॥ Lord Shiva Astotram Telugu Lyrics ॥
॥ శివాస్తోత్రమ్ ॥
శివారూపధరే దేవి కామకాలి నమోఽస్తు తే ।
ఉల్కాముఖి లలజ్జిహ్వే ఘోరరావే శృగాలిని ॥ ౧ ॥
శ్మశానవాసిని ప్రేతే శవమాంసప్రియేఽనఘే ।
అరణ్యచారిణి శివే ఫేరో జమ్బూకరూపిణి ॥ ౨ ॥
నమోఽస్తు తే మహామాయే జగత్తారిణి కాలికే ।
మాతఙ్గి కుక్కుటే రౌద్రి కాలకాలి నమోఽస్తు తే ॥ ౩ ॥ var కాలికాలి
సర్వసిద్ధిప్రదే దేవి భయఙ్కరి భయావహే । var సర్వసిద్ధిప్రదే భీమే
ప్రసన్నా భవ దేవేశి మమ భక్తస్య కాలికే ॥ ౪ ॥
సంసారతారిణి జయే జయ సర్వశుభఙ్కరి ।
విస్రస్తచికురే చణ్డే చాముణ్డే ముణ్డమాలిని ॥ ౫ ॥
సంహారకారిణి క్రుద్ధే సర్వసిద్ధిం ప్రయచ్ఛ మే ।
దుర్గే కిరాతి శవరి ప్రేతాసనగతేఽభయే ॥ ౬ ॥
అనుగ్రహం కురు సదా కృపయా మాం విలోకయ ।
రాజ్యం ప్రయచ్ఛ వికటే విత్తమాయుః సుతాన్ స్త్రియమ్ ॥ ౭ ॥
శివాబలివిధానేన ప్రసన్నా భవ ఫేరవే ।
నమస్తేఽస్తు నమస్తేఽస్తు నమస్తేఽస్తు నమో నమః ॥ ౮ ॥
ఇత్యేతైరష్టభిః శ్లోకైః శివాస్తోత్రముదీరయేత్ ।
ఇత్యాదినాథవిరచితాయాం మహాకాలసంహితాయాం కామకలాఖణ్డ్యాం
ఉత్తరీభాగే శివాబలిప్రయోగో నామే చతుర్థపటలాన్తర్గతం
శివాస్తోత్రం సమ్పూర్ణమ్ ।
– Chant Stotra in Other Languages –
Sri Siva Slokam » Lord Shiva Astotram Lyrics in Sanskrit » English » Bengali » Gujarati » Kannada » Malayalam » Odia » Tamil