॥ Sri Parasurama Ashtakam 3 Gujarati Lyrics ॥
॥ શ્રીપરશુરામાષ્ટકમ્ ૩ ॥
॥ શ્રીમદ્દિવ્યપરશુરામાષ્ટકસ્તોત્રમ્ ॥
બ્રહ્મવિષ્ણુમહેશસન્નુતપાવનાઙ્ઘ્રિસરોરુહં
નીલનીરજલોચનં હરિમાશ્રિતામરભૂરુહમ્ ।
કેશવં જગદીશ્વરં ત્રિગુણાત્મકં પરપૂરુષં
પર્શુરામમુપાસ્મહે મમ કિઙ્કરિષ્યતિ યોઽપિ વૈ ॥ ૧ ॥
અક્ષયં કલુષાપહં નિરુપદ્રવં કરુણાનિધિં
વેદરૂપમનામયં વિભુમચ્યુતં પરમેશ્વરમ્ ।
હર્ષદં જમદગ્નિપુત્રકમાર્યજુષ્ટપદામ્બુજં
પર્શુરામમુપાસ્મહે મમ કિઙ્કરિષ્યતિ યોઽપિ વૈ ॥ ૨ ॥
રૈણુકેયમહીનસત્વકમવ્યયં સુજનાર્ચિતં
વિક્રમાઢ્યમિનાબ્જનેત્રકમબ્જશાર્ઙ્ગગદાધરમ્ ।
છત્રિતાહિમશેષવિદ્યગમષ્ટમૂર્તિમનાશ્રયં – ??
પર્શુરામમુપાસ્મહે મમ કિઙ્કરિષ્યતિ યોઽપિ વૈ ॥ ૩ ॥
બાહુજાન્વયવારણાઙ્કુશમર્વકણ્ઠમનુત્તમં
સર્વભૂતદયાપરં શિવમબ્ધિશાયિનમૌર્વજમ્ ।
ભક્તશત્રુજનાર્દનં નિરયાર્દનં કુજનાર્દનં
પર્શુરામમુપાસ્મહે મમ કિઙ્કરિષ્યતિ યોઽપિ વૈ ॥ ૪ ॥
જમ્ભયજ્ઞવિનાશકઞ્ચ ત્રિવિક્રમં દનુજાન્તકં
નિર્વિકારમગોચરં નરસિંહરૂપમનર્દહમ્ ।
વેદભદ્રપદાનુસારિણમિન્દિરાધિપમિષ્ટદં
પર્શુરામમુપાસ્મહે મમ કિઙ્કરિષ્યતિ યોઽપિ વૈ ॥ ૫ ॥
નિર્જરં ગરુડધ્વજં ધરણીશ્વરં પરમોદદં
સર્વદેવમહર્ષિભૂસુરગીતરૂપમરૂપકમ્ ।
ભૂમતાપસવેષધારિણમદ્રિશઞ્ચ મહામહં
પર્શુરામમુપાસ્મહે મમ કિઙ્કરિષ્યતિ યોઽપિ વૈ ॥ ૬ ॥
સામલોલમભદ્રનાશકમાદિમૂર્તિમિલાસુરં
સર્વતોમુખમક્ષિકર્ષકમાર્યદુઃખહરઙ્કલૌ ।
વેઙ્કટેશ્વરરૂપકં નિજભક્તપાલનદીક્ષિતં
પર્શુરામમુપાસ્મહે મમ કિઙ્કરિષ્યતિ યોઽપિ વૈ ॥ ૭ ॥
દિવ્યવિગ્રહધારિણં નિખિલાધિપં પરમં મહા-
વૈરિસૂદનપણ્ડિતં ગિરિજાતપૂજિતરૂપકમ્ ।
બાહુલેયકુગર્વહારકમાશ્રિતાવળિતારકં
પર્શુરામમુપાસ્મહે મમ કિઙ્કરિષ્યતિ યોઽપિ વૈ ॥ ૮ ॥
પર્શુરામાષ્ટકમિદં ત્રિસન્ધ્યં યઃ પઠેન્નરઃ
પર્શુરામકૃપાસારં સત્યં પ્રાપ્નોતિ સત્વરમ્ ॥
॥ ઇતિ શ્રીપૂસપાટિ રઙ્ગનાયકામાત્ય ભાર્ગવર્ષિકૃત
શ્રીમદ્દિવ્યપરશુરામાષ્ટકં સમ્પૂર્ણમ્ ॥
– Chant Stotra in Other Languages –
Sri Vishnu Slokam » Sri Parasurama Ashtakam 3 Lyrics in Sanskrit » English » Bengali » Kannada » Malayalam » Odia » Telugu » Tamil