॥ Sri Purna Ashtakam Kannada Lyrics ॥
॥ ಶ್ರೀಪೂರ್ಣಾಷ್ಟಕಮ್ ॥
ಭಗವತಿ ಭವಬನ್ಧಚ್ಛೇದಿನಿ ಬ್ರಹ್ಮವನ್ದ್ಯೇ
ಶಶಿಮುಖಿ ರುಚಿಪೂರ್ಣೇ ಭಾಲಚನ್ದ್ರೇಽನ್ನಪೂರ್ಣೇ ।
ಸಕಲದುರಿತಹನ್ತ್ರಿ ಸ್ವರ್ಗಮೋಕ್ಷಾದಿದಾತ್ರಿ
ಜನನಿ ನಿಟಿಲನೇತ್ರೇ ದೇವಿ ಪೂರ್ಣೇ ಪ್ರಸೀದ ॥ 1 ॥
ತವ ಗುಣಗರಿಮಾಣಂ ವರ್ಣಿತುಂ ನೈವ ಶಕ್ತಾ
ವಿಧಿ-ಹರಿ-ಹರದೇವಾ ನೈವ ಲೋಕಾ ನ ವೇದಾಃ ।
ಕಥಮಹಮನಭಿಜ್ಞೋ ವಾಗತೀತಾಂ ಸ್ತುವೀಯಾಂ
ಜನನಿ ನಿಟಿಲನೇತ್ರೇ ದೇವಿ ಪೂರ್ಣೇ ಪ್ರಸೀದ ॥ 2 ॥
ಭಗವತಿ ವಸುಕಾಮಾಃ ಸ್ವರ್ಗಮೋಕ್ಷಾದಿಕಾಮಾ-
ದಿತಿಜಸುರ-ಮುನೀನ್ದ್ರಾಸ್ತ್ವಾಂ ಭಜನ್ತ್ಯಮ್ಬ ಸರ್ವೇ ।
ತವ ಪದಯುಗಭಕ್ತಿಂ ಭಿಕ್ಷುಕಸ್ತ್ವಾಂ ನಮಾಮಿ
ಜನನಿ ನಿಟಿಲನೇತ್ರೇ ದೇವಿ ಪೂರ್ಣೇ ಪ್ರಸೀದ ॥ 3 ॥
ಯದವಧಿ ಭವಮಾತಸ್ತೇ ಕೃಪಾ ನಾಸ್ತಿ ಜನ್ತೌ
ತದವಧಿ ಭವಜಾಲಂ ಕಃ ಸಮರ್ಥೋ ವಿಹಾತುಮ್ ।
ಭವಕೃತಭಯಭೀತಸ್ತ್ವಾಂ ಶಿವೇಽಹಂ ಪ್ರಸನ್ನೋ
ಜನನಿ ನಿಟಿಲೇನೇತ್ರೇ ದೇವಿ ಪೂರ್ಣೇ ಪ್ರಸೀದ ॥ 4 ॥
ಸುರಸುರಪತಿವನ್ದ್ಯೇ ಕೋಟಿರಿತ್ಯೇಕರಮ್ಯೇ
ನಿಖಿಲಭವನಧನ್ಯೇ ಕಾಮದೇ ಕಾಮದೇಹೇ ।
ಭವತಿ ಭವಪಯೋಧಸ್ತಾರಿಣೀಂ ತ್ವಾಂ ನತೋಽಹಂ
ಜನನಿ ನಿಟಿಲನೇತ್ರೇ ದೇವಿ ಪೂರ್ಣೇ ಪ್ರಸೀದ ॥ 5 ॥
ತ್ವಮಿಹ ಜಗತಿ ಪೂರ್ಣಾ ತ್ವದ್ವಿಹೀನಂ ನ ಕಿಂಚಿದ್
ರಜನಿ ಯದಿ ವಿಹೀನಂ ತತ್ಸ್ವರೂಪ ತು ಮಿಥ್ಯಾ ।
ಇತಿ ನಿಗದತಿ ವೇದೋ ಬ್ರಹ್ಮಭಿನ್ನಂ ನ ಸತ್ಯಂ
ಜನನಿ ನಿಟಿಲನೇತ್ರೇ ದೇವಿ ಪೂರ್ಣೇ ಪ್ರಸೀದ ॥ 6 ॥
ಸ್ವಜನಶರಣದಕ್ಷೇ ದಕ್ಷಜೇ ಪೂರ್ಣಕಾಮೇ
ಸುರಹಿತಕೃತರೂಪೇ ನಿರ್ವಿಕಲ್ಪೇ ನಿರೀಹೇ ।
ಶ್ರುತಿಸಮುದಯಗೀತೇ ಸಚ್ಚಿದಾನನ್ದರೂಪೇ
ಜನನಿ ನಿಟಿಲನೇತ್ರೇ ದೇವಿ ಪೂರ್ಣೇ ಪ್ರಸೀದ ॥ 7 ॥
ಭಗವತಿ ತವ ಪುರ್ಯಾಂ ತ್ವಾಂ ಸಮಾರಾಧ್ಯ ಯಾಚೇ
ಭವತು ಗಣಪಮಾತಭಕ್ತಿತಸ್ತೇಽವಿರಾಮಃ ।
ತ್ವದಿತರಜನ ಆರ್ಯೇ ಪೂರ್ಣಕಾಮೋ ನ ಪೂರ್ಣೇ
ಜನನಿ ನಿಟಿಲನೇತ್ರೇ ದೇವಿ ಪೂರ್ಣೇ ಪ್ರಸೀದ ॥ 8 ॥
ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯ-ಶ್ರೀಮದುತ್ತರಾಮ್ನಾಯಜ್ಯೋತಿಷ್ಪೀಠಾಧೀಶ್ವರ-
ಜಗದ್ಗುರುಶಂಕರಾಚಾರ್ಯ-ಸ್ವಾಮಿಶ್ರೀಶಾನ್ತಾನನ್ದಸರಸ್ವತೀಶಿಷ್ಯ-
ಸ್ವಾಮಿಶ್ರೀಮದನನ್ತಾನನ್ದ-ಸರಸ್ವತೀವಿರಚಿತಂ ಶ್ರೀಪೂರ್ಣಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Purna Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil