॥ Chintamani Parshwanath Stavan Gujarati Lyrics ॥
॥ ચિન્તામણિપાર્શ્વનાથસ્તવનમ્ ॥
શ્રીશારદાઽઽધારમુખારવિન્દં સદાઽનવદ્યં નતમૌલિપાદમ્ ।
ચિન્તામણિં ચિન્તિતકામરૂપં પાર્શ્વપ્રભું નૌમિ નિરસ્તપાપમ્ ॥ ૧ ॥
નિરાકૃતારાતિકૃતાન્તસઙ્ગં સન્મણ્ડલીમણ્ડિતસુન્દરાઙ્ગમ્ ।
ચિન્તામણિં ચિન્તિતકામરૂપં પાર્શ્વપ્રભું નૌમિ નિરસ્તપાપમ્ ॥ ૨ ॥
શશિપ્રભારીતિયશોનિવાસં સમાધિસામ્રાજ્યસુખાવભાસમ્ ।
ચિન્તામણિં ચિન્તિતકામરૂપં પાર્શ્વપ્રભું નૌમિ નિરસ્તપાપમ્ ॥ ૩ ॥
અનલ્પકલ્યાણસુધાબ્ધિચન્દ્રં સભાવલીસૂનસુભાવકેન્દ્રમ્ ।
ચિન્તામણિં ચિન્તિતકામરૂપં પાર્શ્વપ્રભું નૌમિ નિરસ્તપાપમ્ ॥ ૪ ॥
કરાકલ્પાન્તનિવારકારં કારુણ્યપુણ્યાકરશાન્તિસારમ્ ।
ચિન્તામણિં ચિન્તિતકામરૂપં પાર્શ્વપ્રભું નૌમિ નિરસ્તપાપમ્ ॥ ૫ ॥
વાણીરસોલ્લાસકરીરભૂતં નિરઞ્જનાઽલઙ્કૃતમુક્તિકાન્તમ્ ।
ચિન્તામણિં ચિન્તિતકામરૂપં પાર્શ્વપ્રભું નૌમિ નિરસ્તપાપમ્ ॥ ૬ ॥
ક્રૂરોપસર્ગં પરિહતુ મેકં વાઞ્છાવિધાનં વિગતાઽપસઙ્ગમ્ ।
ચિન્તામણિં ચિન્તિતકામરૂપં પાર્શ્વપ્રભું નૌમિ નિરસ્તપાપમ્ ॥ ૭ ॥
નિરામયં નિર્જિતવીરમારં જગદ્ધિતં કૃષ્ણાપુરાવતારમ્ ।
ચિન્તામણિં ચિન્તિતકામરૂપં પાર્શ્વપ્રભું નૌમિ નિરસ્તપાપમ્ ॥ ૮ ॥
અવિરલકવિલક્ષ્મીસેનશિષ્યેન લક્ષ્મી-
વિભરણગુણપૂતં સોમસેનેન ગીતમ્ ।
પઠતિ વિગતકામઃ પાર્શ્વનાથસ્તવં યઃ
સુકૃતપદનિધાનં સ પ્રયાતિ પ્રધાનમ્ ॥ ૯ ॥
ઇતિ સોમસેનવિરચિતં ચિન્તામણિપાર્શ્વનાથસ્તવનં અષ્ટકં ચ સમ્પૂર્ણમ્ ।
– Chant Stotra in Other Languages –
Chintamani Parshwanath Stavan Lyrics in Sanskrit » English » Bengali » Kannada » Malayalam » Odia » Telugu » Tamil