॥ Rudra Koteswara Ashtakam Gujarati Lyrics ॥
॥ શ્રીરુદ્રકોટીશ્વરાષ્ટકમ્ ॥
ૐ શ્રીગણેશાય નમઃ ।
ક્ષેત્રમ્ – તિરુકષુગુકુંડ્રં Tirukazhugukundram, Tamil Nadu
વ્યોમાનિલાનલજલાચલચન્દ્રસૂર્ય-
ચૈતન્યકલ્પિતશરીરવિરાજિતાય
ઋગ્વાદિ વેદગિરિશૃઙ્ગનિકેતનાય
શ્રીરુદ્રકોટિનિલયાય નમઃશિવાય ॥ ૧ ॥
કર્પૂરશઙ્ખધવલાકૃતિચન્દ્રકાન્ત-
મુક્તાફલસ્પટિકવન્હિપવિગ્રહાય ।
કસ્તૂરિકુઙ્કુમહિમામ્બુવિલેપનાય
શ્રીરુદ્રકોટિનિલયાય નમઃશિવાય ॥ ૨ ॥
સૌન્દર્યનાયકિમુખામ્બુજભૃઙ્ગભૂત
ચન્દ્રાર્કવન્હિનિલયાય સદાશિવાય ।
અણિમાદિદાય કરુણામૃતસાગરાય
શ્રીરુદ્રકોટિનિલયાય નમઃશિવાય ॥ ૩ ॥
ગઙ્ગાજલાગ્રનિલયાય કલામયાય
કામાન્ધકત્રિપુરદગ્ધવિલેપનાય
ગઙ્ગાધરાય ગરુડધ્વજસેવિતાય
શ્રીરુદ્રકોટિનિલયાય નમઃશિવાય ॥ ૪ ॥
ગૃધ્રાચલેન્દ્રનિલયાય નિરીશ્વરાય
તત્ત્વાદિ સિદ્ધસુપૂજિતવન્દિતાય ।
સિદ્ધાદિ યોગપુરુષાય દિગમ્બરાય
શ્રીરુદ્રકોટિનિલયાય નમઃશિવાય ॥ ૫ ॥
પઞ્ચાક્ષરાય ભવસાગરતારણાય
પઞ્ચાસ્યચર્મવસનાય પરાત્પરાય
પઞ્ચાક્ષરાય નિગમાચલનાયકાય
શ્રીરુદ્રકોટિનિલયાય નમઃશિવાય ॥ ૬ ॥
વેદાન્તમુખ્યવિભવાય નિરીશ્વરાય
વેદાન્તવેદ્યસરસાય વિચક્ષણાય ।
વેદાય વેદદુર્ગાય વિક્ષાયનાય
શ્રીરુદ્રકોટિનિલયાય નમઃશિવાય ॥ ૭ ॥
આધારશક્તિકુટિલાસનપઞ્ચકાય
બ્રહ્માણ્ડકલ્પિતકલામયવિગ્રહાય
પ્રાસાદ ષોડશકલામય વિશ્વમૂર્તિ
શ્રીરુદ્રકોટિનિલયાય નમઃશિવાય ॥ ૮ ॥
ઇતિ શ્રીરુદ્રકોટીશ્વરાષ્ટકં સમ્પૂર્ણમ્ ॥
– Chant Stotra in Other Languages –
Sri Shiva Stotram » Sri Rudra Koteswara Ashtakam Lyrics in Sanskrit » English » Kannada » Malayalam » Odia » Telugu » Tamil