॥ Sri Venkatesha Mangala Ashtakam 2 Malayalam Lyrics ॥
॥ ശ്രീവേങ്കടേശമങ്ഗലാഷ്ടകം 2 ॥
ജംബൂദ്വീപഗശേഷശൈലഭുവനഃ ശ്രീജാനിരാദ്യാത്മജഃ
താര്‍ക്ഷ്യാഹീശമുഖാസനസ്ത്രിഭുവനസ്ഥാശേഷലോകപ്രിയഃ
ശ്രീമത്സ്വാമിസരഃസുവര്‍ണമുഖരീസംവേഷ്ടിതഃ സര്‍വദാ
ശ്രീമദ്വേങ്കടഭൂപതിര്‍മമ സുഖം ദദ്യാത് സദാ മങ്ഗലം ॥ 1 ॥
സന്തപ്താമലജാതരൂപരചിതാഗാരേ നിവിഷ്ടഃ സദാ
സ്വര്‍ഗദ്വാരകവാടതോരണയുതഃ പ്രാകാരസപ്താന്വിതഃ ।
ഭാസ്വത്കാഞ്ചനതുങ്ഗചാരുഗരുഡസ്തംഭേ പതത്പ്രാണിനാം
സ്വപ്രേ വക്തി ഹിതാഹിതം സുകരുണോ ദദ്യാത് സദാ മങ്ഗലം ॥ 2 ॥
അത്യുച്ചാദ്രിവിചിത്രഗോപുരഗണൈഃ പൂര്‍ണൈഃ സുവര്‍ണാചലൈഃ
വിസ്തീര്‍ണാമലമണ്ടപായുതയുതൈര്‍നാനാവനൈര്‍നിര്‍ഭയൈഃ ।
പഞ്ചാസ്യേഭവരാഹഖഡ്ഗമൃഗശാര്‍ദൂലാദിഭിഃ ശ്രീപതിഃ
നിത്യം വേദപരായണസുകൃതിനാം ദദ്യാത് സദാ മങ്ഗലം ॥ 3 ॥
ഭേരീമങ്ഗലതുര്യഗോമുഖമൃദങ്ഗാദിസ്വനൈഃ ശോഭിതേ
തന്ത്രീവേണുസുഘോഷശൃങ്ഗകലഹൈഃ ശബ്ദൈശ്ച ദിവ്യൈര്‍നിജൈഃ ।
ഗന്ധര്‍വാപ്സരകിന്നരോരഗനൃഭിര്‍നൃത്യദ്ഭിരാസേവ്യതേ
നാനാവാഹനഗഃ സമസ്തഫലദോ ദദ്യാത് സദാ മങ്ഗലം ॥ 4 ॥
യഃ ശ്രീഭാര്‍ഗവവാസരേ നിയമതഃ കസ്തൂരികാരേണുഭിഃ
ശ്രീമത്കുങ്കുമകേസരാമലയുതഃ കര്‍പൂരമുഖ്യൈര്‍ജലൈഃ ।
സ്നാതഃ പുണ്യസുകഞ്ചുകേന വിലസത്കാഞ്ചീകിരീടാദിഭിഃ
നാനാഭൂഷണപൂഗശോഭിതതനുര്‍ദദ്യാത് സദാ മങ്ഗലം ॥ 5 ॥
തീര്‍ഥം പാണ്ഡവനാമകം ശുഭകരം ത്വാകാശഗങ്ഗാ പരാ
ഇത്യാദീനി സുപുണ്യരാശിജനകാന്യായോജനൈഃ സര്‍വദാ ।
തീര്‍ഥം തുംബുരുനാമകം ത്വഘഹരം ധാരാ കുമാരാഭിധാ
നിത്യാനന്ദനിധിര്‍മഹീധരവരോ ദദ്യാത് സദാ മങ്ഗലം ॥ 6 ॥
ആര്‍താനാമതിദുസ്തരാമയഗണൈര്‍ജന്‍മാന്തരാഘൈരപി
സങ്കല്‍പാത് പരിശോധ്യ രക്ഷതി നിജസ്ഥാനം സദാ ഗച്ഛതാം ।
മാര്‍ഗേ നിര്‍ഭയതഃ സ്വനാമഗൃണതോ ഗീതാദിഭിഃ സര്‍വദാ
നിത്യം ശാസ്ത്രപരായണൈഃ സുകൃതിനാം ദദ്യാത് സദാ മങ്ഗലം ॥ 7 ॥
നിത്യം ബ്രാഹ്മണപുണ്യവര്യവനിതാപൂജാസമാരാധനൈരത്നൈഃ
പായസഭക്ഷ്യഭോജ്യസുഘൃതക്ഷീരാദിഭിഃ സര്‍വദാ ।
നിത്യം ദാനതപഃപുരാണപഠനൈരാരാധിതേ വേങ്കടക്ഷേത്രേ
നന്ദസുപൂര്‍ണചിത്രമഹിമാ ദദ്യാത് സദാ മങ്ഗലം ॥ 8 ॥
ഇത്യേതദ്വരമങ്ഗലാഷ്ടകമിദം ശ്രീവാദിരാജേശ്വരൈ-
രാഖ്യാതം ജഗതാമഭീഷ്ടഫലദം സര്‍വാശുഭധ്വംസനം ।
മാങ്ഗല്യം സകലാര്‍ഥദം ശുഭകരം വൈവാഹികാദിസ്ഥലേ
തേഷാം മങ്ഗലശംസതാം സുമനസാം ദദ്യാത് സദാ മങ്ഗലം ॥ 9 ॥
॥ ഇതി ശ്രീവാദിരാജതീര്‍ഥശ്രീചരണകൃതം ശ്രീവേങ്കടേശമങ്ഗലാഷ്ടകം ॥
– Chant Stotra in Other Languages –
Sri Vishnu Slokam » Venkatesha Mangalashtakam 2 Lyrics in Sanskrit » English » Bengali » Gujarati » Kannada » Odia » Telugu » Tamil