॥ Sri Venkatesha Ashtakam Odia Lyrics ॥
॥ ଶ୍ରୀଵେଙ୍କଟେଶାଷ୍ଟକମ୍ ॥
ଶ୍ରୀଵେଙ୍କଟେଶପଦପଙ୍କଜ ଧୂଲିପଙ୍କ୍ତିଃ
ସଂସାରସିନ୍ଧୁତରଣେ ତରଣିର୍ନଵୀନା ।
ସର୍ଵାଘପୁଞ୍ଜହରଣାୟଚ ଧୂମକେତୁଃ
ପାୟାଦନନ୍ୟଶରଣଂ ସ୍ଵୟମେଵ ଲୋକମ୍ ॥ ୧ ॥
ଶେଷାଦ୍ରିଗେହତଵ କୀର୍ତିତରଙ୍ଗପୁଞ୍ଜ
ଆଭୂମିନାକମଭିତଃସକଲାନ୍ପୁନାନଃ ।
ମତ୍କର୍ଣୟୁଗ୍ମଵିଵରେପରିଗମ୍ୟ ସମ୍ୟକ୍
କୁର୍ୟାଦଶେଷମନିଶଙ୍ଖଲୁ ତାପଭଙ୍ଗମ୍ ॥ ୨ ॥
ଵୈକୁଣ୍ଠରାଜସକଲୋଽପି ଧନେଶଵର୍ଗୋ
ନୀତୋଽପମାନସରଣିଂତ୍ଵୟି ଵିଶ୍ଵସିତ୍ରା ।
ତସ୍ମାଦୟଂନ ସମୟଃ ପରିହାସଵାଚାମ୍
ଇଷ୍ଟଂପ୍ରପୂର୍ୟ କୁରୁ ମାଂ କୃତକୃତ୍ୟସଙ୍ଘମ୍ ॥ ୩ ॥
ଶ୍ରୀମନ୍ନାରାସ୍ତୁକତିଚିଦ୍ଧନିକାଂଶ୍ଚ କେଚିତ୍
କ୍ଷୋଣୀପତୀନ୍କତିଚିଦତ୍ରଚ ରାଜଲୋକାନ୍ ।
ଆରାଧୟନ୍ତୁମଲଶୂନ୍ୟମହଂ ଭଵନ୍ତଂ
କଲ୍ୟାଣଲାଭଜନନାୟସମର୍ଥମେକମ୍ ॥ ୪ ॥
ଲକ୍ଷ୍ମୀପତିତ୍ଵମଖିଲେଶତଵ ପ୍ରସିଦ୍ଧମତ୍ର
ପ୍ରସିଦ୍ଧମଵନୌମଦକିଞ୍ଚନତ୍ଵମ୍ ।
ତସ୍ୟୋପୟୋଗକରଣାୟମୟା ତ୍ଵୟା ଚ କାର୍ୟଃ
ସମାଗମୈଦଂ ମନସି ସ୍ଥିତଂ ମେ ॥ ୫ ॥
ଶେଷାଦ୍ରିନାଥଭଵତାଽୟମହଂ ସନାଥଃ
ସତ୍ୟଂଵଦାମି ଭଗଵଂସ୍ତ୍ଵମନାଥ ଏଵ ।
ତସ୍ମାତ୍କୁରୁଷ୍ଵମଦଭୀପ୍ସିତ କୃତ୍ୟଜାଲମ୍-
ଏଵତ୍ଵଦୀପ୍ସିତ କୃତୌ ତୁ ଭଵାନ୍ସମର୍ଥଃ ॥ ୬ ॥
କ୍ରୁଦ୍ଧୋୟଦା ଭଵସି ତତ୍କ୍ଷଣମେଵ ଭୂପୋ
ରଙ୍କାୟତେତ୍ଵମସି ଚେତ୍ଖଲୁ ତୋଷୟୁକ୍ତଃ ।
ଭୂପାୟତେଽଥନିଖିଲଶ୍ରୁତିଵେଦ୍ୟ ରଙ୍କ
ଇଚ୍ଛାମ୍ୟତସ୍ତଵଦୟାଜଲଵୃଷ୍ଟିପାତମ୍ ॥ ୭ ॥
ଅଙ୍ଗୀକୃତଂସୁଵିରୁଦଂ ଭଗଵଂସ୍ତ୍ଵୟେତି
ମଦ୍ଭକ୍ତପୋଷଣମହଂସତତଂ କରୋମି ।
ଆଵିଷ୍କୁରୁସ୍ଵମୟି ସତ୍ସତତଂ ପ୍ରଦୀନେ
ଚିନ୍ତାପ୍ରହାରମୟମେଵହିୟୋଗ୍ୟକାଲଃ ॥ ୮ ॥
ସର୍ଵାସୁଜାତିଷୁ ମୟାତୁ ସମତ୍ଵମେଵ
ନିଶ୍ଚୀୟତେତଵ ଵିଭୋ କରୁଣାପ୍ରଵାହାତ୍ ।
ପ୍ରହ୍ଲାଦପାଣ୍ଡୁସୁତବଲ୍ଲଵ ଗୃଘ୍ରକାଦୌ
ନୀଚୋନ ଭାତି ମମ କୋଽପ୍ୟତ ଏଵ ହେତୋଃ ॥ ୯ ॥
ସମ୍ଭାଵିତାସ୍ତୁପରିଭୂତିମଥ ପ୍ରୟାନ୍ତି
ଧୂର୍ତାଜପଂ ହି କପଟୈକପରା ଜଗତ୍ୟାମ୍ ।
ପ୍ରାପ୍ତେତୁ ଵେଙ୍କଟଵିଭୋ ପରିଣାମକାଲେ
ସ୍ୟାଦ୍ଵୈପରୀତ୍ୟମିଵକୌରଵପାଣ୍ଡଵାନାମ୍ ॥ ୧୦ ॥
ଶ୍ରୀଵେଙ୍କଟେଶତଵ ପାଦସରୋଜୟୁଗ୍ମେ
ସଂସାରଦୁଃଖଶମନାୟ ସମର୍ପୟାମି ।
ଭାସ୍ଵତ୍ସଦଷ୍ଟକମିଦଂ ରଚିତଂ
ପ୍ରଭାକରୋଽହମନିଶଂଵିନୟେନ ୟୁକ୍ତଃ ॥ ୧୧ ॥
ଶ୍ରୀଶାଲିଵାହନଶକେଶରକାଷ୍ଟଭୂମି (୧୮୧୫)
ସଙ୍ଖ୍ୟାମିତେଽଥଵିଜୟାଭିଧଵତ୍ସରେଽୟମ୍ ।
ଶ୍ରୀକେଶଵାତ୍ମଜୈଦଂ ଵ୍ୟତନୋତ୍ସମଲ୍ପଂ
ସ୍ତୋତ୍ରମ୍ପ୍ରଭାକର ଇତି ପ୍ରଥିତାଭିଧାନା ॥ ୧୨ ॥
ଇତିଗାର୍ଗ୍ୟକୁଲୋତ୍ପନ୍ନ ୟଶୋଦାଗର୍ଭଜ-କେଶଵାତ୍ମଜ-ପ୍ରଭାକର-କୃତିଷୁ
ଶ୍ରୀଵେଙ୍କଟେଶାଷ୍ଟକଂ ସ୍ତୋତ୍ରଂ ସମାପ୍ତମ୍ ॥
ଶ୍ରୀକୃଷ୍ଣଦାସ ତନୁଜସ୍ୟ ମୟା ତୁ
ଗଙ୍ଗାଵିଷ୍ଣୋରକାରିକିଲ ସୂଚନୟାଷ୍ଟକଂ ୟତ୍ ।
ତଦ୍ଵେଙ୍କଟେଶମନସୋ ମୁଦମାତନୋତୁ
ତଦ୍ଭକ୍ତଲୋକନିଵହାନନ ପଙ୍କ୍ତିଗଂ ସତ୍ ॥
ପିତ୍ରୋର୍ଗୁରୋଶ୍ଚାପ୍ୟପରାଧକାରିଣୋ
ଭ୍ରାତୁସ୍ତଥାଽନ୍ୟାୟକୃତଶ୍ଚଦୁର୍ଗତଃ ।
ତେଷୁତ୍ଵୟାଽଥାପି କୃପା ଵିଧୀୟତାଂ
ସୌହାର୍ଦଵଶ୍ୟେନମୟା ତୁ ୟାଚ୍ୟତେ ॥
– Chant Stotra in Other Languages –
Sri Vishnu Slokam » Sri Venkatesha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil