॥ Sri Chandrashekhara Ashtakam Telugu Lyrics ॥
చన్ద్రశేఖర చన్ద్రశేఖర చన్ద్రశేఖర పాహి మామ్ ।
చన్ద్రశేఖర చన్ద్రశేఖర చన్ద్రశేఖర రక్ష మామ్ ॥ ౧ ॥
రత్నసానుశరాసనం రజతాదిశృఙ్గనికేతనం
సిఞ్జినీకృతపన్నగేశ్వరమచ్యుతాననసాయకమ్ ।
క్షిప్రదగ్ధపురత్రయం త్రిదివాలయైరభివన్దితం
చన్ద్రశేఖరమాశ్రయే మమ కిం కరిష్యతి వై యమః ॥ ౨ ॥
పఞ్చపాదపపుష్పగన్ధపదామ్బుజద్వయశోభితం
భాలలోచనజాతపావకదగ్ధమన్మథవిగ్రహమ్ ।
భస్మదిగ్ధకలేవరం భవనాశనం భవమవ్యయం
చన్ద్రశేఖరమాశ్రయే మమ కిం కరిష్యతి వై యమః ॥ ౩ ॥
మత్తవారణముఖ్యచర్మకృతోత్తరీయమనోహరం
పఙ్కజాసనపద్మలోచనపూజితాఙ్ఘ్రిసరోరుహమ్ ।
దేవసిన్ధుతరఙ్గసీకరసిక్తశుభ్రజటాధరం
చన్ద్రశేఖరమాశ్రయే మమ కిం కరిష్యతి వై యమః ॥ ౪ ॥
యక్షరాజసఖం భగాక్షహరం భుజఙ్గవిభూషణం
శైలరాజసుతాపరిష్కృతచారువామకలేవరమ్ ।
క్ష్వేడనీలగలం పరశ్వధధారిణం మృగధారిణం
చన్ద్రశేఖరమాశ్రయే మమ కిం కరిష్యతి వై యమః ॥ ౫ ॥
కుణ్డలీకృతకుణ్డలేశ్వరకుణ్డలం వృషవాహనం
నారదాదిమునీశ్వరస్తుతవైభవం భువనేశ్వరమ్ ।
అన్ధకాన్ధకామాశ్రితామరపాదపం శమనాన్తకం
చన్ద్రశేఖరమాశ్రయే మమ కిం కరిష్యతి వై యమః ॥ ౬ ॥
భేషజం భవరోగిణామఖిలాపదామపహారిణం
దక్షయజ్ఞవినాశనం త్రిగుణాత్మకం త్రివిలోచనమ్ ।
భుక్తిముక్తిఫలప్రదం సకలాఘసఙ్ఘనిబర్హణం
చన్ద్రశేఖరమాశ్రయే మమ కిం కరిష్యతి వై యమః ॥ ౭ ॥
భక్తవత్సలమర్చితం నిధిమక్షయం హరిదమ్బరం
సర్వభూతపతిం పరాత్పరమ్ప్రమేయమనుత్తమమ్ ।
సోమవారిదభూహుతాశనసోమపానిలఖాకృతిం
చన్ద్రశేఖరమాశ్రయే మమ కిం కరిష్యతి వై యమః ॥ ౮ ॥
విశ్వసృష్టివిధాయినం పునరేవ పాలనతత్పరం
సంహరన్తమపి ప్రపఞ్చమశేషలోకనివాసినమ్ ।
క్రీడయన్తమహర్నిశం గణనాథయూథసమన్వితం
చన్ద్రశేఖరమాశ్రయే మమ కిం కరిష్యతి వై యమః ॥ ౯ ॥
మృత్యుభీతమృకణ్డసూనుకృతస్తవం శివసన్నిధౌ
యత్ర కుత్ర చ యః పఠేన్న హి తస్య మృత్యుభయం భవేత్ ।
పూర్ణమాయురరోగితామఖిలార్థసమ్పదమాదరం
చన్ద్రశేఖర ఏవ తస్య దదాతి ముక్తిమయత్నతః ॥ ౧౦ ॥
॥ ఇతి శ్రీచన్ద్రశేఖరాష్టకం సమ్పూర్ణమ్ ॥
– Chant Stotra in Other Languages –
Lord Shiva Mantras » Sri Chandrashekhara Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil