॥ Sri Venkatesha Ashtakam 2 Gujarati Lyrics ॥
॥ શ્રીવેઙ્કટેશાષ્ટકમ્ ૨ ॥
ૐતત્સદિતિ નિર્દેશ્યં જગજ્જન્માદિકારણમ્ ।
અનન્તકલ્યાણગુણં વન્દે શ્રીવેઙ્કટેશ્વરમ્ ॥ ૧ ॥
નતામરશિરોરત્ન શ્રીયુતમ્ શ્રીપદામ્બુજમ્ ।
પ્રાવૃષેણ્યઘનશ્યામં વન્દે શ્રીવેઙ્કટેશ્વરમ્ ॥ ૨ ॥
મોહાદિષડરિવ્યૂહગ્રહાકુલમહાર્ણવે ।
મજ્જતાં તરણીં નૄણાં વન્દે શ્રીવેઙ્કટેશ્વરમ્ ॥ ૩ ॥
નાથં ત્રિજગતાં એકં સાધુરક્ષણદીક્ષિતમ્ ।
શ્રીશેષશૈલમધ્યસ્થં વન્દે શ્રીવેઙ્કટેશ્વરમ્ ॥ ૪ ॥
રાજદ્રાજીવપત્રશ્રીમદમોચનલોચનમ્ ।
મન્દહાસલસદ્ વક્ત્રં વન્દે શ્રીવેઙ્કટેશ્વરમ્ ॥ ૫ ॥
યન્મુખેન્દુસ્મિતજ્યોત્સ્ના ભૂયસીં તમસાં તતિમ્ ।
વિધુનોતિ પ્રપન્નાનાં વન્દે શ્રીવેઙ્કટેશ્વરમ્ ॥ ૬ ॥
નાન્તસ્ય કસ્યચિદ્ વાક્યં શબ્દસ્યાનન્ય વાચિનઃ ।
બ્રહ્મારુદ્રેન્દ્રજનકં વન્દે શ્રીવેઙ્કટેશ્વરમ્ ॥ ૭ ॥
યદ્વક્ષઃસ્થલમધ્યાસ્ય ભાતિ શ્રીરનપાયિની ।
તડિલ્લેખેવાભ્રમધ્યે વન્દે શ્રીવેઙ્કટેશ્વરમ્ ॥ ૮ ॥
વેઙ્કટેશાષ્ટકમિદં નરકણ્ઠીરવોદિતમ્ ।
યઃ પઠેત્ સતતં ભક્ત્યા તસ્મૈ વિષ્ણુઃ પ્રસીદતિ ॥
॥ ઇતિ શ્રી વટ્ટેપલ્લે નરકણ્ઠીરવ શાસ્ત્રિ વિરચિતમ્
શ્રી વેઙ્કટેશાષ્ટકં સમાપ્તમ્ ॥
– Chant Stotra in Other Languages –
Sri Vishnu Slokam » Sri Venkatesha Ashtakam 2 Lyrics in Sanskrit » English » Bengali » Kannada » Malayalam » Odia » Telugu » Tamil