॥ Champakapuri Srinivasa Ashtakam Gujarati Lyrics ॥
શૌભ્ર-રાજ રાજ-રાજ કઞ્જયોનિ-વન્દિતં
નિત્ય-ભક્ત-પૂજિતં સુધન્વ-પૂજકાઞ્ચિતમ્ ।
કઞ્જ-ચક્ર-કૌસ્તુભાસિ-રાજિતં ગદાધરં
ચમ્પકાપુરી-નિવાસ-માનિવાસમાશ્રયે ॥ ૧ ॥
પન્નગારિ-યાયિનં સુપન્નગેશ-શાયિનં
પઙ્કજારિ-પઙ્કજેષ્ટ-લોચનં ચતુર્ભુજમ્ ।
પઙ્કજાત-શોષકં વિપઙ્કજાત-પોષકં
ચમ્પકાપુરી-નિવાસ-માનિવાસમાશ્રયે ॥ ૨ ॥
સર્વલોક-નાયકં સુવાઞ્છિતાર્થ-દાયકં
શર્વચાપ-ભઞ્જકં સગર્વ-રાવણાન્તકમ્ ।
પીત-ચેલ-ધારકં કુચેલ-રિક્ત-દાયકં
ચમ્પકાપુરી-નિવાસ-માનિવાસમાશ્રયે ॥ ૩ ॥
નારદાદિ-વન્દિતં નૄનાર-શૈલ-ભઞ્જિતં
નાર-સદ્મ-વાસ-જાત-નાર-પૂર્વકાયનમ્ ।
નાર-તલ્લજાલયં કુનારકાન્તકાલયં
ચમ્પકાપુરી-નિવાસ-માનિવાસમાશ્રયે ॥ ૪ ॥
કાલ-મેઘ-વર્ણકં પ્રકામ-મુક્તિ-દાયકં
કાલ-કાલ-કારકં કુકાલ-પાશ-દૂરકમ્ ।
રત્ન-વર્મ-રાજ-વર્ષ્મ-ભાનુ-વૃન્દ-ભાસ્કરં
ચમ્પકાપુરી-નિવાસ-માનિવાસમાશ્રયે ॥ ૫ ॥
દક્ષ-શિક્ષક-ચ્છિદં કુહાટકાક્ષ-સમ્ભિદં
યક્ષ-ગીત-સેવિતં સુરક્ષણૈક-દીક્ષિતમ્ ।
અક્ષ-જાત-મારકં કટાક્ષ-દૃષ્ટિ-તારકં
ચમ્પકાપુરી-નિવાસ-માનિવાસમાશ્રયે ॥ ૬ ॥
સ્વર્ણ-સૂત્ર-ગુમ્ફિતોરુ-સાલિકાશ્મ-માલિકં
રત્ન-રત્ન-રઞ્જિતં ગદાઞ્ચિતં કૃપાકરમ્ ।
પ્રજ્વલત્કિરીટિનં પ્રવિસ્ફુરત્-ત્રિપુણ્ડ્રકં
ચમ્પકાપુરી-નિવાસ-માનિવાસમાશ્રયે ॥ ૭ ॥
વક્ત્ર-કાન્તિ-વઞ્ચિતોરુ-શારદેન્દુમણ્ડલં
કુન્દ-દન્ત-મિન્દિરેશમક્ષરં નિરામયમ્ ।
મન્દહાસ-શુભ્રિતાશ-કિઙ્કિણી-લસત્-કટં
ચમ્પકાપુરી-નિવાસ-માનિવાસમાશ્રયે ॥ ૮ ॥
શ્રીનિવાસમષ્ટકમ્ ભવાબ્ધિ-શોક-શોષકં
સર્વપાપ-નાશકં સુપુત્ર-પૌત્ર-દાયકમ્ ।
યે પઠન્તિ ભક્તિતઃ પ્રયાન્તિ તે તુ સર્વદા
ચમ્પકાપુરી-નિવાસ-માનિવાસ-સન્નિધિમ્ ॥
ઇતિ શ્રી કમ્ભમ્-ચોક્કણ્ણ-વિરચિતં
ચમ્પકાપુરી-શ્રીનિવાસાષ્ટકમ્ સમ્પૂર્ણમ્ ।
– Chant Stotra in Other Languages –
Champakapuri Srinivasa Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil