॥ Sri Gokula Natha Ashtakam Gujarati Lyrics ॥
॥ શ્રીગોકુલનાથાષ્ટકમ્ ॥
ભવભીતજનાખિલભીતિહરં
હરવન્દિતનન્દતનૂજરતમ્ ।
રતવૃદ્ધગુરુદ્વિજભૃત્યજનં
જનદુર્લભમાર્ગસુબોધકરમ્ ॥ ૧ ॥
કરપદ્મસુસેવિતશૈલધરં
ધરણીતલવિશ્રુતસાધુગુણમ્ ।
ગુણસિન્ધુવિમર્દિતદુષ્ટમુખં
મુખકલ્પિતમાર્ગનિવૃત્તિપરમ્ ॥ ૨ ॥
પરમપ્રિયમઙ્ગલવેષધરં
વરબન્ધુસુહૃત્સુતલબ્ધસુખમ્ ।
સુખસાગરમમ્બુજચારુમુખં
મુખપઙ્કજકીર્તિતકૃષ્ણકથમ્ ॥ ૩ ॥
કથનીયગુણામૃતવારિનિધિં
નિધિસેવિતમર્ચિતપદ્મપદમ્ ।
પદપઙ્કજસંશ્રિતવિજ્ઞબુધં
બુધવિઠ્ઠલનાથચતુર્થસુતમ્ ॥ ૪ ॥
સુતરાં કરુણાબ્ધિમનન્તગુણં
ગુણરત્નવિરાજિતશુદ્ધતનુમ્ ।
તનુરત્નવશીકૃતનન્દસુતં
સુતમિત્રકલત્રસુસેવ્યપદમ્ ॥ ૫ ॥
પદપઙ્કજપાવિતસાધુજનં
જનહેતુગૃહીતમનુષ્યતનુમ્ ।
તનુકાન્તિતિરસ્કૃતપઞ્ચશરં
શરણાગતરક્ષિતભક્તજનમ્ ॥ ૬ ॥
જનતોષણપોષણદત્તહૃદં
હૃદયાર્પિતગોપવધૂરમણમ્ ।
રમણીયતરામલભક્તિકૃતં
કૃતકૃષ્ણકથામૃતતૃપ્તજનમ્ ॥ ૭ ॥
જનવાઞ્છિતકામદરત્નગુણં
ગુણભૂષણભૂષિતલોકગુરુમ્ ।
ગુરુગોકુલનાથમુપાસ્યમહં
મહતાં પરિસેવિતમાકલયે ॥ ૮ ॥
શ્રીમદ્ગોકુલનાથાનામષ્ટકં યઃ પઠેન્નરઃ ।
ગોકુલેશપદામ્ભોજભક્તિં સ લભતે પરામ્ ॥ ૯ ॥
ઇતિ સિંહાવલોકયમકગર્ભ શ્રીગોકુલનાથાષ્ટકં સમ્પૂર્ણમ્ ।
– Chant Stotra in Other Languages –
Sri Vishnu Slokam » Sri Gokula Natha Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil