॥ Sri Parasurama Ashtakam 3 Bengali Lyrics ॥
॥ শ্রীপরশুরামাষ্টকম্ ৩ ॥
॥ শ্রীমদ্দিব্যপরশুরামাষ্টকস্তোত্রম্ ॥
ব্রহ্মবিষ্ণুমহেশসন্নুতপাবনাঙ্ঘ্রিসরোরুহং
নীলনীরজলোচনং হরিমাশ্রিতামরভূরুহম্ ।
কেশবং জগদীশ্বরং ত্রিগুণাত্মকং পরপূরুষং
পর্শুরামমুপাস্মহে মম কিঙ্করিষ্যতি য়োঽপি বৈ ॥ ১ ॥
অক্ষয়ং কলুষাপহং নিরুপদ্রবং করুণানিধিং
বেদরূপমনাময়ং বিভুমচ্যুতং পরমেশ্বরম্ ।
হর্ষদং জমদগ্নিপুত্রকমার্যজুষ্টপদাম্বুজং
পর্শুরামমুপাস্মহে মম কিঙ্করিষ্যতি য়োঽপি বৈ ॥ ২ ॥
রৈণুকেয়মহীনসত্বকমব্যয়ং সুজনার্চিতং
বিক্রমাঢ্যমিনাব্জনেত্রকমব্জশার্ঙ্গগদাধরম্ ।
ছত্রিতাহিমশেষবিদ্যগমষ্টমূর্তিমনাশ্রয়ং – ??
পর্শুরামমুপাস্মহে মম কিঙ্করিষ্যতি য়োঽপি বৈ ॥ ৩ ॥
বাহুজান্বয়বারণাঙ্কুশমর্বকণ্ঠমনুত্তমং
সর্বভূতদয়াপরং শিবমব্ধিশায়িনমৌর্বজম্ ।
ভক্তশত্রুজনার্দনং নিরয়ার্দনং কুজনার্দনং
পর্শুরামমুপাস্মহে মম কিঙ্করিষ্যতি য়োঽপি বৈ ॥ ৪ ॥
জম্ভয়জ্ঞবিনাশকঞ্চ ত্রিবিক্রমং দনুজান্তকং
নির্বিকারমগোচরং নরসিংহরূপমনর্দহম্ ।
বেদভদ্রপদানুসারিণমিন্দিরাধিপমিষ্টদং
পর্শুরামমুপাস্মহে মম কিঙ্করিষ্যতি য়োঽপি বৈ ॥ ৫ ॥
নির্জরং গরুডধ্বজং ধরণীশ্বরং পরমোদদং
সর্বদেবমহর্ষিভূসুরগীতরূপমরূপকম্ ।
ভূমতাপসবেষধারিণমদ্রিশঞ্চ মহামহং
পর্শুরামমুপাস্মহে মম কিঙ্করিষ্যতি য়োঽপি বৈ ॥ ৬ ॥
সামলোলমভদ্রনাশকমাদিমূর্তিমিলাসুরং
সর্বতোমুখমক্ষিকর্ষকমার্যদুঃখহরঙ্কলৌ ।
বেঙ্কটেশ্বররূপকং নিজভক্তপালনদীক্ষিতং
পর্শুরামমুপাস্মহে মম কিঙ্করিষ্যতি য়োঽপি বৈ ॥ ৭ ॥
দিব্যবিগ্রহধারিণং নিখিলাধিপং পরমং মহা-
বৈরিসূদনপণ্ডিতং গিরিজাতপূজিতরূপকম্ ।
বাহুলেয়কুগর্বহারকমাশ্রিতাবল়িতারকং
পর্শুরামমুপাস্মহে মম কিঙ্করিষ্যতি য়োঽপি বৈ ॥ ৮ ॥
পর্শুরামাষ্টকমিদং ত্রিসন্ধ্যং য়ঃ পঠেন্নরঃ
পর্শুরামকৃপাসারং সত্যং প্রাপ্নোতি সত্বরম্ ॥
॥ ইতি শ্রীপূসপাটি রঙ্গনায়কামাত্য ভার্গবর্ষিকৃত
শ্রীমদ্দিব্যপরশুরামাষ্টকং সম্পূর্ণম্ ॥
– Chant Stotra in Other Languages –
Sri Vishnu Slokam » Sri Parasurama Ashtakam 3 Lyrics in Sanskrit » English » Gujarati » Kannada » Malayalam » Odia » Telugu » Tamil