॥ Lalitoktatotaka Ashtakam Kannada Lyrics ॥
॥ ಶ್ರೀಲಲಿತೋಕ್ತತೋಟಕಾಷ್ಟಕಮ್ ॥
ನಯನೇರಿತಮಾನಸಭೂವಿಶಿಖಃ
ಶಿರಸಿ ಪ್ರಚಲಪ್ರಚಲಾಕಶಿಖಃ ।
ಮುರಲೀಧ್ವನಿಭಿಃ ಸುರಭೀಸ್ತ್ವರಯನ್
ಪಶುಪೀವಿರಹವ್ಯಸನಂ ತಿರಯನ್ ॥ 1 ॥
ಪರಿತೋ ಜನನೀಪರಿತೋಷಕರಃ
ಸಖಿ ಲಮ್ಪಟಯನ್ನಖಿಲಂ ಭುವನಮ್ ।
ತರುಣೀಹೃದಯಂ ಕರುಣೀ ವಿದಧತ್
ತರಲಂ ಸರಲೇ ಕರಲಮ್ಬಿಗುಣಃ ॥ 2 ॥
ದಿವಸೋಪರಮೇ ಪರಮೋಲ್ಲಸಿತಃ
ಕಲಶಸ್ತನಿ ಹೇ ವಿಲಸದ್ಧಸಿತಃ ।
ಅತಸೀಕುಸುಮಂ ವಿಹಸನ್ಮಹಸಾ
ಹರಿಣೀಕುಲಮಾಕುಲಯನ್ ಸಹಸಾ ॥ 3 ॥
ಪ್ರಣಯಿಪ್ರವಣಃ ಸುಭಗಶ್ರವಣ
ಪ್ರಚಲನ್ಮಕರಃ ಸಸಖಿಪ್ರಕರಃ ।
ಮದಯನ್ನಮರೀರ್ಭ್ರಮಯನ್ ಭ್ರಮರೀ
ಮಿಲಿತಃ ಕತಿಭಿಃ ಶಿಖಿನಾಂ ತಾತಭಿಃ ॥ 4 ॥
ಅಯಮುಜ್ಜ್ವಲಯನ್ ವ್ರಜಭೂಸರಣೀಂ
ರಮಯನ್ ಕ್ರಮಣೈರ್ಮೃದುಭಿರ್ಧರಣೀಮ್ ।
ಅಜಿರೇ ಮಿಲಿತಃ ಕಲಿತಪ್ರಮದೇ
ಹರಿರುದ್ವಿಜಸೇ ತದಪಿ ಪ್ರಮದೇ ॥ 5 ॥
ವದ ಮಾ ಪರುಷಂ ಹೃದಯೇ ನ ರುಷಂ
ರಚಯ ತ್ವಮತಶ್ಚಲ ವಿಭ್ರಮತಃ ।
ಉದಿತೇ ಮಿಹಿಕಾಕಿರಣೇ ನ ಹಿ ಕಾ
ರಭಸಾದಯಿ ತಂ ಭಜತೇ ದಯಿತಮ್ ॥ 6 ॥
ಕಲಯ ತ್ವರಯಾ ವಿಲಸತ್ಸಿಚಯಃ
ಪ್ರಸರತ್ಯಭಿತೋ ಯುವತೀನಿಚಯಃ ।
ನಿದಧಾತಿ ಹರಿರ್ನಯನಂ ಸರಣೌ
ತವ ವಿಕ್ಷಿಪ ಸಪ್ರಣಯಂ ಚರಣೌ ॥ 7 ॥
ಇತಿ ತಾಮುಪದಿಶ್ಯ ತದಾ ಸ್ವಸಖೀಂ
ಲಲಿತಾ ಕಿಲ ಮಾನಿತಯಾ ವಿಮುಖೀಮ್ ।
ಅನಯತ್ ಪ್ರಸಭಾದಿವ ಯಂ ಜವತಃ
ಕುರುತಾತ್ ಸ ಹರಿರ್ಭವಿಕಂ ಭವತಃ ॥ 8 ॥
ಇತಿ ಶ್ರೀರೂಪಗೋಸ್ವಾಮಿವಿರಚಿತಸ್ತವಮಾಲಾಯಾಂ ಶ್ರೀಲಲಿತೋಕ್ತತೋಟಕಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Adi Shankaracharya Stotram » Sri Lalit Okta Totakashtakam Lyrics in Sanskrit » English » Bengali » Gujarati » Malayalam » Odia » Telugu » Tamil