॥ Yugal Ashtakam Telugu Lyrics ॥
॥ శ్రీయుగలాష్టకమ్ ॥
శ్రీమాధవేన్ద్రపురీవిరచితం ।
వృన్దావనవిహారాఢ్యౌ సచ్చిదానన్దవిగ్రహౌ ।
మణిమణ్డపమధ్యస్థౌ రాధాకృష్ణౌ నమామ్యహమ్ ॥ ౧ ॥
పీతనీలపటౌ శాన్తౌ శ్యామగౌరకలేబరౌ ।
సదా రాసరతౌ సత్యౌ రాధాకృష్ణౌ నమామ్యహమ్ ॥ ౨ ॥
భావావిష్టౌ సదా రమ్యౌ రాసచాతుర్యపణ్డితౌ ।
మురలీగానతత్త్వజ్ఞౌ రాధాకృష్ణౌ నమామ్యహమ్ ॥ ౩ ॥
యమునోపవనావాసౌ కదమ్బవనమన్దిరౌ ।
కల్పద్రుమవనాధీశౌ రాధాకృష్ణౌ నమామ్యహమ్ ॥ ౪ ॥
యమునాస్నానసుభగౌ గోవర్ధనవిలాసినౌ ।
దివ్యమన్దారమాలాఢ్యౌ రాధాకృష్ణౌ నమామ్యహమ్ ॥ ౫ ॥
మఞ్జీరరఞ్జితపదౌ నాసాగ్రగజమౌక్తికౌ ।
మధురస్మేరసుముఖౌ రాధాకృష్ణౌ నమామ్యహమ్ ॥ ౬ ॥
అనన్తకోటిబ్రహ్మాణ్డే సృష్టిస్థిత్యన్తకారిణౌ ।
మోహనౌ సర్వలోకానాం రాధాకృష్ణౌ నమామ్యహమ్ ॥ ౭ ॥
పరస్పరసమావిష్టౌ పరస్పరగణప్రియౌ ।
రససాగరసమ్పన్నౌ రాధాకృష్ణౌ నమామ్యహమ్ ॥ ౮ ॥
ఇతి శ్రీమాధవేన్ద్రపురీవిరచితం శ్రీయుగలాష్టకం సమ్పూర్ణమ్ ।
– Chant Stotra in Other Languages –
Yugal Ashtakam Stotras, Stutis & Aarti » Yamuna Ashtapadi Lyrics in Sanskrit » English » Bengali » Gujarati » Kannada » Malayalam » Odia » Tamil