॥ Radhashtakam 3 Telugu Lyrics ॥
రాధాష్టకమ్ ౩
నమస్తే శ్రియై రాధికాయై పరాయై
నమస్తే నమస్తే ముకున్దప్రియాయై ।
సదానన్దరూపే ప్రసీద త్వమన్తః-
ప్రకాశే స్ఫురన్తీ ముకున్దేన సార్ధమ్ ॥ ౧ ॥
స్వవాసోపహారం యశోదాసుతం వా
స్వదధ్యాదిచౌరం సమారాధయన్తీమ్ ।
స్వదామ్నోదరే యా బబన్ధాశు నీవ్యా
ప్రపద్యే ను దామోదరప్రేయసీం తామ్ ॥ ౨ ॥
దురారాధ్యమారాధ్య కృష్ణం వశే తం
మహాప్రేమపూరేణ రాధాభిధాభూః ।
స్వయం నామకీర్త్యా హరౌ ప్రేమ యచ్ఛత్
ప్రపన్నాయ మే కృష్ణరూపే సమక్షమ్ ॥ ౩ ॥
ముకున్దస్త్వయా ప్రేమడోరేణ బద్ధః
పతఙ్గో యథా త్వామనుభ్రామ్యమాణః ।
ఉపక్రీడయన్ హార్దమేవానుగచ్ఛన్
కృపావర్తతే కారయాతో మయీష్టిమ్ ॥ ౪ ॥
వ్రజన్తీం స్వవృన్దావనే నిత్యకాలం
ముకున్దేన సాకం విధాయాఙ్కమాలామ్ ।
సమామోక్ష్యమాణానుకమ్పాకటాక్షైః
శ్రియం చిన్తయే సచ్చిదానన్దరూపామ్ ॥ ౫ ॥
ముకున్దానురాగేణ రోమాఞ్చితాఙ్గై-
రహం వేప్యమానాం తనుస్వేదబిన్దుమ్ ।
మహాహార్దవృష్ట్యా కృపాపాఙ్గదృష్ట్యా
సమాలోకయన్తీం కదా మాం విచక్షే ॥ ౬ ॥
యద్ అఙ్కావలోకే మహాలాలసౌఘం
ముకున్దః కరోతి స్వయం ధ్యేయపాదః ।
పదం రాధికే తే సదా దర్శయాన్తర్-
హృదిస్థం నమన్తం కిరద్రోచిషం మామ్ ॥ ౭ ॥
సదా రాధికానామ జిహ్వాగ్రతః స్యాత్
సదా రాధికారూపమక్ష్యగ్ర ఆస్తామ్ ।
శ్రుతౌ రాధికాకీర్తిరన్తఃస్వభావే
గుణా రాధికాయాః శ్రియా ఏతద్ ఈహే ॥ ౮ ॥
ఇదం త్వష్టకం రాధికాయాః ప్రియాయాః
పఠేయుః సదైవం హి దామోదరస్య ।
సుతిష్ఠన్తి వృన్దావనే కృష్ణధామ్ని
సఖీమూర్తయో యుగ్మసేవానుకూలాః ॥ ౯ ॥
ఇతి శ్రీనిమ్బార్కాచార్యవిరచితమ్ రాధాష్టకం సమ్పూర్ణమ్ ।
– Chant Stotra in Other Languages –
Sri Radha Mantras » Radha Ashtakam 3 Lyrics in Sanskrit » English » Bengali » Gujarati » Kannada » Malayalam » Odia » Tamil