॥ Skandapurana Vishnu Sahasranama Stotram Telugu Lyrics ॥
॥ శ్రీవిష్ణుసహస్రనామస్తోత్రమ్ (స్కన్దపురాణోక్త) ॥
శ్రీగణేశాయ నమః ।
శ్రీలక్ష్మీనారాయణాభ్యాం నమః ।
దేవా ఊచుః –
బ్రహ్మన్కేన ప్రకారేణ విష్ణుభక్తిః పరా భవేత్ ।
తత్సర్వం శ్రోతుమిచ్ఛామస్త్వత్తో బ్రహ్మవిదాం వర ॥ ౧ ॥
బ్రహ్మోవాచ –
శ్రూయతాం భోః సురశ్రేష్ఠా విష్ణుభక్తిమనుత్తమామ్ ।
శుక్లామ్బరధరం దేవం శశివర్ణం చతుర్భుజమ్ ॥ ౨ ॥
ప్రసన్నవదనం ధ్యాయేత్సర్వవిఘ్నోపశాన్తయే ।
లాభస్తేషాం జయస్తేషాం కుతస్తేషాం పరాజయః ॥ ౩ ॥
యేషామిన్దీవరశ్యామో హృదయస్థో జనార్దనః ।
అభీప్సితార్థసిద్ధ్యర్థం పూజ్యతే యః సురైరపి ॥ ౪ ॥
సర్వవిఘ్నహరస్తస్మై గణాధిపతయే నమః ।
కల్పాదౌ సృష్టికామేన ప్రేరితోఽహం చ శౌరిణా ॥ ౫ ॥
న శక్తో వై ప్రజాః కర్తుం విష్ణుధ్యానపరాయణః ।
ఏతస్మిన్నన్తరే సద్యో మార్కణ్డేయో మహాఋషిః ॥ ౬ ॥
సర్వసిద్ధేశ్వరో దాన్తో దీర్ఘాయుర్విజితేన్ద్రియః ।
మయాదృష్టోఽథగత్వాతం తదాహం సముపస్థితః ।
తతః ప్రఫుల్లనయనౌ సత్కృత్య చేతరేతరమ్ ॥ ౭ ॥
పృచ్ఛమానౌ పరం స్వాస్థ్యం సుఖాసీనౌ సురోత్తమాః ।
తదా మయా స పృష్టో వై మార్కణ్డేయో మహామునిః ॥ ౮ ॥
భగవన్కేన ప్రకారేణ ప్రజా మేఽనామయా భవేత్ ।
తత్సర్వం శ్రోతుమిచ్ఛామి భగవన్మునివన్దిత ॥ ౯ ॥
శ్రీమార్కణ్డేయ ఉవాచ –
విష్ణుభక్తిః పరా నిత్యా సర్వార్తిదుఃఖనాశినీ ।
సర్వపాపహరా పుణ్యా సర్వసుఖప్రదాయినీ ॥ ౧౦ ॥
ఏషా బ్రాహ్మీ మహావిద్యా న దేయా యస్య కస్యచిత్ ।
కృతఘ్నాయ హ్యశిష్యాయ నాస్తికాయానృతాయ చ ॥ ౧౧ ॥
ఈర్ష్యకాయ చ రూక్షాయ కామికాయ కదాచన ।
తద్గతం సర్వం విఘ్నన్తియత్తద్ధర్మం సనాతనమ్ ॥ ౧౨ ॥
ఏతద్గుహ్యతమం శాస్త్రం సర్వపాపప్రణాశనమ్ ।
పవిత్రం చ పవిత్రాణాం పావనానాం చ పావనమ్ ॥ ౧౩ ॥
విష్ణోర్నామసహస్రం చ విష్ణుభక్తికరం శుభమ్ ।
సర్వసిద్ధికరం నృణాం భుక్తిముక్తిప్రదం శుభమ్ ॥ ౧౪ ॥
అస్య శ్రీవిష్ణుసహస్రనామస్తోత్రమన్త్రస్య మార్కణ్డేయ ఋషిః ।
విష్ణుర్దేవతాః । అనుష్టుప్చ్ఛన్దః । సర్వకామానవాప్త్యర్థే జపే వినియోగః ॥
అథ ధ్యానమ్ ।
సజలజలదనీలం దర్శితోదారశీలం
కరతలధృతశైలం వేణువాద్యే రసాలమ్ ।
వ్రజజన కులపాలం కామినీకేలిలోలం
తరుణతులసిమాలం నౌమి గోపాలబాలమ్ ॥ ౧౫ ॥
ఓం విశ్వం విష్ణుర్హృషీకేశః సర్వాత్మా సర్వభావనః ।
సర్వగః శర్వరీనాథో భూతగ్రామాఽఽశయాశయః ॥ ౧౬ ॥
అనాదినిధనో దేవః సర్వజ్ఞః సర్వసమ్భవః ।
సర్వవ్యాపీ జగద్ధాతా సర్వశక్తిధరోఽనఘః ॥ ౧౭ ॥
జగద్బీజం జగత్స్రష్టా జగదీశో జగత్పతిః ।
జగద్గురుర్జగన్నాథో జగద్ధాతా జగన్మయః ॥ ౧౮ ॥
సర్వాఽఽకృతిధరః సర్వవిశ్వరూపీ జనార్దనః ।
అజన్మా శాశ్వతో నిత్యో విశ్వాధారో విభుః ప్రభుః ॥ ౧౯ ॥
బహురూపైకరూపశ్చ సర్వరూపధరో హరః ।
కాలాగ్నిప్రభవో వాయుః ప్రలయాన్తకరోఽక్షయః ॥ ౨౦ ॥
మహార్ణవో మహామేఘో జలబుద్బుదసమ్భవః ।
సంస్కృతో వికృతో మత్స్యో మహామత్స్యస్తిమిఙ్గిలః ॥ ౨౧ ॥
అనన్తో వాసుకిః శేషో వరాహో ధరణీధరః ।
పయఃక్షీర వివేకాఢ్యో హంసో హైమగిరిస్థితః ॥ ౨౨ ॥
హయగ్రీవో విశాలాక్షో హయకర్ణో హయాకృతిః ।
మన్థనో రత్నహారీ చ కూర్మో ధరధరాధరః ॥ ౨౩ ॥
వినిద్రో నిద్రితో నన్దీ సునన్దో నన్దనప్రియః ।
నాభినాలమృణాలీ చ స్వయమ్భూశ్చతురాననః ॥ ౨౪ ॥
ప్రజాపతిపరో దక్షః సృష్టికర్తా ప్రజాకరః ।
మరీచిః కశ్యపో దక్షః సురాసురగురుః కవిః ॥ ౨౫ ॥
వామనో వామమార్గీ చ వామకర్మా బృహద్వపుః ।
త్రైలోక్యక్రమణో దీపో బలియజ్ఞవినాశనః ॥ ౨౬ ॥
యజ్ఞహర్తా యజ్ఞకర్తా యజ్ఞేశో యజ్ఞభుగ్విభుః ।
సహస్రాంశుర్భగో భానుర్వివస్వాన్రవిరంశుమాన్ ॥ ౨౭ ॥
తిగ్మతేజాశ్చాల్పతేజాః కర్మసాక్షీ మనుర్యమః ।
దేవరాజః సురపతిర్దానవారిః శచీపతిః ॥ ౨౮ ॥
అగ్నిర్వాయుసఖో వహ్నిర్వరుణో యాదసామ్పతిః ।
నైరృతో నాదనోఽనాదీ రక్షయక్షోధనాధిపః ॥ ౨౯ ॥
కుబేరో విత్తవాన్వేగో వసుపాలో విలాసకృత్ ।
అమృతస్రవణః సోమః సోమపానకరః సుధీః ॥ ౩౦ ॥
సర్వౌషధికరః శ్రీమాన్నిశాకరదివాకరః ।
విషారిర్విషహర్తా చ విషకణ్ఠధరో గిరిః ॥ ౩౧ ॥
నీలకణ్ఠో వృషీ రుద్రో భాలచన్ద్రో హ్యుమాపతిః ।
శివః శాన్తో వశీ వీరో ధ్యానీ మానీ చ మానదః ॥ ౩౨ ॥
కృమికీటో మృగవ్యాధో మృగహా మృగలాఞ్ఛనః ।
బటుకో భైరవో బాలః కపాలీ దణ్డవిగ్రహః ॥ ౩౩ ॥
స్మశానవాసీ మాంసాశీ దుష్టనాశీ వరాన్తకృత్ ।
యోగినీత్రాసకో యోగీ ధ్యానస్థో ధ్యానవాసనః ॥ ౩౪ ॥
సేనానీః సైన్యదః(సేనదః) స్కన్దో మహాకాలో గణాధిపః ।
ఆదిదేవో గణపతిర్విఘ్నహా విఘ్ననాశనః ॥ ౩౫ ॥
ఋద్ధిసిద్ధిప్రదో దన్తీ భాలచన్ద్రో గజాననః ।
నృసింహ ఉగ్రదంష్ట్రశ్చ నఖీ దానవనాశకృత్ ॥ ౩౬ ॥
ప్రహ్లాదపోషకర్తా చ సర్వదైత్యజనేశ్వరః ।
శలభః సాగరః సాక్షీ కల్పద్రుమవికల్పకః ॥ ౩౭ ॥
హేమదో హేమభాగీచ హిమకర్తా హిమాచలః ।
భూధరో భూమిదో మేరుః కైలాసశిఖరో గిరిః ॥ ౩౮ ॥
లోకాలోకాన్తరో లోకీ విలోకీ భువనేశ్వరః ।
దిక్పాలో దిక్పతిర్దివ్యో దివ్యకాయో జితేన్ద్రియః ॥ ౩౯ ॥
విరూపో రూపవాన్రాగీ నృత్యగీతవిశారదః ।
హాహా హూహూశ్చిత్రరథో దేవర్షిర్నారదః సఖా ॥ ౪౦ ॥
విశ్వేదేవాః సాధ్యదేవా ధృతాశీశ్చ చలోఽచలః ।
కపిలో జల్పకో వాదీ దత్తో హైహయసఙ్ఘరాట్ ॥ ౪౧ ॥
వసిష్ఠో వామదేవశ్చ సప్తర్షిప్రవరో భృగుః ।
జామదగ్న్యో మహావీరః క్షత్రియాన్తకరో హ్యృషిః ॥ ౪౨ ॥
హిరణ్యకశిపుశ్చైవ హిరణ్యాక్షో హరప్రియః ।
అగస్తిః పులహో దక్షః పౌలస్త్యో రావణో ఘటః ॥ ౪౩ ॥
దేవారిస్తాపసస్తాపీ విభీషణహరిప్రియః ।
తేజస్వీ తేజదస్తేజీ ఈశో రాజపతిః ప్రభుః ॥ ౪౪ ॥
దాశరథీ రాఘవో రామో రఘువంశవివర్ధనః ।
సీతాపతిః పతిః శ్రీమాన్బ్రహ్మణ్యో భక్తవత్సలః ॥ ౪౫ ॥
సన్నద్ధః కవచీ ఖడ్గీ చీరవాసా దిగమ్బరః ।
కిరీటీ కుడలీ చాపీ శఙ్ఖచక్రీ గదాధరః ॥ ౪౬ ॥
కౌసల్యానన్దనోదారో భూమిశాయీ గుహప్రియః ।
సౌమిత్రో భరతో బాలః శత్రుఘ్నో భరతాఽగ్రజః ॥ ౪౭ ॥
లక్ష్మణః పరవీరఘ్నః స్త్రీసహాయః కపీశ్వరః ।
హనుమానృక్షరాజశ్చ సుగ్రీవో వాలినాశనః ॥ ౪౮ ॥
దూతప్రియో దూతకారీ హ్యఙ్గదో గదతాం వరః ।
వనధ్వంసీ వనీ వేగో వానరధ్వజ లాఙ్గులీ ॥ ౪౯ ॥
రవిదంష్ట్రీ చ లఙ్కాహా హాహాకారో వరప్రదః ।
భవసేతుర్మహాసేతుర్బద్ధసేతూ రమేశ్వరః ॥ ౫౦ ॥ ( var రామేశ్వరః)
జానకీవల్లభః కామీ కిరీటీ కుణ్డలీ ఖగీ ।
పుణ్డరీకవిశాలాక్షో మహాబాహుర్ఘనాకృతిః ॥ ౫౧ ॥
చఞ్చలశ్చపలః కామీ వామీ వామాఙ్గవత్సలః ।
స్త్రీప్రియః స్త్రీపరః స్త్రైణః స్త్రియో వామాడ్గవాసకః ॥ ౫౨ ॥
జితవైరీ జితకామో జితక్రోధో జితేన్ద్రియః ।
శాన్తో దాన్తో దయారామో హ్యేకస్త్రీవ్రతధారకః ॥ ౫౩ ॥
సాత్త్వికః సత్త్వసంస్థానో మదహా క్రోధహా ఖరః ।
బహురాక్షస సమ్వీతః సర్వరాక్షసనాశకృత్ ॥ ౫౪ ॥
రావణారీ రణక్షుద్ర దశమస్తకచ్ఛేదకః ।
రాజ్యకారీ యజ్ఞకారీ దాతా భోక్తా తపోధనః ॥ ౫౫ ॥
అయోధ్యాధిపతిః కాన్తో వైకుణ్ఠోఽకుణ్ఠవిగ్రహః ।
సత్యవ్రతో వ్రతీ శూరస్తపీ సత్యఫలప్రదః ॥ ౫౬ ॥
సర్వసాక్షీః సర్వగశ్చ సర్వప్రాణహరోఽవ్యయః ।
ప్రాణశ్చాథాప్యపానశ్చ వ్యానోదానః సమానకః ॥ ౫౭ ॥
నాగః కృకలః కూర్మశ్చ దేవదత్తో ధనఞ్జయః ।
సర్వప్రాణవిదో వ్యాపీ యోగధారకధారకః ॥ ౫౮ ॥
తత్త్వవిత్తత్త్వదస్తత్త్వీ సర్వతత్త్వవిశారదః ।
ధ్యానస్థో ధ్యానశాలీ చ మనస్వీ యోగవిత్తమః ॥ ౫౯ ॥
బ్రహ్మజ్ఞో బ్రహ్మదో బహ్మజ్ఞాతా చ బ్రహ్మసమ్భవః ।
అధ్యాత్మవిద్విదో దీపో జ్యోతీరూపో నిరఞ్జనః ॥ ౬౦ ॥
జ్ఞానదోఽజ్ఞానహా జ్ఞానీ గురుః శిష్యోపదేశకః ।
సుశిష్యః శిక్షితః శాలీ శిష్యశిక్షావిశారదః ॥ ౬౧ ॥
మన్త్రదో మన్త్రహా మన్త్రీ తన్త్రీ తన్త్రజనప్రియః ।
సన్మన్త్రో మన్త్రవిన్మన్త్రీ యన్త్రమన్త్రైకభఞ్జనః ॥ ౬౨ ॥
మారణో మోహనో మోహీ స్తమ్భోచ్చాటనకృత్ఖలః ।
బహుమాయో విమాయశ్చ మహామాయావిమోహకః ॥ ౬౩ ॥
మోక్షదో బన్ధకో బన్దీ హ్యాకర్షణవికర్షణః ।
హ్రీఙ్కారో బీజరూపీ చ క్లీఙ్కారః కీలకాధిపః ॥ ౬౪ ॥
సౌఙ్కార శక్తిమాఞ్చ్ఛక్తిః సర్వశక్తిధరో ధరః । ( var శక్తియాఞ్చ్ఛక్తిః)
అకారోకార ఓఙ్కారశ్ఛన్దోగాయత్రసమ్భవః ॥ ౬౫ ॥
వేదో వేదవిదో వేదీ వేదాధ్యాయీ సదాశివః ।
ఋగ్యజుఃసామాథర్వేశః సామగానకరోఽకరీ ॥ ౬౬ ॥
త్రిపదో బహుపాదీ చ శతపథః సర్వతోముఖః ।
ప్రాకృతః సంస్కృతో యోగీ గీతగ్రన్థప్రహేలికః ॥ ౬౭ ॥
సగుణో విగుణశ్ఛన్దో నిఃసఙ్గో విగుణో గుణీ ।
నిర్గుణో గుణవాన్సఙ్గీ కర్మీ ధర్మీ చ కర్మదః ॥ ౬౮ ॥
నిష్కర్మా కామకామీ చ నిఃసఙ్గః సఙ్గవర్జితః ।
నిర్లోభో నిరహఙ్కారీ నిష్కిఞ్చనజనప్రియః ॥ ౬౯ ॥
సర్వసఙ్గకరో రాగీ సర్వత్యాగీ బహిశ్చరః ।
ఏకపాదో ద్విపాదశ్చ బహుపాదోఽల్పపాదకః ॥ ౭౦ ॥
ద్విపదస్త్రిపదోఽపాదీ విపాదీ పదసఙ్గ్రహః ।
ఖేచరో భూచరో భ్రామీ భృఙ్గకీటమధుప్రియః ॥ ౭౧ ॥
క్రతుః సమ్వత్సరో మాసో గణితార్కోహ్యహర్నిశః ।
కృతం త్రేతా కలిశ్చైవ ద్వాపరశ్చతురాకృతిః ॥ ౭౨ ॥
దివాకాలకరః కాలః కులధర్మః సనాతనః ।
కలా కాష్ఠా కలా నాడ్యో యామః పక్షః సితాసితః ॥ ౭౩ ॥
యుగో యుగన్ధరో యోగ్యో యుగధర్మప్రవర్తకః ।
కులాచారః కులకరః కులదైవకరః కులీ ॥ ౭౪ ॥
చతురాఽఽశ్రమచారీ చ గృహస్థో హ్యతిథిప్రియః ।
వనస్థో వనచారీ చ వానప్రస్థాశ్రమోఽశ్రమీ ॥ ౭౫ ॥
బటుకో బ్రహ్మచారీ చ శిఖాసూత్రీ కమణ్డలీ ।
త్రిజటీ ధ్యానవాన్ధ్యానీ బద్రికాశ్రమవాసకృత్ ॥ ౭౬ ॥
హేమాద్రిప్రభవో హైమో హేమరాశిర్హిమాకరః ।
మహాప్రస్థానకో విప్రో విరాగీ రాగవాన్గృహీ ॥ ౭౭ ॥
నరనారాయణోఽనాగో కేదారోదారవిగ్రహః ।
గఙ్గాద్వారతపః సారస్తపోవన తపోనిధిః ॥ ౭౮ ॥
నిధిరేష మహాపద్మః పద్మాకరశ్రియాలయః । ( var నిధిరేవ)
పద్మనాభః పరీతాత్మా పరివ్రాట్ పురుషోత్తమః ॥ ౭౯ ॥
పరానన్దః పురాణశ్చ సమ్రాడ్రాజ విరాజకః । ( var సమ్రాట్ రాజ)
చక్రస్థశ్చక్రపాలస్థశ్చక్రవర్తీ నరాధిపః ॥ ౮౦ ॥
ఆయుర్వేదవిదో వైద్యో ధన్వన్తరిశ్చ రోగహా ।
ఔషధీబీజసమ్భూతో రోగీ రోగవినాశకృత ॥ ౮౧ ॥
చేతనశ్చేతకోఽచిన్త్యశ్చిత్తచిన్తావినాశకృత్ ।
అతీన్ద్రియః సుఖస్పర్శశ్చరచారీ విహఙ్గమః ॥ ౮౨ ॥
గరుడః పక్షిరాజశ్చ చాక్షుషో వినతాత్మజః ।
విష్ణుయానవిమానస్థో మనోమయతురఙ్గమః ॥ ౮౩ ॥
బహువృష్టికరో వర్షీ ఐరావణవిరావణః ।
ఉచ్చైఃశ్రవాఽరుణో గామీ హరిదశ్వో హరిప్రియః ॥ ౮౪ ॥
ప్రావృషో మేఘమాలీ చ గజరత్నపురన్దరః ।
వసుదో వసుధారశ్చ నిద్రాలుః పన్నగాశనః ॥ ౮౫ ॥
శేషశాయీ జలేశాయీ వ్యాసః సత్యవతీసుతః ।
వేదవ్యాసకరో వాగ్గ్మీ బహుశాఖావికల్పకః ॥ ౮౬ ॥
స్మృతిః పురాణధర్మార్థీ పరావరవిచక్షణః ।
సహస్రశీర్షా సహస్రాక్షః సహస్రవదనోజ్జ్వలః ॥ ౮౭ ॥
సహస్రబాహుః సహస్రాంశుః సహస్రకిరణో నరః ।
బహుశీర్షైకశీర్షశ్చ త్రిశిరా విశిరాః శిరీ ॥ ౮౮ ॥
జటిలో భస్మరాగీ చ దివ్యామ్బరధరః శుచిః ।
అణురూపో బృహద్రూపో విరూపో వికరాకృతిః ॥ ౮౯ ॥
సముద్రమాథకో మాథీ సర్వరత్నహరో హరిః ।
వజ్రవైడూర్యకో వజ్రీ చిన్తామణిమహామణిః ॥ ౯౦ ॥
అనిర్మూల్యో మహామూల్యో నిర్మూల్యః సురభిః సుఖీ ।
పితా మాతా శిశుర్బన్ధుర్ధాతా త్వష్టార్యమా యమః ॥ ౯౧ ॥
అన్తఃస్థో బాహ్యకారీ చ బహిఃస్థో వై బహిశ్చరః ।
పావనః పావకః పాకీ సర్వభక్షీ హుతాశనః ॥ ౯౨ ॥
భగవాన్భగహా భాగీ భవభఞ్జో భయఙ్కరః ।
కాయస్థః కార్యకారీ చ కార్యకర్తా కరప్రదః ॥ ౯౩ ॥
ఏకధర్మా ద్విధర్మా చ సుఖీ దూత్యోపజీవకః ।
బాలకస్తారకస్త్రాతా కాలో మూషకభక్షకః ॥ ౯౪ ॥
సఞ్జీవనో జీవకర్తా సజీవో జీవసమ్భవః ।
షడ్వింశకో మహావిష్ణుః సర్వవ్యాపీ మహేశ్వరః ॥ ౯౫ ॥
దివ్యాఙ్గదో ముక్తమాలీ శ్రీవత్సో మకరధ్వజః ।
శ్యామమూర్తిర్ఘనశ్యామః పీతవాసాః శుభాననః ॥ ౯౬ ॥
చీరవాసా వివాసాశ్చ భూతదానవవల్లభః ।
అమృతోఽమృతభాగీ చ మోహినీరూపధారకః ॥ ౯౭ ॥
దివ్యదృష్టిః సమదృష్టిర్దేవదానవవఞ్చకః ।
కబన్ధః కేతుకారీ చ స్వర్భానుశ్చన్ద్రతాపనః ॥ ౯౮ ॥
గ్రహరాజో గ్రహీ గ్రాహః సర్వగ్రహవిమోచకః ।
దానమానజపో హోమః సానుకూలః శుభగ్రహః ॥ ౯౯ ॥
విఘ్నకర్తాఽపహర్తా చ విఘ్ననాశో వినాయకః ।
అపకారోపకారీ చ సర్వసిద్ధిఫలప్రదః ॥ ౧౦౦ ॥
సేవకః సామదానీ చ భేదీ దణ్డీ చ మత్సరీ ।
దయావాన్దానశీలశ్చ దానీ యజ్వా ప్రతిగ్రహీ ॥ ౧౦౧ ॥
హవిరగ్నిశ్చరుస్థాలీ సమిధశ్చానిలో యమః ।
హోతోద్గాతా శుచిః కుణ్డః సామగో వైకృతిః సవః ॥ ౧౦౨ ॥
ద్రవ్యం పాత్రాణి సఙ్కల్పో ముశలో హ్యరణిః కుశః ।
దీక్షితో మణ్డపో వేదిర్యజమానః పశుః క్రతుః ॥ ౧౦౩ ॥
దక్షిణా స్వస్తిమాన్స్వస్తి హ్యాశీర్వాదః శుభప్రదః ।
ఆదివృక్షో మహావృక్షో దేవవృక్షో వనస్పతిః ॥ ౧౦౪ ॥
ప్రయాగో వేణుమాన్వేణీ న్యగ్రోధశ్చాఽక్షయో వటః ।
సుతీర్థస్తీర్థకారీ చ తీర్థరాజో వ్రతీ వతః ॥ ౧౦౫ ॥
వృత్తిదాతా పృథుః పుత్రో దోగ్ధా గౌర్వత్స ఏవ చ ।
క్షీరం క్షీరవహః క్షీరీ క్షీరభాగవిభాగవిత్ ॥ ౧౦౬ ॥
రాజ్యభాగవిదో భాగీ సర్వభాగవికల్పకః ।
వాహనో వాహకో వేగీ పాదచారీ తపశ్చరః ॥ ౧౦౭ ॥
గోపనో గోపకో గోపీ గోపకన్యావిహారకృత్ ।
వాసుదేవో విశాలాక్షః కృష్ణోగోపీజనప్రియః ॥ ౧౦౮ ॥
దేవకీనన్దనో నన్దీ నన్దగోపగృహాఽఽశ్రమీ ।
యశోదానన్దనో దామీ దామోదర ఉలూఖలీ ॥ ౧౦౯ ॥
పూతనారిః పదాకారీ లీలాశకటభఞ్జకః ।
నవనీతప్రియో వాగ్గ్మీ వత్సపాలకబాలకః ॥ ౧౧౦ ॥
వత్సరూపధరో వత్సీ వత్సహా ధేనుకాన్తకృత్ ।
బకారిర్వనవాసీ చ వనక్రీడావిశారదః ॥ ౧౧౧ ॥
కృష్ణవర్ణాకృతిః కాన్తో వేణువేత్రవిధారకః ।
గోపమోక్షకరో మోక్షో యమునాపులినేచరః ॥ ౧౧౨ ॥
మాయావత్సకరో మాయీ బ్రహ్మమాయాపమోహకః ।
ఆత్మసారవిహారజ్ఞో గోపదారకదారకః ॥ ౧౧౩ ॥
గోచారీ గోపతిర్గోపో గోవర్ధనధరో బలీ ।
ఇన్ద్రద్యుమ్నో మఖధ్వంసీ వృష్టిహా గోపరక్షకః ॥ ౧౧౪ ॥
సురభిత్రాణకర్తా చ దావపానకరః కలీ ।
కాలీయమర్దనః కాలీ యమునాహ్రదవిహారకః ॥ ౧౧౫ ॥
సఙ్కర్షణో బలశ్లాఘ్యో బలదేవో హలాయుధః ।
లాఙ్గలీ ముసలీ చక్రీ రామో రోహిణినన్దనః ॥ ౧౧౬ ॥
యమునాకర్షణోద్ధారో నీలవాసా హలో హలీ ।
రేవతీ రమణో లోలో బహుమానకరః పరః ॥ ౧౧౭ ॥
ధేనుకారిర్మహావీరో గోపకన్యావిదూషకః ।
కామమానహరః కామీ గోపీవాసోఽపతస్కరః ॥ ౧౧౮ ॥
వేణువాదీ చ నాదీ చ నృత్యగీతవిశారదః ।
గోపీమోహకరో గానీ రాసకో రజనీచరః ॥ ౧౧౯ ॥
దివ్యమాలీ విమాలీ చ వనమాలావిభూషితః ।
కైటభారిశ్చ కంసారిర్మధుహా మధుసూదనః ॥ ౧౨౦ ॥
చాణూరమర్దనో మల్లో ముష్టీ ముష్టికనాశకృత్ ।
మురహా మోదకా మోదీ మదఘ్నో నరకాన్తకృత్ ॥ ౧౨౧ ॥
విద్యాధ్యాయీ భూమిశాయీ సుదామా సుసఖా సుఖీ ।
సకలో వికలో వైద్యః కలితో వై కలానిధిః ॥ ౧౨౨ ॥
విద్యాశాలీ విశాలీ చ పితృమాతృవిమోక్షకః ।
రుక్మిణీరమణో రమ్యః కాలిన్దీపతిః శఙ్ఖహా ॥ ౧౨౩ ॥
పాఞ్చజన్యో మహాపద్మో బహునాయకనాయకః ।
ధున్ధుమారో నికుమ్భఘ్నః శమ్బరాన్తో రతిప్రియః ॥ ౧౨౪ ॥
ప్రద్యుమ్నశ్చానిరుద్ధశ్చ సాత్వతాం పతిరర్జునః ।
ఫాల్గునశ్చ గుడాకేశః సవ్యసాచీ ధనఞ్జయః ॥ ౧౨౫ ॥
కిరీటీ చ ధనుష్పాణిర్ధనుర్వేదవిశారదః ॥
శిఖణ్డీ సాత్యకిః శైబ్యో భీమో భీమపరాక్రమః ॥ ౧౨౬ ॥
పాఞ్చాలశ్చాభిమన్యుశ్చ సౌభద్రో ద్రౌపదీపతి ।
యుధిష్ఠిరో ధర్మరాజః సత్యవాదీ శుచివ్రతః ॥ ౧౨౭ ॥
నకులః సహదేవశ్చ కర్ణో దుర్యోధనో ఘృణీ ।
గాఙ్గేయోఽథగదాపాణిర్భీష్మో భాగీరథీసుతః ॥ ౧౨౮ ॥
ప్రజ్ఞాచక్షుర్ధృతరాష్ట్రో భారద్వాజోఽథగౌతమః ।
అశ్వత్థామా వికర్ణశ్చజహ్నుర్యుద్ధవిశారదః ॥ ౧౨౯ ॥
సీమన్తికో గదీ గాల్వో విశ్వామిత్రో దురాసదః ।
దుర్వాసా దుర్వినీతశ్చ మార్కణ్డేయో మహామునిః ॥ ౧౩౦ ॥
లోమశో నిర్మలోఽలోమీ దీర్ఘాయుశ్చ చిరోఽచిరీ ।
పునర్జీవీ మృతో భావీ భూతో భవ్యో భవిష్యకః ॥ ౧౩౧ ॥
త్రికాలోఽథ త్రిలిఙ్గశ్చ త్రినేత్రస్త్రిపదీపతిః ।
యాదవో యాజ్ఞవల్క్యశ్చ యదువంశవివర్ధనః ॥ ౧౩౨ ॥
శల్యక్రీడీ విక్రీడశ్చ యాదవాన్తకరః కలిః ।
సదయో హృదయో దాయో దాయదో దాయభాగ్దయీ ॥ ౧౩౩ ॥
మహోదధిర్మహీపృష్ఠో నీలపర్వతవాసకృత ।
ఏకవర్ణో వివర్ణశ్చ సర్వవర్ణబహిశ్చరః ॥ ౧౩౪ ॥
యజ్ఞనిన్దీ వేదనిన్దీ వేదబాహ్యో బలో బలిః ।
బౌద్ధారిర్బాధకో బాధో జగన్నాథో జగత్పతిః ॥ ౧౩౫ ॥
భక్తిర్భాగవతో భాగీ విభక్తో భగవత్ప్రియః ।
త్రిగ్రామోఽథ నవారణ్యో గుహ్యోపనిషదాసనః ॥ ౧౩౬ ॥
శాలిగ్రామః శిలాయుక్తో విశాలో గణ్డకాశ్రయః ।
శ్రుతదేవః శ్రుతః శ్రావీ శ్రుతబోధః శ్రుతశ్రవాః ॥ ౧౩౭ ॥
కల్కిః కాలకలః కల్కో దుష్టమ్లేచ్ఛవినాశ కృత్ ।
కుఙ్కుమీ ధవలో ధీరః క్షమాకరో వృషాకపిః ॥ ౧౩౮ ॥
కిఙ్కరః కిన్నరః కణ్వః కేకీ కిమ్పురుషాధిపః ।
ఏకరోమా విరోమా చ బహురోమా బృహత్కవిః ॥ ౧౩౯ ॥
వజ్రప్రహరణో వజ్రీ వృత్రఘ్నో వాసవానుజః ।
బహుతీర్థకరస్తీర్థః సర్వతీర్థజనేశ్వరః ॥ ౧౪౦ ॥
వ్యతీపాతోపరాగశ్చ దానవృద్ధికరః శుభః ।
అసఙ్ఖ్యేయోఽప్రమేయశ్చ సఙ్ఖ్యాకారో విసఙ్ఖ్యకః ॥ ౧౪౧ ॥
మిహికోత్తారకస్తారో బాలచన్ద్రః సుధాకరః ।
కిమ్వర్ణః కీదృశః కిఞ్చిత్కింస్వభావః కిమాశ్రయః ॥ ౧౪౨ ॥
నిర్లోకశ్చ నిరాకారీ బహ్వాకారైకకారకః ।
దౌహిత్రః పుత్రికః పౌత్రో నప్తా వంశధరో ధరః ॥ ౧౪౩ ॥
ద్రవీభూతో దయాలుశ్చ సర్వసిద్ధిప్రదో మణిః ॥ ౧౪౪ ॥
ఆధారోఽపి విధారశ్చ ధరాసూనుః సుమఙ్గలః ।
మఙ్గలో మఙ్గలాకారో మాఙ్గల్యః సర్వమఙ్గలః ॥ ౧౪౫ ॥
నామ్నాం సహస్రం నామేదం విష్ణోరతులతేజసః ।
సర్వసిద్ధికరం కామ్యం పుణ్యం హరిహరాత్మకమ్ ॥ ౧౪౬ ॥
యః పఠేత్ప్రాతరుత్థాయ శుచిర్భూత్వా సమాహితః ।
యశ్చేదం శృణుయాన్నిత్యం నరో నిశ్చలమానసః ॥ ౧౪౭ ॥
త్రిసన్ధ్యం శ్రద్ధయా యుక్తః సర్వపాపైః ప్రముచ్యతే ।
నన్దతే పుత్రపౌత్రైశ్చ దారైర్భృత్యైశ్చ పూజితః ॥ ౧౪౮ ॥
ప్రాప్నుతే విపులాం లక్ష్మీం ముచ్యతే సర్వసఙ్కటాత్ ।
సర్వాన్కామానవాప్నోతి లభతే విపులం యశః ॥ ౧౪౯ ॥
విద్యావాఞ్జాయతే విప్రః క్షత్రియో విజయీ భవేత్ ।
వైశ్యశ్చ ధనలాభాఢ్యః శూద్రః సుఖమవాప్నుయాత్ ॥ ౧౫౦ ॥
రణే ఘోరే వివాదే చ వ్యాపారే పారతన్త్రకే ।
విజయీ జయమాప్నోతి సర్వదా సర్వకర్మసు ॥ ౧౫౧ ॥
ఏకధా దశధా చైవ శతధా చ సహస్రధా ।
పఠతే హి నరో నిత్యం తథైవ ఫలమశ్నుతే ॥ ౧౫౨ ॥
పుత్రార్థీ ప్రాప్నుతే పుత్రాన్ధనార్థీ ధనమవ్యయమ్ ।
మోక్షార్థీ ప్రాప్నుతే మోక్షం ధర్మార్థీ ధర్మసఞ్చయమ్ ॥ ౧౫౩ ॥
కన్యార్థీ ప్రాప్నుతే కన్యాం దుర్లభాం యత్సురైరపి ।
జ్ఞానార్థీ జాయతే జ్ఞానీ యోగీ యోగేషు యుజ్యతే ॥ ౧౫౪ ॥
మహోత్పాతేషు ఘోరేషు దుర్భిక్షే రాజవిగ్రహే ।
మహామారీసముద్భూతే దారిద్ర్యే దుఃఖపీడితే ॥ ౧౫౫ ॥
అరణ్యే ప్రాన్తరే వాఽపి దావాగ్నిపరివారితే ।
సింహవ్యాఘ్రాభిభూతేఽపి వనే హస్తిసమాకులే ॥ ౧౫౬ ॥
రాజ్ఞా క్రుద్ధేన చాజ్ఞప్తే దస్యుభిః సహ సఙ్గమే ।
విద్యుత్పాతేషు ఘోరేషు స్మర్తవ్యం హి సదా నరైః ॥ ౧౫౭ ॥
గ్రహపీడాసు చోగ్రాసు వధబన్ధగతావపి ।
మహార్ణవే మహానద్యాం పోతస్థేషు న చాపదః ॥ ౧౫౮ ॥
రోగగ్రస్తో వివర్ణశ్చ గతకేశనఖత్వచః ।
పఠనాచ్ఛవణాద్వాపి దివ్యకాయా భవన్తి తే ॥ ౧౫౯ ॥
తులసీవనసంస్థానే సరోద్వీపే సురాలయే ।
బద్రికాశ్రమే శుభే దేశే గఙ్గాద్వారే తపోవనే ॥ ౧౬౦ ॥
మధువనే ప్రయాగే చ ద్వారకాయాం సమాహితః ।
మహాకాలవనే సిద్ధే నియతాః సర్వకామికాః ॥ ౧౬౧ ॥
యే పఠన్తి శతావర్తం భక్తిమన్తో జితేన్ద్రియాః ।
తే సిద్ధాః సిద్ధిదా లోకే విచరన్తి మహీతలే ॥ ౧౬౨ ॥
అన్యోన్యభేదభేదానాం మైత్రీకరణముత్తమమ్ ।
మోహనం మోహనానాం చ పవిత్రం పాపనాశనమ్ ॥ ౧౬౩ ॥
బాలగ్రహవినాశాయ శాన్తీకరణముత్తమమ్ ।
దుర్వృత్తానాం చ పాపానాం బుద్ధినాశకరం పరమ్ ॥ ౧౬౪ ॥
పతద్గర్భా చ వన్ధ్యా చ స్రావిణీ కాకవన్ధ్యకా ।
అనాయాసేన సతతం పుత్రమేవ ప్రసూయతే ॥ ౧౬౫ ॥
పయఃపుష్కలదా గావో బహుధాన్యఫలా కృషిః ।
స్వామిధర్మపరా భృత్యా నారీ పతివ్రతా భవేత్ ॥ ౧౬౬ ॥
అకాలమృత్యునాశాయ తథా దుఃస్వప్నదర్శనే ।
శాన్తికర్మణి సర్వత్ర స్మర్తవ్యం చ సదా నరైః ॥ ౧౬౭ ॥
యః పఠత్యన్వహం మర్త్యః శుచిష్మాన్విష్ణుసన్నిధౌ ।
ఏకాకీ చ జితాహారో జితక్రోధో జితేన్ద్రియః ॥ ౧౬౮ ॥
గరుడారోహసమ్పన్నః పీతవాసాశ్చతుర్భుజః ।
వాఞ్ఛితం ప్రాప్య లోకేఽస్మిన్విష్ణులోకే స గచ్ఛతి ॥ ౧౬౯ ॥
ఏకతః సకలా విద్యా ఏకతః సకలం తపః ।
ఏకతః సకలో ధర్మో నామ విష్ణోస్తథైకతః ॥ ౧౭౦ ॥
యో హి నామసహస్రేణ స్తోతుమిచ్ఛతి వై ద్విజః ।
సోఽయమేకేన శ్లోకేన స్తుత ఏవ న సంశయః ॥ ౧౭౧ ॥ ( var సోఽహమేకేన)
సహస్రాక్షః సహస్రపాత్సహస్రవదనోజ్జ్వలః ।
సహస్రనామానన్తాక్షః సహస్రబాహుర్నమోఽస్తు తే ॥ ౧౭౨ ॥
విష్ణోర్నామసహస్రం వై పురాణం వేదసమ్మతమ్ ।
పఠితవ్యం సదా భక్తైః సర్వమఙ్గలమఙ్గలమ్ ॥ ౧౭౩ ॥
ఇతి స్తవాభియుక్తానాం దేవానాం తత్ర వై ద్విజ ।
ప్రత్యక్షం ప్రాహ భగవాన్వరదో వరదార్చితః ॥ ౧౭౪ ॥
శ్రీభగవానువాచ –
వ్రియతాం భోః సురాః సర్వైర్వరోఽస్మత్తోభివాఞ్ఛితః ।
తత్సర్వం సమ్ప్రదాస్యామి నాఽత్ర కార్యా విచారణా ॥ ౧౭౫ ॥
ఇతి శ్రీస్కన్దమహాపురాణే ఆవన్త్యఖణ్డేఽవన్తీక్షేత్రమాహాత్మ్యే విష్ణుసహస్రనామోఽధ్యాయః ॥
– Chant Stotra in Other Languages –
1000 Names of Sri Vishnu » Sahasranama Stotram from Skandapurana in Sanskrit » English » Bengali » Gujarati » Kannada » Malayalam » Odia » Tamil