॥ Shiva Ashtakam 3 by Adi Sankara Telugu Lyrics ॥
॥ శ్రీశివాష్టకమ్ ౩ ॥
తస్మై నమః పరమకారణకారణాయ
దీప్తోజ్జ్వలజ్వలితపిఙ్గలలోచనాయ ॥
నాగేన్ద్రహారకృతకుణ్డలభూషణాయ
బ్రహ్మేన్ద్రవిష్ణువరదాయ నమః శివాయ ॥ ౧ ॥
శ్రీమత్ప్రసన్నశశిపన్నగభూషణాయ
శైలేన్ద్రజా వదన చుమ్బితలోచనాయ ॥
కైలాసమన్దిరమహేన్ద్రనికేతనాయ
లోకత్రయార్తిహరణాయ నమః శివాయ ॥ ౨ ॥
పద్మావదాతమణికుణ్డలగోవృషాయ
కృష్ణాగరుప్రచురచన్దనచర్చితాయ ॥
భస్మానుషక్తవికచోత్పలమల్లికాయ
నీలాబ్జకణ్ఠసదృశాయ నమః శివాయ ॥ ౩ ॥
లమ్బత్సపిఙ్గల జటాముకుటోత్కటాయ
దంష్ట్రాకరాలవికటోత్కటభైరవాయ ॥
వ్యాఘ్రాజినామ్బరధరాయ మనోహరాయ
త్రైలోక్యనాథ నమితాయ నమః శివాయ ॥ ౪ ॥
దక్షప్రజాపతిమహామఖనాశనాయ
క్షిప్రం మహాత్రిపురదానవఘాతనాయ ॥
బ్రహ్మోర్జితోర్ధ్వగకరోటినికృన్తనాయ
యోగాయ యోగనమితాయ నమః శివాయ ॥ ౫ ॥
సంసారసృష్టిఘటనాపరివర్తనాయ
రక్షః పిశాచగణసిద్ధసమాకులాయ ॥
సిద్ధోరగగ్రహ గణేన్ద్రనిషేవితాయ
శార్దూల చర్మవసనాయ నమః శివాయ ॥ ౬ ॥
భస్మాఙ్గరాగకృతరూపమనోహరాయ
సౌమ్యావదాతవనమాశ్రితమాశ్రితాయ ॥
గౌరీకటాక్షనయనార్ధ నిరీక్షణాయ
గోక్షీరధారధవలాయ నమః శివాయ ॥ ౭ ॥
ఆదిత్యసోమవరుణానిలసేవితాయ
యజ్ఞాగ్నిహోత్రవరధూమనికేతనాయ ॥
ఋక్సామవేదమునిభిః స్తుతిసంయుతాయ
గోపాయ గోపనమితాయ నమః శివాయ ॥ ౮ ॥
శివాష్టకమిదం పుణ్యం యః పఠేత్ శివసన్నిధౌ
శివలోకమవాప్నోతి శివేన సహ మోదతే ॥
శ్రీ శంకరాచార్యకృతం శివాష్టకం సమ్పూర్ణమ్ ।
– Chant Stotra in Other Languages –
Sri Siva Slokam » Shankaracharya Kritam – Lord Shiva Ashtakam 3 Lyrics in Sanskrit » English » Bengali » Gujarati » Kannada » Malayalam » Odia » Tamil