॥ Shiva Ashtakam 3 by Adi Sankara Malayalam Lyrics ॥
॥ ശ്രീശിവാഷ്ടകം 3 ॥
തസ്മൈ നമഃ പരമകാരണകാരണായ
ദീപ്തോജ്ജ്വലജ്വലിതപിങ്ഗലലോചനായ ॥
നാഗേന്ദ്രഹാരകൃതകുണ്ഡലഭൂഷണായ
ബ്രഹ്മേന്ദ്രവിഷ്ണുവരദായ നമഃ ശിവായ ॥ 1 ॥
ശ്രീമത്പ്രസന്നശശിപന്നഗഭൂഷണായ
ശൈലേന്ദ്രജാ വദന ചുംബിതലോചനായ ॥
കൈലാസമന്ദിരമഹേന്ദ്രനികേതനായ
ലോകത്രയാര്‍തിഹരണായ നമഃ ശിവായ ॥ 2 ॥
പദ്മാവദാതമണികുണ്ഡലഗോവൃഷായ
കൃഷ്ണാഗരുപ്രചുരചന്ദനചര്‍ചിതായ ॥
ഭസ്മാനുഷക്തവികചോത്പലമല്ലികായ
നീലാബ്ജകണ്ഠസദൃശായ നമഃ ശിവായ ॥ 3 ॥
ലംബത്സപിങ്ഗല ജടാമുകുടോത്കടായ
ദംഷ്ട്രാകരാലവികടോത്കടഭൈരവായ ॥
വ്യാഘ്രാജിനാംബരധരായ മനോഹരായ
ത്രൈലോക്യനാഥ നമിതായ നമഃ ശിവായ ॥ 4 ॥
ദക്ഷപ്രജാപതിമഹാമഖനാശനായ
ക്ഷിപ്രം മഹാത്രിപുരദാനവഘാതനായ ॥
ബ്രഹ്മോര്‍ജിതോര്‍ധ്വഗകരോടിനികൃന്തനായ
യോഗായ യോഗനമിതായ നമഃ ശിവായ ॥ 5 ॥
സംസാരസൃഷ്ടിഘടനാപരിവര്‍തനായ
രക്ഷഃ പിശാചഗണസിദ്ധസമാകുലായ ॥
സിദ്ധോരഗഗ്രഹ ഗണേന്ദ്രനിഷേവിതായ
ശാര്‍ദൂല ചര്‍മവസനായ നമഃ ശിവായ ॥ 6 ॥
ഭസ്മാങ്ഗരാഗകൃതരൂപമനോഹരായ
സൌംയാവദാതവനമാശ്രിതമാശ്രിതായ ॥
ഗൌരീകടാക്ഷനയനാര്‍ധ നിരീക്ഷണായ
ഗോക്ഷീരധാരധവലായ നമഃ ശിവായ ॥ 7 ॥
ആദിത്യസോമവരുണാനിലസേവിതായ
യജ്ഞാഗ്നിഹോത്രവരധൂമനികേതനായ ॥
ഋക്സാമവേദമുനിഭിഃ സ്തുതിസംയുതായ
ഗോപായ ഗോപനമിതായ നമഃ ശിവായ ॥ 8 ॥
ശിവാഷ്ടകമിദം പുണ്യം യഃ പഠേത് ശിവസന്നിധൌ
ശിവലോകമവാപ്നോതി ശിവേന സഹ മോദതേ ॥
ശ്രീ ശംകരാചാര്യകൃതം ശിവാഷ്ടകം സമ്പൂര്‍ണം ।
– Chant Stotra in Other Languages –
Sri Siva Slokam » Shankaracharya Kritam – Lord Shiva Ashtakam 3 Lyrics in Sanskrit » English » Bengali » Gujarati » Kannada » Odia » Telugu » Tamil