॥ Sri Lalita Sahasranama Stotram Kannada Lyrics ॥
॥ ಶ್ರೀಲಲಿತಾಸಹಸ್ರನಾಮಸ್ತೋತ್ರಮ್ ॥
॥ ನ್ಯಾಸಃ ॥
ಅಸ್ಯ ಶ್ರೀಲಲಿತಾಸಹಸ್ರನಾಮಸ್ತೋತ್ರಮಾಲಾ ಮನ್ತ್ರಸ್ಯ ।
ವಶಿನ್ಯಾದಿವಾಗ್ದೇವತಾ ಋಷಯಃ ।
ಅನುಷ್ಟುಪ್ ಛನ್ದಃ ।
ಶ್ರೀಲಲಿತಾಪರಮೇಶ್ವರೀ ದೇವತಾ ।
ಶ್ರೀಮದ್ವಾಗ್ಭವಕೂಟೇತಿ ಬೀಜಮ್ ।
ಮಧ್ಯಕೂಟೇತಿ ಶಕ್ತಿಃ ।
ಶಕ್ತಿಕೂಟೇತಿ ಕೀಲಕಮ್ ।
ಶ್ರೀಲಲಿತಾಮಹಾತ್ರಿಪುರಸುನ್ದರೀ-ಪ್ರಸಾದಸಿದ್ಧಿದ್ವಾರಾ
ಚಿನ್ತಿತಫಲಾವಾಪ್ತ್ಯರ್ಥೇ ಜಪೇ ವಿನಿಯೋಗಃ ।
॥ ಧ್ಯಾನಮ್ ॥
ಸಿನ್ದೂರಾರುಣ ವಿಗ್ರಹಾಂ ತ್ರಿನಯನಾಂ ಮಾಣಿಕ್ಯಮೌಲಿ ಸ್ಫುರತ್
ತಾರಾ ನಾಯಕ ಶೇಖರಾಂ ಸ್ಮಿತಮುಖೀ ಮಾಪೀನ ವಕ್ಷೋರುಹಾಮ್ ।
ಪಾಣಿಭ್ಯಾಮಲಿಪೂರ್ಣ ರತ್ನ ಚಷಕಂ ರಕ್ತೋತ್ಪಲಂ ಬಿಭ್ರತೀಂ
ಸೌಮ್ಯಾಂ ರತ್ನ ಘಟಸ್ಥ ರಕ್ತಚರಣಾಂ ಧ್ಯಾಯೇತ್ ಪರಾಮಮ್ಬಿಕಾಮ್ ॥
ಅರುಣಾಂ ಕರುಣಾ ತರಂಗಿತಾಕ್ಷೀಂ
ಧೃತ ಪಾಶಾಂಕುಶ ಪುಷ್ಪ ಬಾಣಚಾಪಾಮ್ ।
ಅಣಿಮಾದಿಭಿ ರಾವೃತಾಂ ಮಯೂಖೈ-
ರಹಮಿತ್ಯೇವ ವಿಭಾವಯೇ ಭವಾನೀಮ್ ॥
ಧ್ಯಾಯೇತ್ ಪದ್ಮಾಸನಸ್ಥಾಂ ವಿಕಸಿತವದನಾಂ ಪದ್ಮಪತ್ರಾಯತಾಕ್ಷೀಂ
ಹೇಮಾಭಾಂ ಪೀತವಸ್ತ್ರಾಂ ಕರಕಲಿತಲಸದ್ಧೇಮಪದ್ಮಾಂ ವರಾಂಗೀಮ್ ।
ಸರ್ವಾಲಂಕಾರ ಯುಕ್ತಾಂ ಸತತ ಮಭಯದಾಂ ಭಕ್ತನಮ್ರಾಂ ಭವಾನೀಂ
ಶ್ರೀವಿದ್ಯಾಂ ಶಾನ್ತ ಮೂರ್ತಿಂ ಸಕಲ ಸುರನುತಾಂ ಸರ್ವ ಸಮ್ಪತ್ಪ್ರದಾತ್ರೀಮ್ ॥
ಸಕುಂಕುಮ ವಿಲೇಪನಾಮಲಿಕಚುಮ್ಬಿ ಕಸ್ತೂರಿಕಾಂ
ಸಮನ್ದ ಹಸಿತೇಕ್ಷಣಾಂ ಸಶರ ಚಾಪ ಪಾಶಾಂಕುಶಾಮ್ ।
ಅಶೇಷಜನ ಮೋಹಿನೀಂ ಅರುಣ ಮಾಲ್ಯ ಭೂಷಾಮ್ಬರಾಂ
ಜಪಾಕುಸುಮ ಭಾಸುರಾಂ ಜಪವಿಧೌ ಸ್ಮರೇ ದಮ್ಬಿಕಾಮ್ ॥
॥ ಅಥ ಶ್ರೀಲಲಿತಾಸಹಸ್ರನಾಮಸ್ತೋತ್ರಮ್ ॥
ಓಂ ಶ್ರೀಮಾತಾ ಶ್ರೀಮಹಾರಾಜ್ಞೀ ಶ್ರೀಮತ್-ಸಿಂಹಾಸನೇಶ್ವರೀ ।
ಚಿದಗ್ನಿ-ಕುಂಡ-ಸಮ್ಭೂತಾ ದೇವಕಾರ್ಯ-ಸಮುದ್ಯತಾ ॥ 1 ॥
ಉದ್ಯದ್ಭಾನು-ಸಹಸ್ರಾಭಾ ಚತುರ್ಬಾಹು-ಸಮನ್ವಿತಾ ।
ರಾಗಸ್ವರೂಪ-ಪಾಶಾಢ್ಯಾ ಕ್ರೋಧಾಕಾರಾಂಕುಶೋಜ್ಜ್ವಲಾ ॥ 2 ॥
ಮನೋರೂಪೇಕ್ಷು-ಕೋದಂಡಾ ಪಂಚತನ್ಮಾತ್ರ-ಸಾಯಕಾ ।
ನಿಜಾರುಣ-ಪ್ರಭಾಪೂರ-ಮಜ್ಜದ್ಬ್ರಹ್ಮಾಂಡ-ಮಂಡಲಾ ॥ 3 ॥
ಚಮ್ಪಕಾಶೋಕ-ಪುನ್ನಾಗ-ಸೌಗನ್ಧಿಕ-ಲಸತ್ಕಚಾ ।
ಕುರುವಿನ್ದಮಣಿ-ಶ್ರೇಣೀ-ಕನತ್ಕೋಟೀರ-ಮಂಡಿತಾ ॥ 4 ॥
ಅಷ್ಟಮೀಚನ್ದ್ರ-ವಿಭ್ರಾಜ-ದಲಿಕಸ್ಥಲ-ಶೋಭಿತಾ ।
ಮುಖಚನ್ದ್ರ-ಕಲಂಕಾಭ-ಮೃಗನಾಭಿ-ವಿಶೇಷಕಾ ॥ 5 ॥
ವದನಸ್ಮರ-ಮಾಂಗಲ್ಯ-ಗೃಹತೋರಣ-ಚಿಲ್ಲಿಕಾ ।
ವಕ್ತ್ರಲಕ್ಷ್ಮೀ-ಪರೀವಾಹ-ಚಲನ್ಮೀನಾಭ-ಲೋಚನಾ ॥ 6 ॥
ನವಚಮ್ಪಕ-ಪುಷ್ಪಾಭ-ನಾಸಾದಂಡ-ವಿರಾಜಿತಾ ।
ತಾರಾಕಾನ್ತಿ-ತಿರಸ್ಕಾರಿ-ನಾಸಾಭರಣ-ಭಾಸುರಾ ॥ 7 ॥
ಕದಮ್ಬಮಂಜರೀ-ಕೢಪ್ತ-ಕರ್ಣಪೂರ-ಮನೋಹರಾ ।
ತಾಟಂಕ-ಯುಗಲೀ-ಭೂತ-ತಪನೋಡುಪ-ಮಂಡಲಾ ॥ 8 ॥
ಪದ್ಮರಾಗ-ಶಿಲಾದರ್ಶ-ಪರಿಭಾವಿ-ಕಪೋಲಭೂಃ ।
ನವವಿದ್ರುಮ-ಬಿಮ್ಬಶ್ರೀ-ನ್ಯಕ್ಕಾರಿ-ರದನಚ್ಛದಾ ॥ 9 ॥ or ದಶನಚ್ಛದಾ
ಶುದ್ಧ-ವಿದ್ಯಾಂಕುರಾಕಾರ-ದ್ವಿಜಪಂಕ್ತಿ-ದ್ವಯೋಜ್ಜ್ವಲಾ ।
ಕರ್ಪೂರ-ವೀಟಿಕಾಮೋದ-ಸಮಾಕರ್ಷಿ-ದಿಗನ್ತರಾ ॥ 10 ॥
ನಿಜ-ಸಲ್ಲಾಪ-ಮಾಧುರ್ಯ-ವಿನಿರ್ಭರ್ತ್ಸಿತ-ಕಚ್ಛಪೀ । or ನಿಜ-ಸಂಲಾಪ
ಮನ್ದಸ್ಮಿತ-ಪ್ರಭಾಪೂರ-ಮಜ್ಜತ್ಕಾಮೇಶ-ಮಾನಸಾ ॥ 11 ॥
ಅನಾಕಲಿತ-ಸಾದೃಶ್ಯ-ಚಿಬುಕಶ್ರೀ-ವಿರಾಜಿತಾ । or ಚುಬುಕಶ್ರೀ
ಕಾಮೇಶ-ಬದ್ಧ-ಮಾಂಗಲ್ಯ-ಸೂತ್ರ-ಶೋಭಿತ-ಕನ್ಧರಾ ॥ 12 ॥
ಕನಕಾಂಗದ-ಕೇಯೂರ-ಕಮನೀಯ-ಭುಜಾನ್ವಿತಾ ।
ರತ್ನಗ್ರೈವೇಯ-ಚಿನ್ತಾಕ-ಲೋಲ-ಮುಕ್ತಾ-ಫಲಾನ್ವಿತಾ ॥ 13 ॥
ಕಾಮೇಶ್ವರ-ಪ್ರೇಮರತ್ನ-ಮಣಿ-ಪ್ರತಿಪಣ-ಸ್ತನೀ ।
ನಾಭ್ಯಾಲವಾಲ-ರೋಮಾಲಿ-ಲತಾ-ಫಲ-ಕುಚದ್ವಯೀ ॥ 14 ॥
ಲಕ್ಷ್ಯರೋಮ-ಲತಾಧಾರತಾ-ಸಮುನ್ನೇಯ-ಮಧ್ಯಮಾ ।
ಸ್ತನಭಾರ-ದಲನ್ಮಧ್ಯ-ಪಟ್ಟಬನ್ಧ-ವಲಿತ್ರಯಾ ॥ 15 ॥
ಅರುಣಾರುಣ-ಕೌಸುಮ್ಭ-ವಸ್ತ್ರ-ಭಾಸ್ವತ್-ಕಟೀತಟೀ ।
ರತ್ನ-ಕಿಂಕಿಣಿಕಾ-ರಮ್ಯ-ರಶನಾ-ದಾಮ-ಭೂಷಿತಾ ॥ 16 ॥
ಕಾಮೇಶ-ಜ್ಞಾತ-ಸೌಭಾಗ್ಯ-ಮಾರ್ದವೋರು-ದ್ವಯಾನ್ವಿತಾ ।
ಮಾಣಿಕ್ಯ-ಮುಕುಟಾಕಾರ-ಜಾನುದ್ವಯ-ವಿರಾಜಿತಾ ॥ 17 ॥
ಇನ್ದ್ರಗೋಪ-ಪರಿಕ್ಷಿಪ್ತ-ಸ್ಮರತೂಣಾಭ-ಜಂಘಿಕಾ ।
ಗೂಢಗುಲ್ಫಾ ಕೂರ್ಮಪೃಷ್ಠ-ಜಯಿಷ್ಣು-ಪ್ರಪದಾನ್ವಿತಾ ॥ 18 ॥
ನಖ-ದೀಧಿತಿ-ಸಂಛನ್ನ-ನಮಜ್ಜನ-ತಮೋಗುಣಾ ।
ಪದದ್ವಯ-ಪ್ರಭಾಜಾಲ-ಪರಾಕೃತ-ಸರೋರುಹಾ ॥ 19 ॥
ಸಿಂಜಾನ-ಮಣಿಮಂಜೀರ-ಮಂಡಿತ-ಶ್ರೀ-ಪದಾಮ್ಬುಜಾ । or ಶಿಂಜಾನ
ಮರಾಲೀ-ಮನ್ದಗಮನಾ ಮಹಾಲಾವಣ್ಯ-ಶೇವಧಿಃ ॥ 20 ॥
ಸರ್ವಾರುಣಾಽನವದ್ಯಾಂಗೀ ಸರ್ವಾಭರಣ-ಭೂಷಿತಾ ।
ಶಿವ-ಕಾಮೇಶ್ವರಾಂಕಸ್ಥಾ ಶಿವಾ ಸ್ವಾಧೀನ-ವಲ್ಲಭಾ ॥ 21 ॥
ಸುಮೇರು-ಮಧ್ಯ-ಶೃಂಗಸ್ಥಾ ಶ್ರೀಮನ್ನಗರ-ನಾಯಿಕಾ ।
ಚಿನ್ತಾಮಣಿ-ಗೃಹಾನ್ತಸ್ಥಾ ಪಂಚ-ಬ್ರಹ್ಮಾಸನ-ಸ್ಥಿತಾ ॥ 22 ॥
ಮಹಾಪದ್ಮಾಟವೀ-ಸಂಸ್ಥಾ ಕದಮ್ಬವನ-ವಾಸಿನೀ ।
ಸುಧಾಸಾಗರ-ಮಧ್ಯಸ್ಥಾ ಕಾಮಾಕ್ಷೀ ಕಾಮದಾಯಿನೀ ॥ 23 ॥
ದೇವರ್ಷಿ-ಗಣ-ಸಂಘಾತ-ಸ್ತೂಯಮಾನಾತ್ಮ-ವೈಭವಾ ।
ಭಂಡಾಸುರ-ವಧೋದ್ಯುಕ್ತ-ಶಕ್ತಿಸೇನಾ-ಸಮನ್ವಿತಾ ॥ 24 ॥
ಸಮ್ಪತ್ಕರೀ-ಸಮಾರೂಢ-ಸಿನ್ಧುರ-ವ್ರಜ-ಸೇವಿತಾ ।
ಅಶ್ವಾರೂಢಾಧಿಷ್ಠಿತಾಶ್ವ-ಕೋಟಿ-ಕೋಟಿಭಿರಾವೃತಾ ॥ 25 ॥
ಚಕ್ರರಾಜ-ರಥಾರೂಢ-ಸರ್ವಾಯುಧ-ಪರಿಷ್ಕೃತಾ ।
ಗೇಯಚಕ್ರ-ರಥಾರೂಢ-ಮನ್ತ್ರಿಣೀ-ಪರಿಸೇವಿತಾ ॥ 26 ॥
ಕಿರಿಚಕ್ರ-ರಥಾರೂಢ-ದಂಡನಾಥಾ-ಪುರಸ್ಕೃತಾ ।
ಜ್ವಾಲಾ-ಮಾಲಿನಿಕಾಕ್ಷಿಪ್ತ-ವಹ್ನಿಪ್ರಾಕಾರ-ಮಧ್ಯಗಾ ॥ 27 ॥
ಭಂಡಸೈನ್ಯ-ವಧೋದ್ಯುಕ್ತ-ಶಕ್ತಿ-ವಿಕ್ರಮ-ಹರ್ಷಿತಾ ।
ನಿತ್ಯಾ-ಪರಾಕ್ರಮಾಟೋಪ-ನಿರೀಕ್ಷಣ-ಸಮುತ್ಸುಕಾ ॥ 28 ॥
ಭಂಡಪುತ್ರ-ವಧೋದ್ಯುಕ್ತ-ಬಾಲಾ-ವಿಕ್ರಮ-ನನ್ದಿತಾ ।
ಮನ್ತ್ರಿಣ್ಯಮ್ಬಾ-ವಿರಚಿತ-ವಿಷಂಗ-ವಧ-ತೋಷಿತಾ ॥ 29 ॥
ವಿಶುಕ್ರ-ಪ್ರಾಣಹರಣ-ವಾರಾಹೀ-ವೀರ್ಯ-ನನ್ದಿತಾ ।
ಕಾಮೇಶ್ವರ-ಮುಖಾಲೋಕ-ಕಲ್ಪಿತ-ಶ್ರೀಗಣೇಶ್ವರಾ ॥ 30 ॥
ಮಹಾಗಣೇಶ-ನಿರ್ಭಿನ್ನ-ವಿಘ್ನಯನ್ತ್ರ-ಪ್ರಹರ್ಷಿತಾ ।
ಭಂಡಾಸುರೇನ್ದ್ರ-ನಿರ್ಮುಕ್ತ-ಶಸ್ತ್ರ-ಪ್ರತ್ಯಸ್ತ್ರ-ವರ್ಷಿಣೀ ॥ 31 ॥
ಕರಾಂಗುಲಿ-ನಖೋತ್ಪನ್ನ-ನಾರಾಯಣ-ದಶಾಕೃತಿಃ ।
ಮಹಾ-ಪಾಶುಪತಾಸ್ತ್ರಾಗ್ನಿ-ನಿರ್ದಗ್ಧಾಸುರ-ಸೈನಿಕಾ ॥ 32 ॥
ಕಾಮೇಶ್ವರಾಸ್ತ್ರ-ನಿರ್ದಗ್ಧ-ಸಭಂಡಾಸುರ-ಶೂನ್ಯಕಾ ।
ಬ್ರಹ್ಮೋಪೇನ್ದ್ರ-ಮಹೇನ್ದ್ರಾದಿ-ದೇವ-ಸಂಸ್ತುತ-ವೈಭವಾ ॥ 33 ॥
ಹರ-ನೇತ್ರಾಗ್ನಿ-ಸಂದಗ್ಧ-ಕಾಮ-ಸಂಜೀವನೌಷಧಿಃ ।
ಶ್ರೀಮದ್ವಾಗ್ಭವ-ಕೂಟೈಕ-ಸ್ವರೂಪ-ಮುಖ-ಪಂಕಜಾ ॥ 34 ॥
ಕಂಠಾಧಃ-ಕಟಿ-ಪರ್ಯನ್ತ-ಮಧ್ಯಕೂಟ-ಸ್ವರೂಪಿಣೀ ।
ಶಕ್ತಿ-ಕೂಟೈಕತಾಪನ್ನ-ಕಟ್ಯಧೋಭಾಗ-ಧಾರಿಣೀ ॥ 35 ॥
ಮೂಲ-ಮನ್ತ್ರಾತ್ಮಿಕಾ ಮೂಲಕೂಟತ್ರಯ-ಕಲೇಬರಾ ।
ಕುಲಾಮೃತೈಕ-ರಸಿಕಾ ಕುಲಸಂಕೇತ-ಪಾಲಿನೀ ॥ 36 ॥
ಕುಲಾಂಗನಾ ಕುಲಾನ್ತಸ್ಥಾ ಕೌಲಿನೀ ಕುಲಯೋಗಿನೀ ।
ಅಕುಲಾ ಸಮಯಾನ್ತಸ್ಥಾ ಸಮಯಾಚಾರ-ತತ್ಪರಾ ॥ 37 ॥
ಮೂಲಾಧಾರೈಕ-ನಿಲಯಾ ಬ್ರಹ್ಮಗ್ರನ್ಥಿ-ವಿಭೇದಿನೀ ।
ಮಣಿ-ಪೂರಾನ್ತರುದಿತಾ ವಿಷ್ಣುಗ್ರನ್ಥಿ-ವಿಭೇದಿನೀ ॥ 38 ॥
ಆಜ್ಞಾ-ಚಕ್ರಾನ್ತರಾಲಸ್ಥಾ ರುದ್ರಗ್ರನ್ಥಿ-ವಿಭೇದಿನೀ ।
ಸಹಸ್ರಾರಾಮ್ಬುಜಾರೂಢಾ ಸುಧಾ-ಸಾರಾಭಿವರ್ಷಿಣೀ ॥ 39 ॥
ತಡಿಲ್ಲತಾ-ಸಮರುಚಿಃ ಷಟ್ಚಕ್ರೋಪರಿ-ಸಂಸ್ಥಿತಾ ।
ಮಹಾಸಕ್ತಿಃ ಕುಂಡಲಿನೀ ಬಿಸತನ್ತು-ತನೀಯಸೀ ॥ 40 ॥
ಭವಾನೀ ಭಾವನಾಗಮ್ಯಾ ಭವಾರಣ್ಯ-ಕುಠಾರಿಕಾ ।
ಭದ್ರಪ್ರಿಯಾ ಭದ್ರಮೂರ್ತಿರ್ ಭಕ್ತ-ಸೌಭಾಗ್ಯದಾಯಿನೀ ॥ 41 ॥
ಭಕ್ತಿಪ್ರಿಯಾ ಭಕ್ತಿಗಮ್ಯಾ ಭಕ್ತಿವಶ್ಯಾ ಭಯಾಪಹಾ ।
ಶಾಮ್ಭವೀ ಶಾರದಾರಾಧ್ಯಾ ಶರ್ವಾಣೀ ಶರ್ಮದಾಯಿನೀ ॥ 42 ॥
ಶಾಂಕರೀ ಶ್ರೀಕರೀ ಸಾಧ್ವೀ ಶರಚ್ಚನ್ದ್ರ-ನಿಭಾನನಾ ।
ಶಾತೋದರೀ ಶಾನ್ತಿಮತೀ ನಿರಾಧಾರಾ ನಿರಂಜನಾ ॥ 43 ॥
ನಿರ್ಲೇಪಾ ನಿರ್ಮಲಾ ನಿತ್ಯಾ ನಿರಾಕಾರಾ ನಿರಾಕುಲಾ ।
ನಿರ್ಗುಣಾ ನಿಷ್ಕಲಾ ಶಾನ್ತಾ ನಿಷ್ಕಾಮಾ ನಿರುಪಪ್ಲವಾ ॥ 44 ॥
ನಿತ್ಯಮುಕ್ತಾ ನಿರ್ವಿಕಾರಾ ನಿಷ್ಪ್ರಪಂಚಾ ನಿರಾಶ್ರಯಾ ।
ನಿತ್ಯಶುದ್ಧಾ ನಿತ್ಯಬುದ್ಧಾ ನಿರವದ್ಯಾ ನಿರನ್ತರಾ ॥ 45 ॥
ನಿಷ್ಕಾರಣಾ ನಿಷ್ಕಲಂಕಾ ನಿರುಪಾಧಿರ್ ನಿರೀಶ್ವರಾ ।
ನೀರಾಗಾ ರಾಗಮಥನೀ ನಿರ್ಮದಾ ಮದನಾಶಿನೀ ॥ 46 ॥
ನಿಶ್ಚಿನ್ತಾ ನಿರಹಂಕಾರಾ ನಿರ್ಮೋಹಾ ಮೋಹನಾಶಿನೀ ।
ನಿರ್ಮಮಾ ಮಮತಾಹನ್ತ್ರೀ ನಿಷ್ಪಾಪಾ ಪಾಪನಾಶಿನೀ ॥ 47 ॥
ನಿಷ್ಕ್ರೋಧಾ ಕ್ರೋಧಶಮನೀ ನಿರ್ಲೋಭಾ ಲೋಭನಾಶಿನೀ ।
ನಿಃಸಂಶಯಾ ಸಂಶಯಘ್ನೀ ನಿರ್ಭವಾ ಭವನಾಶಿನೀ ॥ 48 ॥ or ನಿಸ್ಸಂಶಯಾ
ನಿರ್ವಿಕಲ್ಪಾ ನಿರಾಬಾಧಾ ನಿರ್ಭೇದಾ ಭೇದನಾಶಿನೀ ।
ನಿರ್ನಾಶಾ ಮೃತ್ಯುಮಥನೀ ನಿಷ್ಕ್ರಿಯಾ ನಿಷ್ಪರಿಗ್ರಹಾ ॥ 49 ॥
ನಿಸ್ತುಲಾ ನೀಲಚಿಕುರಾ ನಿರಪಾಯಾ ನಿರತ್ಯಯಾ ।
ದುರ್ಲಭಾ ದುರ್ಗಮಾ ದುರ್ಗಾ ದುಃಖಹನ್ತ್ರೀ ಸುಖಪ್ರದಾ ॥ 50 ॥
ದುಷ್ಟದೂರಾ ದುರಾಚಾರ-ಶಮನೀ ದೋಷವರ್ಜಿತಾ ।
ಸರ್ವಜ್ಞಾ ಸಾನ್ದ್ರಕರುಣಾ ಸಮಾನಾಧಿಕ-ವರ್ಜಿತಾ ॥ 51 ॥
ಸರ್ವಶಕ್ತಿಮಯೀ ಸರ್ವ-ಮಂಗಲಾ ಸದ್ಗತಿಪ್ರದಾ ।
ಸರ್ವೇಶ್ವರೀ ಸರ್ವಮಯೀ ಸರ್ವಮನ್ತ್ರ-ಸ್ವರೂಪಿಣೀ ॥ 52 ॥
ಸರ್ವ-ಯನ್ತ್ರಾತ್ಮಿಕಾ ಸರ್ವ-ತನ್ತ್ರರೂಪಾ ಮನೋನ್ಮನೀ ।
ಮಾಹೇಶ್ವರೀ ಮಹಾದೇವೀ ಮಹಾಲಕ್ಷ್ಮೀರ್ ಮೃಡಪ್ರಿಯಾ ॥ 53 ॥
ಮಹಾರೂಪಾ ಮಹಾಪೂಜ್ಯಾ ಮಹಾಪಾತಕ-ನಾಶಿನೀ ।
ಮಹಾಮಾಯಾ ಮಹಾಸತ್ತ್ವಾ ಮಹಾಶಕ್ತಿರ್ ಮಹಾರತಿಃ ॥ 54 ॥
ಮಹಾಭೋಗಾ ಮಹೈಶ್ವರ್ಯಾ ಮಹಾವೀರ್ಯಾ ಮಹಾಬಲಾ ।
ಮಹಾಬುದ್ಧಿರ್ ಮಹಾಸಿದ್ಧಿರ್ ಮಹಾಯೋಗೇಶ್ವರೇಶ್ವರೀ ॥ 55 ॥
ಮಹಾತನ್ತ್ರಾ ಮಹಾಮನ್ತ್ರಾ ಮಹಾಯನ್ತ್ರಾ ಮಹಾಸನಾ ।
ಮಹಾಯಾಗ-ಕ್ರಮಾರಾಧ್ಯಾ ಮಹಾಭೈರವ-ಪೂಜಿತಾ ॥ 56 ॥
ಮಹೇಶ್ವರ-ಮಹಾಕಲ್ಪ-ಮಹಾತಾಂಡವ-ಸಾಕ್ಷಿಣೀ ।
ಮಹಾಕಾಮೇಶ-ಮಹಿಷೀ ಮಹಾತ್ರಿಪುರ-ಸುನ್ದರೀ ॥ 57 ॥
ಚತುಃಷಷ್ಟ್ಯುಪಚಾರಾಢ್ಯಾ ಚತುಃಷಷ್ಟಿಕಲಾಮಯೀ ।
ಮಹಾಚತುಃ-ಷಷ್ಟಿಕೋಟಿ-ಯೋಗಿನೀ-ಗಣಸೇವಿತಾ ॥ 58 ॥
ಮನುವಿದ್ಯಾ ಚನ್ದ್ರವಿದ್ಯಾ ಚನ್ದ್ರಮಂಡಲ-ಮಧ್ಯಗಾ ।
ಚಾರುರೂಪಾ ಚಾರುಹಾಸಾ ಚಾರುಚನ್ದ್ರ-ಕಲಾಧರಾ ॥ 59 ॥
ಚರಾಚರ-ಜಗನ್ನಾಥಾ ಚಕ್ರರಾಜ-ನಿಕೇತನಾ ।
ಪಾರ್ವತೀ ಪದ್ಮನಯನಾ ಪದ್ಮರಾಗ-ಸಮಪ್ರಭಾ ॥ 60 ॥
ಪಂಚ-ಪ್ರೇತಾಸನಾಸೀನಾ ಪಂಚಬ್ರಹ್ಮ-ಸ್ವರೂಪಿಣೀ ।
ಚಿನ್ಮಯೀ ಪರಮಾನನ್ದಾ ವಿಜ್ಞಾನ-ಘನರೂಪಿಣೀ ॥ 61 ॥
ಧ್ಯಾನ-ಧ್ಯಾತೃ-ಧ್ಯೇಯರೂಪಾ ಧರ್ಮಾಧರ್ಮ-ವಿವರ್ಜಿತಾ ।
ವಿಶ್ವರೂಪಾ ಜಾಗರಿಣೀ ಸ್ವಪನ್ತೀ ತೈಜಸಾತ್ಮಿಕಾ ॥ 62 ॥
ಸುಪ್ತಾ ಪ್ರಾಜ್ಞಾತ್ಮಿಕಾ ತುರ್ಯಾ ಸರ್ವಾವಸ್ಥಾ-ವಿವರ್ಜಿತಾ ।
ಸೃಷ್ಟಿಕರ್ತ್ರೀ ಬ್ರಹ್ಮರೂಪಾ ಗೋಪ್ತ್ರೀ ಗೋವಿನ್ದರೂಪಿಣೀ ॥ 63 ॥
ಸಂಹಾರಿಣೀ ರುದ್ರರೂಪಾ ತಿರೋಧಾನ-ಕರೀಶ್ವರೀ ।
ಸದಾಶಿವಾಽನುಗ್ರಹದಾ ಪಂಚಕೃತ್ಯ-ಪರಾಯಣಾ ॥ 64 ॥
ಭಾನುಮಂಡಲ-ಮಧ್ಯಸ್ಥಾ ಭೈರವೀ ಭಗಮಾಲಿನೀ ।
ಪದ್ಮಾಸನಾ ಭಗವತೀ ಪದ್ಮನಾಭ-ಸಹೋದರೀ ॥ 65 ॥
ಉನ್ಮೇಷ-ನಿಮಿಷೋತ್ಪನ್ನ-ವಿಪನ್ನ-ಭುವನಾವಲೀ ।
ಸಹಸ್ರ-ಶೀರ್ಷವದನಾ ಸಹಸ್ರಾಕ್ಷೀ ಸಹಸ್ರಪಾತ್ ॥ 66 ॥
ಆಬ್ರಹ್ಮ-ಕೀಟ-ಜನನೀ ವರ್ಣಾಶ್ರಮ-ವಿಧಾಯಿನೀ ।
ನಿಜಾಜ್ಞಾರೂಪ-ನಿಗಮಾ ಪುಣ್ಯಾಪುಣ್ಯ-ಫಲಪ್ರದಾ ॥ 67 ॥
ಶ್ರುತಿ-ಸೀಮನ್ತ-ಸಿನ್ದೂರೀ-ಕೃತ-ಪಾದಾಬ್ಜ-ಧೂಲಿಕಾ ।
ಸಕಲಾಗಮ-ಸನ್ದೋಹ-ಶುಕ್ತಿ-ಸಮ್ಪುಟ-ಮೌಕ್ತಿಕಾ ॥ 68 ॥
ಪುರುಷಾರ್ಥಪ್ರದಾ ಪೂರ್ಣಾ ಭೋಗಿನೀ ಭುವನೇಶ್ವರೀ ।
ಅಮ್ಬಿಕಾಽನಾದಿ-ನಿಧನಾ ಹರಿಬ್ರಹ್ಮೇನ್ದ್ರ-ಸೇವಿತಾ ॥ 69 ॥
ನಾರಾಯಣೀ ನಾದರೂಪಾ ನಾಮರೂಪ-ವಿವರ್ಜಿತಾ ।
ಹ್ರೀಂಕಾರೀ ಹ್ರೀಮತೀ ಹೃದ್ಯಾ ಹೇಯೋಪಾದೇಯ-ವರ್ಜಿತಾ ॥ 70 ॥
ರಾಜರಾಜಾರ್ಚಿತಾ ರಾಜ್ಞೀ ರಮ್ಯಾ ರಾಜೀವಲೋಚನಾ ।
ರಂಜನೀ ರಮಣೀ ರಸ್ಯಾ ರಣತ್ಕಿಂಕಿಣಿ-ಮೇಖಲಾ ॥ 71 ॥
ರಮಾ ರಾಕೇನ್ದುವದನಾ ರತಿರೂಪಾ ರತಿಪ್ರಿಯಾ ।
ರಕ್ಷಾಕರೀ ರಾಕ್ಷಸಘ್ನೀ ರಾಮಾ ರಮಣಲಮ್ಪಟಾ ॥ 72 ॥
ಕಾಮ್ಯಾ ಕಾಮಕಲಾರೂಪಾ ಕದಮ್ಬ-ಕುಸುಮ-ಪ್ರಿಯಾ ।
ಕಲ್ಯಾಣೀ ಜಗತೀಕನ್ದಾ ಕರುಣಾ-ರಸ-ಸಾಗರಾ ॥ 73 ॥
ಕಲಾವತೀ ಕಲಾಲಾಪಾ ಕಾನ್ತಾ ಕಾದಮ್ಬರೀಪ್ರಿಯಾ ।
ವರದಾ ವಾಮನಯನಾ ವಾರುಣೀ-ಮದ-ವಿಹ್ವಲಾ ॥ 74 ॥
ವಿಶ್ವಾಧಿಕಾ ವೇದವೇದ್ಯಾ ವಿನ್ಧ್ಯಾಚಲ-ನಿವಾಸಿನೀ ।
ವಿಧಾತ್ರೀ ವೇದಜನನೀ ವಿಷ್ಣುಮಾಯಾ ವಿಲಾಸಿನೀ ॥ 75 ॥
ಕ್ಷೇತ್ರಸ್ವರೂಪಾ ಕ್ಷೇತ್ರೇಶೀ ಕ್ಷೇತ್ರ-ಕ್ಷೇತ್ರಜ್ಞ-ಪಾಲಿನೀ ।
ಕ್ಷಯವೃದ್ಧಿ-ವಿನಿರ್ಮುಕ್ತಾ ಕ್ಷೇತ್ರಪಾಲ-ಸಮರ್ಚಿತಾ ॥ 76 ॥
ವಿಜಯಾ ವಿಮಲಾ ವನ್ದ್ಯಾ ವನ್ದಾರು-ಜನ-ವತ್ಸಲಾ ।
ವಾಗ್ವಾದಿನೀ ವಾಮಕೇಶೀ ವಹ್ನಿಮಂಡಲ-ವಾಸಿನೀ ॥ 77 ॥
ಭಕ್ತಿಮತ್-ಕಲ್ಪಲತಿಕಾ ಪಶುಪಾಶ-ವಿಮೋಚಿನೀ ।
ಸಂಹೃತಾಶೇಷ-ಪಾಷಂಡಾ ಸದಾಚಾರ-ಪ್ರವರ್ತಿಕಾ ॥ 78 ॥ or ಪಾಖಂಡಾ
ತಾಪತ್ರಯಾಗ್ನಿ-ಸನ್ತಪ್ತ-ಸಮಾಹ್ಲಾದನ-ಚನ್ದ್ರಿಕಾ ।
ತರುಣೀ ತಾಪಸಾರಾಧ್ಯಾ ತನುಮಧ್ಯಾ ತಮೋಽಪಹಾ ॥ 79 ॥
ಚಿತಿಸ್ತತ್ಪದ-ಲಕ್ಷ್ಯಾರ್ಥಾ ಚಿದೇಕರಸ-ರೂಪಿಣೀ ।
ಸ್ವಾತ್ಮಾನನ್ದ-ಲವೀಭೂತ-ಬ್ರಹ್ಮಾದ್ಯಾನನ್ದ-ಸನ್ತತಿಃ ॥ 80 ॥
ಪರಾ ಪ್ರತ್ಯಕ್ಚಿತೀರೂಪಾ ಪಶ್ಯನ್ತೀ ಪರದೇವತಾ ।
ಮಧ್ಯಮಾ ವೈಖರೀರೂಪಾ ಭಕ್ತ-ಮಾನಸ-ಹಂಸಿಕಾ ॥ 81 ॥
ಕಾಮೇಶ್ವರ-ಪ್ರಾಣನಾಡೀ ಕೃತಜ್ಞಾ ಕಾಮಪೂಜಿತಾ ।
ಶೃಂಗಾರ-ರಸ-ಸಮ್ಪೂರ್ಣಾ ಜಯಾ ಜಾಲನ್ಧರ-ಸ್ಥಿತಾ ॥ 82 ॥
ಓಡ್ಯಾಣಪೀಠ-ನಿಲಯಾ ಬಿನ್ದು-ಮಂಡಲವಾಸಿನೀ ।
ರಹೋಯಾಗ-ಕ್ರಮಾರಾಧ್ಯಾ ರಹಸ್ತರ್ಪಣ-ತರ್ಪಿತಾ ॥ 83 ॥
ಸದ್ಯಃಪ್ರಸಾದಿನೀ ವಿಶ್ವ-ಸಾಕ್ಷಿಣೀ ಸಾಕ್ಷಿವರ್ಜಿತಾ ।
ಷಡಂಗದೇವತಾ-ಯುಕ್ತಾ ಷಾಡ್ಗುಣ್ಯ-ಪರಿಪೂರಿತಾ ॥ 84 ॥
ನಿತ್ಯಕ್ಲಿನ್ನಾ ನಿರುಪಮಾ ನಿರ್ವಾಣ-ಸುಖ-ದಾಯಿನೀ ।
ನಿತ್ಯಾ-ಷೋಡಶಿಕಾ-ರೂಪಾ ಶ್ರೀಕಂಠಾರ್ಧ-ಶರೀರಿಣೀ ॥ 85 ॥
ಪ್ರಭಾವತೀ ಪ್ರಭಾರೂಪಾ ಪ್ರಸಿದ್ಧಾ ಪರಮೇಶ್ವರೀ ।
ಮೂಲಪ್ರಕೃತಿರ್ ಅವ್ಯಕ್ತಾ ವ್ಯಕ್ತಾವ್ಯಕ್ತ-ಸ್ವರೂಪಿಣೀ ॥ 86 ॥
ವ್ಯಾಪಿನೀ ವಿವಿಧಾಕಾರಾ ವಿದ್ಯಾವಿದ್ಯಾ-ಸ್ವರೂಪಿಣೀ ।
ಮಹಾಕಾಮೇಶ-ನಯನ-ಕುಮುದಾಹ್ಲಾದ-ಕೌಮುದೀ ॥ 87 ॥
ಭಕ್ತ-ಹಾರ್ದ-ತಮೋಭೇದ-ಭಾನುಮದ್ಭಾನು-ಸನ್ತತಿಃ ।
ಶಿವದೂತೀ ಶಿವಾರಾಧ್ಯಾ ಶಿವಮೂರ್ತಿಃ ಶಿವಂಕರೀ ॥ 88 ॥
ಶಿವಪ್ರಿಯಾ ಶಿವಪರಾ ಶಿಷ್ಟೇಷ್ಟಾ ಶಿಷ್ಟಪೂಜಿತಾ ।
ಅಪ್ರಮೇಯಾ ಸ್ವಪ್ರಕಾಶಾ ಮನೋವಾಚಾಮಗೋಚರಾ ॥ 89 ॥
ಚಿಚ್ಛಕ್ತಿಶ್ ಚೇತನಾರೂಪಾ ಜಡಶಕ್ತಿರ್ ಜಡಾತ್ಮಿಕಾ ।
ಗಾಯತ್ರೀ ವ್ಯಾಹೃತಿಃ ಸನ್ಧ್ಯಾ ದ್ವಿಜಬೃನ್ದ-ನಿಷೇವಿತಾ ॥ 90 ॥
ತತ್ತ್ವಾಸನಾ ತತ್ತ್ವಮಯೀ ಪಂಚ-ಕೋಶಾನ್ತರ-ಸ್ಥಿತಾ ।
ನಿಃಸೀಮ-ಮಹಿಮಾ ನಿತ್ಯ-ಯೌವನಾ ಮದಶಾಲಿನೀ ॥ 91 ॥ or ನಿಸ್ಸೀಮ
ಮದಘೂರ್ಣಿತ-ರಕ್ತಾಕ್ಷೀ ಮದಪಾಟಲ-ಗಂಡಭೂಃ ।
ಚನ್ದನ-ದ್ರವ-ದಿಗ್ಧಾಂಗೀ ಚಾಮ್ಪೇಯ-ಕುಸುಮ-ಪ್ರಿಯಾ ॥ 92 ॥
ಕುಶಲಾ ಕೋಮಲಾಕಾರಾ ಕುರುಕುಲ್ಲಾ ಕುಲೇಶ್ವರೀ ।
ಕುಲಕುಂಡಾಲಯಾ ಕೌಲ-ಮಾರ್ಗ-ತತ್ಪರ-ಸೇವಿತಾ ॥ 93 ॥
ಕುಮಾರ-ಗಣನಾಥಾಮ್ಬಾ ತುಷ್ಟಿಃ ಪುಷ್ಟಿರ್ ಮತಿರ್ ಧೃತಿಃ ।
ಶಾನ್ತಿಃ ಸ್ವಸ್ತಿಮತೀ ಕಾನ್ತಿರ್ ನನ್ದಿನೀ ವಿಘ್ನನಾಶಿನೀ ॥ 94 ॥
ತೇಜೋವತೀ ತ್ರಿನಯನಾ ಲೋಲಾಕ್ಷೀ-ಕಾಮರೂಪಿಣೀ ।
ಮಾಲಿನೀ ಹಂಸಿನೀ ಮಾತಾ ಮಲಯಾಚಲ-ವಾಸಿನೀ ॥ 95 ॥
ಸುಮುಖೀ ನಲಿನೀ ಸುಭ್ರೂಃ ಶೋಭನಾ ಸುರನಾಯಿಕಾ ।
ಕಾಲಕಂಠೀ ಕಾನ್ತಿಮತೀ ಕ್ಷೋಭಿಣೀ ಸೂಕ್ಷ್ಮರೂಪಿಣೀ ॥ 96 ॥
ವಜ್ರೇಶ್ವರೀ ವಾಮದೇವೀ ವಯೋಽವಸ್ಥಾ-ವಿವರ್ಜಿತಾ ।
ಸಿದ್ಧೇಶ್ವರೀ ಸಿದ್ಧವಿದ್ಯಾ ಸಿದ್ಧಮಾತಾ ಯಶಸ್ವಿನೀ ॥ 97 ॥
ವಿಶುದ್ಧಿಚಕ್ರ-ನಿಲಯಾಽಽರಕ್ತವರ್ಣಾ ತ್ರಿಲೋಚನಾ ।
ಖಟ್ವಾಂಗಾದಿ-ಪ್ರಹರಣಾ ವದನೈಕ-ಸಮನ್ವಿತಾ ॥ 98 ॥
ಪಾಯಸಾನ್ನಪ್ರಿಯಾ ತ್ವಕ್ಸ್ಥಾ ಪಶುಲೋಕ-ಭಯಂಕರೀ ।
ಅಮೃತಾದಿ-ಮಹಾಶಕ್ತಿ-ಸಂವೃತಾ ಡಾಕಿನೀಶ್ವರೀ ॥ 99 ॥
ಅನಾಹತಾಬ್ಜ-ನಿಲಯಾ ಶ್ಯಾಮಾಭಾ ವದನದ್ವಯಾ ।
ದಂಷ್ಟ್ರೋಜ್ಜ್ವಲಾಽಕ್ಷ-ಮಾಲಾದಿ-ಧರಾ ರುಧಿರಸಂಸ್ಥಿತಾ ॥ 100 ॥
ಕಾಲರಾತ್ರ್ಯಾದಿ-ಶಕ್ತ್ಯೌಘ-ವೃತಾ ಸ್ನಿಗ್ಧೌದನಪ್ರಿಯಾ ।
ಮಹಾವೀರೇನ್ದ್ರ-ವರದಾ ರಾಕಿಣ್ಯಮ್ಬಾ-ಸ್ವರೂಪಿಣೀ ॥ 101 ॥
ಮಣಿಪೂರಾಬ್ಜ-ನಿಲಯಾ ವದನತ್ರಯ-ಸಂಯುತಾ ।
ವಜ್ರಾದಿಕಾಯುಧೋಪೇತಾ ಡಾಮರ್ಯಾದಿಭಿರಾವೃತಾ ॥ 102 ॥
ರಕ್ತವರ್ಣಾ ಮಾಂಸನಿಷ್ಠಾ ಗುಡಾನ್ನ-ಪ್ರೀತ-ಮಾನಸಾ ।
ಸಮಸ್ತಭಕ್ತ-ಸುಖದಾ ಲಾಕಿನ್ಯಮ್ಬಾ-ಸ್ವರೂಪಿಣೀ ॥ 103 ॥
ಸ್ವಾಧಿಷ್ಠಾನಾಮ್ಬುಜ-ಗತಾ ಚತುರ್ವಕ್ತ್ರ-ಮನೋಹರಾ ।
ಶೂಲಾದ್ಯಾಯುಧ-ಸಮ್ಪನ್ನಾ ಪೀತವರ್ಣಾಽತಿಗರ್ವಿತಾ ॥ 104 ॥
ಮೇದೋನಿಷ್ಠಾ ಮಧುಪ್ರೀತಾ ಬನ್ಧಿನ್ಯಾದಿ-ಸಮನ್ವಿತಾ ।
ದಧ್ಯನ್ನಾಸಕ್ತ-ಹೃದಯಾ ಕಾಕಿನೀ-ರೂಪ-ಧಾರಿಣೀ ॥ 105 ॥
ಮೂಲಾಧಾರಾಮ್ಬುಜಾರೂಢಾ ಪಂಚ-ವಕ್ತ್ರಾಽಸ್ಥಿ-ಸಂಸ್ಥಿತಾ ।
ಅಂಕುಶಾದಿ-ಪ್ರಹರಣಾ ವರದಾದಿ-ನಿಷೇವಿತಾ ॥ 106 ॥
ಮುದ್ಗೌದನಾಸಕ್ತ-ಚಿತ್ತಾ ಸಾಕಿನ್ಯಮ್ಬಾ-ಸ್ವರೂಪಿಣೀ ।
ಆಜ್ಞಾ-ಚಕ್ರಾಬ್ಜ-ನಿಲಯಾ ಶುಕ್ಲವರ್ಣಾ ಷಡಾನನಾ ॥ 107 ॥
ಮಜ್ಜಾಸಂಸ್ಥಾ ಹಂಸವತೀ-ಮುಖ್ಯ-ಶಕ್ತಿ-ಸಮನ್ವಿತಾ ।
ಹರಿದ್ರಾನ್ನೈಕ-ರಸಿಕಾ ಹಾಕಿನೀ-ರೂಪ-ಧಾರಿಣೀ ॥ 108 ॥
ಸಹಸ್ರದಲ-ಪದ್ಮಸ್ಥಾ ಸರ್ವ-ವರ್ಣೋಪ-ಶೋಭಿತಾ ।
ಸರ್ವಾಯುಧಧರಾ ಶುಕ್ಲ-ಸಂಸ್ಥಿತಾ ಸರ್ವತೋಮುಖೀ ॥ 109 ॥
ಸರ್ವೌದನ-ಪ್ರೀತಚಿತ್ತಾ ಯಾಕಿನ್ಯಮ್ಬಾ-ಸ್ವರೂಪಿಣೀ ।
ಸ್ವಾಹಾ ಸ್ವಧಾಽಮತಿರ್ ಮೇಧಾ ಶ್ರುತಿಃ ಸ್ಮೃತಿರ್ ಅನುತ್ತಮಾ ॥ 110 ॥
ಪುಣ್ಯಕೀರ್ತಿಃ ಪುಣ್ಯಲಭ್ಯಾ ಪುಣ್ಯಶ್ರವಣ-ಕೀರ್ತನಾ ।
ಪುಲೋಮಜಾರ್ಚಿತಾ ಬನ್ಧ-ಮೋಚನೀ ಬನ್ಧುರಾಲಕಾ ॥ 111 ॥ or ಮೋಚನೀ ಬರ್ಬರಾಲಕಾ
ವಿಮರ್ಶರೂಪಿಣೀ ವಿದ್ಯಾ ವಿಯದಾದಿ-ಜಗತ್ಪ್ರಸೂಃ ।
ಸರ್ವವ್ಯಾಧಿ-ಪ್ರಶಮನೀ ಸರ್ವಮೃತ್ಯು-ನಿವಾರಿಣೀ ॥ 112 ॥
ಅಗ್ರಗಣ್ಯಾಽಚಿನ್ತ್ಯರೂಪಾ ಕಲಿಕಲ್ಮಷ-ನಾಶಿನೀ ।
ಕಾತ್ಯಾಯನೀ ಕಾಲಹನ್ತ್ರೀ ಕಮಲಾಕ್ಷ-ನಿಷೇವಿತಾ ॥ 113 ॥
ತಾಮ್ಬೂಲ-ಪೂರಿತ-ಮುಖೀ ದಾಡಿಮೀ-ಕುಸುಮ-ಪ್ರಭಾ ।
ಮೃಗಾಕ್ಷೀ ಮೋಹಿನೀ ಮುಖ್ಯಾ ಮೃಡಾನೀ ಮಿತ್ರರೂಪಿಣೀ ॥ 114 ॥
ನಿತ್ಯತೃಪ್ತಾ ಭಕ್ತನಿಧಿರ್ ನಿಯನ್ತ್ರೀ ನಿಖಿಲೇಶ್ವರೀ ।
ಮೈತ್ರ್ಯಾದಿ-ವಾಸನಾಲಭ್ಯಾ ಮಹಾಪ್ರಲಯ-ಸಾಕ್ಷಿಣೀ ॥ 115 ॥
ಪರಾ ಶಕ್ತಿಃ ಪರಾ ನಿಷ್ಠಾ ಪ್ರಜ್ಞಾನಘನ-ರೂಪಿಣೀ ।
ಮಾಧ್ವೀಪಾನಾಲಸಾ ಮತ್ತಾ ಮಾತೃಕಾ-ವರ್ಣ-ರೂಪಿಣೀ ॥ 116 ॥
ಮಹಾಕೈಲಾಸ-ನಿಲಯಾ ಮೃಣಾಲ-ಮೃದು-ದೋರ್ಲತಾ ।
ಮಹನೀಯಾ ದಯಾಮೂರ್ತಿರ್ ಮಹಾಸಾಮ್ರಾಜ್ಯ-ಶಾಲಿನೀ ॥ 117 ॥
ಆತ್ಮವಿದ್ಯಾ ಮಹಾವಿದ್ಯಾ ಶ್ರೀವಿದ್ಯಾ ಕಾಮಸೇವಿತಾ ।
ಶ್ರೀ-ಷೋಡಶಾಕ್ಷರೀ-ವಿದ್ಯಾ ತ್ರಿಕೂಟಾ ಕಾಮಕೋಟಿಕಾ ॥ 118 ॥
ಕಟಾಕ್ಷ-ಕಿಂಕರೀ-ಭೂತ-ಕಮಲಾ-ಕೋಟಿ-ಸೇವಿತಾ ।
ಶಿರಃಸ್ಥಿತಾ ಚನ್ದ್ರನಿಭಾ ಭಾಲಸ್ಥೇನ್ದ್ರ-ಧನುಃಪ್ರಭಾ ॥ 119 ॥
ಹೃದಯಸ್ಥಾ ರವಿಪ್ರಖ್ಯಾ ತ್ರಿಕೋಣಾನ್ತರ-ದೀಪಿಕಾ ।
ದಾಕ್ಷಾಯಣೀ ದೈತ್ಯಹನ್ತ್ರೀ ದಕ್ಷಯಜ್ಞ-ವಿನಾಶಿನೀ ॥ 120 ॥
ದರಾನ್ದೋಲಿತ-ದೀರ್ಘಾಕ್ಷೀ ದರ-ಹಾಸೋಜ್ಜ್ವಲನ್-ಮುಖೀ ।
ಗುರುಮೂರ್ತಿರ್ ಗುಣನಿಧಿರ್ ಗೋಮಾತಾ ಗುಹಜನ್ಮಭೂಃ ॥ 121 ॥
ದೇವೇಶೀ ದಂಡನೀತಿಸ್ಥಾ ದಹರಾಕಾಶ-ರೂಪಿಣೀ ।
ಪ್ರತಿಪನ್ಮುಖ್ಯ-ರಾಕಾನ್ತ-ತಿಥಿ-ಮಂಡಲ-ಪೂಜಿತಾ ॥ 122 ॥
ಕಲಾತ್ಮಿಕಾ ಕಲಾನಾಥಾ ಕಾವ್ಯಾಲಾಪ-ವಿನೋದಿನೀ । or ವಿಮೋದಿನೀ
ಸಚಾಮರ-ರಮಾ-ವಾಣೀ-ಸವ್ಯ-ದಕ್ಷಿಣ-ಸೇವಿತಾ ॥ 123 ॥
ಆದಿಶಕ್ತಿರ್ ಅಮೇಯಾಽಽತ್ಮಾ ಪರಮಾ ಪಾವನಾಕೃತಿಃ ।
ಅನೇಕಕೋಟಿ-ಬ್ರಹ್ಮಾಂಡ-ಜನನೀ ದಿವ್ಯವಿಗ್ರಹಾ ॥ 124 ॥
ಕ್ಲೀಂಕಾರೀ ಕೇವಲಾ ಗುಹ್ಯಾ ಕೈವಲ್ಯ-ಪದದಾಯಿನೀ ।
ತ್ರಿಪುರಾ ತ್ರಿಜಗದ್ವನ್ದ್ಯಾ ತ್ರಿಮೂರ್ತಿಸ್ ತ್ರಿದಶೇಶ್ವರೀ ॥ 125 ॥
ತ್ರ್ಯಕ್ಷರೀ ದಿವ್ಯ-ಗನ್ಧಾಢ್ಯಾ ಸಿನ್ದೂರ-ತಿಲಕಾಂಚಿತಾ ।
ಉಮಾ ಶೈಲೇನ್ದ್ರತನಯಾ ಗೌರೀ ಗನ್ಧರ್ವ-ಸೇವಿತಾ ॥ 126 ॥
ವಿಶ್ವಗರ್ಭಾ ಸ್ವರ್ಣಗರ್ಭಾಽವರದಾ ವಾಗಧೀಶ್ವರೀ ।
ಧ್ಯಾನಗಮ್ಯಾಽಪರಿಚ್ಛೇದ್ಯಾ ಜ್ಞಾನದಾ ಜ್ಞಾನವಿಗ್ರಹಾ ॥ 127 ॥
ಸರ್ವವೇದಾನ್ತ-ಸಂವೇದ್ಯಾ ಸತ್ಯಾನನ್ದ-ಸ್ವರೂಪಿಣೀ ।
ಲೋಪಾಮುದ್ರಾರ್ಚಿತಾ ಲೀಲಾ-ಕೢಪ್ತ-ಬ್ರಹ್ಮಾಂಡ-ಮಂಡಲಾ ॥ 128 ॥
ಅದೃಶ್ಯಾ ದೃಶ್ಯರಹಿತಾ ವಿಜ್ಞಾತ್ರೀ ವೇದ್ಯವರ್ಜಿತಾ ।
ಯೋಗಿನೀ ಯೋಗದಾ ಯೋಗ್ಯಾ ಯೋಗಾನನ್ದಾ ಯುಗನ್ಧರಾ ॥ 129 ॥
ಇಚ್ಛಾಶಕ್ತಿ-ಜ್ಞಾನಶಕ್ತಿ-ಕ್ರಿಯಾಶಕ್ತಿ-ಸ್ವರೂಪಿಣೀ ।
ಸರ್ವಾಧಾರಾ ಸುಪ್ರತಿಷ್ಠಾ ಸದಸದ್ರೂಪ-ಧಾರಿಣೀ ॥ 130 ॥
ಅಷ್ಟಮೂರ್ತಿರ್ ಅಜಾಜೈತ್ರೀ ಲೋಕಯಾತ್ರಾ-ವಿಧಾಯಿನೀ । or ಅಜಾಜೇತ್ರೀ
ಏಕಾಕಿನೀ ಭೂಮರೂಪಾ ನಿರ್ದ್ವೈತಾ ದ್ವೈತವರ್ಜಿತಾ ॥ 131 ॥
ಅನ್ನದಾ ವಸುದಾ ವೃದ್ಧಾ ಬ್ರಹ್ಮಾತ್ಮೈಕ್ಯ-ಸ್ವರೂಪಿಣೀ ।
ಬೃಹತೀ ಬ್ರಾಹ್ಮಣೀ ಬ್ರಾಹ್ಮೀ ಬ್ರಹ್ಮಾನನ್ದಾ ಬಲಿಪ್ರಿಯಾ ॥ 132 ॥
ಭಾಷಾರೂಪಾ ಬೃಹತ್ಸೇನಾ ಭಾವಾಭಾವ-ವಿವರ್ಜಿತಾ ।
ಸುಖಾರಾಧ್ಯಾ ಶುಭಕರೀ ಶೋಭನಾ ಸುಲಭಾ ಗತಿಃ ॥ 133 ॥
ರಾಜ-ರಾಜೇಶ್ವರೀ ರಾಜ್ಯ-ದಾಯಿನೀ ರಾಜ್ಯ-ವಲ್ಲಭಾ ।
ರಾಜತ್ಕೃಪಾ ರಾಜಪೀಠ-ನಿವೇಶಿತ-ನಿಜಾಶ್ರಿತಾ ॥ 134 ॥
ರಾಜ್ಯಲಕ್ಷ್ಮೀಃ ಕೋಶನಾಥಾ ಚತುರಂಗ-ಬಲೇಶ್ವರೀ ।
ಸಾಮ್ರಾಜ್ಯ-ದಾಯಿನೀ ಸತ್ಯಸನ್ಧಾ ಸಾಗರಮೇಖಲಾ ॥ 135 ॥
ದೀಕ್ಷಿತಾ ದೈತ್ಯಶಮನೀ ಸರ್ವಲೋಕ-ವಶಂಕರೀ ।
ಸರ್ವಾರ್ಥದಾತ್ರೀ ಸಾವಿತ್ರೀ ಸಚ್ಚಿದಾನನ್ದ-ರೂಪಿಣೀ ॥ 136 ॥
ದೇಶ-ಕಾಲಾಪರಿಚ್ಛಿನ್ನಾ ಸರ್ವಗಾ ಸರ್ವಮೋಹಿನೀ ।
ಸರಸ್ವತೀ ಶಾಸ್ತ್ರಮಯೀ ಗುಹಾಮ್ಬಾ ಗುಹ್ಯರೂಪಿಣೀ ॥ 137 ॥
ಸರ್ವೋಪಾಧಿ-ವಿನಿರ್ಮುಕ್ತಾ ಸದಾಶಿವ-ಪತಿವ್ರತಾ ।
ಸಮ್ಪ್ರದಾಯೇಶ್ವರೀ ಸಾಧ್ವೀ ಗುರುಮಂಡಲ-ರೂಪಿಣೀ ॥ 138 ॥
ಕುಲೋತ್ತೀರ್ಣಾ ಭಗಾರಾಧ್ಯಾ ಮಾಯಾ ಮಧುಮತೀ ಮಹೀ ।
ಗಣಾಮ್ಬಾ ಗುಹ್ಯಕಾರಾಧ್ಯಾ ಕೋಮಲಾಂಗೀ ಗುರುಪ್ರಿಯಾ ॥ 139 ॥
ಸ್ವತನ್ತ್ರಾ ಸರ್ವತನ್ತ್ರೇಶೀ ದಕ್ಷಿಣಾಮೂರ್ತಿ-ರೂಪಿಣೀ ।
ಸನಕಾದಿ-ಸಮಾರಾಧ್ಯಾ ಶಿವಜ್ಞಾನ-ಪ್ರದಾಯಿನೀ ॥ 140 ॥
ಚಿತ್ಕಲಾಽಽನನ್ದ-ಕಲಿಕಾ ಪ್ರೇಮರೂಪಾ ಪ್ರಿಯಂಕರೀ ।
ನಾಮಪಾರಾಯಣ-ಪ್ರೀತಾ ನನ್ದಿವಿದ್ಯಾ ನಟೇಶ್ವರೀ ॥ 141 ॥
ಮಿಥ್ಯಾ-ಜಗದಧಿಷ್ಠಾನಾ ಮುಕ್ತಿದಾ ಮುಕ್ತಿರೂಪಿಣೀ ।
ಲಾಸ್ಯಪ್ರಿಯಾ ಲಯಕರೀ ಲಜ್ಜಾ ರಮ್ಭಾದಿವನ್ದಿತಾ ॥ 142 ॥
ಭವದಾವ-ಸುಧಾವೃಷ್ಟಿಃ ಪಾಪಾರಣ್ಯ-ದವಾನಲಾ ।
ದೌರ್ಭಾಗ್ಯ-ತೂಲವಾತೂಲಾ ಜರಾಧ್ವಾನ್ತ-ರವಿಪ್ರಭಾ ॥ 143 ॥
ಭಾಗ್ಯಾಬ್ಧಿ-ಚನ್ದ್ರಿಕಾ ಭಕ್ತ-ಚಿತ್ತಕೇಕಿ-ಘನಾಘನಾ ।
ರೋಗಪರ್ವತ-ದಮ್ಭೋಲಿರ್ ಮೃತ್ಯುದಾರು-ಕುಠಾರಿಕಾ ॥ 144 ॥
ಮಹೇಶ್ವರೀ ಮಹಾಕಾಲೀ ಮಹಾಗ್ರಾಸಾ ಮಹಾಶನಾ ।
ಅಪರ್ಣಾ ಚಂಡಿಕಾ ಚಂಡಮುಂಡಾಸುರ-ನಿಷೂದಿನೀ ॥ 145 ॥
ಕ್ಷರಾಕ್ಷರಾತ್ಮಿಕಾ ಸರ್ವ-ಲೋಕೇಶೀ ವಿಶ್ವಧಾರಿಣೀ ।
ತ್ರಿವರ್ಗದಾತ್ರೀ ಸುಭಗಾ ತ್ರ್ಯಮ್ಬಕಾ ತ್ರಿಗುಣಾತ್ಮಿಕಾ ॥ 146 ॥
ಸ್ವರ್ಗಾಪವರ್ಗದಾ ಶುದ್ಧಾ ಜಪಾಪುಷ್ಪ-ನಿಭಾಕೃತಿಃ ।
ಓಜೋವತೀ ದ್ಯುತಿಧರಾ ಯಜ್ಞರೂಪಾ ಪ್ರಿಯವ್ರತಾ ॥ 147 ॥
ದುರಾರಾಧ್ಯಾ ದುರಾಧರ್ಷಾ ಪಾಟಲೀ-ಕುಸುಮ-ಪ್ರಿಯಾ ।
ಮಹತೀ ಮೇರುನಿಲಯಾ ಮನ್ದಾರ-ಕುಸುಮ-ಪ್ರಿಯಾ ॥ 148 ॥
ವೀರಾರಾಧ್ಯಾ ವಿರಾಡ್ರೂಪಾ ವಿರಜಾ ವಿಶ್ವತೋಮುಖೀ ।
ಪ್ರತ್ಯಗ್ರೂಪಾ ಪರಾಕಾಶಾ ಪ್ರಾಣದಾ ಪ್ರಾಣರೂಪಿಣೀ ॥ 149 ॥
ಮಾರ್ತಾಂಡ-ಭೈರವಾರಾಧ್ಯಾ ಮನ್ತ್ರಿಣೀನ್ಯಸ್ತ-ರಾಜ್ಯಧೂಃ । or ಮಾರ್ತಂಡ
ತ್ರಿಪುರೇಶೀ ಜಯತ್ಸೇನಾ ನಿಸ್ತ್ರೈಗುಣ್ಯಾ ಪರಾಪರಾ ॥ 150 ॥
ಸತ್ಯ-ಜ್ಞಾನಾನನ್ದ-ರೂಪಾ ಸಾಮರಸ್ಯ-ಪರಾಯಣಾ ।
ಕಪರ್ದಿನೀ ಕಲಾಮಾಲಾ ಕಾಮಧುಕ್ ಕಾಮರೂಪಿಣೀ ॥ 151 ॥
ಕಲಾನಿಧಿಃ ಕಾವ್ಯಕಲಾ ರಸಜ್ಞಾ ರಸಶೇವಧಿಃ ।
ಪುಷ್ಟಾ ಪುರಾತನಾ ಪೂಜ್ಯಾ ಪುಷ್ಕರಾ ಪುಷ್ಕರೇಕ್ಷಣಾ ॥ 152 ॥
ಪರಂಜ್ಯೋತಿಃ ಪರಂಧಾಮ ಪರಮಾಣುಃ ಪರಾತ್ಪರಾ ।
ಪಾಶಹಸ್ತಾ ಪಾಶಹನ್ತ್ರೀ ಪರಮನ್ತ್ರ-ವಿಭೇದಿನೀ ॥ 153 ॥
ಮೂರ್ತಾಽಮೂರ್ತಾಽನಿತ್ಯತೃಪ್ತಾ ಮುನಿಮಾನಸ-ಹಂಸಿಕಾ ।
ಸತ್ಯವ್ರತಾ ಸತ್ಯರೂಪಾ ಸರ್ವಾನ್ತರ್ಯಾಮಿನೀ ಸತೀ ॥ 154 ॥
ಬ್ರಹ್ಮಾಣೀ ಬ್ರಹ್ಮಜನನೀ ಬಹುರೂಪಾ ಬುಧಾರ್ಚಿತಾ ।
ಪ್ರಸವಿತ್ರೀ ಪ್ರಚಂಡಾಽಽಜ್ಞಾ ಪ್ರತಿಷ್ಠಾ ಪ್ರಕಟಾಕೃತಿಃ ॥ 155 ॥
ಪ್ರಾಣೇಶ್ವರೀ ಪ್ರಾಣದಾತ್ರೀ ಪಂಚಾಶತ್ಪೀಠ-ರೂಪಿಣೀ ।
ವಿಶೃಂಖಲಾ ವಿವಿಕ್ತಸ್ಥಾ ವೀರಮಾತಾ ವಿಯತ್ಪ್ರಸೂಃ ॥ 156 ॥
ಮುಕುನ್ದಾ ಮುಕ್ತಿನಿಲಯಾ ಮೂಲವಿಗ್ರಹ-ರೂಪಿಣೀ ।
ಭಾವಜ್ಞಾ ಭವರೋಗಘ್ನೀ ಭವಚಕ್ರ-ಪ್ರವರ್ತಿನೀ ॥ 157 ॥
ಛನ್ದಃಸಾರಾ ಶಾಸ್ತ್ರಸಾರಾ ಮನ್ತ್ರಸಾರಾ ತಲೋದರೀ ।
ಉದಾರಕೀರ್ತಿರ್ ಉದ್ದಾಮವೈಭವಾ ವರ್ಣರೂಪಿಣೀ ॥ 158 ॥
ಜನ್ಮಮೃತ್ಯು-ಜರಾತಪ್ತ-ಜನವಿಶ್ರಾನ್ತಿ-ದಾಯಿನೀ ।
ಸರ್ವೋಪನಿಷ-ದುದ್-ಘುಷ್ಟಾ ಶಾನ್ತ್ಯತೀತ-ಕಲಾತ್ಮಿಕಾ ॥ 159 ॥
ಗಮ್ಭೀರಾ ಗಗನಾನ್ತಸ್ಥಾ ಗರ್ವಿತಾ ಗಾನಲೋಲುಪಾ ।
ಕಲ್ಪನಾ-ರಹಿತಾ ಕಾಷ್ಠಾಽಕಾನ್ತಾ ಕಾನ್ತಾರ್ಧ-ವಿಗ್ರಹಾ ॥ 160 ॥
ಕಾರ್ಯಕಾರಣ-ನಿರ್ಮುಕ್ತಾ ಕಾಮಕೇಲಿ-ತರಂಗಿತಾ ।
ಕನತ್ಕನಕತಾ-ಟಂಕಾ ಲೀಲಾ-ವಿಗ್ರಹ-ಧಾರಿಣೀ ॥ 161 ॥
ಅಜಾ ಕ್ಷಯವಿನಿರ್ಮುಕ್ತಾ ಮುಗ್ಧಾ ಕ್ಷಿಪ್ರ-ಪ್ರಸಾದಿನೀ ।
ಅನ್ತರ್ಮುಖ-ಸಮಾರಾಧ್ಯಾ ಬಹಿರ್ಮುಖ-ಸುದುರ್ಲಭಾ ॥ 162 ॥
ತ್ರಯೀ ತ್ರಿವರ್ಗನಿಲಯಾ ತ್ರಿಸ್ಥಾ ತ್ರಿಪುರಮಾಲಿನೀ ।
ನಿರಾಮಯಾ ನಿರಾಲಮ್ಬಾ ಸ್ವಾತ್ಮಾರಾಮಾ ಸುಧಾಸೃತಿಃ ॥ 163 ॥ or ಸುಧಾಸ್ರುತಿಃ
ಸಂಸಾರಪಂಕ-ನಿರ್ಮಗ್ನ-ಸಮುದ್ಧರಣ-ಪಂಡಿತಾ ।
ಯಜ್ಞಪ್ರಿಯಾ ಯಜ್ಞಕರ್ತ್ರೀ ಯಜಮಾನ-ಸ್ವರೂಪಿಣೀ ॥ 164 ॥
ಧರ್ಮಾಧಾರಾ ಧನಾಧ್ಯಕ್ಷಾ ಧನಧಾನ್ಯ-ವಿವರ್ಧಿನೀ ।
ವಿಪ್ರಪ್ರಿಯಾ ವಿಪ್ರರೂಪಾ ವಿಶ್ವಭ್ರಮಣ-ಕಾರಿಣೀ ॥ 165 ॥
ವಿಶ್ವಗ್ರಾಸಾ ವಿದ್ರುಮಾಭಾ ವೈಷ್ಣವೀ ವಿಷ್ಣುರೂಪಿಣೀ ।
ಅಯೋನಿರ್ ಯೋನಿನಿಲಯಾ ಕೂಟಸ್ಥಾ ಕುಲರೂಪಿಣೀ ॥ 166 ॥
ವೀರಗೋಷ್ಠೀಪ್ರಿಯಾ ವೀರಾ ನೈಷ್ಕರ್ಮ್ಯಾ ನಾದರೂಪಿಣೀ ।
ವಿಜ್ಞಾನಕಲನಾ ಕಲ್ಯಾ ವಿದಗ್ಧಾ ಬೈನ್ದವಾಸನಾ ॥ 167 ॥
ತತ್ತ್ವಾಧಿಕಾ ತತ್ತ್ವಮಯೀ ತತ್ತ್ವಮರ್ಥ-ಸ್ವರೂಪಿಣೀ ।
ಸಾಮಗಾನಪ್ರಿಯಾ ಸೌಮ್ಯಾ ಸದಾಶಿವ-ಕುಟುಮ್ಬಿನೀ ॥ 168 ॥ or ಸೋಮ್ಯಾ
ಸವ್ಯಾಪಸವ್ಯ-ಮಾರ್ಗಸ್ಥಾ ಸರ್ವಾಪದ್ವಿನಿವಾರಿಣೀ ।
ಸ್ವಸ್ಥಾ ಸ್ವಭಾವಮಧುರಾ ಧೀರಾ ಧೀರಸಮರ್ಚಿತಾ ॥ 169 ॥
ಚೈತನ್ಯಾರ್ಘ್ಯ-ಸಮಾರಾಧ್ಯಾ ಚೈತನ್ಯ-ಕುಸುಮಪ್ರಿಯಾ ।
ಸದೋದಿತಾ ಸದಾತುಷ್ಟಾ ತರುಣಾದಿತ್ಯ-ಪಾಟಲಾ ॥ 170 ॥
ದಕ್ಷಿಣಾ-ದಕ್ಷಿಣಾರಾಧ್ಯಾ ದರಸ್ಮೇರ-ಮುಖಾಮ್ಬುಜಾ ।
ಕೌಲಿನೀ-ಕೇವಲಾಽನರ್ಘ್ಯ-ಕೈವಲ್ಯ-ಪದದಾಯಿನೀ ॥ 171 ॥
ಸ್ತೋತ್ರಪ್ರಿಯಾ ಸ್ತುತಿಮತೀ ಶ್ರುತಿ-ಸಂಸ್ತುತ-ವೈಭವಾ ।
ಮನಸ್ವಿನೀ ಮಾನವತೀ ಮಹೇಶೀ ಮಂಗಲಾಕೃತಿಃ ॥ 172 ॥
ವಿಶ್ವಮಾತಾ ಜಗದ್ಧಾತ್ರೀ ವಿಶಾಲಾಕ್ಷೀ ವಿರಾಗಿಣೀ ।
ಪ್ರಗಲ್ಭಾ ಪರಮೋದಾರಾ ಪರಾಮೋದಾ ಮನೋಮಯೀ ॥ 173 ॥
ವ್ಯೋಮಕೇಶೀ ವಿಮಾನಸ್ಥಾ ವಜ್ರಿಣೀ ವಾಮಕೇಶ್ವರೀ ।
ಪಂಚಯಜ್ಞ-ಪ್ರಿಯಾ ಪಂಚ-ಪ್ರೇತ-ಮಂಚಾಧಿಶಾಯಿನೀ ॥ 174 ॥
ಪಂಚಮೀ ಪಂಚಭೂತೇಶೀ ಪಂಚ-ಸಂಖ್ಯೋಪಚಾರಿಣೀ ।
ಶಾಶ್ವತೀ ಶಾಶ್ವತೈಶ್ವರ್ಯಾ ಶರ್ಮದಾ ಶಮ್ಭುಮೋಹಿನೀ ॥ 175 ॥
ಧರಾ ಧರಸುತಾ ಧನ್ಯಾ ಧರ್ಮಿಣೀ ಧರ್ಮವರ್ಧಿನೀ ।
ಲೋಕಾತೀತಾ ಗುಣಾತೀತಾ ಸರ್ವಾತೀತಾ ಶಮಾತ್ಮಿಕಾ ॥ 176 ॥
ಬನ್ಧೂಕ-ಕುಸುಮಪ್ರಖ್ಯಾ ಬಾಲಾ ಲೀಲಾವಿನೋದಿನೀ ।
ಸುಮಂಗಲೀ ಸುಖಕರೀ ಸುವೇಷಾಢ್ಯಾ ಸುವಾಸಿನೀ ॥ 177 ॥
ಸುವಾಸಿನ್ಯರ್ಚನ-ಪ್ರೀತಾಽಽಶೋಭನಾ ಶುದ್ಧಮಾನಸಾ ।
ಬಿನ್ದು-ತರ್ಪಣ-ಸನ್ತುಷ್ಟಾ ಪೂರ್ವಜಾ ತ್ರಿಪುರಾಮ್ಬಿಕಾ ॥ 178 ॥
ದಶಮುದ್ರಾ-ಸಮಾರಾಧ್ಯಾ ತ್ರಿಪುರಾಶ್ರೀ-ವಶಂಕರೀ ।
ಜ್ಞಾನಮುದ್ರಾ ಜ್ಞಾನಗಮ್ಯಾ ಜ್ಞಾನಜ್ಞೇಯ-ಸ್ವರೂಪಿಣೀ ॥ 179 ॥
ಯೋನಿಮುದ್ರಾ ತ್ರಿಖಂಡೇಶೀ ತ್ರಿಗುಣಾಮ್ಬಾ ತ್ರಿಕೋಣಗಾ ।
ಅನಘಾಽದ್ಭುತ-ಚಾರಿತ್ರಾ ವಾಂಛಿತಾರ್ಥ-ಪ್ರದಾಯಿನೀ ॥ 180 ॥
ಅಭ್ಯಾಸಾತಿಶಯ-ಜ್ಞಾತಾ ಷಡಧ್ವಾತೀತ-ರೂಪಿಣೀ ।
ಅವ್ಯಾಜ-ಕರುಣಾ-ಮೂರ್ತಿರ್ ಅಜ್ಞಾನ-ಧ್ವಾನ್ತ-ದೀಪಿಕಾ ॥ 181 ॥
ಆಬಾಲ-ಗೋಪ-ವಿದಿತಾ ಸರ್ವಾನುಲ್ಲಂಘ್ಯ-ಶಾಸನಾ ।
ಶ್ರೀಚಕ್ರರಾಜ-ನಿಲಯಾ ಶ್ರೀಮತ್-ತ್ರಿಪುರಸುನ್ದರೀ ॥ 182 ॥
ಶ್ರೀಶಿವಾ ಶಿವ-ಶಕ್ತ್ಯೈಕ್ಯ-ರೂಪಿಣೀ ಲಲಿತಾಮ್ಬಿಕಾ ।
ಏವಂ ಶ್ರೀಲಲಿತಾ ದೇವ್ಯಾ ನಾಮ್ನಾಂ ಸಾಹಸ್ರಕಂ ಜಗುಃ ॥
॥ ಇತಿ ಶ್ರೀಬ್ರಹ್ಮಾಂಡಪುರಾಣೇ ಉತ್ತರಖಂಡೇ ಶ್ರೀಹಯಗ್ರೀವಾಗಸ್ತ್ಯಸಂವಾದೇ
ಶ್ರೀಲಲಿತಾ ಸಹಸ್ರನಾಮ ಸ್ತೋತ್ರ ಕಥನಂ ಸಮ್ಪೂರ್ಣಮ್ ॥
– Chant Stotra in Other Languages –
1000 Names of Sri Lalita Devi » Sahasranama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil