॥ Sri Narottama Ashtakam Telugu Lyrics ॥
॥ శ్రీనరోత్తమాష్టకమ్ ॥
శ్రీకృష్ణనామామృతవర్షివక్త్ర
చన్ద్రప్రభాధ్వస్తతమోభరాయ ।
గౌరాఙ్గదేవానుచరాయ తస్మై
నమో నమః శ్రీలనరోత్తమాయ ॥ ౧ ॥
సఙ్కీర్తనానన్దజమన్దహాస్య
దన్తద్యుతిద్యోతితదిఙ్ముఖాయ ।
స్వేదాశ్రుధారాస్నపితాయ తస్మై
నమో నమః శ్రీలనరోత్తమాయ ॥ ౨ ॥
మృదఙ్గనాదశ్రుతిమాత్రచఞ్చత్
పదామ్బుజామన్దమనోహరాయ ।
సద్యః సముద్యత్పులకాయ తస్మై
నమో నమః శ్రీలనరోత్తమాయ ॥ ౩ ॥
గన్ధర్వగర్వక్షపణస్వలాస్య
విస్మాపితాశేషకృతివ్రజాయ ।
స్వసృష్టగానప్రథితాయ తస్మై
నమో నమః శ్రీలనరోత్తమాయ ॥ ౪ ॥
ఆనన్దమూర్చ్ఛావనిపాతభాత
ధూలీభరాలఙ్కృతవిగ్రహాయ ।
యద్దర్శనం భాగ్యభరేణ తస్మై
నమో నమః శ్రీలనరోత్తమాయ ॥ ౫ ॥
స్థలే స్థలే యస్య కృపాప్రపాభిః
కృష్ణాన్యతృష్ణా జనసంహతీనామ్ ।
నిర్మూలితా ఏవ భవన్తి తస్మై
నమో నమః శ్రీలనరోత్తమాయ ॥ ౬ ॥
యద్భక్తినిష్ఠా పలరేఖికేవ
స్పర్శః పునః స్పర్శమణీవ యస్య ।
ప్రామాణ్యమేవం శ్రుతివద్యదీయం
తస్మై నమః శ్రీలనరోత్తమాయ ॥ ౭ ॥
మూర్తైవ భక్తిః కిమయం కిమేష
వైరాగ్యసారస్తనుమాన్ నృలోకే ।
సమ్భావ్యతే యః కృతిభిః సదైవ
తస్మై నమః శ్రీలనరోత్తమాయ ॥ ౮ ॥
రాజన్మృదఙ్గకరతాలకలాభిరామం
గౌరాఙ్గగానమధుపానభరాభిరామమ్ ।
శ్రీమన్నరోత్తమపదామ్బుజమఞ్జునృత్యం
భృత్యం కృతార్థయతు మాం ఫలితేష్టకృత్యమ్ ॥ ౯ ॥
ఇతి శ్రీమద్విశ్వనాథచక్రవర్తివిరచితం శ్రీనరోత్తమాష్టకం సమ్పూర్ణమ్ ।
– Chant Stotra in Other Languages –
Sri Narottama Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil