॥ Sri Gokula Natha Ashtakam Kannada Lyrics ॥
॥ ಶ್ರೀಗೋಕುಲನಾಥಾಷ್ಟಕಮ್ ॥
ಭವಭೀತಜನಾಖಿಲಭೀತಿಹರಂ
ಹರವನ್ದಿತನನ್ದತನೂಜರತಮ್ ।
ರತವೃದ್ಧಗುರುದ್ವಿಜಭೃತ್ಯಜನಂ
ಜನದುರ್ಲಭಮಾರ್ಗಸುಬೋಧಕರಮ್ ॥ 1 ॥
ಕರಪದ್ಮಸುಸೇವಿತಶೈಲಧರಂ
ಧರಣೀತಲವಿಶ್ರುತಸಾಧುಗುಣಮ್ ।
ಗುಣಸಿನ್ಧುವಿಮರ್ದಿತದುಷ್ಟಮುಖಂ
ಮುಖಕಲ್ಪಿತಮಾರ್ಗನಿವೃತ್ತಿಪರಮ್ ॥ 2 ॥
ಪರಮಪ್ರಿಯಮಂಗಲವೇಷಧರಂ
ವರಬನ್ಧುಸುಹೃತ್ಸುತಲಬ್ಧಸುಖಮ್ ।
ಸುಖಸಾಗರಮಮ್ಬುಜಚಾರುಮುಖಂ
ಮುಖಪಂಕಜಕೀರ್ತಿತಕೃಷ್ಣಕಥಮ್ ॥ 3 ॥
ಕಥನೀಯಗುಣಾಮೃತವಾರಿನಿಧಿಂ
ನಿಧಿಸೇವಿತಮರ್ಚಿತಪದ್ಮಪದಮ್ ।
ಪದಪಂಕಜಸಂಶ್ರಿತವಿಜ್ಞಬುಧಂ
ಬುಧವಿಠ್ಠಲನಾಥಚತುರ್ಥಸುತಮ್ ॥ 4 ॥
ಸುತರಾಂ ಕರುಣಾಬ್ಧಿಮನನ್ತಗುಣಂ
ಗುಣರತ್ನವಿರಾಜಿತಶುದ್ಧತನುಮ್ ।
ತನುರತ್ನವಶೀಕೃತನನ್ದಸುತಂ
ಸುತಮಿತ್ರಕಲತ್ರಸುಸೇವ್ಯಪದಮ್ ॥ 5 ॥
ಪದಪಂಕಜಪಾವಿತಸಾಧುಜನಂ
ಜನಹೇತುಗೃಹೀತಮನುಷ್ಯತನುಮ್ ।
ತನುಕಾನ್ತಿತಿರಸ್ಕೃತಪಂಚಶರಂ
ಶರಣಾಗತರಕ್ಷಿತಭಕ್ತಜನಮ್ ॥ 6 ॥
ಜನತೋಷಣಪೋಷಣದತ್ತಹೃದಂ
ಹೃದಯಾರ್ಪಿತಗೋಪವಧೂರಮಣಮ್ ।
ರಮಣೀಯತರಾಮಲಭಕ್ತಿಕೃತಂ
ಕೃತಕೃಷ್ಣಕಥಾಮೃತತೃಪ್ತಜನಮ್ ॥ 7 ॥
ಜನವಾಂಛಿತಕಾಮದರತ್ನಗುಣಂ
ಗುಣಭೂಷಣಭೂಷಿತಲೋಕಗುರುಮ್ ।
ಗುರುಗೋಕುಲನಾಥಮುಪಾಸ್ಯಮಹಂ
ಮಹತಾಂ ಪರಿಸೇವಿತಮಾಕಲಯೇ ॥ 8 ॥
ಶ್ರೀಮದ್ಗೋಕುಲನಾಥಾನಾಮಷ್ಟಕಂ ಯಃ ಪಠೇನ್ನರಃ ।
ಗೋಕುಲೇಶಪದಾಮ್ಭೋಜಭಕ್ತಿಂ ಸ ಲಭತೇ ಪರಾಮ್ ॥ 9 ॥
ಇತಿ ಸಿಂಹಾವಲೋಕಯಮಕಗರ್ಭ ಶ್ರೀಗೋಕುಲನಾಥಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Vishnu Slokam » Sri Gokula Natha Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil