॥ Sri Chandrashekhara Ashtakam Gujarati Lyrics ॥
ચન્દ્રશેખર ચન્દ્રશેખર ચન્દ્રશેખર પાહિ મામ્ ।
ચન્દ્રશેખર ચન્દ્રશેખર ચન્દ્રશેખર રક્ષ મામ્ ॥ ૧ ॥
રત્નસાનુશરાસનં રજતાદિશૃઙ્ગનિકેતનં
સિઞ્જિનીકૃતપન્નગેશ્વરમચ્યુતાનનસાયકમ્ ।
ક્ષિપ્રદગ્ધપુરત્રયં ત્રિદિવાલયૈરભિવન્દિતં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ ૨ ॥
પઞ્ચપાદપપુષ્પગન્ધપદામ્બુજદ્વયશોભિતં
ભાલલોચનજાતપાવકદગ્ધમન્મથવિગ્રહમ્ ।
ભસ્મદિગ્ધકલેવરં ભવનાશનં ભવમવ્યયં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ ૩ ॥
મત્તવારણમુખ્યચર્મકૃતોત્તરીયમનોહરં
પઙ્કજાસનપદ્મલોચનપૂજિતાઙ્ઘ્રિસરોરુહમ્ ।
દેવસિન્ધુતરઙ્ગસીકરસિક્તશુભ્રજટાધરં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ ૪ ॥
યક્ષરાજસખં ભગાક્ષહરં ભુજઙ્ગવિભૂષણં
શૈલરાજસુતાપરિષ્કૃતચારુવામકલેવરમ્ ।
ક્ષ્વેડનીલગલં પરશ્વધધારિણં મૃગધારિણં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ ૫ ॥
કુણ્ડલીકૃતકુણ્ડલેશ્વરકુણ્ડલં વૃષવાહનં
નારદાદિમુનીશ્વરસ્તુતવૈભવં ભુવનેશ્વરમ્ ।
અન્ધકાન્ધકામાશ્રિતામરપાદપં શમનાન્તકં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ ૬ ॥
ભેષજં ભવરોગિણામખિલાપદામપહારિણં
દક્ષયજ્ઞવિનાશનં ત્રિગુણાત્મકં ત્રિવિલોચનમ્ ।
ભુક્તિમુક્તિફલપ્રદં સકલાઘસઙ્ઘનિબર્હણં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ ૭ ॥
ભક્તવત્સલમર્ચિતં નિધિમક્ષયં હરિદમ્બરં
સર્વભૂતપતિં પરાત્પરમ્પ્રમેયમનુત્તમમ્ ।
સોમવારિદભૂહુતાશનસોમપાનિલખાકૃતિં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ ૮ ॥
વિશ્વસૃષ્ટિવિધાયિનં પુનરેવ પાલનતત્પરં
સંહરન્તમપિ પ્રપઞ્ચમશેષલોકનિવાસિનમ્ ।
ક્રીડયન્તમહર્નિશં ગણનાથયૂથસમન્વિતં
ચન્દ્રશેખરમાશ્રયે મમ કિં કરિષ્યતિ વૈ યમઃ ॥ ૯ ॥
મૃત્યુભીતમૃકણ્ડસૂનુકૃતસ્તવં શિવસન્નિધૌ
યત્ર કુત્ર ચ યઃ પઠેન્ન હિ તસ્ય મૃત્યુભયં ભવેત્ ।
પૂર્ણમાયુરરોગિતામખિલાર્થસમ્પદમાદરં
ચન્દ્રશેખર એવ તસ્ય દદાતિ મુક્તિમયત્નતઃ ॥ ૧૦ ॥
॥ ઇતિ શ્રીચન્દ્રશેખરાષ્ટકં સમ્પૂર્ણમ્ ॥
– Chant Stotra in Other Languages –
Lord Shiva Mantras » Sri Chandrashekhara Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil