॥ Sri Gokulesha Ashtakam 3 Gujarati Lyrics ॥
॥ શ્રીગોકુલેશાષ્ટકમ્ ૩ ॥
યતિવશધરણીશે ધર્મલોપપ્રવૃત્તે
હરિચરણસહાયો યઃ સ્વધર્મં જુગોપ ।
વિહિતભજનભારો ધર્મરક્ષાવતારઃ
સ જગતિ જયતિ શ્રીવલ્લભો ગોકુલેશઃ ॥ ૧ ॥
અસદુદિતવિદારી વેદવાદાનુસારી
યદુચિતહિતકારી ભક્તિમાર્ગપ્રચારી ।
રુચિરતિલકધારી માલધારી તુલસ્યાઃ
સ જયતિ જયતિ શ્રીવલ્લભો ગોકુલેશઃ ॥ ૨ ॥
બહુવિધિજનનર્મપ્રોક્તિબાણૈરધર્મઃ
પ્રકટમયતિ મર્મસ્ફોટમારાદ્વિધાય ।
વપુષિ ભજનવર્મ પ્રાપ્ય કલ્યાણધર્મઃ
સ જયતિ નવકર્મા ગોકુલે ગોકુલેશઃ ॥ ૩ ॥
નિગમજનિતધર્મદ્રોહિણિ ક્ષોણિનાથે
સકલસહજવેશસ્તત્સમીપં સમેત્ય ।
તદુચિતમદમત્યા દત્તવાનુત્તરં યઃ
સ જયતિ જનચિત્તાનન્દકો ગોકુલેશઃ ॥ ૪ ॥
અધિકૃતયુગધર્મે વર્ધમાને સમન્તા-
દનિતશરણોઽસૌ વેદધર્મો સદાભૂઽત્ । check
તદિહ શરણમાગાદ્યઃ સદૈકઃ શરણ્યં
સ જયતિ જનવન્દ્યો ગોકુલે ગોકુલેશઃ ॥ ૫ ॥
કલિવૃષલભયાપ્તૌ તત્કલિં સન્નિગૃહ્ય
ક્ષિતિપતિરવિતાઽઽસીદ્યસ્ય પૂર્વં પરીક્ષિત્ ।
ઇહ હિ નૃપતિભીતૌ તસ્ય ધર્મસ્ય નિત્યં
સ જયતિ ભુવિ ગોપ્તા ગોકુલે ગોકુલેશઃ ॥ ૬ ॥
પ્રથમમિહ પરીક્ષિદ્રક્ષિતો વર્ણધર્મઃ
પુનરપિ કલિકલ્પક્ષુદ્રભિક્ષુક્ષતોઽભૂત્ ।
અભયપદમિદં યં શાશ્વતં ચાભ્યુપેતઃ
સ જયતિ નિજભક્તાહ્લાદકો ગોકુલેશઃ ॥ ૭ ॥
ય ઇહ સકલલોકે કેવલં ન સ્વકીયે
પ્રભુજનનબલેન સ્થાપયામાસ ધર્મમ્ ।
સકલસુખવિધાતા ગોકુલાનન્દદાતા
સ જયતિ નિજતાતારાધકો ગોકુલેશઃ ॥ ૮ ॥
શ્રીવલ્લભાષ્ટકમિદં પઠતિ પ્રપન્નો
યઃ કૃષ્ણરાયકૃતમિત્યુષસિ સ્વચિત્તઃ ।
સોઽયં સુદુર્લભતમાનપિ નિશ્ચયેન
પ્રાપ્નોતિ વૈ વિનિહિતાનખિલાન્ પદાર્થાન્ ॥ ૯ ॥
ઇતિ શ્રીકૃષ્ણરાયવિરચિતં શ્રીગોકુલેશાષ્ટકં સમ્પૂર્ણમ્ ।
– Chant Stotra in Other Languages –
Sri Krishna Slokam » Sri Gokulesha Ashtakam 3 Lyrics in Sanskrit » English » Bengali » Kannada » Malayalam » Odia » Telugu » Tamil