॥ Sri Jagdamba Stuti Kannada Lyrics ॥
॥ ಶ್ರೀಜಗದಮ್ಬಾ ಸ್ತುತಿಃ ॥
ನಮೋಽಸ್ತು ತೇ ಭಗವತಿ ಪಾಪನಾಶಿನಿ
ನಮೋಽಸ್ತು ತೇ ಸುರರಿಪುದರ್ಪಶಾತನಿ ।
ನಮೋಽಸ್ತು ತೇ ಹರಿಹರರಾಜ್ಯದಾಯಿನಿ
ನಮೋಽಸ್ತು ತೇ ಮಖಭುಜಕಾರ್ಯಕಾರಿಣಿ ॥ 1 ॥
ನಮೋಽಸ್ತು ತೇ ತ್ರಿದಶರಿಪುಕ್ಷಯಂಕರಿ
ನಮೋಽಸ್ತು ತೇ ಶತಮಖಪಾದಪೂಜಿತೇ ।
ನಮೋಽಸ್ತು ತೇ ಮಹಿಷವಿನಾಶಕಾರಿಣಿ
ನಮೋಽಸ್ತು ತೇ ಹರಿಹರಭಾಸ್ಕರಸ್ತುತೇ ॥ 2 ॥
ನಮೋಽಸ್ತು ತೇಽಷ್ಟಾದಶಬಾಹುಶಾಲಿನಿ
ನಮೋಽಸ್ತು ತೇ ಶುಮ್ಭನಿಶುಮ್ಭಘಾತಿನಿ ।
ನಮೋಽಸ್ತು ಲೋಕಾರ್ತ್ತಿಹರೇ ತ್ರಿಶೂಲಿನಿ
ನಮೋಽಸ್ತು ನಾರಾಯಣಿ ಚಕ್ರಧಾರಿಣಿ ॥ 3 ॥
ನಮೋಽಸ್ತು ವಾರಾಹಿ ಸದಾ ಧರಾಧರೇ
ತ್ವಾಂ ನಾರಸಿಂಹಿ ಪ್ರಣತಾ ನಮೋಽಸ್ತು ತೇ ।
ನಮೋಽಸ್ತು ತೇ ವಜ್ರಧರೇ ಗಜಧ್ವಜೇ
ನಮೋಽಸ್ತು ಕೌಮಾರಿ ಮಯೂರವಾಹಿನಿ ॥ 4 ॥
ನಮೋಽಸ್ತು ಪೈತಾಮಹಹಂಸವಾಹನೇ
ನಮೋಽಸ್ತು ಮಾಲಾವಿಕಟೇ ಸುಕೇಶಿನಿ ।
ನಮೋಽಸ್ತು ತೇ ರಾಸಭಪೃಷ್ಠವಾಹಿನಿ
ನಮೋಽಸ್ತು ಸರ್ವಾರ್ತಿಹರೇ ಜಗನ್ಮಯೇ ॥ 5 ॥
ನಮೋಽಸ್ತು ವಿಶ್ವೇಶ್ವರಿ ಪಾಹಿ ವಿಶ್ವಂ
ನಿಷೂದಯಾರೀನ್ ದ್ವಿಜದೇವತಾನಾಮ್ ।
ನಮೋಽಸ್ತು ತೇ ಸರ್ವಮಯಿ ತ್ರಿನೇತ್ರೇ
ನಮೋ ನಮಸ್ತೇ ವರದೇ ಪ್ರಸೀದ ॥ 6 ॥
ಬ್ರಹ್ಮಾಣೀ ತ್ವಂ ಮೃಡಾನೀ ವರಶಿಖಿ-
ಗಮನಾ ಶಕ್ತಿಹಸ್ತಾ ಕುಮಾರೀ
ವಾರಾಹೀ ತ್ವಂ ಸುವಕ್ತ್ರಾ ಖಗಪತಿ-
ಗಮನಾ ವೈಷ್ಣವೀ ತ್ವಂ ಸಶಾರ್ಂಗೀ ॥ 7 ॥
ದುರ್ದೃಶ್ಯಾ ನಾರಸಿಂಹೀ ಘುರಘುರಿ-
ತರವಾ ತ್ವಂ ತಥೈನ್ದ್ರೀ ಸವಜ್ರಾ
ತ್ವಂ ಮಾರೀ ಚರ್ಮಮುಂಡಾ ಶವಗಮನ-
ರತಾ ಯೋಗಿನೀ ಯೋಗಸಿದ್ಧಾ ।
ನಮಸ್ತೇ-
ತ್ರಿನೇತ್ರೇ ಭಗವತಿ ತವ ಚರಣಾನುಷಿತಾ
ಯೇ ಅಹರಹರ್ವಿನತಶಿರಸೋಽವನತಾಃ
ನಹಿ ನಹಿ ಪರಿಭವಮಸ್ತ್ಯಶುಭಂ ಚ
ಸ್ತುತಿಬಲಿಕುಸುಮಕರಾಃ ಸತತಂ ಯೇ ॥ 8 ॥
ಇತಿ ಜಗದಮ್ಬಾ ಸ್ತುತಿಃ ಸಮಾಪ್ತಾ ।
– Chant Stotra in Other Languages –
Sri Durga Slokam » Sri Jagadamba Stutih Lyrics in Sanskrit » English » Bengali » Gujarati » Malayalam » Odia » Telugu » Tamil