॥ Sri Nandiswara Ashtakam Telugu Lyrics ॥
॥ శ్రీనన్దీశ్వరాష్టకమ్ ॥
సాక్షాన్మహత్తమమహాఘనచిద్విలాస
పుఞ్జః స్వయం శిఖరిశేఖరతాముపేతః ।
యత్రేశ్వరః స ఖలు నన్దతి యేన వేతి
నన్దీశ్వరః స మదమన్దముదం దధాతు ॥ ౧ ॥
బ్రహ్మాణ్డవప్రగతలోకనికాయశస్య
సన్తర్పి కృష్ణచరితామృతనిర్ఝరాఢ్యః ।
పర్జన్యసన్తతిసుఖాస్పదపూర్వకో యో
నన్దీశ్వరః స మదమన్దముదం దధాతు ॥ ౨ ॥
యత్సౌభగం భగవతా ధరణీభృతాపి
న ప్రాప్యతే సురగిరిః స హి కో వరాకః ।
నన్దః స్వయం వసతి యత్ర సపుత్రదారో
నన్దీశ్వరః స మదమన్దముదం దధాతు ॥ ౩ ॥
యత్ర వ్రజాధిపపురాప్రతిమప్రకాశ
ప్రాసాదమూర్ధకలశోపరినృత్యరఙ్గీ ।
బర్హీక్ష్యతే భువి జయధ్వజకేతుభూతో
నన్దీశ్వరః స మదమన్దముదం దధాతు ॥ ౪ ॥
యచ్ఛృఙ్గసఙ్గతసుగన్ధశిలాధిరూఢః
కృష్ణః సతృష్ణనయనః పరితో వ్రజాబ్జమ్ ।
ఆలోక్యతే ద్విషడుదారదాలాటవీస్తా
నన్దీశ్వరః స మదమన్దముదం దధాతు ॥ ౫ ॥
జిగ్యే యదీయతటరాజిసరోజరాజి
సౌరభ్యమఞ్జులసరోజలశీకరేణ ।
త్రైలోక్యవర్తివరతీర్థయశో రసౌఘై-
ర్నన్దీశ్వరః స మదమన్దముదం దధాతు ॥ ౬ ॥
యత్తీరసఙ్గిపవనైరభిమృశ్యమానాః
స్యుః పావనా అపి జనాః స్వదశాం పరేషామ్ ।
సా పావనాఖ్యసరసీ యదుపత్యకాయాం
నన్దీశ్వరః స మదమన్దముదం దధాతు ॥ ౭ ॥
కృష్ణాఖ్యమస్తి మహదుజ్జ్వలనీలరత్నం
సూతే తదేవ వసు తత్స్వభువైవ దృష్టమ్ ।
తల్లభ్యతే సుకృతినైవ యదీయసానౌ
నన్దీశ్వరః స మదమన్దముదం దధాతు ॥ ౮ ॥
దుర్వాసనాశతవృతోఽపి భవత్ప్రయత్నః
పద్యాష్టకం పఠతి యః శిఖరీశ తుభ్యమ్ ।
కృష్ణాఙ్ఘ్రిపద్యరస ఏవ సదా సతృష్ణం
ఏతం జనం కురు గురుప్రణయం దధానమ్ ॥ ౯ ॥
ఇతి మహామహోపాధ్యాయశ్రీవిశ్వనాథచక్రవర్తివిరచితం
శ్రీనన్దీశ్వరాష్టకం సమాప్తమ్ ।
– Chant Stotra in Other Languages –
Sri Nandiswara Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil