॥ Hanumath Bhujanga Stotram Kannada Lyrics ॥
॥ ಶ್ರೀ ಆಂಜನೇಯ ಭುಜಂಗ ಸ್ತೋತ್ರಂ ॥
ಪ್ರಪನ್ನಾನುರಾಗಂ ಪ್ರಭಾಕಾಂಚನಾಭಂ
ಜಗದ್ಭೀತಿಶೌರ್ಯಂ ತುಷಾರಾದ್ರಿಧೈರ್ಯಮ್ ।
ತೃಣೀಭೂತಹೇತಿಂ ರಣೋದ್ಯದ್ವಿಭೂತಿಂ
ಭಜೇ ವಾಯುಪುತ್ರಂ ಪವಿತ್ರಾಪ್ತಮಿತ್ರಮ್ ॥ 1 ॥
ಭಜೇ ಪಾವನಂ ಭಾವನಾನಿತ್ಯವಾಸಂ
ಭಜೇ ಬಾಲಭಾನು ಪ್ರಭಾಚಾರುಭಾಸಮ್ ।
ಭಜೇ ಚಂದ್ರಿಕಾಕುಂದ ಮಂದಾರಹಾಸಂ
ಭಜೇ ಸಂತತಂ ರಾಮಭೂಪಾಲ ದಾಸಮ್ ॥ 2 ॥
ಭಜೇ ಲಕ್ಷ್ಮಣಪ್ರಾಣರಕ್ಷಾತಿದಕ್ಷಂ
ಭಜೇ ತೋಷಿತಾನೇಕ ಗೀರ್ವಾಣಪಕ್ಷಮ್ ।
ಭಜೇ ಘೋರಸಂಗ್ರಾಮ ಸೀಮಾಹತಾಕ್ಷಂ
ಭಜೇ ರಾಮನಾಮಾತಿ ಸಂಪ್ರಾಪ್ತರಕ್ಷಮ್ ॥ 3 ॥
ಕೃತಾಭೀಲನಾದಂ ಕ್ಷಿತಿಕ್ಷಿಪ್ತಪಾದಂ
ಘನಕ್ರಾಂತ ಭೃಂಗಂ ಕಟಿಸ್ಥೋರು ಜಂಘಮ್ ।
ವಿಯದ್ವ್ಯಾಪ್ತಕೇಶಂ ಭುಜಾಶ್ಲೇಷಿತಾಶ್ಮಂ
ಜಯಶ್ರೀ ಸಮೇತಂ ಭಜೇ ರಾಮದೂತಮ್ ॥ 4 ॥
ಚಲದ್ವಾಲಘಾತಂ ಭ್ರಮಚ್ಚಕ್ರವಾಲಂ
ಕಠೋರಾಟ್ಟಹಾಸಂ ಪ್ರಭಿನ್ನಾಬ್ಜಜಾಂಡಮ್ ।
ಮಹಾಸಿಂಹನಾದಾ ದ್ವಿಶೀರ್ಣತ್ರಿಲೋಕಂ
ಭಜೇ ಚಾಂಜನೇಯಂ ಪ್ರಭುಂ ವಜ್ರಕಾಯಮ್ ॥ 5 ॥
ರಣೇ ಭೀಷಣೇ ಮೇಘನಾದೇ ಸನಾದೇ
ಸರೋಷೇ ಸಮಾರೋಪಿತೇ ಮಿತ್ರಮುಖ್ಯೇ ।
ಖಗಾನಾಂ ಘನಾನಾಂ ಸುರಾಣಾಂ ಚ ಮಾರ್ಗೇ
ನಟಂತಂ ವಹಂತಂ ಹನೂಮಂತ ಮೀಡೇ ॥ 6 ॥
ಕನದ್ರತ್ನ ಜಂಭಾರಿ ದಂಭೋಲಿಧಾರಂ
ಕನದ್ದಂತ ನಿರ್ಧೂತಕಾಲೋಗ್ರ ದಂತಮ್ ।
ಪದಾಘಾತಭೀತಾಬ್ಧಿ ಭೂತಾದಿವಾಸಂ
ರಣಕ್ಷೋಣಿದಕ್ಷಂ ಭಜೇ ಪಿಂಗಲಾಕ್ಷಮ್ ॥ 7 ॥
ಮಹಾಗರ್ಭಪೀಡಾಂ ಮಹೋತ್ಪಾತಪೀಡಾಂ
ಮಹಾರೋಗಪೀಡಾಂ ಮಹಾತೀವ್ರಪೀಡಾಮ್ ।
ಹರತ್ಯಾಶು ತೇ ಪಾದಪದ್ಮಾನುರಕ್ತೋ
ನಮಸ್ತೇ ಕಪಿಶ್ರೇಷ್ಠ ರಾಮಪ್ರಿಯೋಯಃ ॥ 8 ॥
ಸುಧಾಸಿಂಧುಮುಲ್ಲಂಘ್ಯ ನಾಥೋಗ್ರ ದೀಪ್ತಃ
ಸುಧಾಚೌಷದೀಸ್ತಾಃ ಪ್ರಗುಪ್ತಪ್ರಭಾವಮ್ ।
ಕ್ಷಣದ್ರೋಣಶೈಲಸ್ಯ ಸಾರೇಣ ಸೇತುಂ
ವಿನಾ ಭೂಃಸ್ವಯಂ ಕಸ್ಸಮರ್ಥಃ ಕಪೀಂದ್ರಃ ॥ 9 ॥
ನಿರಾತಂಕಮಾವಿಶ್ಯ ಲಂಕಾಂ ವಿಶಂಕೋ
ಭವಾನೇನ ಸೀತಾತಿಶೋಕಾಪಹಾರೀ ।
ಸಮುದ್ರಾಂತರಂಗಾದಿ ರೌದ್ರಂ ವಿನಿದ್ರಂ
ವಿಲಂಘ್ಯೋರು ಜಂಘಸ್ತುತಾಽಮರ್ತ್ಯಸಂಘಃ ॥ 10 ॥
ರಮಾನಾಥ ರಾಮಃ ಕ್ಷಮಾನಾಥ ರಾಮಃ
ಅಶೋಕೇನ ಶೋಕಂ ವಿಹಾಯ ಪ್ರಹರ್ಷಮ್ ।
ವನಾಂತರ್ಘನಂ ಜೀವನಂ ದಾನವಾನಾಂ
ವಿಪಾಟ್ಯ ಪ್ರಹರ್ಷಾತ್ ಹನೂಮತ್ ತ್ವಮೇವ ॥ 11 ॥
ಜರಾಭಾರತೋ ಭೂರಿಪೀಡಾಂ ಶರೀರೇ
ನಿರಾಧಾರಣಾರೂಢ ಗಾಢ ಪ್ರತಾಪೇ ।
ಭವತ್ಪಾದಭಕ್ತಿಂ ಭವದ್ಭಕ್ತಿರಕ್ತಿಂ
ಕುರು ಶ್ರೀಹನೂಮತ್ಪ್ರಭೋ ಮೇ ದಯಾಲೋ ॥ 12 ॥
ಮಹಾಯೋಗಿನೋ ಬ್ರಹ್ಮರುದ್ರಾದಯೋ ವಾ
ನ ಜಾನಂತಿ ತತ್ತ್ವಂ ನಿಜಂ ರಾಘವಸ್ಯ ।
ಕಥಂ ಜ್ಞಾಯತೇ ಮಾದೃಶೇ ನಿತ್ಯಮೇವ
ಪ್ರಸೀದ ಪ್ರಭೋ ವಾನರೇಂದ್ರೋ ನಮಸ್ತೇ ॥ 13 ॥
ನಮಸ್ತೇ ಮಹಾಸತ್ತ್ವವಾಹಾಯ ತುಭ್ಯಂ
ನಮಸ್ತೇ ಮಹಾವಜ್ರ ದೇಹಾಯ ತುಭ್ಯಮ್ ।
ನಮಸ್ತೇ ಪರೀಭೂತ ಸೂರ್ಯಾಯ ತುಭ್ಯಂ
ನಮಸ್ತೇ ಕೃತಮರ್ತ್ಯ ಕಾರ್ಯಾಯ ತುಭ್ಯಮ್ ॥ 14 ॥
ನಮಸ್ತೇ ಸದಾ ಬ್ರಹ್ಮಚರ್ಯಾಯ ತುಭ್ಯಂ
ನಮಸ್ತೇ ಸದಾ ವಾಯುಪುತ್ರಾಯ ತುಭ್ಯಮ್ ।
ನಮಸ್ತೇ ಸದಾ ಪಿಂಗಲಾಕ್ಷಾಯ ತುಭ್ಯಂ
ನಮಸ್ತೇ ಸದಾ ರಾಮಭಕ್ತಾಯ ತುಭ್ಯಮ್ ॥ 15 ॥
॥ ಫಲಶ್ರುತಿಃ ॥
ಹನುಮದ್ಭುಜಂಗಪ್ರಯಾತಂ ಪ್ರಭಾತೇ
ಪ್ರದೋಷೇಽಪಿ ವಾ ಚಾರ್ಧರಾತ್ರೇಽಪ್ಯಮರ್ತ್ಯಃ ।
ಪಠನ್ನಶ್ನತೋಽಪಿ ಪ್ರಮುಕ್ತಾಘಜಾಲಂ
ಸದಾ ಸರ್ವದಾ ರಾಮಭಕ್ತಿಂ ಪ್ರಿಯಾತಿ ॥ 16 ॥
– Chant Stotras in other Languages –
Sri Anjaneya Stotram » Hanumath Bhujanga Stotram Lyrics in Sanskrit » English » Bengali » Malayalam » Telugu » Tamil