॥ Vasudeva Sahasranama Stotram Kannada Lyrics ॥
॥ ಶ್ರೀವಿಷ್ಣು ಅಪರನಾಮ ವಾಸುದೇವಸಹಸ್ರನಾಮಸ್ತೋತ್ರಮ್ ॥
ಪದ್ಮಪುರಾಣೇ ಉತ್ತರಖಂಡೇ – ವಾಸುದೇವಸಹಸ್ರನಾಮಸ್ತೋತ್ರಂ
ನಾರದಪಂಚರಾತ್ರೇ ವಿಷ್ಣುಸಹಸ್ರನಾಮಂ ಚ
ಬ್ರಹ್ಮನಾರದ – ಪಾರ್ವತೀಶಿವಸಂವಾದಾತ್ಮಕಂ
ವಿನಿಯೋಗಃ
ಓಂ ಅಸ್ಯ ಶ್ರೀವಿಷ್ಣೋಸ್ಸಹಸ್ರನಾಮಸ್ತೋತ್ರಮನ್ತ್ರಸ್ಯ ಶ್ರೀಮಹಾದೇವ ಋಷಿಃ ।
ಅನುಷ್ಟುಪ್ಛನ್ದಃ । ಶ್ರೀವಿಷ್ಣುಃ ಪರಮಾತ್ಮಾ ದೇವತಾ। ಹ್ರೀಂ ಬೀಜಂ।
ಶ್ರೀಂ ಶಕ್ತಿಃ । ಕ್ಲೀಂ ಕೀಲಕಮ್।
ಧರ್ಮಾರ್ಥಕಾಮಮೋಕ್ಷಪ್ರಾಪ್ತ್ತ್ಯರ್ಥೇ ನಾಮಪಾರಾಯಣೇ ವಿನಿಯೋಗಃ ।
ಕರನ್ಯಾಸಃ ।
ಓಂ ವಾಸುದೇವಃ ಪರಂ ಬ್ರಹ್ಮ ಇತ್ಯಂಗುಷ್ಠಾಭ್ಯಾಂ ನಮಃ ॥ 1 ॥
ಓಂ ಮೂಲಪ್ರಕೃತಿರಿತಿ ತರ್ಜನೀಭ್ಯಾಂ ನಮಃ ॥ 2 ॥
ಓಂ ಮಹಾವರಾಹ ಇತಿ ಮಧ್ಯಮಾಭ್ಯಾಂ ನಮಃ ॥ 3 ॥
ಸೂರ್ಯವಂಶಧ್ವಜ ಇತಿ ಅನಾಮಿಕಾಭ್ಯಾಂ ನಮಃ ॥ 4 ॥
ಬ್ರಹ್ಮಾದಿಕಾಮ್ಯಲಲಿತಜಗದಾಶ್ಚರ್ಯಶೈಶವ ಇತಿ ಕನಿಷ್ಠಿಕಾಭ್ಯಾಂ ನಮಃ ॥ 5 ॥
ಯಥಾರ್ಥಖಂಡಿತಾಶೇಷ ಇತಿ ಕರತಲಕರಪೃಷ್ಠಾಭ್ಯಾಂ ನಮಃ ॥
ಏವಂ ಹೃದಯಾದಿನ್ಯಾಸಃ ॥ ಓಂ ನಮೋ ನಾರಾಯಣಾಯೇತಿ ದಿಗ್ಬನ್ಧಃ ॥
॥ ಧ್ಯಾನಮ್ ॥
ಓಂ ನಮೋ ನಾರಾಯಣಾಯ ಪುರುಷಾಯ ಮಹಾತ್ಮನೇ ।
ವಿಶುದ್ಧಸತ್ತ್ವಧಿಷ್ಣ್ಯಾಯ ಮಹಾಹಂಸಾಯ ಧೀಮಹಿ ॥
ಲಮಿತ್ಯಾದಿ ಪಂಚಪೂಜಾ । ಓಂ ನಮೋ ನಾರಾಯಣಾಯ ಇತಿ (2)
ಓಂ ಹ್ರಾಂ ಹ್ರೀಂ ಹ್ರೂಂ ಹೈಂ ಹ್ರೌಂ ಹ್ರಃ
ಕ್ಲೀಂ ಕೃಷ್ಣಾಯ ವಿಷ್ಣವೇ ಹ್ರೀಂ ರಾಮಾಯ ಧೀಮಹಿ ।
ತನ್ನೋ ದೇವಃ ಪ್ರಚೋದಯಾತ್ ಇತಿ ॥
ಕ್ಷ್ರೌಂ ನೃಸಿಂಹಾಯ ವಿದ್ಮಹೇ ಶ್ರೀಂ ಶ್ರೀಕಂಠಾಯ ಧೀಮಹಿ ।
ತನ್ನೋ ವಿಷ್ಣುಃ ಪ್ರಚೋದಯಾತ್ ಇತಿ ॥
ಓಂ ವಾಸುದೇವಾಯ ವಿದ್ಮಹೇ ದೇವಕೀಸುತಾಯ ಧೀಮಹಿ ।
ತನ್ನಃ ಕೃಷ್ಣಃ ಪ್ರಚೋದಯಾತ್ ಇತಿ ॥
ಓಂ ಹ್ರಾಂ ಹ್ರೀಂ ಹ್ರೂಂ ಹೈಂ ಹ್ರೌಂ ಹ್ರಃ ।
ಕ್ಲೀಂ ಕೃಷ್ಣಾಯ ಗೋವಿನ್ದಾಯ ಗೋಪೀಜನವಲ್ಲಭಾಯ ಸ್ವಾಹಾ ಇತಿ
ವಾ ಮನ್ತ್ರಂ ಯಥೋಚಿತಂ ಜಪ್ತ್ವಾ ಧ್ಯಾಯೇತ್ ।
॥ ಧ್ಯಾನಮ್ ॥
ವಿಷ್ಣುಂ ಭಾಸ್ವತ್ಕಿರೀಟಾಂಗದವಲಯಗಣಾಕಲ್ಪಹಾರೋದರಾಂಘ್ರಿಂ
ಶ್ರೀಭೂಷಂ ಶ್ರೀಸುವಕ್ಷೋಮಣಿ ಮಕರಮಹಾಕುಂಡಲಂ ಮಂಡಿತಾಶಮ್ ।
ಹಸ್ತೋದ್ಯಚ್ಚಕ್ರಶಂಖಾಮ್ಬುಜಗಲಮಮಲಂ ಪೀತಕೌಶಯವಾಸಂ
ವಿದ್ಯೋತದ್ಭಾಸಮುದ್ಯದ್ದಿನಕರಸದೃಶಂ ಪದ್ಮಸಂಸ್ಥಂ ನಮಾಮಿ ॥
ಓಂ ವಾಸುದೇವಃ ಪರಂ ಬ್ರಹ್ಮ ಪರಮಾತ್ಮಾ ಪರಾತ್ಪರಃ ।
ಪರಂ ಧಾಮ ಪರಂ ಜ್ಯೋತಿಃ ಪರಂ ತತ್ತ್ವಂ ಪರಂ ಪದಮ್ ॥ 1 ॥
ಪರಂ ಶಿವಃ ಪರೋ ಧ್ಯೇಯಃ ಪರಂ ಜ್ಞಾನಂ ಪರಾ ಗತಿಃ ।
ಪರಮಾರ್ಥಃ ಪರಂ ಶ್ರೇಯಃ ಪರಾನನ್ದಃ ಪರೋದಯಃ ॥ 2 ॥
ಪರೋಽವ್ಯಕ್ತಾತ್ಪರಂ ವ್ಯೋಮ ಪರಮರ್ದ್ಧಿಃ ಪರೇಶ್ವರಃ ।
ನಿರಾಮಯೋ ನಿರ್ವಿಕಾರೋ ನಿರ್ವಿಕಲ್ಪೋ ನಿರಾಶ್ರಯಃ ॥ 3 ॥
ನಿರಂಜನೋ ನಿರಾತಂಕೋ ನಿರ್ಲೇಪೋ ನಿರವಗ್ರಹಃ ।
ನಿರ್ಗುಣೋ ನಿಷ್ಕಲೋಽನನ್ತೋಽಭಯೋಽಚಿನ್ತ್ಯೋ ಬಲೋಚಿತಃ ॥ 4 ॥
ಅತೀನ್ದ್ರಿಯೋಽಮಿತೋಽಪಾರೋಽನೀಶೋಽನೀಹೋಽವ್ಯಯೋಽಕ್ಷಯಃ ।
ಸರ್ವಜ್ಞಃ ಸರ್ವಗಃ ಸರ್ವಃ ಸರ್ವದಃ ಸರ್ವಭಾವನಃ ॥ 5 ॥
ಸರ್ವಶಾಸ್ತಾ ಸರ್ವಸಾಕ್ಷೀ ಪೂಜ್ಯಃ ಸರ್ವಸ್ಯ ಸರ್ವದೃಕ್ ।
ಸರ್ವಶಕ್ತಿಃ ಸರ್ವಸಾರಃ ಸರ್ವಾತ್ಮಾ ಸರ್ವತೋಮುಖಃ ॥ 6 ॥
ಸರ್ವಾವಾಸಃ ಸರ್ವರೂಪಃ ಸರ್ವಾದಿಃ ಸರ್ವದುಃಖಹಾ ।
ಸರ್ವಾರ್ಥಃ ಸರ್ವತೋಭದ್ರಃ ಸರ್ವಕಾರಣಕಾರಣಮ್ ॥ 7 ॥
ಸರ್ವಾತಿಶಾಯಿತಃ ಸರ್ವಾಧ್ಯಕ್ಷಃ ಸರ್ವಸುರೇಶ್ವರಃ ।
ಷಡ್ವಿಂಶಕೋ ಮಹಾವಿಷ್ಣುರ್ಮಹಾಗುಹ್ಯೋ ಮಹಾವಿಭುಃ ॥ 8 ॥
ನಿತ್ಯೋದಿತೋ ನಿತ್ಯಯುಕ್ತೋ ನಿತ್ಯಾನನ್ದಃ ಸನಾತನಃ ।
ಮಾಯಾಪತಿರ್ಯೋಗಪತಿಃ ಕೈವಲ್ಯಪತಿರಾತ್ಮಭೂಃ ॥ 9 ॥
ಜನ್ಮಮೃತ್ಯುಜರಾತೀತಃ ಕಾಲಾತೀತೋ ಭವಾತಿಗಃ ।
ಪೂರ್ಣಃ ಸತ್ಯಃ ಶುದ್ಧಬುದ್ಧಸ್ವರೂಪೋ ನಿತ್ಯಚಿನ್ಮಯಃ ॥ 10 ॥
ಯೋಗಿಪ್ರಿಯೋ ಯೋಗಮಯೋ ಭವಬನ್ಧೈಕಮೋಚಕಃ ।
ಪುರಾಣಃ ಪುರುಷಃ ಪ್ರತ್ಯಕ್ಚೈತನ್ಯಂ ಪುರುಷೋತ್ತಮಃ ॥ 11 ॥
ವೇದಾನ್ತವೇದ್ಯೋ ದುರ್ಜ್ಞೇಯಸ್ತಾಪತ್ರಯವಿವರ್ಜಿತಃ ।
ಬ್ರಹ್ಮವಿದ್ಯಾಶ್ರಯೋಽನಾದ್ಯಃ ಸ್ವಪ್ರಕಾಶಃ ಸ್ವಯಮ್ಪ್ರಭುಃ ॥ 12 ॥
ಸರ್ವೋಪೇಯ ಉದಾಸೀನಃ ಪ್ರಣವಃ ಸರ್ವತಃ ಸಮಃ ।
ಸರ್ವಾನವದ್ಯೋ ದುಷ್ಪ್ರಾಪ್ಯಸ್ತುರೀಯಸ್ತಮಸಃ ಪರಃ ॥ 13 ॥
ಕೂಟಸ್ಥಃ ಸರ್ವಸಂಶ್ಲಿಷ್ಟೋ ವಾಂಗಮನೋಗೋಚರಾತಿಗಃ ।
ಸಂಕರ್ಷಣಃ ಸರ್ವಹರಃ ಕಾಲಃ ಸರ್ವಭಯಂಕರಃ ॥ 14 ॥
ಅನುಲ್ಲಂಘ್ಯಶ್ಚಿತ್ರಗತಿರ್ಮಹಾರುದ್ರೋ ದುರಾಸದಃ ।
ಮೂಲಪ್ರಕೃತಿರಾನನ್ದಃ ಪ್ರದ್ಯುಮ್ನೋ ವಿಶ್ವಮೋಹನಃ ॥ 15 ॥
ಮಹಾಮಾಯೋ ವಿಶ್ವಬೀಜಂ ಪರಾಶಕ್ತಿಸುಖೈಕಭುಕ್ ।
ಸರ್ವಕಾಮ್ಯೋಽನನ್ತಶೀಲಃ ಸರ್ವಭೂತವಶಂಕರಃ ॥ 16 ॥
ಅನಿರುದ್ಧಃ ಸರ್ವಜೀವೋ ಹೃಷೀಕೇಶೋ ಮನಃ ಪತಿಃ ।
ನಿರುಪಾಧಿಪ್ರಿಯೋ ಹಂಸೋಽಕ್ಷರಃ ಸರ್ವನಿಯೋಜಕಃ ॥ 17 ॥
ಬ್ರಹ್ಮ ಪ್ರಾಣೇಶ್ವರಃ ಸರ್ವಭೂತಭೃದ್ದೇಹನಾಯಕಃ ।
ಕ್ಷೇತ್ರಜ್ಞಃ ಪ್ರಕೃತಿಸ್ವಾಮೀ ಪುರುಷೋ ವಿಶ್ವಸೂತ್ರಧೃಕ್ ॥ 18 ॥
ಅನ್ತರ್ಯಾಮೀ ತ್ರಿಧಾಮಾಽನ್ತಃಸಾಕ್ಷೀ ತ್ರಿಗುಣ ಈಶ್ವರಃ ।
ಯೋಗಿಗಮ್ಯಃ ಪದ್ಮನಾಭಃ ಶೇಷಶಾಯೀ ಶ್ರಿಯಃ ಪತಿಃ ॥ 19 ॥
ಶ್ರೀಸದೋಪಾಸ್ಯಪಾದಾಬ್ಜೋ ನಿತ್ಯಶ್ರೀಃ ಶ್ರೀನಿಕೇತನಃ ।
ನಿತ್ಯಂ ವಕ್ಷಃಸ್ಥಲಸ್ಥಶ್ರೀಃ ಶ್ರೀನಿಧಿಃ ಶ್ರೀಧರೋ ಹರಿಃ ॥ 20 ॥
ವಶ್ಯಶ್ರೀರ್ನಿಶ್ಚಲಃ ಶ್ರೀದೋ ವಿಷ್ಣುಃ ಕ್ಷೀರಾಬ್ಧಿಮನ್ದಿರಃ ।
ಕೌಸ್ತುಭೋದ್ಭಾಸಿತೋರಸ್ಕೋ ಮಾಧವೋ ಜಗದಾರ್ತಿಹಾ ॥ 21 ॥
ಶ್ರೀವತ್ಸವಕ್ಷಾ ನಿಃಸೀಮಕಲ್ಯಾಣಗುಣಭಾಜನಮ್ ।
ಪೀತಾಮ್ಬರೋ ಜಗನ್ನಾಥೋ ಜಗತ್ತ್ರಾತಾ ಜಗತ್ಪಿತಾ ॥ 22 ॥
ಜಗದ್ಬನ್ಧುರ್ಜಗತ್ಸ್ರಷ್ಟಾ ಜಗದ್ಧಾತಾ ಜಗನ್ನಿಧಿಃ ।
ಜಗದೇಕಸ್ಫುರದ್ವೀರ್ಯೋಽನಹಂವಾದೀ ಜಗನ್ಮಯಃ ॥ 23 ॥
ಸರ್ವಾಶ್ಚರ್ಯಮಯಃ ಸರ್ವಸಿದ್ಧಾರ್ಥಃ ಸರ್ವರಂಜಿತಃ ।
ಸರ್ವಾಮೋಘೋದ್ಯಮೋ ಬ್ರಹ್ಮರುದ್ರಾದ್ಯುತ್ಕೃಷ್ಟಚೇತನಃ ॥ 24 ॥
ಶಮ್ಭೋಃ ಪಿತಾಮಹೋ ಬ್ರಹ್ಮಪಿತಾ ಶಕ್ರಾದ್ಯಧೀಶ್ವರಃ ।
ಸರ್ವದೇವಪ್ರಿಯಃ ಸರ್ವದೇವಮೂರ್ತಿರನುತ್ತಮಃ ॥ 25 ॥
ಸರ್ವದೇವೈಕಶರಣಂ ಸರ್ವದೇವೈಕದೈವತಮ್ ।
ಯಜ್ಞಭುಗ್ಯಜ್ಞಫಲದೋ ಯಜ್ಞೇಶೋ ಯಜ್ಞಭಾವನಃ ॥ 26 ॥
ಯಜ್ಞತ್ರಾತಾ ಯಜ್ಞಪುಮಾನ್ ವನಮಾಲೀ ದ್ವಿಜಪ್ರಿಯಃ ।
ದ್ವಿಜೈಕಮಾನದೋ ವಿಪ್ರಕುಲದೇವೋಽಸುರಾನ್ತಕಃ ॥ 27 ॥
ಸರ್ವದುಷ್ಟಾನ್ತಕೃತ್ಸರ್ವಸಜ್ಜನಾನನ್ಯಪಾಲಕಃ ।
ಸಪ್ತಲೋಕೈಕಜಠರಃ ಸಪ್ತಲೋಕೈಕಮಂಡನಃ ॥ 28 ॥
ಸೃಷ್ಟಿಸ್ಥಿತ್ಯನ್ತಕೃಚ್ಚಕ್ರೀ ಶಾರ್ಂಗಧನ್ವಾ ಗದಾಧರಃ ।
ಶಂಖಭೃನ್ನನ್ದಕೀ ಪದ್ಮಪಾಣಿರ್ಗರುಡವಾಹನಃ ॥ 29 ॥
ಅನಿರ್ದೇಶ್ಯವಪುಃ ಸರ್ವಪೂಜ್ಯಸ್ತ್ರೈಲೋಕ್ಯಪಾವನಃ ।
ಅನನ್ತಕೀರ್ತಿರ್ನಿಃಸೀಮಪೌರುಷಃ ಸರ್ವಮಂಗಲಃ ॥ 30 ॥
ಸೂರ್ಯಕೋಟಿಪ್ರತೀಕಾಶೋ ಯಮಕೋಟಿದುರಾಸದಃ ।
ಮಯಕೋಟಿಜಗತ್ಸ್ತ್ರಷ್ಟಾ ವಾಯುಕೋಟಿಮಹಾಬಲಃ ॥ 31 ॥
ಕೋಟೀನ್ದುಜಗದಾನನ್ದೀ ಶಮ್ಭುಕೋಟಿಮಹೇಶ್ವರಃ ।
ಕನ್ದರ್ಪಕೋಟಿಲಾವಣ್ಯೋ ದುರ್ಗಾಕೋಟಿವಿಮರ್ದನಃ ॥ 32 ॥
ಸಮುದ್ರಕೋಟಿಗಮ್ಭೀರಸ್ತೀರ್ಥಕೋಟಿಸಮಾಹ್ವಯಃ ।
ಕುಬೇರಕೋಟಿಲಕ್ಷ್ಮೀವಾನ್ ಶಕ್ರಕೋಟಿವಿಲಾಸವಾನ್ ॥ 33 ॥
ಹಿಮವತ್ಕೋಟಿನಿಷ್ಕಮ್ಪಃ ಕೋಟಿಬ್ರಹ್ಮಾಂಡವಿಗ್ರಹಃ ।
ಕೋಟ್ಯಶ್ವಮೇಧಪಾಪಘ್ನೋ ಯಜ್ಞಕೋಟಿಸಮಾರ್ಚನಃ ॥ 34 ॥
ಸುಧಾಕೋಟಿಸ್ವಾಸ್ಥ್ಯಹೇತುಃ ಕಾಮಧುಕ್ಕೋಟಿಕಾಮದಃ ।
ಬ್ರಹ್ಮವಿದ್ಯಾಕೋಟಿರೂಪಃ ಶಿಪಿವಿಷ್ಟಃ ಶುಚಿಶ್ರವಾಃ ॥ 35 ॥
ವಿಶ್ವಮ್ಭರಸ್ತೀರ್ಥಪಾದಃ ಪುಣ್ಯಶ್ರವಣಕೀರ್ತನಃ ।
ಆದಿದೇವೋ ಜಗಜ್ಜೈತ್ರೋ ಮುಕುನ್ದಃ ಕಾಲನೇಮಿಹಾ ॥ 36 ॥
ವೈಕುಂಠೇಶ್ವರಮಾಹಾತ್ಮ್ಯೋ ಮಹಾಯೋಗೇಶ್ವರೋತ್ಸವಃ ।
ನಿತ್ಯತೃಪ್ತೋ ಲಸದ್ಭಾವೋ ನಿಃಶಂಕೋ ನರಕಾನ್ತಕಃ ॥ 37 ॥
ದೀನಾನಾಥೈಕಶರಣಂ ವಿಶ್ವೈಕವ್ಯಸನಾಪಹಃ ।
ಜಗತ್ಕೃಪಾಕ್ಷಮೋ ನಿತ್ಯಂ ಕೃಪಾಲುಃ ಸಜ್ಜನಾಶ್ರಯಃ ॥ 38 ॥
ಯೋಗೇಶ್ವರಃ ಸದೋದೀರ್ಣೋ ವೃದ್ಧಿಕ್ಷಯವಿವರ್ಜಿತಃ ।
ಅಧೋಕ್ಷಜೋ ವಿಶ್ವರೇತಾ ಪ್ರಜಾಪತಿಶತಾಧಿಪಃ ॥ 39 ॥
ಶಕ್ರಬ್ರಹ್ಮಾರ್ಚಿತಪದಃ ಶಮ್ಭುಬ್ರಹ್ಮೋರ್ಧ್ವಧಾಮಗಃ ।
ಸೂರ್ಯಸೋಮೇಕ್ಷಣೋ ವಿಶ್ವಭೋಕ್ತಾ ಸರ್ವಸ್ಯ ಪಾರಗಃ ॥ 40 ॥
ಜಗತ್ಸೇತುಧರ್ಮಸೇತುಧರೋ ವಿಶ್ವಧುರನ್ಧರಃ ।
ನಿರ್ಮಮೋಽಖಿಲಲೋಕೇಶೋ ನಿಃಸಂಗೋಽದ್ಭುತಭೋಗವಾನ್ ॥ 41 ॥
ವಶ್ಯಮಾಯೋ ವಶ್ಯವಿಶ್ವೋ ವಿಷ್ವಕ್ಸೇನೋ ಸುರೋತ್ತಮಃ ।
ಸರ್ವಶ್ರೇಯಃ ಪತಿರ್ದಿವ್ಯಾನರ್ಧ್ಯಭೂಷಣಭೂಷಿತಃ ॥ 42 ॥
ಸರ್ವಲಕ್ಷಣಲಕ್ಷಣ್ಯಃ ಸರ್ವದೈತ್ಯೇನ್ದ್ರದರ್ಪಹಾ ।
ಸಮಸ್ತದೇವಸರ್ವಸ್ವಂ ಸರ್ವದೈವತನಾಯಕಃ ॥ 43 ॥
ಸಮಸ್ತದೇವಕವಚಂ ಸರ್ವದೇವಶಿರೋಮಣಿಃ ।
ಸಮಸ್ತದೇವತಾದುರ್ಗಃ ಪ್ರಪನ್ನಾಶನಿಪಂಜರಃ ॥ 44 ॥
ಸಮಸ್ತಭಯಹೃನ್ನಾಮಾ ಭಗವಾನ್ವಿಷ್ಟರಶ್ರವಾಃ ।
ವಿಭುಃ ಸರ್ವಹಿತೋದರ್ಕೋ ಹತಾರಿಃ ಸ್ವರ್ಗತಿಪ್ರದಃ ॥ 45 ॥
ಸರ್ವದೈವತಜೀವೇಶೋ ಬ್ರಾಹ್ಮಣಾದಿನಿಯೋಜಕಃ ।
ಬ್ರಹ್ಮಾ ಶಮ್ಭುಃ ಶತಾರ್ಧಾಯುರ್ಬ್ರಹ್ಮಜ್ಯೇಷ್ಠಃ ಶಿಶುಃ ಸ್ವರಾಟ್ ॥ 46 ॥
ವಿರಾಡ್ ಭಕ್ತಪರಾಧೀನಃ ಸ್ತುತ್ಯಃ ಸ್ತೋತ್ರಾರ್ಥಸಾಧಕಃ ।
ಪರಾರ್ಥಕರ್ತಾ ಕೃತ್ಯಜ್ಞಃ ಸ್ವಾರ್ಥಕೃತ್ಯಸದೋಜ್ಜ್ಞಿತಃ ॥ 47 ॥
ಸದಾನದಃ ಸದಾಭದ್ರಃ ಸದಾಶಾನ್ತಃ ಸದಾಶಿವಃ ।
ಸದಾಪ್ರಿಯಃ ಸದಾತುಷ್ಟಃ ಸದಾಪುಷ್ಟಃ ಸದಾರ್ಚಿತಃ ॥ 48 ॥
ಸದಾಪೂತಃ ಪಾವನಾಗ್ರೋ ವೇದಗುಹ್ಯೋ ವೃಷಾಕಪಿಃ ।
ಸಹಸ್ರನಾಮಾ ತ್ರಿಯುಗಶ್ಚತುಮೂರ್ತಿಶ್ಚತುರ್ಭುಜಃ ॥ 49 ॥
ಭೂತಭವ್ಯಭವನ್ನಾಥೋ ಮಹಾಪುರುಷಪೂರ್ವಜಃ ।
ನಾರಾಯಣೋ ಮುಂಜಕೇಶಃ ಸರ್ವಯೋಗವಿನಿಃಸೃತಃ ॥ 50 ॥
ವೇದಸಾರೋ ಯಜ್ಞಸಾರಃ ಸಾಮಸಾರಸ್ತಪೋನಿಧಿಃ ।
ಸಾಧ್ಯಃ ಶ್ರೇಷ್ಠಃ ಪುರಾಣರ್ಷಿರ್ನಿಷ್ಠಾಶಾನ್ತಿಃ ಪರಾಯಣಮ್ ॥ 51 ॥
ಶಿವತ್ರಿಶೂಲವಿಧ್ವಂಸೀ ಶ್ರೀಕಂಠೈಕವರಪ್ರದಃ ।
ನರಃ ಕೃಷ್ಣೋ ಹರಿರ್ಧರ್ಮನನ್ದನೋ ಧರ್ಮಜೀವನಃ ॥ 52 ॥
ಆದಿಕರ್ತಾ ಸರ್ವಸತ್ಯಃ ಸರ್ವಸ್ತ್ರೀರತ್ನದರ್ಪಹಾ ।
ತ್ರಿಕಾಲಜಿತಕನ್ದರ್ಪ ಉರ್ವಶೀದೃಙ್ಮುನೀಶ್ವರಃ ॥ 53 ॥
ಆದ್ಯಃ ಕವಿರ್ಹಯಗ್ರೀವಃ ಸರ್ವವಾಗೀಶ್ವರೇಶ್ವರಃ ।
ಸರ್ವದೇವಮಯೋ ಬ್ರಹ್ಮಾ ಗುರುರ್ವಾಗೀಶ್ವರೀಪತಿಃ ॥ 54 ॥
ಅನನ್ತವಿದ್ಯಾಪ್ರಭವೋ ಮೂಲಾವಿದ್ಯಾವಿನಾಶಕಃ ।
ಸರ್ವಜ್ಞದೋ ಜಗಜ್ಜಾಡ್ಯನಾಶಕೋ ಮಧುಸೂದನಃ ॥ 55 ॥
ಅನನ್ತಮನ್ತ್ರಕೋಟೀಶಃ ಶಬ್ದಬ್ರಹ್ಮೈಕಪಾರಗಃ ।
ಆದಿವಿದ್ವಾನ್ ವೇದಕರ್ತಾ ವೇದಾತ್ಮಾ ಶ್ರುತಿಸಾಗರಃ ॥ 56 ॥
ಬ್ರಹ್ಮಾರ್ಥವೇದಹರಣಃ ಸರ್ವವಿಜ್ಞಾನಜನ್ಮಭೂಃ ।
ವಿದ್ಯಾರಾಜೋ ಜ್ಞಾನಮೂರ್ತಿರ್ಜ್ಞಾನಸಿನ್ಧುರಖಂಡಧೀಃ ॥ 57 ॥
ಮತ್ಸ್ಯದೇವೋ ಮಹಾಶೃಂಗೋ ಜಗದ್ಬೀಜವಹಿತ್ರದೃಕ್ ।
ಲೀಲಾವ್ಯಾಪ್ತಾನಿಲಾಮ್ಭೋಧಿಶ್ಚತುರ್ವೇದಪ್ರರ್ವತಕಃ ॥ 58 ॥
ಆದಿಕೂರ್ಮೋಽಖಿಲಾಧಾರಸ್ತೃಣೀಕೃತಜಗದ್ಭರಃ ।
ಅಮರೀಕೃತದೇವೌಘಃ ಪೀಯೂಷೋತ್ಪತ್ತಿಕಾರಣಮ್ ॥ 59 ॥
ಆತ್ಮಾಧಾರೋ ಧರಾಧಾರೋ ಯಜ್ಞಾಂಗೋ ಧರಣೀಧರಃ ।
ಹಿರಣ್ಯಾಕ್ಷಹರಃ ಪೃಧ್ವೀಪತಿಃ ಶ್ರಾದ್ಧಾದಿಕಲ್ಪಕಃ ॥ 60 ॥
ಸಮಸ್ತಪಿತೃಭೀತಿಘ್ನಃ ಸಮಸ್ತಪಿತೃಜೀವನಮ್ ।
ಹವ್ಯಕವ್ಯೈಕಭುಕ್ ಹವ್ಯಕವ್ಯೈಕಫಲದಾಯಕಃ ॥ 61 ॥
ರೋಮಾನ್ತರ್ಲೀನಜಲಧಿಃ ಕ್ಷೋಭಿತಾಶೇಷಸಾಗರಃ ।
ಮಹಾವರಾಹೋ ಯಜ್ಞಸ್ಯ ಧ್ವಂಸಕೋ ಯಾಜ್ಞಿಕಾಶ್ರಯಃ ॥ 62 ॥
ಶ್ರೀನೃಸಿಂಹೋ ದಿವ್ಯಸಿಂಹಃ ಸರ್ವಾನಿಷ್ಟಾರ್ಥದುಃಖಹಾ ।
ಏಕವೀರೋಽದ್ಭುತಬಲೋ ಯನ್ತ್ರಮನ್ತ್ರೈಕಮ್ಭಂಜನಃ ॥ 63 ॥
ಬ್ರಹ್ಮಾದಿದುಃಸಹಜ್ಯೋತಿರ್ಯುಗಾನ್ತಾಗ್ನ್ಯತಿಭೀಷಣಃ ।
ಕೋಟಿವಜ್ರಾಧಿಕನಖೋ ಜಗದ್ದುಷ್ಪ್ರೇಕ್ಷ್ಯಮೂರ್ತಿಧೃಕ್ ॥ 64 ॥
ಮಾತೃಚಕ್ರಪ್ರಮಥನೋ ಮಹಾಮಾತೃಗಣೇಶ್ವರಃ ।
ಅಚಿನ್ತ್ಯಾಮೋಘವೀರ್ಯಾಢ್ಯಃ ಸಮಸ್ತಾಸುರಘಸ್ಮರಃ ॥ 65 ॥
ಹಿರಣ್ಯಕಶಿಪುಚ್ಛೇದೀ ಕಾಲಃ ಸಂಕರ್ಷಿಣೀಪತಿಃ ।
ಕೃತಾನ್ತವಾಹನಾಸಹ್ಯಃ ಸಮಸ್ತಭಯನಾಶನಃ ॥ 66 ॥
ಸರ್ವವಿಘ್ನಾನ್ತಕಃ ಸರ್ವಸಿದ್ಧಿದಃ ಸರ್ವಪೂರಕಃ ।
ಸಮಸ್ತಪಾತಕಧ್ವಂಸೀ ಸಿದ್ಧಮನ್ತ್ರಾಧಿಕಾಹ್ವಯಃ ॥ 67 ॥
ಭೈರವೇಶೋ ಹರಾರ್ತಿಘ್ನಃ ಕಾಲಕಲ್ಪೋ ದುರಾಸದಃ ।
ದೈತ್ಯಗರ್ಭಸ್ರಾವಿನಾಮಾ ಸ್ಫುಟದ್ಬ್ರಹ್ಮಾಂಡವರ್ಜಿತಃ ॥ 68 ॥
ಸ್ಮೃತಿಮಾತ್ರಾಖಿಲತ್ರಾತಾದ್ಭುತರೂಪೋ ಮಹಾಹರಿಃ ।
ಬ್ರಹ್ಮಚರ್ಯಶಿರಃಪಿಂಡೀ ದಿಕ್ಪಾಲೋಽರ್ಧಾಂಗಭೂಷಣಃ ॥ 69 ॥
ದ್ವಾದಶಾರ್ಕಶಿರೋದಾಮಾ ರುದ್ರಶೀರ್ಷೈಕನೂಪುರಃ ।
ಯೋಗಿನೀಗ್ರಸ್ತಗಿರಿಜಾತ್ರಾತಾ ಭೈರವತರ್ಜಕಃ ॥ 70 ॥
ವೀರಚಕ್ರೇಶ್ವರೋಽತ್ಯುಗ್ರೋಽಪಮಾರಿಃ ಕಾಲಶಮ್ಬರಃ ।
ಕ್ರೋಧೇಶ್ವರೋ ರುದ್ರಚಂಡೀಪರಿವಾರಾದಿದುಷ್ಟಭುಕ್ ॥ 71 ॥
ಸರ್ವಾಕ್ಷೋಭ್ಯೋ ಮೃತ್ಯುಮೃತ್ಯುಃ ಕಾಲಮೃತ್ಯುನಿವರ್ತಕಃ ।
ಅಸಾಧ್ಯಸರ್ವದೇವಘ್ನಃ ಸರ್ವದುರ್ಗ್ರಹಸೌಮ್ಯಕೃತ್ ॥ 72 ॥
ಗಣೇಶಕೋಟಿದರ್ಪಘ್ನೋ ದುಃಸಹಾಶೇಷಗೋತ್ರಹಾ ।
ದೇವದಾನವದುರ್ದರ್ಶೋ ಜಗದ್ಭಯದಭೀಷಣಃ ॥ 73 ॥
ಸಮಸ್ತದುರ್ಗತಿತ್ರಾತಾ ಜಗದ್ಭಕ್ಷಕಭಕ್ಷಕಃ ।
ಉಗ್ರಶಾಮ್ಬರಮಾರ್ಜಾರಃ ಕಾಲಮೂಷಕಭಕ್ಷಕಃ ॥ 74 ॥
ಅನನ್ತಾಯುಧದೋರ್ದಂಡೀ ನೃಸಿಂಹೋ ವೀರಭದ್ರಜಿತ್ ।
ಯೋಗಿನೀಚಕ್ರಗುಹ್ಯೇಶಃ ಶಕ್ರಾರಿಪಶುಮಾಂಸಭುಕ್ ॥ 75 ॥
ರುದ್ರೋ ನಾರಾಯಣೋ ಮೇಷರೂಪಶಂಕರವಾಹನಃ ।
ಮೇಷರೂಪಶಿವತ್ರಾತಾ ದುಷ್ಟಶಕ್ತಿಸಹಸ್ರಭುಕ್ ॥ 76 ॥
ತುಲಸೀವಲ್ಲಭೋ ವೀರೋ ವಾಮಾಚಾರೋಽಖಿಲೇಷ್ಟದಃ ।
ಮಹಾಶಿವಃ ಶಿವಾರುಢೋ ಭೈರವೈಕಕಪಾಲಧೃಕ್ ॥ 77 ॥
ಭಿಲ್ಲೀಚಕ್ರೇಶ್ವರಃ ಶಕ್ರದಿವ್ಯಮೋಹನರೂಪದಃ ।
ಗೌರೀಸೌಭಾಗ್ಯದೋ ಮಾಯಾನಿಧಿರ್ಮಾಯಾಭಯಾಪಹಃ ॥ 78 ॥
ಬ್ರಹ್ಮತೇಜೋಮಯೋ ಬ್ರಹ್ಮಶ್ರೀಮಯಶ್ಚ ತ್ರಯೀಮಯಃ ।
ಸುಬ್ರಹ್ಮಣ್ಯೋ ಬಲಿಧ್ವಂಸೀ ವಾಮನೋಽದಿತಿದುಃಖಹಾ ॥ 79 ॥
ಉಪೇನ್ದ್ರೋ ನೃಪತಿರ್ವಿಷ್ಣುಃ ಕಶ್ಯಪಾನ್ವಯಮಂಡನಃ ।
ಬಲಿಸ್ವರಾಜ್ಯದಃ ಸರ್ವದೇವವಿಪ್ರಾನ್ನದೋಽಚ್ಯುತಃ ॥ 80 ॥
ಉರುಕ್ರಮಸ್ತೀರ್ಥಪಾದಸ್ತ್ರಿಪದಸ್ಥಸ್ತ್ರಿವಿಕ್ರಮಃ ।
ವ್ಯೋಮಪಾದಃ ಸ್ವಪಾದಾಮ್ಭಃಪವಿತ್ರಿತಜಗತ್ತ್ರಯಃ ॥ 81 ॥
ಬ್ರಹ್ಮೇಶಾದ್ಯಭಿವನ್ದ್ಯಾಂಘ್ರಿರ್ದ್ರುತಧರ್ಮಾಂಘ್ರಿಧಾವನಃ ।
var ರ್ದ್ರುತಕರ್ಮಾದ್ರಿಧಾರಣಃ
ಅಚಿನ್ತ್ಯಾದ್ಭುತವಿಸ್ತಾರೋ ವಿಶ್ವವೃಕ್ಷೋ ಮಹಾಬಲಃ ॥ 82 ॥
ರಾಹುಮೂರ್ಧಾಪರಾಂಗಛಿದ್ ಭೃಗುಪತ್ನೀಶಿರೋಹರಃ ।
ಪಾಪತ್ರಸ್ತಃ ಸದಾಪುಣ್ಯೋ ದೈತ್ಯಾಶಾನಿತ್ಯಖಂಡನಃ ॥ 83 ॥
ಪೂರಿತಾಖಿಲದೇವೇಶೋ ವಿಶ್ವಾರ್ಥೈಕಾವತಾರಕೃತ್ ।
ಸ್ವಮಾಯಾನಿತ್ಯಗುಪ್ತಾತ್ಮಾ ಭಕ್ತಚಿನ್ತಾಮಣಿಃ ಸದಾ ॥ 84 ॥
ವರದಃ ಕಾರ್ತವೀರ್ಯಾದಿರಾಜರಾಜ್ಯಪ್ರದೋಽನಘಃ ।
ವಿಶ್ವಶ್ಲಾಘ್ಯಾಮಿತಾಚಾರೋ ದತ್ತಾತ್ರೇಯೋ ಮುನೀಶ್ವರಃ ॥ 85 ॥
ಪರಾಶಕ್ತಿಸದಾಶ್ಲಿಷ್ಟೋ ಯೋಗಾನನ್ದಃ ಸದೋನ್ಮದಃ ।
ಸಮಸ್ತೇನ್ದ್ರಾರಿತೇಜೋಹೃತ್ಪರಮಾಮೃತಪದ್ಮಪಃ ॥ 86 ॥
ಅನಸೂಯಾಗರ್ಭರತ್ನಂ ಭೋಗಮೋಕ್ಷಸುಖಪ್ರದಃ ।
ಜಮದಗ್ನಿಕುಲಾದಿತ್ಯೋ ರೇಣುಕಾದ್ಭುತಶಕ್ತಿಕೃತ್ ॥ 87 ॥
ಮಾತೃಹತ್ಯಾದಿನಿರ್ಲೇಪಃ ಸ್ಕನ್ದಜಿದ್ವಿಪ್ರರಾಜ್ಯದಃ ।
ಸರ್ವಕ್ಷತ್ರಾನ್ತಕೃದ್ವೀರದರ್ಪಹಾ ಕಾರ್ತವೀರ್ಯಜಿತ್ ॥ 88 ॥
ಸಪ್ತದ್ವೀಪವತೀದಾತಾ ಶಿವಾಚಾರ್ಯಯಶಃಪ್ರದಃ ।
ಭೀಮಃ ಪರಶುರಾಮಶ್ಚ ಶಿವಾಚಾರ್ಯೈಕವಿಪ್ರಭುಕ್ ॥ 89 ॥
ಶಿವಾಖಿಲಜ್ಞಾನಕೋಷೋ ಭೀಷ್ಮಾಚಾರ್ಯೋಽಗ್ನಿದೈವತಃ ।
ದ್ರೋಣಾಚಾರ್ಯಗುರುರ್ವಿಶ್ವಜೈತ್ರಧನ್ವಾ ಕೃತಾನ್ತಜಿತ್ ॥ 90 ॥
ಅದ್ವಿತೀಯತಪೋಮೂರ್ತಿರ್ಬ್ರಹ್ಮಚರ್ಯೈಕದಕ್ಷಿಣಃ ।
ಮನುಃ ಶ್ರೇಷ್ಠಃ ಸತಾಂ ಸೇತುರ್ಮಹೀಯಾನ್ ವೃಷಭೋ ವಿರಾಟ್ ॥ 91 ॥
ಆದಿರಾಜಃ ಕ್ಷಿತಿಪಿತಾ ಸರ್ವರತ್ನೈಕದೋಹಕೃತ್ ।
ಪೃಥುರ್ಜನ್ಮಾದ್ಯೇಕದಕ್ಷೋ ಗೀಃಶ್ರೀಕೀರ್ತ್ತಿಸ್ವಯಂವೃತಃ ॥ 92 ॥
ಜಗದ್ವೃತ್ತಿಪ್ರದಶ್ಚಕ್ರವರ್ತಿಶ್ರೇಷ್ಠೋಽದ್ವಯಾಸ್ತ್ರಧೃಕ್ ।
ಸನಕಾದಿಮುನಿಪ್ರಾಪ್ಯೋ ಭಗವದ್ಭಕ್ತಿವರ್ಧನಃ ॥। 93 ॥
ವರ್ಣಾಶ್ರಮಾದಿಧರ್ಮಾಣಾಂ ಕರ್ತಾ ವಕ್ತಾ ಪ್ರವರ್ತಕಃ ।
ಸೂರ್ಯವಂಶಧ್ವಜೋ ರಾಮೋ ರಾಧವಃ ಸದ್ಗುಣಾರ್ಣವಃ ॥ 94 ॥
ಕಾಕುತ್ಸ್ಥೋ ವೀರರಾಡ್ ರಾಜಾ ರಾಜಧರ್ಮಧುರನ್ಧರಃ ।
ನಿತ್ಯಸ್ವಃಸ್ಥಾಶ್ರಯಃ ಸರ್ವಭದ್ರಗ್ರಾಹೀ ಶುಭೈಕದೃಕ್ ॥। 95 ॥
ನರರತ್ನಂ ರತ್ನಗರ್ಭೋ ಧರ್ಮಾಧ್ಯಕ್ಷೋ ಮಹಾನಿಧಿಃ ।
ಸರ್ವಶ್ರೇಷ್ಠಾಶ್ರಯಃ ಸರ್ವಶಾಸ್ತ್ರಾರ್ಥಗ್ರಾಮವೀರ್ಯವಾನ್ ॥ 96 ॥
ಜಗದ್ವಶೋ ದಾಶರಥಿಃ ಸರ್ವರತ್ನಾಶ್ರಯೋ ನೃಪಃ ।
ಸಮಸ್ತಧರ್ಮಸೂಃ ಸರ್ವಧರ್ಮದ್ರಷ್ಟಾಽಖಿಲಾಘಹಾ ॥ 97 ॥
ಅತೀನ್ದ್ರೋ ಜ್ಞಾನವಿಜ್ಞಾನಪಾರದಶ್ಚ ಕ್ಷಮಾಮ್ಬುಧಿಃ ।
ಸರ್ವಪ್ರಕೃಷ್ಟಶಿಷ್ಟೇಷ್ಟೋ ಹರ್ಷಶೋಕಾದ್ಯನಾಕುಲಃ ॥ 98 ॥
ಪಿತ್ರಾಜ್ಞಾತ್ಯಕ್ತಸಾಮ್ರಾಜ್ಯಃ ಸಪತ್ನೋದಯನಿರ್ಭಯಃ ।
ಗುಹಾದೇಶಾರ್ಪಿತೈಶ್ವರ್ಯಃ ಶಿವಸ್ಪರ್ಧೀ ಜಟಾಧರಃ ॥। 99 ॥
ಚಿತ್ರಕೂಟಾಪ್ತರತ್ನಾದ್ರಿರ್ಜಗದೀಶೋ ವನೇಚರಃ ।
ಯಥೇಷ್ಟಾಮೋಘಸರ್ವಾಸ್ತ್ರೋ ದೇವೇನ್ದ್ರತನಯಾಕ್ಷಿಹಾ ॥ 100 ॥
ಬ್ರಹ್ಮೇನ್ದ್ರಾದಿನತೈಷೀಕೋ ಮಾರೀಚಘ್ನೋ ವಿರಾಧಹಾ ।
ಬ್ರಹ್ಮಶಾಪಹತಾಶೇಷದಂಡಕಾರಣ್ಯಪಾವನಃ ॥ 101 ॥
ಚತುರ್ದಶಸಹಸ್ರೋಗ್ರರಕ್ಷೋಘ್ನೈಕಶರೈಕಧೃಕ್ ।
ಖರಾರಿಸ್ತ್ರಿಶಿರೋಹನ್ತಾ ದೂಷಣಘ್ನೋ ಜನಾರ್ದನಃ ॥ 102 ॥
ಜಟಾಯುಷೋಽಗ್ನಿಗತಿದೋ ಕಬನ್ಧಸ್ವರ್ಗದಾಯಕಃ ।
ಲೀಲಾಧನುಃಕೋಟ್ಯಾಪಾಸ್ತದುನ್ದುಭ್ಯಸ್ಥಿಮಹಾಚಯಃ ॥ 103 ॥
ಸಪ್ತತಾಲವ್ಯಧಾಕೃಷ್ಟಧ್ವಜಪಾತಾಲದಾನವಃ ।
ಸುಗ್ರೀವರಾಜ್ಯದೋಽಹೀನಮನಸೈವಾಭಯಪ್ರದಃ ॥ 104 ॥
ಹನೂಮದ್ರುದ್ರಮುಖ್ಯೇಶಃ ಸಮಸ್ತಕಪಿದೇಹಭೃತ್ ।
ಸನಾಗದೈತ್ಯಬಾಣೈಕವ್ಯಾಕುಲೀಕೃತಸಾಗರಃ ॥ 105 ॥
ಸಮ್ಲೇಚ್ಛಕೋಟಿಬಾಣೈಕಶುಷ್ಕನಿರ್ದಗ್ಧಸಾಗರಃ ।
ಸಮುದ್ರಾದ್ಭುತಪೂರ್ವೈಕಬದ್ಧಸೇತುರ್ಯಶೋನಿಧಿಃ ॥ 106 ॥
ಅಸಾಧ್ಯಸಾಧಕೋ ಲಂಕಾಸಮೂಲೋತ್ಕರ್ಷದಕ್ಷಿಣಃ ।
ವರದೃಪ್ತಜಗಚ್ಛಲ್ಯಪೌಲಸ್ತ್ಯಕುಲಕೃನ್ತನಃ ॥ 107 ॥
ರಾವಣಿಘ್ನಃ ಪ್ರಹಸ್ತಚ್ಛಿತ್ ಕುಮ್ಭಕರ್ಣಭಿದುಗ್ರಹಾ ।
ರಾವಣೈಕಶಿರಚ್ಛೇತ್ತಾ ನಿಃಶಂಕೇನ್ದ್ರೈಕರಾಜ್ಯದಃ ॥ 108 ॥
ಸ್ವರ್ಗಾಸ್ವರ್ಗತ್ವವಿಚ್ಛೇದೀ ದೇವೇನ್ದ್ರಾದಿನ್ದ್ರತಾಹರಃ ।
ರಕ್ಷೋದೇವತ್ವಹೃದ್ಧರ್ಮಾಧರ್ಮಧ್ನಶ್ಚ ಪುರುಷ್ಟುತಃ ॥ 109 ॥
ನತಿಮಾತ್ರದಶಾಸ್ಯಾರಿರ್ದತ್ತರಜ್ಯವಿಭೀಷಣಃ ।
ಸುಧಾವೃಷ್ಟಿಭೃತಾಶೇಷಸ್ವಸೈನ್ಯೋಜ್ಜೀವನೈಕಕೃತ್ ॥ 110 ॥
ದೇವಬ್ರಾಹ್ಮಣನಾಮೈಕಧಾತಾ ಸರ್ವಾಮರಾರ್ಚಿತಃ ।
ಬ್ರಹ್ಮಸೂರ್ಯೇನ್ದ್ರರುದ್ರಾದಿವೃನ್ದಾರ್ಪಿತಸತೀಪ್ರಿಯಃ ॥ 111 ॥
ಅಯೋಧ್ಯಾಖಿಲರಾಜನ್ಯಃ ಸರ್ವಭೂತಮನೋಹರಃ ।
ಸ್ವಾಮಿತುಲ್ಯಕೃಪಾದಂಡೋ ಹೀನೋತ್ಕೃಷ್ಟೈಕಸತ್ಪ್ರಿಯಃ ॥ 112 ॥
ಸ್ವಪಕ್ಷಾದಿನ್ಯಾಯದರ್ಶೀ ಹೀನಾರ್ಥಾಧಿಕಸಾಧಕಃ ।
ವ್ಯಾಧವ್ಯಾಜಾನುಚಿತಕೃತ್ತಾರಕೋಽಖಿಲತುಲ್ಯಕೃತ್ ॥ 113 ॥
ಪಾರ್ವತ್ಯಾಽಧಿಕಯುಕ್ತಾತ್ಮಾ ಪ್ರಿಯಾತ್ಯಕ್ತಃ ಸ್ಮರಾರಿಜಿತ್ ।
ಸಾಕ್ಷಾತ್ಕುಶಲವಚ್ಛದ್ಮೇನ್ದ್ರಾಗ್ನಿತಾತೋಽಪರಾಜಿತಃ ॥ 114 ॥
ಕೋಶಲೇನ್ದ್ರೋ ವೀರಬಾಹುಃ ಸತ್ಯಾರ್ಥತ್ಯಕ್ತಸೋದರಃ ।
ಶರಸನ್ಧಾನನಿರ್ಧೂತಧರಣೀಮಂಡಲೋದಯಃ ॥ 115 ॥
ಬ್ರಹ್ಮಾದಿಕಾಮ್ಯಸಾನ್ನಿಧ್ಯಸನಾಥೀಕೃತದೈವತಃ ।
ಬ್ರಹ್ಮಲೋಕಾಪ್ತಚಾಂಡಾಲಾದ್ಯಶೇಷಪ್ರಾಣಿಸಾರ್ಥಕಃ ॥ 116 ॥
ಸ್ವರ್ನೀತಗರ್ದಭಾಶ್ವಾದಿಃ ಚಿರಾಯೋಧ್ಯಾವನೈಕಕೃತ್ತ್ ।
ರಾಮಾದ್ವಿತೀಯಃ ಸೌಮಿತ್ರಿರ್ಲಕ್ಷ್ಮಣಃ ಪ್ರಹತೇನ್ದ್ರಜಿತ್ ॥ 117 ॥
ವಿಷ್ಣುಭಕ್ತ್ಯಾಪ್ತರಾಮಾಂಘ್ರಿಃ ಪಾದುಕಾರಾಜ್ಯನಿರ್ವೃತಃ ।
ಭರತೋಽಸಹ್ಯಗನ್ಧರ್ವಕೋಟಿಘ್ನೋ ಲವಣಾನ್ತಕಃ ॥ 118 ॥
ಶತ್ರುಘ್ನೋ ವೈದ್ಯರಾಜಾಯುರ್ವೇದಗರ್ಭೌಷಧೀಪತಿಃ ।
ನಿತ್ಯಾಮೃತಕರೋ ಧನ್ವನ್ತರಿರ್ಯಜ್ಞೋ ಜಗದ್ಧರಃ ॥ 119 ॥
ಸೂರ್ಯಾರಿಘ್ನಃ ಸುರಾಜೀವೋ ದಕ್ಷಿಣೇಶೋ ದ್ವಿಜಪ್ರಿಯಃ ।
ಛಿನ್ನಮೂರ್ಧೋಪದೇಶಾರ್ಕಃ ಶೇಷಾಂಗಸ್ಥಾಪಿತಾಮರಃ ॥ 120 ॥
ವಿಶ್ವಾರ್ಥಾಶೇಷಕೃದ್ರಾಹುಶಿರಶ್ಛೇದಾಕ್ಷತಾಕೃತಿಃ ।
ವಾಜಪೇಯಾದಿನಾಮಾಗ್ನಿರ್ವೇದಧರ್ಮಾಪರಾಯಣಃ ॥ 121 ॥
ಶ್ವೇತದ್ವೀಪಪತಿಃ ಸಾಂಖ್ಯಪ್ರಣೇತಾ ಸರ್ವಸಿದ್ಧಿರಾಟ್ ।
ವಿಶ್ವಪ್ರಕಾಶಿತಜ್ಞಾನಯೋಗೋ ಮೋಹತಮಿಸ್ರಹಾ ॥ 122 ॥
ದೇವಹೂತ್ಯಾತ್ಮಜಃ ಸಿದ್ಧಃ ಕಪಿಲಃ ಕರ್ದಮಾತ್ಮಜಃ ।
ಯೋಗಸ್ವಮೀ ಧ್ಯಾನಭಂಗಸಗರಾತ್ಮಜಭಸ್ಮಕೃತ್ ॥ 123 ॥
ಧರ್ಮೋ ವಿಶ್ವೇನ್ದ್ರಸುರಭೀಪತಿಃ ಶುದ್ಧಾತ್ಮಭಾವಿತಃ ।
ಶಮ್ಭುಸ್ತ್ರಿಪುರದಾಹೈಕಸ್ಥೈರ್ಯವಿಶ್ವರಥೋದ್ಧತಃ ॥ 124 ॥
ಭಕ್ತಶಮ್ಭುಜಿತೋ ದೈತ್ಯಾಮೃತವಾಪೀಸಮಸ್ತಪಃ ।
ಮಹಾಪ್ರಲಯವಿಶ್ವೈಕೋಽದ್ವಿತೀಯೋಽಖಿಲನಾಗರಾಟ್ ॥ 125 ॥
ಶೇಷದೇವಃ ಸಹಸ್ರಾಕ್ಷಃ ಸಹಸ್ರಾಸ್ಯಶಿರೋಭುಜಃ ।
ಫಣಾಮಣಿಕಣಾಕಾರಯೋಜಿತಾಬ್ಧ್ಯಮ್ಬುದಕ್ಷಿತಿಃ ॥ 126 ॥
ಕಾಲಾಗ್ನಿರುದ್ರಜನಕೋ ಮುಸಲಾಸ್ತ್ರೋ ಹಲಾಯುಧಃ ।
ನೀಲಾಮ್ಬರೋ ವಾರುಣೀಶೋ ಮನೋವಾಕ್ಕಾಯದೋಷಹಾ ॥ 127 ॥
ಅಸನ್ತೋಷದೃಷ್ಟಿಮಾತ್ರಪಾತಿತೈಕದಶಾನನಃ ।
ಬಲಿಸಂಯಮನೋ ಘೋರೋ ರೌಹಿಣೇಯಃ ಪ್ರಲಮ್ಬಹಾ ॥ 128 ॥
ಮುಷ್ಟಿಕಘ್ನೋ ದ್ವಿವಿದಹಾ ಕಾಲಿನ್ದೀಕರ್ಷಣೋ ಬಲಃ ।
ರೇವತೀರಮಣಃ ಪೂರ್ವಭಕ್ತಿಖೇದಾಚ್ಯುತಾಗ್ರಜಃ ॥ 129 ॥
ದೇವಕೀವಸುದೇವಾಹ್ವಕಶ್ಯಪಾದಿತಿನನ್ದನಃ ।
ವಾರ್ಷ್ಣೇಯಃ ಸಾತ್ವತಾಂ ಶ್ರೇಷ್ಠಃ ಶೌರಿರ್ಯದುಕುಲೋದ್ವಹಃ ॥ 130 ॥
ನರಾಕೃತಿಃ ಪರಂ ಬ್ರಹ್ಮ ಸವ್ಯಸಾಚೀವರಪ್ರದಃ ।
ಬ್ರಹ್ಮಾದಿಕಾಮ್ಯಲಾಲಿತ್ಯಜಗದಾಶ್ಚೈರ್ಯಶೈಶವಃ ॥ 131 ॥
ಪೂತನಾಧ್ನಃ ಶಕಟಭಿದ್ ಯಮಲಾರ್ಜುನಭಂಜನಃ ।
ವಾತಾಸುರಾರಿಃ ಕೇಶಿಘ್ನೋ ಧೇನುಕಾರಿರ್ಗವೀಶ್ವರಃ ॥ 132 ॥
ದಾಮೋದರೋ ಗೋಪದೇವೋ ಯಶೋದಾಽಽನನ್ದಕಾರಕಃ ।
ಕಾಲೀಯಮರ್ದನಃ ಸರ್ವಗೋಪಗೋಪೀಜನಪ್ರಿಯಃ ॥ 133 ॥
ಲೀಲಾಗೋವರ್ಧನಧರೋ ಗೋವಿನ್ದೋ ಗೋಕುಲೋತ್ಸವಃ ।
ಅರಿಷ್ಟಮಥನಃ ಕಾಮೋನ್ಮತ್ತಗೋಪೀವಿಮುಕ್ತಿದಃ ॥ 134 ॥
ಸದ್ಯಃ ಕುವಲಯಾಪೀಡಘಾತೀ ಚಾಣೂರಮರ್ದನಃ ।
ಕಂಸಾರಿರುಗ್ರಸೇನಾದಿರಾಜ್ಯವ್ಯಾಪಾರಿತಾಪರಃ ॥ 135 ॥
ಸುಧರ್ಮಾಂಕಿತಭೂಲೋಕೋ ಜರಾಸನ್ಧಬಲಾನ್ತಕಃ ।
ತ್ಯಕ್ತಭಕ್ತಜರಾಸನ್ಧಭೀಮಸೇನಯಶಃಪ್ರದಃ ॥ 136 ॥
ಸಾನ್ದೀಪನಿಮೃತಾಪತ್ಯದಾತಾ ಕಾಲಾನ್ತಕಾದಿಜಿತ್ ।
ಸಮಸ್ತನಾರಕಿತ್ರಾತಾ ಸರ್ವಭೂಪತಿಕೋಟಿಜಿತ್ ॥ 137 ॥
ರುಕ್ಮಿಣೀರಮಣೋ ರುಕ್ಮಿಶಾಸನೋ ನರಕಾನ್ತಕಃ ।
ಸಮಸ್ತಸುನ್ದರೀಕಾನ್ತೋ ಮುರಾರಿರ್ಗರುಡಧ್ವಜಃ ॥ 138 ॥
ಏಕಾಕೀಜಿತರುದ್ರಾರ್ಕಮರುದಾದ್ಯಖಿಲೇಶ್ವರಃ ।
ದೇವೇನ್ದ್ರದರ್ಪಹಾ ಕಲ್ಪದ್ರುಮಾಲಂಕೃತಭೂತಲಃ ॥ 139 ॥
ಬಾಣಬಾಹುಸಹಸ್ರಚ್ಛಿನ್ನನ್ದ್ಯಾದಿಗಣಕೋಟಿಜಿತ್ ।
ಲೀಲಾಜಿತಮಹಾದೇವೋ ಮಹಾದೈವೇಕಪೂಜಿತಃ ॥ 140 ॥
ಇನ್ದ್ರಾರ್ಥಾರ್ಜುನನಿರ್ಭಂಗಜಯದಃ ಪಾಂಡವೈಕಧೃಕ್ ।
ಕಾಶೀರಾಜಶಿರಸ್ಛೇತ್ತಾ ರುದ್ರಶಕ್ತ್ತ್ಯೇಕಮರ್ದನಃ ॥ 141 ॥
ವಿಶ್ವೇಶ್ವರಪ್ರಸಾದಾಕ್ಷಃ ಕಾಶೀರಾಜಸುತಾರ್ದನಃ ।
ಶಮ್ಭುಪ್ರತಿಜ್ಞಾವಿಧ್ವಂಸೀ ಕಾಶೀನಿರ್ದಗ್ಧ ನಾಯಕಃ ॥ 142 ॥
ಕಾಶೀಶಗಣಕೋಟಿಘ್ನಃ ಲೋಕಶಿಕ್ಷಾಶಿವಾರ್ಚಕಃ ।
ಯುವತೀವ್ರತಪೋವಶ್ಯಃ ಪುರಾ ಶಿವವರಪ್ರದಃ ॥ 143 ॥
ಶಂಕರೈಕಪ್ರತಿಷ್ಠಾಧೃಕ್ ಸ್ವಾಂಶಶಂಕರಪೂಜಕಃ ।
ಶಿವಕನ್ಯಾವ್ರತಪತಿಃ ಕೃಷ್ಣರೂಪಶಿವಾರಿಹಾ ॥ 144 ॥
ಮಹಾಲಕ್ಷ್ಮೀವಪುರ್ಗೌರೀತ್ರಾತಾ ವೈದಲವೃತ್ರಹಾ ।
ಸ್ವಧಾಮಮುಚುಕುನ್ದೈಕನಿಷ್ಕಾಲಯವನೇಷ್ಟಕೃತ್ ॥ 145 ॥
ಯಮುನಾಪತಿರಾನೀತಪರಿಲೀನಶಿವಾತ್ಮಜಃ ।
ಶ್ರೀದಾಮರಂಕಭಕ್ತಾರ್ಥಭೂಮ್ಯಾನೀತೇನ್ದ್ರವೈಭವಃ ॥ 146 ॥
ದುರ್ವೃತ್ತಶಿಶುಪಾಲೈಕಮುಕ್ತಿಕೋದ್ಧಾರಕೇಶ್ವರಃ ।
ಆಚಾಂಡಾಲಾದಿಕಪ್ರಾಪ್ಯದ್ವಾರಕಾನಿಧಿಕೋಟಿಕೃತ್ ॥ 147 ॥
ಅಕ್ರೂರೋದ್ಭವಮುಖ್ಯೈಕಭಕ್ತಸ್ವಚ್ಛನ್ದಮುಕ್ತಿದಃ ।
ಸಬಾಲಸ್ತ್ರೀಜಲಕ್ರೀಡೋಽಮೃತವಾಪೀಕೃತಾರ್ಣವಃ ॥ 148 ॥
ಬ್ರಹ್ಮಾಸ್ತ್ರದಗ್ಧಗರ್ಭಸ್ಥಪರೀಕ್ಷಿಜ್ಜೀವನೈಕಕೃತ್ ।
ಪರಿಲೀನದ್ವಿಜಸುತಾನೇತಾಽರ್ಜುನಮದಾಪಹಃ ॥ 149 ॥
ಗೂಢಮುದ್ರಾಕೃತಿಗ್ರಸ್ತಭೀಷ್ಮಾದ್ಯಖಿಲಗೌರವಃ ।
ಪಾರ್ಥಾರ್ಥಖಂಡಿತಾಶೇಷದಿವ್ಯಾಸ್ತ್ರಃ ಪಾರ್ಥಮೋಹಹೃತ್ ॥ 150 ॥
ಗರ್ಭಶಾಪಚ್ಛಲಧ್ವಸ್ತಯಾದವೋರ್ವೀಭಯಾಪಹಃ ।
ಜರಾವ್ಯಾಧಾರಿಗತಿದಃ ಸ್ಮೃತಿಮಾತ್ರಾಖಿಲೇಷ್ಟದಃ ॥ 151 ॥
ಕಾಮದೇವೋ ರತಿಪತಿರ್ಮನ್ಮಥಃ ಶಮ್ಬರಾನ್ತಕಃ ।
ಅನಂಗೋ ಜಿತಗೌರೀಶೋ ರತಿಕಾನ್ತಃ ಸದೇಪ್ಸಿತಃ ॥ 152 ॥
ಪುಷ್ಪೇಷುರ್ವಿಶ್ವವಿಜಯೀ ಸ್ಮರಃ ಕಾಮೇಶ್ವರೀಪತಿಃ ।
ಉಷಾಪತಿರ್ವಿಶ್ವಕೇತುರ್ವಿಶ್ವತೃಪ್ತೋಽಧಿಪೂರುಷಃ ॥ 153 ॥
ಚತುರಾತ್ಮಾ ಚತುರ್ವ್ಯೂಹಶ್ಚತುರ್ಯುಗವಿಧಾಯಕಃ ।
ಚತುರ್ವೇದೈಕವಿಶ್ವಾತ್ಮಾ ಸರ್ವೋತ್ಕೃಷ್ಟಾಂಶಕೋಟಿಕಃ ॥ 154 ॥
ಆಶ್ರಯಾತ್ಮಾ ಪುರಾಣರ್ಷಿರ್ವ್ಯಾಸಃ ಶಾಖಾಸಹಸ್ರಕೃತ್ ।
ಮಹಾಭಾರತನಿರ್ಮಾತಾ ಕವೀನ್ದ್ರೋ ಬಾದರಾಯಣಃ ॥ 155 ॥
ಕೃಷ್ಣದ್ವೈಪಾಯನಃ ಸರ್ವಪುರುಷಾರ್ಥೈಕಬೋಧಕಃ ।
ವೇದಾನ್ತಕರ್ತಾ ಬ್ರಹ್ಮೈಕವ್ಯಂಜಕಃ ಪುರುವಂಶಕೃತ್ ॥ 156 ॥
ಬುದ್ಧೋ ಧ್ಯಾನಜಿತಾಶೇಷದೇವದೇವೋ ಜಗತ್ಪ್ರಿಯಃ ।
ನಿರಾಯುಧೋ ಜಗಜ್ಜೈತ್ರಃ ಶ್ರೀಧರೋ ದುಷ್ಟಮೋಹನಃ ॥ 157 ॥
ದೈತ್ಯವೇದಬಹಿಃಕರ್ತಾ ವೇದಾರ್ಥಶ್ರುತಿಗೋಪಕಃ ।
ಶೌದ್ಧೋದನಿರ್ದೃಷ್ಟದಿಷ್ಟಃ ಸುಖದಃ ಸದಸಸ್ಪತಿಃ ॥ 158 ॥
ಯಥಾಯೋಗ್ಯಾಖಿಲಕೃಪಃ ಸರ್ವಶೂನ್ಯೋಽಖಿಲೇಷ್ಟದಃ ।
ಚತುಷ್ಕೋಟಿಪೃಥಕ್ತತ್ತ್ವಂ ಪ್ರಜ್ಞಾಪಾರಮಿತೇಶ್ವರಃ ॥ 159 ॥
ಪಾಖಂಡವೇದಮಾರ್ಗೇಶಃ ಪಾಖಂಡಶ್ರುತಿಗೋಪಕಃ ।
ಕಲ್ಕೀ ವಿಷ್ಣುಯಶಃಪೂತ್ರಃ ಕಲಿಕಾಲವಿಲೋಪಕಃ ॥ 160 ॥
ಸಮಸ್ತಮ್ಲೇಚ್ಛದುಷ್ಟಘ್ನಃ ಸರ್ವಶಿಷ್ಟದ್ವಿಜಾತಿಕೃತ್ ।
ಸತ್ಯಪ್ರವರ್ತ್ತಕೋ ದೇವದ್ವಿಜದೀರ್ಘಕ್ಷುಧಾಪಹಃ ॥ 161 ॥
ಅಶ್ವವಾರಾದಿರೇವಾನ್ತಃ ಪೃಥ್ವೀದುರ್ಗತಿನಾಶನಃ ।
ಸದ್ಯಃ ಕ್ಷ್ಮಾನನ್ತಲಕ್ಷ್ಮೀಕೃತ್ ನಷ್ಟನಿಃಶೇಷಧರ್ಮವಿತ್ ॥ 162 ॥
ಅನನ್ತಸ್ವರ್ಗಯಾಗೈಕಹೇಮಪೂರ್ಣಾಖಿಲದ್ವಿಜಃ ।
ಅಸಾಧ್ಯೈಕಜಗಚ್ಛಾಸ್ತಾ ವಿಶ್ವವನ್ದ್ಯೋ ಜಯಧ್ವಜಃ ॥ 163 ॥
ಆತ್ಮತತ್ತ್ವಾಧಿಪಃ ಕರ್ತೃಶ್ರೇಷ್ಠೋ ವಿಧಿರುಮಾಪತಿಃ ।
ಭರ್ತೃಶ್ರೇಷ್ಠಃ ಪ್ರಜೇಶಾಗ್ರ್ಯೋ ಮರೀಚಿಜನಕಾಗ್ರಣೀಃ ॥ 164 ॥
ಕಶ್ಯಪೋ ದೇವರಾಜೇನ್ದ್ರಃ ಪ್ರಹ್ಲಾದೋ ದೈತ್ಯರಾಟ್ ಶಶೀ ।
ನಕ್ಷತ್ರೇಶೋ ರವಿಸ್ತೇಜಃಶ್ರೇಷ್ಠಃ ಶುಕ್ರಃ ಕವೀಶ್ವರಃ ॥ 165 ॥
ಮಹರ್ಷಿರಾಡ್ ಭೃಗುರ್ವಿಷ್ಣುರಾದಿತ್ಯೇಶೋ ಬಲಿಃ ಸ್ವರಾಟ್ ।
ವಾಯುರ್ವಹ್ನಿಃ ಶುಚಿಶ್ರೇಷ್ಠಃ ಶಂಕರೋ ರುದ್ರರಾಡ್ ಗುರುಃ ॥ 166 ॥
ವಿದ್ವತ್ತಮಶ್ಚಿತ್ರರಥೋ ಗನ್ಧರ್ವಾಗ್ರ್ಯೋಽಕ್ಷರೋತ್ತಮಃ ।
ವರ್ಣಾದಿರಗ್ರ್ಯಃ ಸ್ತ್ರೀ ಗೌರೀ ಶಕ್ತ್ಯಾಗ್ರ್ಯಃ ಶ್ರೀಶ್ಚ ನಾರದಃ ॥ 167 ॥
ದೇವರ್ಷಿರಾಟ್ ಪಾಂಡವಾಗ್ರ್ಯೋಽರ್ಜುನೋ ವಾದಪ್ರವಾದರಾಟ್ ।
ಪವನಃ ಪವನೇಶಾನೋ ವರುಣೋ ಯಾದಸಾಂ ಪತಿಃ ॥ 168 ॥
ಗಂಗಾತೀರ್ಥೋತ್ತಮೋದ್ಭೂತಂ ಛತ್ರಕಾಗ್ರ್ಯವರೌಷಧಮ್ ।
ಅನ್ನಂ ಸುದರ್ಶನಾಸ್ತ್ರಾಗ್ರ್ಯಂ ವಜ್ರಂ ಪ್ರಹರಣೋತ್ತಮಮ್ ॥ 169 ॥
ಉಚ್ಚೈಃಶ್ರವಾ ವಾಜಿರಾಜಃ ಐರಾವತ ಇಭೇಶ್ವರಃ ।
ಅರುನ್ಧತ್ಯೇಕಪತ್ನೀಶೋ ಹ್ಯಶ್ವತ್ಥೋಽಶೇಷವೃಕ್ಷರಾಟ್ ॥ 170 ॥
ಅಧ್ಯಾತ್ಮವಿದ್ಯಾ ವಿದ್ಯಾಗ್ರ್ಯಃ ಪ್ರಣವಶ್ಛನ್ದಸಾಂ ವರಃ ।
ಮೇರುರ್ಗಿರಿಪತಿರ್ಮಾರ್ಗೋ ಮಾಸಾಗ್ರ್ಯಃ ಕಾಲಸತ್ತಮಃ ॥ 171 ॥
ದಿನಾದ್ಯಾತ್ಮಾ ಪೂರ್ವಸಿದ್ಧಿಃ ಕಪಿಲಃ ಸಾಮವೇದರಾಟ್ ।
ತಾರ್ಕ್ಷ್ಯಃ ಖಗೇನ್ದ್ರೋ ಋತ್ವಗ್ರ್ಯೋ ವಸನ್ತಃ ಕಲ್ಪಪಾದಪಃ ॥ 172 ॥
ದಾತೃಶ್ರೇಷ್ಠಃ ಕಾಮಧೇನುರಾರ್ತಿಘ್ನಾಗ್ರ್ಯಃ ಸುಹೃತ್ತಮಃ ।
ಚಿನ್ತಾಮಣಿರ್ಗುರುಶ್ರೇಷ್ಠೋ ಮಾತಾ ಹಿತತಮಃ ಪಿತಾ ॥ 173 ॥
ಸಿಂಹೋ ಮೃಗೇನ್ದ್ರೋ ನಾಗೇನ್ದ್ರೋ ವಾಸುಕಿರ್ನೃವರೋ ನೃಪಃ ।
ವರ್ಣೇಶೋ ಬ್ರಾಹ್ಮಣಶ್ಚೇತಃ ಕರಣಾಗ್ರ್ಯೋ ನಮೋ ನಮಃ ॥ 174 ॥
ಇತ್ಯೇತದ್ವಾಸುದೇವಸ್ಯ ವಿಷ್ಣೋರ್ನಾಮಸಹಸ್ರಕಮ್ ।
ಸರ್ವಾಪರಾಧಶಮನಂ ಪರಂ ಭಕ್ತಿವಿವರ್ದ್ಧನಮ್ ॥ 175 ॥
ಅಕ್ಷಯಬ್ರಹ್ಮಲೋಕಾದಿಸರ್ವಾರ್ಥಾಪ್ಯೇಕಸಾಧನಮ್ ।
ವಿಷ್ಣುಲೋಕೈಕಸೋಪಾನಂ ಸರ್ವದುಃಖವಿನಾಶನಮ್ ॥ 176 ॥
ಸಮಸ್ತಸುಖದಂ ಸದ್ಯಃ ಪರನಿರ್ವಾಣದಾಯಕಮ್ ।
ಕಾಮಕ್ರೋಧಾದಿ ನಿಃಶೇಷಮನೋಮಲವಿಶೋಧನಮ್ ॥ 177 ॥
ಶಾನ್ತಿದಂ ಪಾವನಂ ನೄಣಾಂ ಮಹಾಪಾತಾಕಿನಾಮಪಿ ।
ಸರ್ವೇಷಾಂ ಪ್ರಾಣಿನಾಮಾಶು ಸರ್ವಾಭೀಷ್ಟಫಲಪ್ರದಮ್ ॥ 178 ॥
ಸಮಸ್ತವಿಘ್ನಶಮನಂ ಸರ್ವಾರಿಷ್ಟವಿನಾಶನಮ್ ।
ಘೋರದುಃಖಪ್ರಶಮನಂ ತೀವ್ರದಾರಿದ್ರ್ಯನಾಶನಮ್ ॥ 179 ॥
ಋಣತ್ರಯಾಪಹಂ ಗುಹ್ಯಂ ಧನಧಾನ್ಯಯಶಸ್ಕರಮ್ ।
ಸರ್ವೈಶ್ವರ್ಯಪ್ರದಂ ಸರ್ವಸಿದ್ಧಿದಂ ಸರ್ವಧರ್ಮದಮ್ ॥ 180 ॥
ತೀರ್ಥಯಜ್ಞತಪೋದಾನವ್ರತಕೋಟಿಫಲಪ್ರದಮ್ ।
ಜಗಜ್ಜಾಡ್ಯಪ್ರಶಮನಂ ಸರ್ವವಿದ್ಯಾಪ್ರವರ್ತ್ತಕಮ್ ॥ 181 ॥
ರಾಜ್ಯದಂ ಭ್ರಷ್ಟರಾಜ್ಯಾನಾಂ ರೋಗಿಣಾಂ ಸರ್ವರೋಗಹೃತ್ ।
ವನ್ಧ್ಯಾನಾಂ ಸುತದಂ ಚಾಯುಃಕ್ಷೀಣಾನಾಂ ಜೀವಿತಪ್ರದಮ್ ॥ 182 ॥
ಭೂತಗ್ರಹವಿಷಧ್ವಂಸಿ ಗ್ರಹಪೀಡಾವಿನಾಶನಮ್ ।
ಮಂಗಲ್ಯಂ ಪುಣ್ಯಮಾಪುಷ್ಪಂ ಶ್ರವಣಾತ್ ಪಠನಾಜ್ಜಪಾತ್ ॥ 183 ॥
ನಾಸ್ತಿ ವಿಷ್ಣೋಃ ಪರಂ ಧಾಮ ನಾಸ್ತಿ ವಿಷ್ಣೋಃ ಪರನ್ತಪಃ ।
ನಾಸ್ತಿ ವಿಷ್ಣೋ ಪರೋ ಧರ್ಮೋ ನಾಸ್ತಿ ಮನ್ತ್ರೋ ಹ್ಯವೈಷ್ಣವಃ ॥ 184 ॥
ನಾಸ್ತಿ ವಿಷ್ಣೋಃ ಪರಂ ಧ್ಯಾನಂ ನಾಸ್ತಿ ವಿಷ್ಣೋಃ ಪರಾ ಗತಿಃ ।
ಸರ್ವತೀರ್ಥಮಯೋ ವಿಷ್ಣುಃ ಸರ್ವಶಾಸ್ತ್ರಮಯಃ ಪ್ರಭುಃ ।
ಸರ್ವಕ್ರತುಮಯೋ ವಿಷ್ಣುಃ ಸತ್ಯಂ ಸತ್ಯಂ ವದಾಮ್ಯಹಮ್ ॥ 185 ॥
ಪಾರ್ವತ್ಯುವಾಚ
ಧನ್ಯಾಸ್ಮ್ಯನುಗೃಹಿತಾಸ್ಮಿ ಕೃತಾರ್ಥಾಸ್ಮಿ ಜಗತ್ಪತೇ ।
ಯನ್ಮಯೇದಂ ಶ್ರುತಂ ಸ್ತೋತ್ರಂ ತ್ವದ್ರಹಸ್ಯಂ ಸುದುರ್ಲಭಮ್ ॥ 186 ॥
ಕಾಮಾದ್ಯಾಸಕ್ತಚಿತ್ತತ್ವಾತ್ಕಿಂ ತು ಸರ್ವೇಶ್ವರ ಪ್ರಭೋ ।
ತ್ವನ್ಮಯತ್ವಾತ್ಪ್ರಮಾದಾದ್ವಾ ಶಕ್ನೋಮಿ ಪಠಿತುಂ ನ ಚೇತ್ ॥ 187 ॥
ವಿಷ್ಣೋಃ ಸಹಸ್ರನಾಮೈತತ್ ಪ್ರತ್ಯಹಂ ವೃಷಭಧ್ವಜ ।
ನಾಮ್ನೈಕೇನ ತು ಯೇನ ಸ್ಯಾತ್ತತ್ಫಲಂ ಬ್ರೂಹಿ ಮೇ ಪ್ರಭೋ ॥ 188 ॥
ಮಹಾದೇವ ಉವಾಚ
ರಾಮ ರಾಮೇತಿ ರಾಮೇತಿ ರಮೇ ರಾಮೇ ಮನೋರಮೇ ।
ಸಹಸ್ರನಾಮ ತತ್ತುಲ್ಯಂ ರಾಮನಾಮ ವರಾನನೇ ॥ 189 ॥
॥ ಇತಿ ಶ್ರೀಪದ್ಮಪುರಾಣೇ ಉತ್ತರಖಂಡೇ ಪಾರ್ವತೀಶಿವಸಂವಾದೇ
ಶ್ರೀವಿಷ್ಣೋರ್ನಾಮಸಹಸ್ರಂ ಚ ವಾಸುದೇವಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
1000 Names of Sri Vishnu » Vasudeva Sahasranama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil