॥ Upashantyashtakam Kannada Lyrics ॥
॥ ಉಪಶಾನ್ತ್ಯಷ್ಟಕಮ್ ॥
ಅನುಪಾಸಾದಿತಸುಗುರೋರವಿಚಾರಿತವೇದಶೀರ್ಷತತ್ತ್ವಸ್ಯ ।
ಕಥಮುಪಶಾನ್ತಿಃ ಸ್ಯಾದ್ಭೋ ಸತತಂ ಸತ್ಸಂಗರಹಿತಸ್ಯ ॥ 1 ॥
ಅನ್ನಮಯಾದಿಷು ಪಂಚಸ್ವಹಮ್ಮತಿಂ ಯಾವದೇಷ ನ ಜಹಾತಿ ।
ತಾವತ್ಕಥಮುಪಶಾನ್ತೇಃ ಪಾತ್ರಂ ಪ್ರಭವೇಚ್ಛುಕಾದಿತುಲ್ಯೋಽಪಿ ॥ 2 ॥
ಚರತಾಮಕ್ಷಾಶ್ವಾನಾಂ ರೂಪಪ್ರಮುಖೇಷು ವಿಷಮವಿಷಯೇಷು ।
ದೋಷವಿಮರ್ಶಕಶಾಹತಿಮಕುರ್ವತಃ ಸ್ಯಾತ್ಕಥಂ ಶಾನ್ತಿಃ ॥
ತತ್ತ್ವಾವಬೋಧಮಣಿವರಭೂಷಣಹೀನಂ ಯದೀಯಹೃದಯಂ ಸ್ಯಾತ್ ।
ಕಥಮುಪಶಾನ್ತಿರ್ವೃಣುಯಾತ್ತಂ ಪುರುಷಂ ಸಾದರಂ ಲೋಕೇ ॥ 4 ॥
ನಕ್ತನ್ದಿವಂ ಪರಾಚಿ ಪ್ರವಣಸ್ವಾನ್ತಸ್ಯ ದೇಹಸಕ್ತಧಿಯಃ ।
ಕಥಮುಪಶಾನ್ತಿಃ ಪುಂಸಃ ಪ್ರಭವೇದಪಿ ಕಲ್ಪಕೋಟಿಶತೈಃ ॥ 5 ॥
ಯೋಗಾಖ್ಯಗಾರುಡಮನುಪ್ರವರೇಣ ಕೃತೋ ನ ಯೇನ ರದಭಂಗಃ ।
ತೃಷ್ಣಾಕೃಷ್ಣಭುಜಂಗ್ಯಾಃ ಕಥಮುಪಶಾನ್ತಿರ್ಭವೇತ್ತಸ್ಯ ॥ 6 ॥
ಸುತಗೇಹಮಿತ್ರತರುಣೀಪ್ರಭೃತಿಷು ಯಸ್ಯಾಸ್ತಿ ದೃಢತರಃ ಸ್ನೇಹಃ ।
ಸ ಕಥಮುಪಶಾನ್ತಿವಿಷಯಾಮಪಿ ಗಾಥಾಂ ಗಾತುಮೀಶ್ವರಃ ಸ್ಯಾದ್ಭೋ ॥ 7 ॥
ಸನ್ತ್ಯಜತಿ ನೈವ ಕರ್ಮಾಣ್ಯಖಿಲಾನ್ಯವಿಗೀತಮಾರ್ಗೇಣ ।
ಸಶಿಖಂ ಚ ಯಜ್ಞಸೂತ್ರಂ ಯಃ ಸ ಕಥಂ ಶಾನ್ತಿಭಾಜನಂ ಪ್ರಭವೇತ್ ॥ 8 ॥
ಇತಿ ಶೃಂಗೇರಿ ಶ್ರೀಜಗದ್ಗುರು ಶ್ರೀಸಚ್ಚಿದಾನನ್ದಶಿವಾಭಿನವನೃಸಿಂಹ-
ಭಾರತೀಸ್ವಾಮಿಭಿಃ ವಿರಚಿತಂ ಉಪಶಾನ್ತ್ಯಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Upashantyashtakam Lyrics in Sanskrit » English » Bengali » Gujarati » Malayalam » Odia » Telugu » Tamil