ ശുഭാന്‍ പുത്രാന്‍ ധനാര്‍ഥീ വിപുലം ധനം ।
കന്യാര്‍ഥീ ലഭതേ കന്യാം കുലശീലാദിമണ്ഡിതാം ॥ 193 ॥
വിദ്യാകാമോ ലഭേദ്വിദ്യാം കവിത്വം കവിതാപ്രിയഃ ।
പ്രജ്ഞാതിശയമാസാദ്യ സമര്‍ഥോ ഗ്രന്ഥധാരണേ ॥ 194 ॥
മുച്യതേ നിഗഡാബദ്ധഃ സ്ഖലദ്ഗീഃ സ്പഷ്ടവാഗ്ഭവേത് ।
കാമുകഃ കാമമാപ്നോതി ഭൂപാലം വശമാനയേത് ॥ 195 ॥
കുഷ്ഠാപസ്മാരരഹിതോ ജ്വരരോഗവിവര്‍ജിതഃ ।
രോഗീ രോഗവിനിര്‍മുക്തഃ ശത്രുസങ്ഘാജ്ജയോ ഭവേത് ॥ 196 ॥
ശീതലോ ജായതേ വഹ്നിര്‍വിഷം സ്യാദമൃതോപമം ।
ശസ്ത്രാണ്യുത്പലതാം യാന്തി പഠനാദസ്യ ഭക്തിതഃ ॥ 197 ॥
അന്ധോ ദൃഷ്ടിമവാപ്നോതി ബധിരഃ ശ്രുതിമാന്‍ ഭവേത് ।
മൂകോ വാചാലതാമേതി രേണുകായാഃ പ്രസാദതഃ ॥ 198 ॥
രേണുകേത്യേകനാമേദം ധര്‍മാര്‍ഥകാമമോക്ഷദം ।
ഫലം നാമസഹസ്രസ്യ സമര്‍ഥോ വക്തുമസ്തി കഃ ॥ 199 ॥
രേണുകാസ്മരണാന്നൂനം വിഷം നാക്രമേത് തനൌ ।
സര്‍വപീഡോപശാന്തിശ്ച സകലാര്‍ഥസുഖോദയഃ ॥ 200 ॥
നാരായണഃ ശ്രിയാ യുക്തഃ സാവിത്രീസഹിതോ വിധിഃ ।
അഹം ഭവാനീസഹിതോ രേണുകാര്‍ചനതോഽര്‍ചിതാ ॥ 201 ॥
സര്‍വം യജ്ഞഫലം തസ്യ പാരായണഫലം തഥാ ।
സാങ്ഗയോഗഫലം തസ്യ രേണുകാ യേന പൂജിതാ ॥ 202 ॥
ഉച്യതേ ബാഹുമുദ്ധൃത്യ ബഹുനോക്തേന ഷണ്‍മുഖ ।
സേവ്യതേ രേണുകാ യൈസ്തേ സേവ്യന്തേ ത്രിദശൈരപി ॥ 203 ॥
ഇതി ശ്രീ പദ്മപുരാണേ മായോപാഖ്യാനേ രേണുകാപ്രസ്താവേ
രേണുകാപ്രകൃതിഭാവേ ശങ്കരഷണ്‍മുഖസംവാദേ
ശങ്കരപ്രോക്തം രേണുകാസഹസ്രനാമസ്തോത്രം സമ്പൂര്‍ണം ॥
– Chant Stotra in Other Languages –
1000 Names of Sri Renuka Devi / Yellamma » Sahasranama Stotram Lyrics in Sanskrit » English » Bengali » Gujarati » Kannada » Odia » Telugu » Tamil