॥ Yama Dharmaraja Stotram text Kannada Lyrics ॥
ಶ್ರೀವ್ಯಾಸ ಉವಾಚ —
ಸ್ವಪುರುಷಮಭಿವೀಕ್ಷ್ಯ ಪಾಶಹಸ್ತಂ ವದತಿ ಯಮಃ ಕಿಲ ತಸ್ಯ ಕರ್ಣಮೂಲೇ ।
ಪರಿಹರ ಮಧುಸೂದನಪ್ರಪನ್ನಾನ್ ಪ್ರಭುರಹಮನ್ಯನೃಣಾಂ ನ ವೈಷ್ಣವಾನಾಮ್ ॥ 1 ॥
ಅಹಮಮರಗಣಾರ್ಚಿತೇನ ಧಾತ್ರಾ ಯಮ ಇತಿ ಲೋಕಹಿತಾಹಿತೇ ನಿಯುಕ್ತಃ ।
ಹರಿಗುರುವಿಮುಖಾನ್ ಪ್ರಶಾಸ್ಮಿ ಮರ್ತ್ಯಾನ್ ಹರಿಚರಣಪ್ರಣತಾನ್ನಮಸ್ಕರೋಮಿ ॥ 2 ॥
ಸುಗತಿಮಭಿಲಷಾಮಿ ವಾಸುದೇವಾದಹಮಪಿ ಭಾಗವತೇ ಸ್ಥಿತಾನ್ತರಾತ್ಮಾ ।
ಮಧುವಧವಶಗೋಽಸ್ಮಿ ನ ಸ್ವತನ್ತ್ರಃ ಪ್ರಭವತಿ ಸಂಯಮನೇ ಮಮಾಪಿ ಕೃಷ್ಣಃ ॥ 3 ॥
ಭಗವತಿ ವಿಮುಖಸ್ಯ ನಾಸ್ತಿ ಸಿದ್ಧಿರ್ವಿಷಮಮೃತಂ ಭವತೀತಿ ನೇದಮಸ್ತಿ ।
ವರ್ಷಶತಮಪೀಹ ಪಚ್ಯಮಾನಂ ವ್ರಜತಿ ನ ಕಾಂಚನತಾಮಯಃ ಕದಾಚಿತ್ ॥ 4 ॥
ನಹಿ ಶಶಿಕಲುಷಚ್ಛವಿಃ ಕದಾಚಿದ್ವಿರಮತಿ ನೋ ರವಿತಾಮುಪೈತಿ ಚನ್ದ್ರಃ ।
ಭಗವತಿ ಚ ಹರಾವನನ್ಯಚೇತಾ ಭೃಶಮಲಿನೋಽಪಿ ವಿರಾಜತೇ ಮನುಷ್ಯಃ ॥ 5 ॥
ಮಹದಪಿ ಸುವಿಚಾರ್ಯ ಲೋಕತತ್ತ್ವಂ ಭಗವದುಪಾಸ್ತಿಮೃತೇ ನ ಸಿದ್ಧಿರಸ್ತಿ ।
ಸುರಗುರುಸುದೃಢಪ್ರಸಾದದೌ ತೌ ಹರಿಚರಣೌ ಸ್ಮರತಾಪವರ್ಗಹೇತೋಃ ॥ 6 ॥
ಶುಭಮಿದಮುಪಲಭ್ಯ ಮಾನುಷತ್ವಂ ಸುಕೃತಶತೇನ ವೃಥೇನ್ದ್ರಿಯಾರ್ಥಹೇತೋಃ ।
ರಮಯತಿ ಕುರುತೇ ನ ಮೋಕ್ಷಮಾರ್ಗಂ ದಹಯತಿ ಚನ್ದನಮಾಶು ಭಸ್ಮಹೇತೋಃ ॥ 7 ॥
ಮುಕುಲಿತಕರಕುಡ್ಮಲೈಃ ಸುರೇನ್ದ್ರೈಃ ಸತತನಮಸ್ಕೃತಪಾದಪಂಕಜೋ ಯಃ ।
ಅವಿಹತಗತಯೇ ಸನಾತನಾಯ ಜಗತಿ ಜನಿಂ ಹರತೇ ನಮೋಽಗ್ರಜಾಯ ॥ 8 ॥
ಯಮಾಷ್ಟಕಮಿದಂ ಪುಣ್ಯಂ ಪಠತೇ ಯಃ ಶೃಣೋತಿ ವಾ ।
ಮುಚ್ಯತೇ ಸರ್ವಪಾಪೇಭ್ಯೋ ವಿಷ್ಣುಲೋಕಂ ಸ ಗಚ್ಛತಿ ॥ 9 ॥
ಇತೀದಮುಕ್ತಂ ಯಮವಾಕ್ಯಮುತ್ತಮಂ ಮಯಾಧುನಾ ತೇ ಹರಿಭಕ್ತಿವರ್ದ್ಧನಮ್ ।
ಪುನಃ ಪ್ರವಕ್ಷ್ಯಾಮಿ ಪುರಾತನೀಂ ಕಥಾಂ ಭೃಗೋಸ್ತು ಪೌತ್ರೇಣ ಚ ಯಾ ಪುರಾ ಕೃತಾ ॥ 10 ॥
ಇತಿ ಶ್ರೀನರಸಿಂಹಪುರಾಣೇ ಯಮಾಷ್ಟಕನಾಮ ನವಮೋಽಧ್ಯಾಯಃ ॥
– Chant Stotra in Other Languages –
Yama Dharmaraja Stotram » Narasimhapurana Yamashtakam Lyrics in Sanskrit » English » Bengali » Gujarati » Malayalam » Odia » Telugu » Tamil