॥ Sri Svapnavilasamritashtakam Malayalam Lyrics ॥
ശ്രീസ്വപ്നവിലാസാമൃതാഷ്ടകം
പ്രിയേ ! സ്വപ്നേ ദൃഷ്ടാ സരിദിനസുതേവാത്ര പുലിനം
യഥാ വൃന്ദാരണ്യേ നടനപടവസ്തത്ര ബഹവഃ ।
മൃദങ്ഗാദ്യം വാദ്യം വിവിധമിഹ കശ്ചിദ്ദ്വിജമണിഃ
സ വിദ്യുദ്ഗൌരാങ്ഗഃ ക്ഷിപതി ജഗതീം പ്രേമജലധൌ ॥ 1 ॥
കദാചിത്കൃഷ്ണേതി പ്രലപതി രുദന്‍ കര്‍ഹിചിദസൌ
ക്വ രാധേ ഹാ ഹേതി ശ്വസിതി പതതി പ്രോഞ്ഝതി ധൃതിം ।
നടത്യുല്ലാസേന ക്വചിദപി ഗണൈഃ സ്വൈഃ പ്രണയിഭി-
സ്തൃണാദിബ്രഹ്മാന്തം ജഗദതിതരാം രോദയതി സഃ ॥ 2 ॥
തതോ ബുദ്ധിര്‍ഭ്രാന്താ മമ സമജനി പ്രേക്ഷ്യ കിമഹോ
ഭവേത്സോഽയം കാന്തഃ കിമയമഹമേവാസ്മി ന പരഃ ।
അഹം ചേത്ക്വ പ്രേയാന്‍മമ സ കില ചേത്ക്വാഹമിതി മേ
ഭ്രമോ ഭൂയോ ഭൂയാനഭവദഥ നിദ്രാം ഗതവതീ ॥ 3 ॥
പ്രിയേ ! ദൃഷ്ട്വാ താസ്താഃ കുതുകിനി മയാ ദര്‍ശിതചരീ
രമേശാദ്യാ മൂര്‍തീര്‍ന ഖലു ഭവതീ വിസ്മയമഗാത് ।
കഥം വിപ്രോ വിസ്മാപയിതുമശകത്ത്വാം തവ കഥം
തഥാ ഭ്രാന്തിം ധത്തേ സ ഹി ഭവതി കോ ഹന്ത കിമിദം ॥ 4 ॥
ഇതി പ്രോച്യ പ്രേഷ്ഠാം ക്ഷണമഥ പരാമൃഷ്യ രമണോ
ഹസന്നാകൂതജ്ഞം വ്യനുദദഥ തം കൌസ്തുഭമണിം ।
തഥാ ദീപ്തം തേനേ സപദി സ യഥാ ദൃഷ്ടമിവ ത-
ദ്വിലാസാനാം ലക്ഷ്മം സ്ഥിരചരഗണൈഃ സര്‍വമഭവത് ॥ 5 ॥
വിഭാവ്യാഥ പ്രോചേ പ്രിയതമ മയാ ജ്ഞാതമഖിലം
തവാകൂതം യത്ത്വം സ്മിതമതനുഥാസ്തത്ത്വമസി സഃ ।
സ്ഫുടം യന്‍ നാവദീര്യദഭിമതിരത്രാപ്യഹമിതി
സ്ഫുരന്തീ മേ തസ്മാദഹമപി സ ഏവേത്യനുമിമേ ॥ 6 ॥
യദപ്യസ്മാകീനം രതിപദമിദം കൌസ്തുഭമണിം
പ്രദീപ്യാത്രൈവാദീദൃശദഖിലജീവാനപി ഭവാന്‍ ।
സ്വശക്ത്യാവിര്‍ഭൂയ സ്വമഖിലവിലാസം പ്രതിജനം
നിഗദ്യ പ്രേമാബ്ധൌ പുനരപി തദാധാസ്യസി ജഗത് ॥ 7 ॥
യദുക്തം ഗര്‍ഗേണ വ്രജപതിസമക്ഷം ശ്രുതിവിദാ
ഭവേത്പീതോ വര്‍ണഃ ക്വചിദപി തവൈതന്‍ ന ഹി മൃഷാ ।
അതഃ സ്വപ്നഃ സത്യോ മമ ച ന തദാ ഭ്രാന്തിരഭവത്
ത്വമേവാസൌ സാക്ഷാദിഹ യദനുഭൂതോഽസി തദൃതം ॥ 8 ॥
പിബേദ്യസ്യ സ്വപ്നാമൃതമിദമഹോ ചിത്തമധുപഃ
സ സന്ദേഹസ്വപ്നാത്ത്വരിതമിഹ ജാഗര്‍തി സുമതിഃ ।
അവാപ്തശ്ചൈതന്യം പ്രണയജലധൌ ഖേലതി യതോ
ഭൃശം ധത്തേ തസ്മിന്നതുലകരുണാം കുഞ്ജനൃപതിഃ ॥ 9 ॥
ഇതി ശ്രീവിശ്വനാഥചക്രവര്‍തിഠക്കുരവിരചിതസ്തവാമൃതലഹര്യാം
ശ്രീസ്വപ്നവിലാസാമൃതാഷ്ടകം സമ്പൂര്‍ണം ।
– Chant Stotra in Other Languages –
Sri Svapnavilasamritashtakam Lyrics in Sanskrit » English » Bengali » Gujarati » Kannada » Odia » Telugu » Tamil