॥ Yantrodharaka Mangala Ashtaka Malayalam Lyrics ॥
॥ ശ്രീയന്ത്രോദ്ധാരകമങ്ഗലാഷ്ടകം ॥
ഭീമസേനവിരചിതം
യന്ത്രോദ്ധാരകനാമകോ രഘുപതേരാജ്ഞാം ഗൃഹീത്വാര്‍ണവം
തീര്‍ത്വാശോകവനേ സ്ഥിതാം സ്വജനനീം സീതാം നിശാംയാശുഗഃ ।
കൃത്വാ സംവിദമങ്ഗുലീയകമിദം ദത്വാ ശിരോഭൂഷണം
സങ്ഗൃഹ്യാര്‍ണവമുത്പപാത ഹനൂമാന്‍ കുര്യാത് സദാ മങ്ഗലം ॥ 1 ॥
പ്രാപ്തസ്തം സദുദാരകീര്‍തിരനിലഃ ശ്രീരാമപാദാംബുജം
നത്വാ കീശപതിര്‍ജഗാദ പുരതഃ സംസ്ഥാപ്യ ചൂഡാമണിം ।
വിജ്ഞാപ്യാര്‍ണവലങ്ഘനാദിശുഭകൃന്നാനാവിധം ഭൂതിദം
യന്ത്രോദ്ധാരകനാമമാരുതിരയം കുര്യാത് സദാ മങ്ഗലം ॥ 2 ॥
ധര്‍മാധര്‍മവിചക്ഷണഃ സുരതരുര്‍ഭക്തേഷ്ടസന്ദോഹനേ
ദുഷ്ടാരാതികരീന്ദ്രകുംഭദലനേ പഞ്ചാനനഃ പാണ്ഡുജഃ ।
ദ്രൌപദ്യൈ പ്രദദൌ കുബേരവനജം സൌഗന്ധിപുഷ്പം മുദാ
യന്ത്രോദ്ധാരകനാമമാരുതിരയം കുര്യാത് സദാ മങ്ഗലം ॥ 3 ॥
യഃ കിര്‍മീര-ഹിഡിംബ-കീചക-ബകാന്‍ പ്രഖ്യാതരക്ഷോജനാന്‍
സംഹൃത്യ പ്രയയൌ സുയോധനമഹന്‍ ദുഃശാസനാദീന്‍ രണേ ।
ഭിത്വാ തദ്ധൃദയം സ ഘോരഗദയാ സന്‍മങ്ഗലം ദത്തവാന്‍
യന്ത്രോദ്ധാരകനാമമാരുതിരയം കുര്യാത് സദാ മങ്ഗലം ॥ 4 ॥
യോ ഭൂമൌ മഹദാജ്ഞയാ നിജപതേര്‍ജാതോ ജഗജ്ജീവനേ
വേദവ്യാസപദാംബുജൈകനിരതഃ ശ്രീമധ്യഗേഹാലയേ ।
സമ്പ്രാപ്തേ സമയേ ത്വഭൂത് സ ച ഗുരുഃ കര്‍മന്ദിചൂഡാമണിഃ
യന്ത്രോദ്ധാരകനാമമാരുതിരയം കുര്യാത് സദാ മങ്ഗലം ॥ 5 ॥
മിഥ്യാവാദകുഭാഷ്യഖണ്ഡനപടുര്‍മധ്വാഭിധോ മാരുതിഃ
സദ്ഭാഷ്യാമൃതമാദരാന്‍മുനിഗണൈഃ പേപീയമാനം മുദാ ।
സ്പൃഷ്ട്വാ യഃ സതതം സുരോത്തമഗണാന്‍ സമ്പാത്യയം സര്‍വദാ
യന്ത്രോദ്ധാരകനാമമാരുതിരയം കുര്യാത് സദാ മങ്ഗലം ॥ 6 ॥
പാകാര്‍കാര്‍കസമാനസാന്ദ്രപരമാസാകീര്‍കകാകാരിഭി-
ര്‍വിദ്യാസാര്‍കജവാനരേരിതരുണാ പീതാര്‍കചക്രഃ പുരാ ।
കങ്കാര്‍കാനുചരാര്‍കതപ്തജരയാ തപ്താങ്കജാതാന്വിതോ
യന്ത്രോദ്ധാരകനാമമാരുതിരയം കുര്യാത് സദാ മങ്ഗലം ॥ 7 ॥
ശ്രീമദ്വ്യാസമുനീന്ദ്രവന്ദ്യചരണഃ ശ്രേഷ്ഠാര്‍ഥസമ്പൂരണഃ
സര്‍വാഘൌഘനിവാരണഃ പ്രവിലസന്‍മുദ്രാദിസംഭൂഷണഃ ।
സുഗ്രീവാദികപീന്ദ്രമുഖ്യശരണഃ കല്യാണപൂര്‍ണഃ സദാ
യന്ത്രോദ്ധാരകനാമമാരുതിരയം കുര്യാത് സദാ മങ്ഗലം ॥ 8 ॥
യന്ത്രോദ്ധാരകമങ്ഗലാഷ്ടകമിദം സര്‍വേഷ്ടസന്ദായകം
ദുസ്താപത്രയവാരകം ദ്വിജഗണൈഃ സങ്ഗൃഹ്യമാണം മുദാ ।
ഭക്താഗ്രേസരഭീമസേനരചിതം ഭക്ത്യാ സദാ യഃ പഠേത്
ശ്രീമദ്വായുസുതപ്രസാദമതുലം പ്രാപ്നോത്യസൌ മാനവഃ ॥ 9 ॥
– Chant Stotra in Other Languages –
Sri Yantrodharaka Mangala Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil