॥ Shiva Ashtakam 4 Odia Lyrics ॥
॥ ଶିଵାଷ୍ଟକମ୍ ୪ ॥
ଜୟ ଶଙ୍କର ଶାନ୍ତ ଶଶାଙ୍କରୁଚେ ରୁଚିତାର୍ଥଦ ସର୍ଵଦ ସର୍ଵରୁଚେ ।
ଶୁଚିଦତ୍ତଗୃହୀତମହୋପହୃତେ ହୃତଭକ୍ତଜନୋଦ୍ଧତତାପତତେ ॥ ୧ ॥
ତତସର୍ଵହୃଦମ୍ବରଵରଦନୁତେ ନତଵୃଜିନମହାଵନଦାହକୃତେ ।
କୃତଵିଵିଧଚରିତ୍ରତନୋ ସୁତନୋ ତନୁ ଵିଶିଖଵିଶୋଷଣଧୈର୍ୟନିଧେ ॥ ୨ ॥
ନିଧନାଦିଵିଵର୍ଜିତକୃତନତିକୃତ୍କୃତଵିହିତମନୋରଥପନ୍ନଗଭୃତ୍ ।
ନଗଭର୍ତୃସୁତାର୍ପିତଵାମଵପୁଃ ସ୍ଵଵପୁଃପରିପୂରିତସର୍ଵଜଗତ୍ ॥ ୩ ॥
ତ୍ରିଜଗନ୍ମୟରୂପ ଵିରୂପସୁଦୃଗୃଗୁଦଞ୍ଚନକିଞ୍ଚନକୃଦ୍ଧୁତଭୁକ୍ ।
ଭଵଭୂତପତେ ପ୍ରମଥୈକପତେ ପତିତେଷ୍ଵତିଦତ୍ତକରପ୍ରସୃତେ ॥ ୪ ॥
ପ୍ରସୃତାଖିଲଭୂତଲସଂଵରଣପ୍ରଣଵଧ୍ଵନିସୌଧସୁଧାଂଶୁଧର ।
ଗିରିରାଜକୁମାରିକୟା ପରୟା ପରିତଃ ପରିତୁଷ୍ଟ ନତୋଽସ୍ମି ଶିଵ ॥ ୫ ॥
ଶିଵ ଦେଵ ମହେଶ ଗିରୀଶ ଵିଭୋ ଵିଭଵପ୍ରଦ ଶର୍ଵ ଶିଵେଶ ମୃଡ ।
ମୃଡୟୋଡୁପତୀଧ୍ରଜଗତ୍ତ୍ରିତୟଂ କୃତୟନ୍ତ୍ରଣ ଭକ୍ତିଵିଘାତକୃତାମ୍ ॥ ୬ ॥
ନ କୃତାନ୍ତତ ଏଷ ବିଭେମି ହର ପ୍ରହରାଶୁ ମମାଘମମୋଘମତେ ।
ନ ମତାନ୍ତରମନ୍ୟମଵୈମି ଶିଵଂ ଶିଵପାଦନତେଃ ପ୍ରଣତୋଽସ୍ମି ତତଃ ॥ ୭ ॥
ଵିତତେଽତ୍ର ଜଗତ୍ୟଖିଲାଘହରଂ ପରିତୋଷଣମେଵ ପରଂ ଗୁଣଵତ୍ ।
ଗୁଣହୀନମହୀନମହାଵଲୟଂ ଲୟପାଵକମୀଶ ନତୋଽସ୍ମି ତତଃ ॥ ୮ ॥
ଇତି ସ୍ତୁତ୍ଵା ମହାଦେଵଂ ଵିରରାମାଙ୍ଗିରଃସୁତଃ ।
ଵ୍ୟତରଚ୍ଚ ମହାଦେଵଃ ସ୍ତୁତ୍ୟା ତୁଷ୍ଟୋ ଵରାନ୍ ବହୂନ୍ ॥ ୯ ॥
ଇତି ଶିଵାଷ୍ଟକଂ ସମାପ୍ତମ୍ ॥
– Chant Stotra in Other Languages –
Sri Siva Slokam » Lord Shiva Ashtakam 4 Lyrics in Sanskrit » English » Bengali » Gujarati » Kannada » Malayalam » Telugu » Tamil