॥ Sri Chandrashekhara Bharati Ashtakam Telugu Lyrics ॥
శిష్యవృన్దసేవితం సమస్తదోషవర్జితం
భస్మమన్ద్రరాజితం పవిత్రదణ్డశోభితం ।
నమ్రలోకపూజితం సురాధిరాజభావితం
చన్ద్రశేఖరార్యరాజమాశ్రయామి ముక్తయే ॥ ౧ ॥
చన్ద్రచూడపూజనప్రసక్తచిత్తమానసం
సత్త్వబోధనాస్తహృద్యశిష్యవర్గసాధ్వసం ।
పూర్ణచన్ద్రబిమ్బకాన్తికాన్తవక్త్రసారసం
చన్ద్రశేఖరార్యరాజమాశ్రయామి ముక్తయే ॥ ౨ ॥
పాదపద్మనమ్రకామితార్థకల్పపాదపం
సత్ప్రసక్తిశుద్ధచిత్తభూమితాపసాధిపం ।
విస్మితాత్మహృత్తమిస్రవారణే దినాధిపం
చన్ద్రశేఖరార్యరాజమాశ్రయామి ముక్తయే ॥ ౩ ॥
ప్రాక్తనాతిభాగ్యరాశిలబ్ధశైవతేజసం
శఙ్కరార్యసామ్ప్రదాయబోధనైకమానసం ।
వేదశాస్త్రభాష్యతత్త్వవేదినం మహౌజసం
చన్ద్రశేఖరార్యరాజమాశ్రయామి ముక్తయే ॥ ౪ ॥
శృఙ్గశైలధర్మపీఠశోభమానమూర్తికం
శఙ్కరార్యశారదాపదార్చకం సుబోధకం ।
చక్రరాజపూజకం కిరీటచారుమస్తకం
చన్ద్రశేఖరార్యరాజమాశ్రయామి ముక్తయే ॥ ౫ ॥
రాజలక్ష్మలక్షితం సమగ్రరాజపూజితం
సర్వశాస్త్రపణ్డితం స్వధర్మరక్షణీరతం ।
అక్షమాల్యమన్దితం పయోధిజాకటాక్షితం
చన్ద్రశేఖరార్యరాజమాశ్రయామి ముక్తయే ॥ ౬ ॥
గద్యపద్యవాక్ష్రవాహదేవతార్యసన్నిభం
జ్ఞానవార్ధికౌస్తుభం సుకర్మనిష్ఠవల్లభం ।
దుష్టలోకదుర్లభం భవాబ్ధితారకం శుభం
చన్ద్రశేఖరార్యరాజమాశ్రయామి ముక్తయే ॥ ౭ ॥
ఖణ్డితాన్యదర్శనం సమర్థితాత్మదర్శనం
పాపతాపమర్దనం సుపక్షసర్వసాధనం ।
భూతజాతవారణం నివాసభూమిపావనం
చన్ద్రశేఖరార్యరాజమాశ్రయామి ముక్తయే ॥ ౮ ॥
ఇతి శ్రీచన్ద్రశేఖరభారత్యష్టకం సమ్పూర్ణమ్ ।
– Chant Stotra in Other Languages –
Sri Chandrashekhara Bharati Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil