॥ Sri Vrindavana Ashtakam Kannada Lyrics ॥
॥ ಶ್ರೀವೃನ್ದಾವನಾಷ್ಟಕಮ್॥
ಮುಕುನ್ದಮುರಲೀರವಶ್ರವಣಫುಲ್ಲಹೃದ್ವಲ್ಲರೀ
ಕದಮ್ಬಕಕರಮ್ಬಿತಪ್ರತಿಕದಮ್ಬಕುಂಜಾನ್ತರಾ ।
ಕಲಿನ್ದಗಿರಿನನ್ದಿನೀಕಮಲಕನ್ದಲಾನ್ದೋಲಿನಾ
ಸುಗನ್ಧಿರನಿಲೇನ ಮೇ ಶರಣಮಸ್ತು ವೃನ್ದಾಟವೀ ॥ 1 ॥
ವಿಕುಂಠಪುರಸಂಶ್ರಯಾದ್ ವಿಪಿನತೋಽಪಿ ನಿಃಶ್ರೇಯಸಾತ್
ಸಹಸ್ರಗುಣಿತಾಂ ಶ್ರಿಯಂ ಪ್ರದುಹತೀ ರಸಶ್ರೇಯಸೀಮ್ ।
ಚತುರ್ಮುಖಮುಖೈರಪಿ ಸ್ಪೃಹಿತತಾರ್ಣದೇಹೋದ್ಭವಾ
ಜಗದ್ಗುರುಭಿರಗ್ರಿಮೈಃ ಶರಣಮಸ್ತು ವೃನ್ದಾಟವೀ ॥ 2 ॥
ಅನಾರತವಿಕಸ್ವರವ್ರತತಿಪುಂಜಪುಷ್ಪಾವಲೀ
ವಿಸಾರಿವರಸೌರಭೋದ್ಗಮರಮಾಚಮತ್ಕಾರಿಣೀ ।
ಅಮನ್ದಮಕರನ್ದಭೃದ್ವಿಟಪಿವೃನ್ದವೃನ್ದೀಕೃತ
ದ್ವಿರೇಫಕುಲವನ್ದಿತಾ ಶರಣಮಸ್ತು ವೃನ್ದಾಟವೀ ॥ 3 ॥
ಕ್ಷಣದ್ಯುತಿಘನಶ್ರಿಯೋವ್ರಜನವೀನಯೂನೋಃ ಪದೈಃ
ಸುವಗ್ಲುಭಿರಲಂಕೃತಾ ಲಲಿತಲಕ್ಷ್ಮಲಕ್ಷ್ಮೀಭರೈಃ ।
ತಯೋರ್ನಖರಮಂಡಲೀಶಿಖರಕೇಲಿಚರ್ಯೋಚಿತೈ-
ರ್ವೃತಾ ಕಿಶಲಯಾಂಕುರೈಃ ಶರಣಮಸ್ತು ವೃನ್ದಾಟವೀ ॥ 4 ॥
ವ್ರಜೇನ್ದ್ರಸಖನನ್ದಿನೀಶುಭತರಾಧಿಕಾರಕ್ರಿಯಾ
ಪ್ರಭಾವಜಸುಖೋತ್ಸವಸ್ಫುರಿತಜಂಗಮಸ್ಥಾವರಾ ।
ಪ್ರಲಮ್ಬದಮನಾನುಜಧ್ವನಿತವಂಶಿಕಾಕಾಕಲೀ
ರಸಜ್ಞಮೃಗಮಂಡಲಾ ಶರಣಮಸ್ತು ವೃನ್ದಾಟವೀ ॥ 5 ॥
ಅಮನ್ದಮುದಿರಾರ್ಬುದಾಭ್ಯಧಿಕಮಾಧುರೀಮೇದುರ
ವ್ರಜೇನ್ದ್ರಸುತವೀಕ್ಷಣೋನ್ನಟ್ಣ್ತನೀಲಕಂಠೋತ್ಕರಾ ।
ದಿನೇಶಸುಹೃದಾತ್ಮಜಾಕೃತನಿಜಾಭಿಮಾನೋಲ್ಲಸಲ್-
ಲತಾಖಗಮೃಗಾಂಗನಾ ಶರಣಮಸ್ತು ವೃನ್ದಾಟವೀ ॥ 6 ॥
ಅಗಣ್ಯಗುಣನಾಗರೀಗಣಗರಿಷ್ಠಗಾನ್ಧರ್ವಿಕಾ
ಮನೋಜರಣಚಾತುರೀಪಿಶುನಕುಂಜಪುಂಜೋಜ್ಜ್ವಲಾ ।
ಜಗತ್ತ್ರಯಕಲಾಗುರೋರ್ಲಲಿತಲಾಸ್ಯವಲ್ಗತ್ಪದ
ಪ್ರಯೋಗವಿಧಿಸಾಕ್ಷಿಣೀ ಶರಣಮಸ್ತು ವೃನ್ದಾಟವೀ ॥ 7 ॥
ವರಿಷ್ಠಹರಿದಾಸತಾಪದಸಮೃದ್ಧಗೋವರ್ಧನಾ
ಮಧೂದ್ವಹವಧೂಚಮತ್ಕೃತಿನಿವಾಸರಾಸಸ್ಥಲಾ ।
ಅಗೂಢಗಹನಶ್ರಿಯೋ ಮಧುರಿಮವ್ರಜೇನೋಜ್ಜ್ವಲಾ
ವ್ರಜಸ್ಯ ಸಹಜೇನ ಮೇ ಶರಣಮಸ್ತು ವೃನ್ದಾಟವೀ ॥ 8 ॥
ಇದಂ ನಿಖಿಲನಿಷ್ಕುಟಾವಲಿವರಿಷ್ಠವೃನ್ದಾಟವೀ
ಗುಣಸ್ಮರಣಕಾರಿ ಯಃ ಪಠತಿ ಸುಷ್ಠು ಪದ್ಯಾಷ್ಟಕಮ್ ।
ವಸನ್ ವ್ಯಸನಮುಕ್ತಧೀರನಿಶಮತ್ರ ಸದ್ವಾಸನಃ
ಸ ಪೀತವಸನೇ ವಶೀ ರತಿಮವಾಪ್ಯ ವಿಕ್ರೀಡತಿ ॥ 9 ॥
ಇತಿ ಶ್ರೀರೂಪಗೋಸ್ವಾಮಿವಿರಚಿತಸ್ತವಮಾಲಾಯಾಂ ಶ್ರೀವೃನ್ದಾವನಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Vrindavana Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil