॥ Vatapuranatha Ashtakam Odia Lyrics ॥
॥ ଶ୍ରୀଵାତପୁରନାଥାଷ୍ଟକମ୍ ॥
କୁନ୍ଦସୁମଵୃନ୍ଦସମମନ୍ଦହସିତାସ୍ୟଂ
ନନ୍ଦକୁଲନନ୍ଦଭରତୁନ୍ଦଲନକନ୍ଦମ୍ ।
ପୂତନିଜଗୀତଲଵଧୂତଦୁରିତଂ ତଂ
ଵାତପୁରନାଥମିମମାତନୁ ହୃଦବ୍ଜେ ॥ ୧ ॥
ନୀଲତରଜାଲଧରଭାଲହରିରମ୍ୟଂ
ଲୋଲତରଶୀଲୟୁତବାଲଜନଲୀଲମ୍ ।
ଜାଲନତିଶୀଲମପି ପାଲୟିତୁକାମଂ
ଵାତପୁରନାଥମିମମାତନୁ ହୃଦବ୍ଜେ ॥ ୨ ॥
କଂସରଣହିଂସମିହ ସଂସରଣଜାତ-
କ୍ଲାନ୍ତିଭରଶାନ୍ତିକରକାନ୍ତିଝରଵୀତମ୍ ।
ଵାତମୁଖଧାତୁଜନିପାତଭୟଘାତଂ
ଵାତପୁରନାଥମିମମାତନୁ ହୃଦବ୍ଜେ ॥ ୩ ॥
ଜାତୁଧୁରିପାତୁକମିହାତୁରଜନଂ ଦ୍ରାକ୍
ଶୋକଭରମୂକମପି ତୋକମିଵ ପାନ୍ତମ୍ ।
ଭୃଙ୍ଗରୁଚିସଙ୍ଗରକୃଦଙ୍ଗଲତିକଂ ତଂ
ଵାତପୁରନାଥମିମମାତନୁ ହୃଦବ୍ଜେ ॥ ୪ ॥
ପାପଭଵତାପଭରକୋପଶମନାର୍ଥା-
ଶ୍ଵାସକରଭାସମୃଦୁହାସରୁଚିରାସ୍ୟମ୍ ।
ରୋଗଚୟଭୋଗଭୟଵେଗହରମେକଂ
ଵାତପୁରନାଥମିମମାତନୁ ହୃଦବ୍ଜେ ॥ ୫ ॥
ଘୋଷକୁଲଦୋଷହରଵେଷମୁପୟାନ୍ତଂ
ପୂଷଶତଦୂଷକଵିଭୂଷଣଗଣାଢ୍ୟମ୍ ।
ଭୁକ୍ତିମପିମୁକ୍ତିମତିଭକ୍ତିଷୁ ଦଦାନଂ
ଵାତପୁରନାଥମିମମାତନୁ ହୃଦବ୍ଜେ ॥ ୬ ॥
ପାପକଦୁରାପମତିତାପହରଶୋଭ-
ସ୍ଵାପଘନମାମତଦୁମାପତିସମେତମ୍ ।
ଦୂନତରଦୀନସୁଖଦାନକୃତଦୀକ୍ଷଂ
ଵାତପୁରନାଥମିମମାତନୁ ହୃଦବ୍ଜେ ॥ ୭ ॥
ପାଦପତଦାଦରଣମୋଦପରିପୂର୍ଣଂ
ଜୀଵମୁଖଦେଵଜନସେଵନଫଲାଙ୍ଘ୍ରିମ୍
ରୂକ୍ଷଭଵମୋକ୍ଷକୃତଦୀକ୍ଷନିଜଵୀକ୍ଷଂ
ଵାତପୁରନାଥମିମମାତନୁ ହୃଦବ୍ଜେ ॥ ୮ ॥
ଭୃତ୍ୟଗଣପତ୍ୟୁଦିତନୁତ୍ୟୁଚିତମୋଦଂ
ସ୍ପଷ୍ଟମିଦମଷ୍ଟକମଦୁଷ୍ଟକରଣାର୍ହମ୍ ।
ଆଦଧତମାଦରଦମାଦିଲୟଶୂନ୍ୟଂ
ଵାତପୁରନାଥମିମମାତନୁ ହୃଦବ୍ଜେ ॥ ୯ ॥
ଇତି ମହାମହୋପାଧ୍ୟାୟ ବ୍ରହ୍ମଶ୍ରୀ ଗଣପତୀଶାସ୍ତ୍ରୀଵିରଚିତଂ ଶ୍ରୀଵାତପୁରନାଥାଷ୍ଟକମ୍ ॥
– Chant Stotra in Other Languages –
Sri Vatapuranatha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil