॥ Sri Vrindavana Ashtakam Malayalam Lyrics ॥
॥ ശ്രീവൃന്ദാവനാഷ്ടകം॥
മുകുന്ദമുരലീരവശ്രവണഫുല്ലഹൃദ്വല്ലരീ
കദംബകകരംബിതപ്രതികദംബകുഞ്ജാന്തരാ ।
കലിന്ദഗിരിനന്ദിനീകമലകന്ദലാന്ദോലിനാ
സുഗന്ധിരനിലേന മേ ശരണമസ്തു വൃന്ദാടവീ ॥ 1 ॥
വികുണ്ഠപുരസംശ്രയാദ് വിപിനതോഽപി നിഃശ്രേയസാത്
സഹസ്രഗുണിതാം ശ്രിയം പ്രദുഹതീ രസശ്രേയസീം ।
ചതുര്‍മുഖമുഖൈരപി സ്പൃഹിതതാര്‍ണദേഹോദ്ഭവാ
ജഗദ്ഗുരുഭിരഗ്രിമൈഃ ശരണമസ്തു വൃന്ദാടവീ ॥ 2 ॥
അനാരതവികസ്വരവ്രതതിപുഞ്ജപുഷ്പാവലീ
വിസാരിവരസൌരഭോദ്ഗമരമാചമത്കാരിണീ ।
അമന്ദമകരന്ദഭൃദ്വിടപിവൃന്ദവൃന്ദീകൃത
ദ്വിരേഫകുലവന്ദിതാ ശരണമസ്തു വൃന്ദാടവീ ॥ 3 ॥
ക്ഷണദ്യുതിഘനശ്രിയോവ്രജനവീനയൂനോഃ പദൈഃ
സുവഗ്ലുഭിരലങ്കൃതാ ലലിതലക്ഷ്മലക്ഷ്മീഭരൈഃ ।
തയോര്‍നഖരമണ്ഡലീശിഖരകേലിചര്യോചിതൈ-
ര്‍വൃതാ കിശലയാങ്കുരൈഃ ശരണമസ്തു വൃന്ദാടവീ ॥ 4 ॥
വ്രജേന്ദ്രസഖനന്ദിനീശുഭതരാധികാരക്രിയാ
പ്രഭാവജസുഖോത്സവസ്ഫുരിതജങ്ഗമസ്ഥാവരാ ।
പ്രലംബദമനാനുജധ്വനിതവംശികാകാകലീ
രസജ്ഞമൃഗമണ്ഡലാ ശരണമസ്തു വൃന്ദാടവീ ॥ 5 ॥
അമന്ദമുദിരാര്‍ബുദാഭ്യധികമാധുരീമേദുര
വ്രജേന്ദ്രസുതവീക്ഷണോന്നട്ണ്‍തനീലകണ്ഠോത്കരാ ।
ദിനേശസുഹൃദാത്മജാകൃതനിജാഭിമാനോല്ലസല്‍-
ലതാഖഗമൃഗാങ്ഗനാ ശരണമസ്തു വൃന്ദാടവീ ॥ 6 ॥
അഗണ്യഗുണനാഗരീഗണഗരിഷ്ഠഗാന്ധര്‍വികാ
മനോജരണചാതുരീപിശുനകുഞ്ജപുഞ്ജോജ്ജ്വലാ ।
ജഗത്ത്രയകലാഗുരോര്ലലിതലാസ്യവല്‍ഗത്പദ
പ്രയോഗവിധിസാക്ഷിണീ ശരണമസ്തു വൃന്ദാടവീ ॥ 7 ॥
വരിഷ്ഠഹരിദാസതാപദസമൃദ്ധഗോവര്‍ധനാ
മധൂദ്വഹവധൂചമത്കൃതിനിവാസരാസസ്ഥലാ ।
അഗൂഢഗഹനശ്രിയോ മധുരിമവ്രജേനോജ്ജ്വലാ
വ്രജസ്യ സഹജേന മേ ശരണമസ്തു വൃന്ദാടവീ ॥ 8 ॥
ഇദം നിഖിലനിഷ്കുടാവലിവരിഷ്ഠവൃന്ദാടവീ
ഗുണസ്മരണകാരി യഃ പഠതി സുഷ്ഠു പദ്യാഷ്ടകം ।
വസന്‍ വ്യസനമുക്തധീരനിശമത്ര സദ്വാസനഃ
സ പീതവസനേ വശീ രതിമവാപ്യ വിക്രീഡതി ॥ 9 ॥
ഇതി ശ്രീരൂപഗോസ്വാമിവിരചിതസ്തവമാലായാം ശ്രീവൃന്ദാവനാഷ്ടകം സമ്പൂര്‍ണം ।
– Chant Stotra in Other Languages –
Sri Vrindavana Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil