॥ Sadashiva Ashtakam Odia Lyrics ॥
॥ ସଦାଶିଵାଷ୍ଟକମ୍ ॥
ପତଞ୍ଜଲିରୁଵାଚ –
ସୁଵର୍ଣପଦ୍ମିନୀ-ତଟାନ୍ତ-ଦିଵ୍ୟହର୍ମ୍ୟ-ଵାସିନେ
ସୁପର୍ଣଵାହନ-ପ୍ରିୟାୟ ସୂର୍ୟକୋଟି-ତେଜସେ ।
ଅପର୍ଣୟା ଵିହାରିଣେ ଫଣାଧରେନ୍ଦ୍ର-ଧାରିଣେ
ସଦା ନମଶ୍ଶିଵାୟ ତେ ସଦାଶିଵାୟ ଶଂଭଵେ ॥ ୧ ॥
ସତୁଙ୍ଗ ଭଙ୍ଗ ଜହ୍ନୁଜା ସୁଧାଂଶୁ ଖଣ୍ଡ ମୌଳୟେ
ପତଙ୍ଗପଙ୍କଜାସୁହୃତ୍କୃପୀଟୟୋନିଚକ୍ଷୁଷେ ।
ଭୁଜଙ୍ଗରାଜ-ମଣ୍ଡଲାୟ ପୁଣ୍ୟଶାଲି-ବନ୍ଧଵେ
ସଦା ନମଶ୍ଶିଵାୟ ତେ ସଦାଶିଵାୟ ଶଂଭଵେ ॥ ୨ ॥
ଚତୁର୍ମୁଖାନନାରଵିନ୍ଦ-ଵେଦଗୀତ-ଭୂତୟେ
ଚତୁର୍ଭୁଜାନୁଜା-ଶରୀର-ଶୋଭମାନ-ମୂର୍ତୟେ ।
ଚତୁର୍ଵିଧାର୍ଥ-ଦାନ-ଶୌଣ୍ଡ ତାଣ୍ଡଵ-ସ୍ଵରୂପିଣେ
ସଦା ନମଶ୍ଶିଵାୟ ତେ ସଦାଶିଵାୟ ଶଂଭଵେ ॥ ୩ ॥
ଶରନ୍ନିଶାକର ପ୍ରକାଶ ମନ୍ଦହାସ ମଞ୍ଜୁଲା
ଧରପ୍ରଵାଳ ଭାସମାନ ଵକ୍ତ୍ରମଣ୍ଡଲ ଶ୍ରିୟେ ।
କରସ୍ପୁରତ୍କପାଲମୁକ୍ତରକ୍ତ-ଵିଷ୍ଣୁପାଲିନେ
ସଦା ନମଶ୍ଶିଵାୟ ତେ ସଦାଶିଵାୟ ଶଂଭଵେ ॥ ୪ ॥
ସହସ୍ର ପୁଣ୍ଡରୀକ ପୂଜନୈକ ଶୂନ୍ୟଦର୍ଶନାତ୍-
ସହସ୍ରନେତ୍ର କଲ୍ପିତାର୍ଚନାଚ୍ୟୁତାୟ ଭକ୍ତିତଃ ।
ସହସ୍ରଭାନୁମଣ୍ଡଲ-ପ୍ରକାଶ-ଚକ୍ରଦାୟିନେ
ସଦା ନମଶ୍ଶିଵାୟ ତେ ସଦାଶିଵାୟ ଶଂଭଵେ ॥ ୫ ॥
ରସାରଥାୟ ରମ୍ୟପତ୍ର ଭୃଦ୍ରଥାଙ୍ଗପାଣୟେ
ରସାଧରେନ୍ଦ୍ର ଚାପଶିଞ୍ଜିନୀକୃତାନିଲାଶିନେ ।
ସ୍ଵସାରଥୀ-କୃତାଜନୁନ୍ନଵେଦରୂପଵାଜିନେ
ସଦା ନମଶ୍ଶିଵାୟ ତେ ସଦାଶିଵାୟ ଶଂଭଵେ ॥ ୬ ॥
ଅତି ପ୍ରଗଲ୍ଭ ଵୀରଭଦ୍ର-ସିଂହନାଦ ଗର୍ଜିତ
ଶ୍ରୁତିପ୍ରଭୀତ ଦକ୍ଷୟାଗ ଭୋଗିନାକ ସଦ୍ମନାମ୍ ।
ଗତିପ୍ରଦାୟ ଗର୍ଜିତାଖିଲ-ପ୍ରପଞ୍ଚସାକ୍ଷିଣେ
ସଦା ନମଶ୍ଶିଵାୟ ତେ ସଦାଶିଵାୟ ଶଂଭଵେ ॥ ୭ ॥
ମୃକଣ୍ଡୁସୂନୁ ରକ୍ଷଣାଵଧୂତଦଣ୍ଡ-ପାଣୟେ
ସୁଗନ୍ଧମଣ୍ଡଲ ସ୍ଫୁରତ୍ପ୍ରଭାଜିତାମୃତାଂଶଵେ ।
ଅଖଣ୍ଡଭୋଗ-ସମ୍ପଦର୍ଥଲୋକ-ଭାଵିତାତ୍ମନେ
ସଦା ନମଶ୍ଶିଵାୟ ତେ ସଦାଶିଵାୟ ଶଂଭଵେ ॥ ୮ ॥
ମଧୁରିପୁ-ଵିଧି ଶକ୍ର ମୁଖ୍ୟ-ଦେଵୈରପି ନିୟମାର୍ଚିତ-ପାଦପଙ୍କଜାୟ ।
କନକଗିରି-ଶରାସନାୟ ତୁଭ୍ୟଂ ରଜତ ସଭାପତୟେ ନମଶ୍ଶିଵାୟ ॥ ୯ ॥
ହାଲାସ୍ୟନାଥାୟ ମହେଶ୍ଵରାୟ ହାଲାହଲାଲଂକୃତ କନ୍ଧରାୟ ।
ମୀନେକ୍ଷଣାୟାଃ ପତୟେ ଶିଵାୟ ନମୋ-ନମସ୍ସୁନ୍ଦର-ତାଣ୍ଡଵାୟ ॥ ୧୦ ॥
॥ ଇତି ଶ୍ରୀ ହାଲାସ୍ୟମାହାତ୍ମ୍ୟେ ପତଞ୍ଜଲିକୃତମିଦଂ ସଦାଶିଵାଷ୍ଟକମ୍ ॥
– Chant Stotra in Other Languages –
Sri Siva Slokam » Sri Sadashiva Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil