॥ Sri Govindadevashtakam Kannada Lyrics ॥
॥ ಶ್ರೀಗೋವಿನ್ದದೇವಾಷ್ಟಕಮ್ ॥
ಜಾಮ್ಬೂನದೋಷ್ಣೀಷವಿರಾಜಿಮುಕ್ತಾ
ಮಾಲಾಮಣಿದ್ಯೋತಿಶಿಖಂಡಕಸ್ಯ ।
ಭಂಗ್ಯಾ ನೃಣಾಂ ಲೋಲುಪಯನ್ ದೃಶಃ ಶ್ರೀ
ಗೋವಿನ್ದದೇವಃ ಶರಣಂ ಮಮಾಸ್ತು ॥ 1 ॥
ಕಪೋಲಯೋಃ ಕುಂಡಲಲಾಸ್ಯಹಾಸ್ಯ-
ಚ್ಛವಿಚ್ಛಿಟಾಚುಮ್ಬಿತಯೋರ್ಯುಗೇನ ।
ಸಂಮೋಹಯನ್ ಸಮ್ಭಜತಾಂ ಧಿಯಃ ಶ್ರೀ
ಗೋವಿನ್ದದೇವಃ ಶರಣಂ ಮಮಾಸ್ತು ॥ 2 ॥
ಸ್ವಪ್ರೇಯಸೀಲೋಚನಕೋಣಶೀಧು
ಪ್ರಾಪ್ತ್ಯೈ ಪುರೋವರ್ತಿ ಜನೇಕ್ಷಣೇನ ।
ಭಾವಂ ಕಮಪ್ಯುದ್ಗಮಯನ್ ಬುಧಾನಾಂ
ಗೋವಿನ್ದದೇವಃ ಶರಣಂ ಮಮಾಸ್ತು ॥ 3 ॥
ವಾಮಪ್ರಗಂಡಾರ್ಪಿತಗಂಡಭಾಸ್ವತ್
ತಾಟಂಕಲೋಲಾಲಕಕಾನ್ತಿಸಿಕ್ತೈಃ ।
ಭ್ರೂವಲ್ಗನೈರುನ್ಮದಯನ್ ಕುಲಸ್ತ್ರೀ-
ರ್ಗೋವಿನ್ದದೇವಃ ಶರಣಂ ಮಮಾಸ್ತು ॥ 4 ॥
ದೂರೇ ಸ್ಥಿತಾಸ್ತಾ ಮುರಲೀನಿನಾದೈಃ
ಸ್ವಸೌರಭೈರ್ಮುದ್ರಿತಕರ್ಣಪಾಲೀಃ ।
ನಾಸಾರುಧೋ ಹೃದ್ಗತ ಏವ ಕರ್ಷನ್
ಗೋವಿನ್ದದೇವಃ ಶರಣಂ ಮಮಾಸ್ತು ॥ 5 ॥
ನವೀನಲಾವಣ್ಯಭರೈಃ ಕ್ಷಿತೌ ಶ್ರೀ
ರೂಪಾನುರಾಗಾಮ್ಬುನಿಧಿಪ್ರಕಾಶೈಃ ।
ಸತಶ್ಚಮತ್ಕಾರವತಃ ಪ್ರಕುರ್ವನ್
ಗೋವಿನ್ದದೇವಃ ಶರಣಂ ಮಮಾಸ್ತು ॥ 6 ॥
ಕಲ್ಪದ್ರುಮಾಧೋಮಣಿಮನ್ದಿರಾನ್ತಃ
ಶ್ರೀಯೋಗಪೀಠಾಮ್ಬುರುಹಾಸ್ಯಯಾ ಸ್ವಮ್ ।
ಉಪಾಸಯಂಸ್ತತ್ರವಿದೋಽಪಿ ಮನ್ತ್ರೈ-
ರ್ಗೋವಿನ್ದದೇವಃ ಶರಣಂ ಮಮಾಸ್ತು ॥ 7 ॥
ಮಹಾಭಿಷೇಕಕ್ಷಣಸರ್ವವಾಸೋಽ
ಲಂಕೃತ್ಯಂಗೀಕರಣೋಚ್ಛಲನ್ತ್ಯಾ ।
ಸರ್ವಾಂಗಭಾಸಾಕುಲಯಂಸ್ತ್ರಿಲೋಕೀಂ
ಗೋವಿನ್ದದೇವಃ ಶರಣಂ ಮಮಾಸ್ತು ॥ 8 ॥
ಗೋವಿನ್ದದೇವಾಷ್ಟಕಮೇತದುಚ್ಚೈಃ
ಪಠೇತ್ತದೀಯಾಂಘ್ರಿನಿವಿಷ್ಟವೀರ್ಯಃ ।
ತಂ ಮಜ್ಜಯನ್ನೇವ ಕೃಪಾಪ್ರವಾಹೈ-
ರ್ಗೋವಿನ್ದದೇವಃ ಶರಣಂ ಮಮಾಸ್ತು ॥ 9 ॥
ಇತಿ ಶ್ರೀವಿಶ್ವನಾಥಚಕ್ರವರ್ತಿಠಕ್ಕುರವಿರಚಿತಸ್ತವಾಮೃತಲಹರ್ಯಾಂ
ಶ್ರೀಗೋವಿನ್ದದೇವಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Vishnu Slokam » Sri Govinda Deva Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil