॥ Sri Vallabhashtakam 4 Sanskrit Lyrics ॥
॥ श्रीवल्लभाष्टकम् ४ ॥
प्रकटितगोकुलमण्डन मणिकुण्डल ए ।
भक्तहेतुधृतकाय जय श्रीवल्लभ ए ॥ १ ॥
दुःखितकरुणासागर जितनागर ए ।
मायामानुषवेष जय श्रीवल्लभ ए ॥ २ ॥
रत्नजटितकनकासन शुभशासन ए ।
गिरिधरभक्तिनिधान जय श्रीवल्लभ ए ॥ ३ ॥
सरसिजसुन्दरलोचन भवमोचन ए ।
त्रिभुवनवन्दितनाम जय श्रीवल्लभ ए ॥ ४ ॥
द्विजकुलमस्तकभूषण जितदूषण ए ।
सदसि विजितबुधवृन्द जय श्रीवल्लभ ए ॥ ५ ॥
निजजनकल्मषखण्डन कुलमण्डन ए ।
पदजलपावितलोक जय श्रीवल्लभ ए ॥ ६ ॥
गुरुकुलवल्लभवल्लभ जनवल्लभ ए ।
वल्लभवशावतंस जय श्रीवल्लभ ए ॥ ७ ॥
तव चरणे स्मरतो मम निगमागम ए ।
तव भजने रतिरस्तु जय श्रीवल्लभ ए ॥ ८ ॥
श्रीवल्लभपदाम्भोज-भृत्यताराभिधान हि ।
गुरुस्तोत्राष्टपद्युक्ता गीतापाठफलप्रदा ॥ ९ ॥
इति तारासेवककृता श्रीवल्लभाष्टपदी समाप्ता ।
– Chant Stotra in Other Languages –
Sri Krishna Slokam » Sri Vallabha Ashtakam 4 Lyrics in English » Bengali » Gujarati » Kannada » Malayalam » Odia » Telugu » Tamil